Pangalan ng Proyekto: Paggawa ng Lamp Shade (Recycled)
Layunin: 1. Maipakita ang tamang paraan ng paggawa ng Lampshade. 2. Mapanatili ang seguridad at kaligtasan sa paggawa.
Guhit/Ilustrasyon
Mga Kagamitan at mga Materyales:
folder bombilya bote ng 1.5 na softdrink receptacle pebbles o maliliit na bato switch barbecue stick side cutter stranded wire #20 (1 metro) Philips screwdriver glue stick scotch tape/double side tape Pamamaraan:
1. Kumuha ng malinis na bote ng 1.5 softdrink. Hiwain ang taas na bahagi ng
bote para lumaki ang butas. Lagyan ng mga pebbles o maliliit na bato ang loob na magsisilbing pabigat upang hindi matumba ang stand ng lamp shade. 2. Gupitin ang bawat gilid ng folder para ito ay magpantay. Pagkatapos, pagdikitin ang dalawang magkabilang dulo. Ito ay maghuhugis cylinder. Maaaring lagyan ito ng disenyo. 3. Tanggalin ang turnilyo sa takip ng swits upang mabuksan ito. May dalawang turnilyo sa loob nito na magsisilbing dugtungan ng pinutol na linya ng kuryente upang maging sindihan o patayan ng ilaw. Sukatin ang kabuuang haba ng wire. Sa gitnang bahagi nito, paghiwalayin at putulin ang isa sa dalawang strand ng wire. Ikabit sa magkabilang turnilyo ang magkabilang dulo ng pinutol na strand ng wire. Siguraduhing ang kabilang strand ng wire ay buo pa rin. Muling ikabit ang takip ng swits. 4. Makikitang may tig-dalawang pares ng linya ng wire sa magkabilang dulo. Ang isang pares ng dulo ng wire ay ikakabit sa kabitan ng ilaw o bulb receptacle. Balatan ang parehong dulo ng wire at idugtong sa magkabilang wire ng bulb receptacle. Higpitan ang turnilyo. Sa kabilang dulo ay ikabit naman ang plug na siyang isinasaksak sa wall socket. Magkapareho lang ang proseso nito sa pagkakabit sa bulb receptacle. 5. Idugtong ang wire galing sa swits papunta sa receptable at ang isa pang kabitan ng receptacle ay lagyan ng wire papunta sa isang wire ng line cord. Pagkabitin ito. 6. Ikabit ang receptacle sa unahang bahagi ng bote at ikabit ang bombilya. 7. Kunin ang folder na hugis cylinder. Ikabit ito sa ibabaw ng bote, maglagay ng tamang distansiya nang hindi dumikit dito ang bombilya. 8. Bago gamitin siguraduhin muna na malinis ang pinaggawaan upang maiwasan ang aksidente. Patayin muna ang swits bago isaksak. Paganahin na ang lampshade.