Fatima

Gozos

An mamurawayon tang Ina

Nagpahiling sa Fatima
Aroaldaw mangadjie kita
Kan Rosario ni Maria

An tolong personang hayag

Nin Santisima Trinidad
Naglalang nin sarong burac
Si Virgen inang mapalad
Tara ining azucina
Nag-alimio sa Fatima

Aroaldaw mangadjie kita

Kan Rosario ni Maria

Mga pusong sinanglitan

Nin mag-inang mamuraway
Jesus Maria an ngaran
Satuya na paalawan
Ini ngani sindang duwa
Nagpahiling sa Fatima

Aroaldaw mangadjie kita

Kan Rosario ni Maria

An pamayo kan simbahan

Si Binidictong paladan
Ominapod ominarang
Sa reyna nin kalangitan
Si tingog kan Santo
Papa an sinimbag sa Fatima
Aroaldaw mangadjie kita
Kan Rosario ni Maria

Tolong aki na mapalad

Mga malinig na kalag
Nin hayop nagpapasabsab
Sa mahiwason na langtad
Si pigpasabsab ninda
Na Sakop nin Fatima

Aroaldaw mangadjie kita

Kan Rosario ni Maria

Pagkatapos nin pagkakan

Siring sa pinagtotodan
Nagpangadjie sindang anan
Kan Rosario na mabansay
Dangan pinadagos ninda
Si pagkawat sa Fatima

Aroaldaw mangadjie kita

Kan Rosario ni Maria

Sa langit na maliwanag
Sa masagana makintab
Luminuwas suminilyab
May nagbangraw sa kikilat
Sinunod nin saro pang
Kikilat sa Fatima

Aroaldaw mangadjie kita

Kan Rosario ni Maria

Huli sa makuring takot

Kan tolong aking maimbod
Tinipon so mga hayop
Ta Maputi an saboot
Alagad igwang nakita
Na senyora sa Fatima

Aroaldaw mangadjie kita

Kan Rosario ni Maria

Sa maputing panganuron
Ibabaw nin sarong kahoy
May babaeng magayunon
Mayong kasugad sa kahoy
Ini nangyari talaga
Sa nayon nin Fatima

Aroaldaw mangadjie kita

Kan Rosario ni Maria

Sa gubing niyang mapution

Kasugad iyo an ablon
Si Manto niya magayunon
Sa daghan niya may bituon
Ini nangyaring maogma
Sa bayan nin Fatima

Aroaldaw mangadjie kita

Kan Rosario ni Maria

Kinaban nasa panganib

Huli sa salang balakid
Kaya sa daga naghilig
An sarong Ina sa langit
May walat na pahatod
Sato duman sa Fatima
Aroaldaw mangadjie kita
Kan Rosario ni Maria

An pahatod na tinodan
Kita pinapatanidan
Magsolsol asin magholaw
Magbakli nin pagkabuhay
Guibuhon niya mong maogma
An paghatod sa Fatima

Aroaldaw mangadjie kita

Kan Rosario ni Maria

Sinasadol kita ngani

Na magbago nin ugali
Aldaw banggui magpamibi
Kan Rosario magpangadje
Ini an itinugon niya
Sato duman sa Fatima

Aroaldaw mangadjie kita

Kan Rosario ni Maria

An paghatod nin pagsarig

Na maligtas sato ngapit
Dinara hali sa langit
Digdi sa daga hinilig
Asin duman pinakita
Sa nayon nin Fatima

Aroaldaw mangadjie kita

Kan Rosario ni Maria

O Virgen na panong ugay

Kabuhayan kahamisan
Di mo kami pabayaan
Sa pag-alaman ilikay
Mantang nagpahiling ika
Samo duman sa Fatima

Aroaldaw mangadjie kita

Kan Rosario ni Maria

Asin ngapit kan matapos

An luha mi na pagbulos
Ipakita mong padagos
An simong aking si Jesus
Mantang nagpahiling ika
Samo duman sa Fatima

Aroaldaw mangadjie kita

Kan Rosario ni Maria

An mamurawayon tang Ina

Nagpahiling sa Fatima
Aroaldaw mangadjie kita
Kan Rosario ni Maria