Katipanan

Gozos

Nagtindog an Ina nin Dios

Duman sa may poon sa Cruz

Cami simong kaheracan

O Vergin nin Katipanan

Nagtindog an Ina nin dios

Duman sa may poon kan Cruz

Mga luha nagbubulos

Kan na papako si Hesus

Di masasabing kasakitan

Tinios nin Inang Mahal

Kami simong Kaheracan

Oh Vegin nin katipanan

Labing dusa labing sakit

Horasa na dae maisip

Luhang labi labing pait

Dalitang mayong kaagid

Iyo an pinag-agihan

Ni Vergin Ina tang tunay

Kami simong kaheracan

Oh Vergin nin Katipanan

An kalag na malipongaw

Pinanlagbasan nin punal

Di mahimong macataram

Si dila garong ginacdan

Sa labing caharasaan

Luha lang pinadalahay

Kami simong kaheracan

Oh Vergin nin Katipanan

Ginhawa mapatod haros

Can mamondong Ina nin dios

Sa sakit na daing tapos

Can guinaha niya tinios

Dikit pang matalugagdan

An Inang nasasakitan

Kami simong kaheracan

Oh Vergin nin Katipanan

Si Maria sinabihan

Con aki niyang naghingagdan

Uya an aki mong tunay

Ni Juan na saiyang pinsan

Suminalingoy ki San Juan

Ina ipinagtugon man

Kami simong kaheracan

Oh Vergin nin Katipanan

Ominagrangay si Jesus

Sa saiyang Amang Dios

Iniho ngane nadangog

Ni Maria na maimbod

An herac daing capantay

Ni Virgen na panong ugay

Kami simong kaheracan

Oh Vergin nin Katipanan

Ining kinaban nagdiklom

Nagkikilat nagdagoldol

Si linog daing pagtonong

Langit daga mamundoon

Si Cristo liwat nagtaram

Napapaha iyong olay

Kami simong kaheracan

Oh Vergin nin Katipanan

Nagtangis mataodtaod

Luha sa pisnge nagsolog

Macuring sakit tinios

Can satuyang paratubos

An payo niya tuminonglay

Iyo na si pagcagadan

Kami simong kaheracan

Oh Vergin nin Katipanan

Hilngon niato an luha

Can nagtatangis na Ina

Di masabi an horasa

Pagkagadan kan guinaha

Sa saiyang pagkagadan

Nabuksan an kalangitan

Kami simong kaheracan

Oh Vergin nin Katipanan

Nin duwa catawong banal

Tinangal idtong bankay

Can aki na sinanglitan

Ni Virgen na malipongaw

Nagtangis nanambitan

Si Luha nagdadalahay

Kami simong kaheracan

Oh Vergin nin Katipanan

Sa linti, sa damat linog

Sa helang bagyong macusog

Pagkaligis pagkalunod

Sa mga tawong maraot

Cami saimong ilicay

O Virgen panong ugay

Kami simong kaheracan

Oh Vergin nin Katipanan

Sa linog na macusugon

An banwaan mo agawon

Sa giraray rinoromdom

Katipanan can panahon

Daan na capanugaan

Inootob sa giraray

Kami simong kaheracan

Oh Vergin nin Katipanan