Pambungad na Panalangin:

Tanda ng Krus
Panginoong Hesukristo, habang kami’y nagtitipon dito ngayon upang pagnilayan ang iyong
Misteryong Pampaskuwa, pagkalooban mo kaming lahat ng biyaya na kasuklaman ang kasalanan
tulad ng iyong ginawa at gugulin ang aming buhay para sa aming kapwa ayon sa iyong halimbawa.
Sa gayon, kami ay maaring makibahagi hindi lamang sa iyong paghihirap, kundi maging sa iyo ring
Muling Pagkabuhay. Ikaw na nabubuhay at naghahari magpakailanman.
Amen.
Pang wakas na Panalangin:
Panalangin para sa Intensyon ng Santo Papa
Ama Namin…
Aba, Ginoong Maria..
Luwalhati..
Pangwakas na Panalangin:
Makapangyarihan at walang hanggang Diyos, namatay at matagumpay na muling nabuhay ang
Iyong Bugtong na Anak para iligats kami sa aming mga kasalanan.
Sa Iyong kabutihan, muli mong buhayin ang Iyong mga tapat na nananampalataya upang makiisa sa
kanya sa buhay na walang hanggang sa langit, kung saan nabubuhay siya at naghahari kasama Mo at
ng Espiritu Santo magpasawalang hanggan. Amen
Sumaatin at manatili nawa ang pagpapala ng Makapangyarihang Diyos: Ama, Anak at Espiritu
Santo. Amen.
 UNANG ISTASYON
ANG HULING HAPUNAN
NAMUMUNO: Sinasamba at pinupuri Ka naming, O Panginoong Hesukristo
LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.
EBANGHELYO (Mateo 26:26-29)
Tagabasa: (26) Habang sila’y kumakain, dumampot si Hesus ng tinapay, at matapos
magpasalamat sa Diyos ay pinaghati-hati niya iyon, ibinigay sa mga alagad at sinabi…
Hesus: “Kunin ninyo ito at kainin. Ito ang aking katawan.”
Tagabasa: (27) Pagkatapos, dumampot siya ng kopa, nagpasalamat sa Diyos at ibinigay iyon sa
kanila. Sinabi niya…
Hesus: “Uminom kayong lahat nito (28) sapagkat ito ang aking dugo; pinapagtibay nito ang tipan
ng Diyos. Ang aking dugo ay mabubuhos para sa kapatawaran ng kasalanan ng marami, (29)
Sinasabi ko sa inyo, hinding hindi na ako iinom nitong alak na mula sa ubas hanggang sa araw na
ako’y muling uminom nito na kasalo sa kaharian ng Ama.”
PANALANGIN:
Panginoong Hesus, minahal mo kami nang lubus-lubusan, minahal mo kami hanggang sa katapusan.
Ikaw ay nananatili sa Eukaristiya upang maging pagkain at inuming nagbibigay buhay na walang
hanggan. Nananatili ka sa aming piling upang maging patuloy na palatandaan ng nagliligtas na
pananatili ng Diyos sa lahat ng sandali n gaming buhay.
Patawarin Mo kami, Panginoon sa lahat ng sandal na kami ay hindi nagpapahalaga sa iyong
paghahandog sa amin ng iyong sarili at sa iyong mapagmahal na pananahan sa Banal na Eukaristiya.

LAHAT:
Ama Namin..
Aba Ginoong Maria..
Luwalhati..
 IKALAWANG ISTASYON
ANG PANALANGIN NI HESUS SA HALAMAN NG GETSEMANI

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.
EBANGHELYO (Lucas 22:39-43)
Tagabasa: (39) Gaya ng kanyang kinagawian, umalis si Hesus at nagpunta sa Bundok ng mga
Olibo kasama ang mga alagad. (40) Pagdating doo’y sinabi niya sa kanila,
Hesus: “Manalangin kayo upang hindi kayo madaig ng tukso.”
Tagabasa: (41) Lumayo siya sa kanila, mga isang pukol ng bato ang layo, at doo’y lumuhod at
nanalangin. (42) Sabi niya,
Hesus: “Ama, kung maaari po ay ilayo mo sa akin ang kopang ito, ngunit huwag ang kalooban ko
ang masunod, kundi ang kalooban mo”.
Tagabasa: (43) Nagpakita sa kanya ang isang anghel mula sa langit at pinalakas ang loob niya.
PANALANGIN:
Mahaba ta kakila-kilabot ang gabing iyon, Panginoon. Ni isa sa iyong mga alagad ay nagkaroon ng
lakas na samahan ka sa iyong pagdurusa. Ang tanging lakas mo ay ang iyong matibay na hangaring
tuparin ang kalooban ng Ama, maging anuman ang halaga.
Patuloy kang mag-isang nagdurusa, maging hanggang sa kasalukuyan, sa kalungkutan ng mga
walang kaibigan, ng mga walang tahanan, ng mga walang kinabukasan. Puno ang aming lipunan ng
katulad nila, ngunit patuloy kaming nagkukunwaring walang malay at natutulog habang sila ay
namamatay na biktima ng kapabayaan.

LAHAT:
Ama Namin..
Aba Ginoong Maria..
Luwalhati..
 IKATLONG ISTASYON
SI HESUS SA HARAP NG SANEDRIN

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan
EBANGHELYO (Marco 14:55-64)
Tagabasa: (55) Ang mga punong pari at buong Sanedrin ay naghahanap ng maipaparatang
kay Hesus upang siya’y maipapatay, ngunit wala silang Makita. (56) Marami ngang saksi ang
nagsasabi ng kasinungalingan laban sa kanya, ngunit hindi naman nagkakaisa ang kanilang
mga patotoo. (57) May ilang sumaksi ng kasinungalingan laban sa kanya,
Saksi: (58) “Narinig naming sinabi ng taong iyan, Gigibain ko ang templong ito na gawa ng tao at
sa loob ng tatlong araw ay magtatayo ako ng iba na di gawa ng tao.”
Tagabasa: (59) Ngunit hindi pa rin nagkaisa ang kanilang mga patotoo. (60) Tumayo ang
pinaka punong pari sa harap ng kapulungan at tinanong si Hesus,….
Punong pari: “Wala ka bang isasagot sa paratang nila sa iyo?”
Tagabasa: (61) Ngunit hindi umimik si Hesus at hindi sumagot ng anuman. Muli siyang
tinanong ng pinakapunong pari,
Punong pari: “Ikaw nga ba ang Kristo, ang Anak ng Mapagpalang Diyos?”
Hesus: (62) Sumagot si Hesus “Ako nga, makikita ninyo ang Anak ng tao na nakaupo sa kanan ng
Makapangyarihan sa lahat. Makikita rin ninyo siyang dumarating na nasa alapaap ng kalangitan”
Tagabasa: (63) Pinunit ng pinakapunong pari ang kanyang kasuotan at sinabi
Punong pari: “Hindi na natin kailangan pa ng mga saksi! (64)Narinig ninyo ang kanyang
paglalapastangan sa Diyos!” Ano ang inyong desisyon?”
Tagabasa: At nagkaisa silang lahat na hatulan siya ng kamatayan.
PANALANGIN:
Panginoong Hesukristo, ikaw ang hukom ng sangkatauhan, ngunit tinanggap mong litisin ng mga
hukom na di makatarungan. Ikaw ang pinakabanal, tanging walang sala sa daigdig, ngunit tiniis mo
ang pagpaparatang ng mga sutil na makasalanan.
Patuloy pa rin ang walang katarungang paglilitis na inuulit sa bawat di makatarungang paghatol
kung saan pinarurusahan ang mga walang sala at pinalalaya ang may sala. Ikaw pa rin ang biktima
ng ganitong kawalan katarungan laban sa mga mahihina, mga walang lakas na ipagtanggol ang sarili
at ang mga walang tinig sa lipunan. Sa kanila, patuloy kang nabubuhay at nagdudurusa.
LAHAT:
Ama Namin..
Aba Ginoong Maria..
Luwalhati..
 IKA-APAT NA ISTASYON
ANG PAGHAMPAS AT PAGPATONG NG KORONANG TINIK

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Mateo 27:27-30)

Tagabasa: (27) Si Hesus ay dinala ng mga kawal ng gobernador sa palasyo ng gobernador, at
nagkatipon ang buong batalyon sa paligid niya. (28) Siya’y hinubaran nila at sinuotan ng isang
balabal na matingkad na pula. (29) Kumuha sila ng sangang matinik, ginawa itong korona at
ipinutong sa kanya. Pagkatapos, pinahawak sa kanyang kanang kamay ang isang tangkay ng
tambo. Siya’y ininsulto nila, niluhud luhuran at kinutya ng ganito,
Kawal: “Mabuhay ang Hari ng mga Hudyo!”
Tagabasa: (30) Siya’y pinagdurduraan pa nila. kinuha nila ang tambo at ito’y hinampas sa
kanyang ulo.

PANALANGIN:
Natangay sa sulsol ng iyong mga kaaway ang malaking pulutong kaya’t ninais nilang ikaw ay
ipapatay, mahal na Hesus. At hindi rin naisip ni Pilato na mahalagang panindigan ang katarungan at
ipagtanggol ang iyong pagiginmg walang sala. Kaya’t nagtagumpay ang mga hibang. Gayundin
naman ang mga kawal na Romano, habang binatbat nila ng sugat ang iyong katawan at pinutungan
ang iyong ulo ng koronang tinik at pag aalipusta.
Ngunit hindi ka man lamang dumaing. Tiniis mong lahat iyon, tulad ng isang maamong tupang
kakatayin; walang imik tulad ng milyun milyong mga simpleng taong pinag sasamantalahan, inaapi
ng mga halang ang kalooban, habang marami sa amin ang nagbubulag bulagan sa harap ng walang
pakundangang paglapastangan sa katarungan.
LAHAT:
Ama Namin..
Aba Ginoong Maria..
Luwalhati..
 IKALIMANG ISTASYON
ANG PAGPASAN NI HESUS NG KRUS

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Mateo 27:27-31)

Tagabasa: (31) Matapos kutyain, hinubad nila ang balabal at muling sinuotan ng sarili niyang
damit, pagkatapos ay inilabas siya upang ipako sa krus.
PANALANGIN:
Minamahal kong Panginoon, ang krus ay siyang parusa para sa mga kriminal at mga
manghihimagsik. Sino ang maniniwala na ipinatong ito sa balikat ng Anak ng Diyos, ang puno ng
lahat ng kabanalan at kabutihan? Sa kabila ng lahat, tinanggap mo ito nang buong kababaang-loob
sapagkat alam mo na ito lamang ang paraan upang kami ay mailigtas sa walang hanggang
kaparusahan.
Krus naming ang krus sa tinanggap mong pasanin-ang krus ng aming mga kasalanan, ang krus ng
aming mga kahinaan, ng aming mga pagkasira ng loob, ng aming mga pagkabigo at ng aming
kasamaan. Hanggang sa araw na ito, pasan ng mga walang malay na kalalakihan, kababaihan at
kabataan ang krus ng mga pagkakamali, kasakiman, pagmamataas at kahalayan.
Ipagkaloob mo sa amin, mahal na Panginoon, ang biyayang di kailan man magbigay ng mga pasanin
sa aming kapwa dahil sa aming mga pagkukulang. Magiting nawa naming pasanin kasama mo ang
krus ng aming mga pang araw araw na tungkulin.
LAHAT:
Ama Namin..
Aba Ginoong Maria..
Luwalhati..
 IKA-ANIM NA ISTASYON
ANG PAGKADAPA NI HESUS

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Isaias 53:5-7)

Tagabasa: (5) Ngunit dahil sa ating mga kasalanan kaya siya ay nasagutan; siya ay binugbog
dahil sa ating kasamaan. Tayo ay gumaling dahil sa pahirap na dinanas niya at sa mga hampas
na kanyang tinanggap. (6) Tayong lahat ay tulad ng mga tupang naliligaw; nagkanya kanya
tayo ng lakad. Ngunit ipinataw ng Panginoon sa kanya ang kaparusahang tayo dapat ang
tumatanggap.(7) “Siya ay binugbog at pinahirapan, ngunit hindi kumibo kahit isang salita;
tulad ng tupang nakatakdang patayin, parang korderong hindi tumutol kahit na gupitan at
hindi umimik kahit kaunti man.”
PANALANGIN:
Di malayo ang kalbaryo mula sa pretoryo, iilang daang metro lamang. Ngunit natagalan ka
Panginoon, na tahakin ang daang iyon, hirap na hirap at bigung bigong umaasang may tutulong.
Matagal nang naglaho ang iyong lakas. Lubak lubak ang daan. Malupit ang mga tao. Pabigat nang
pabigat ang krus hanggang di mo na ito makayanan at ikaw ay nalugmok na sa lupa. Tulad mo,
Panginoon, napakarami sa amin ang nadarapa at napapasubasob dito sa mahirap na daan ng krus ng
buhay dahil sa mga pagsubok at kabiguang dumadagok sa amin. Kapag kami ay nadarapa at
nalulugmok, Panginoon, tulungan mo kami.
At kapag hindi na kayang pasanin ng aming mga kapatid ang maraming pagsubok na dumarating,
Panginoon, pagkalooban mo kami ng pusong mahabagin upang kami ay di na makabigat pa sa
kanilang pasanin.
LAHAT:
Ama Namin..
Aba Ginoong Maria..
Luwalhati..
 IKA-PITO NA ISTASYON
ANG PAGPASAN NI SIMON NG CIRENE NG KRUS NI HESUS

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Mateo 27:32)

Tagabasa: (32) Paglabas ng lungsod, nakita ng mga sundalo si Simon na taga Cirene. Pilit
nilang ipinapasan sa kanya ang krus ni Hesus.
PANALANGIN:
Napadaan lamang si Simon habang pauwi na siya mula sa bukid. Napilitan siyang mag iba ng
landas, isang paglihis na nagbago ng takbo ng kanyang buhay. Napilitang pasanin ang iyong krus,
siya man ay biktima ng pang aapi at kawalan ng katarungan. Naranasan niya ang iyong sakit,
Panginoon, kung kaya’t natuklasan niya ang ibig sabihin ng buhay, kapag nagnanais na tumulong sa
kapwa.
Magsugo ka pa ng maraming tulad ni Simon ng Cirene, Panginoon. Padalhan mo kami ng mga taong
may lakas ng loob upang pasanin ang krus ng iba nang may pakikiisa at pagtitiyaga tulad ng
magkakapatid. Gawin mo kaming tulad ni Simon, Panginoon. Bigyan mo kami ng lakas at
kagandahang loob ng na madamayan, sapagkat ang aming lipunan ay puno ng nagdurusang Kristo
na hindi na makaagapy sa bigat ng kanilang pasang krus na may iba’t ibang hugis at bigat.
LAHAT:
Ama Namin..
Aba Ginoong Maria..
Luwalhati..
 IKA-WALONG ISTASYON
ANG MGA KABABAIHAN NG JERUSALEM

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Lucas 23:27-31)

Tagabasa: (27) Sinusundan si Hesus ng maraming tao, kabilang ang ilang babaing nag iiyakan
at tumatangis dahil sa kanya. (28) Nilingon sila ni Hesus at sinabi,..
Hesus: “Mga kababaihan ng Jerusalem, huwag ninyo akong iyakan. Ang tangisan ninyo ay ang
inyong mga sarili at ang iyong mga anak.(29) Tandaan ninyo, darating ang mga araw na sasabihin
nila, Mapapalad ang mga baog, ang mga sinapupunang hindi nagdalang tao at ang mga dibdib ba
hindi nagpasuso. (30) Sa mga araw na iyon ay sasabihin ng mga tao sa mga bundok, Tabunan ninyo
kami ! at sa mga burol, Itago ninyo kami!(31)Sapagkat kung ganito ang ginagawa sa kahoy na
sariwa, ano naman kaya ang gagawin kapag ito ay tuyo na?”
PANALANGIN:
Panginoong Hesus, tuna yang pagdadalamhati ng mga babae ng Jerusalem para sa iyo. Buong tapang
silang sumunod sa iyo sa daan patunging Kalbaryo. Subalit tinawag mo ang kanilang pansin sa
dahilan ng kanilang pagdurusa-ang KASALANAN at ang kaparusahan na dulot sa lahat ng hindi
pagsisisi. Sana’y nagging tapat din kaming tulad nila sa pagdadalamhati sa hindi makatarungang
pagpapahirap sa iyo. At sana ay kaawaan din ang aming puso sa mga pagdurusa ng aming kapwa-
lalo na ang mga iskwater, walang hanapbuhay, walang tahanan at ng lahat ng mga biktima ng
kawalan ng katarungan at pagsasamantala. Ang lahat ng uri ng mga kasalanang ito ang nagdadala ng
mga karapat dapat na pagpaparusa ng Diyos sa ating lipunan.
LAHAT:
Ama Namin..
Aba Ginoong Maria..
Luwalhati..
 IKA-SIYAM NA ISTASYON
SI HESUS AY IPINAKO SA KRUS

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Lucas 23:33-34)

Tagabasa: (33) Nang dumating sila sa isang bundok na tinatawag na bungo, ipinako nila si
Hesus sa krus. Ipinako rin ang dalawang criminal, isa sa kanyang kanan at isa naman sa
kaliwa. (34) Sinabi ni Hesus….
Hesus: “Ama, patawarin mo sila sapagkat hindi nila nalalaman ang kanilang ginagawa.”
PANALANGIN:
Panginoon, ang mga kamay mong dati ay humahaplos sa mga bata, nagbabasbas sa mga may sakit
at nagpapalayas sa mga demonyo, ngayon ay nakapako sa krus. Ang iyong mga paa na nagdala sa
iyo sa maraming bayan upang ihatid ang Magandang Balita ng Kaharian sa lahat, ngayon ay di na
maaaring makagalaw pa magpakailanman. Hinahamon ka ng iyong mga kaaway na bumaba sa krus.
Subalit di mo pinansin ang kanilang panunukso. Hindi dahil sa ikaw ay nakapako, kundi dahil sa pag
ibig mo sa mga makasalanan. Pag ibig ang naghatid sa iyo roon. Pag ibig ang pumipigil sa iyo roon.
Panginoong Hesus, pagkalooban mo kami ng biyaya na makatupad sa aming tungkulin nang buong
pagmamahal, kahit na ang mga ito ay magdulot pa sa amin ng pait tulad ng pagpapako sa krus.
LAHAT:
Ama Namin..
Aba Ginoong Maria..
Luwalhati..
 IKA-SAMPUNG ISTASYON
ANG NAGSISISING MAGNANAKAW

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Lucas 23:39-43)

Tagabasa: (39) Tinuya rin siya ng isa sa mga salaring nakapako sa tabi niya,
Masamang magnanakaw: “Hindi ba ikaw ang Kristo? Iligtas mo ang iyong sarili at pati na rin
kami.”
Tagabasa: (40) Ngunit pinagsabihan naman ito ng kanyang kasama,
Mabuting magnanakaw: “Wala ka na bang takot sa Diyos? Ikaw ay pinaparusahan ding tulad
Niya!”(41)”Tama lamang na tayo ay parusahan nang ganito dahil sa ating mga ginawa; ngunit ang
taong ito ay walang ginawang masama.”(42) “Hesus alalahanin mo ako kapag naghahari ka na.”
Hesus: (43) “Sinasabi ko sa iyo, isasama kita ngayon sa Paraiso.”
PANALANGIN:
Panginoong Hesus, puspos ng katapatan sa pagsisisi ang nagtitikang makasalanan sa harap ng
marami, punung puno ng pananampalataya at pagtitiwala ang kanyang mga sinabi sa iyo.
Naniniwala siya sa iyong Kaharian at hindi mo siya binigo.
Madalas na kami ay makatagpo ng mga taong nagkamali at nagnanais na magbagong buhay,
Panginoon. Ipahintulot mong kami ay maging bukas sa kanila, katulad mo sa nagtitikang
magnanakaw. Sa ganitong paraan, kami rin ay papanaw sa mundong ito nang may pananampalataya
at pagtitiwala tulad ng mabuting magnanakaw at nakikinig sa pangako ng buhay na walang hanggan.
LAHAT:
Ama Namin..
Aba Ginoong Maria..
Luwalhati..
 IKALABING-ISANG ISTASYON
SI MARIA AT JUAN SA PAANAN NG KRUS

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Juan 19:25-27)

Tagabasa: (25)Nakatayo sa tabi ng krus ni Hesus ang kanyang ina at ang kapatid nittong
babae, si Maria na asawa ni Cleopas at si Maria Magdalena.(26) Nang Makita ni Hesus ang
kanyang ina at minamahal niyang alagad sa tabi nito, sinabi niya
Hesus: “Ina, ituring mo siyang sariling anak”
Tagabasa: (27) At sinabi niya sa alagad,
Hesus: “Ituring mo siyang iyong ina!”
Tagabasa: Mula noon, sa bahay na ng alagad na ito tumira ang ina ni Hesus.
PANALANGIN:
“Tulad ng isang sibat, ang paghihirap ay tatarak sa iyong puso.” Ito ang hila ng matandang Simeon.
Sa Kalbaryo, naranasan ni Maria ang katuparan ng hulang ito. At muli niyang binigkas sa kanyang
puso: “Magawa nawa sa akin ang iyong salita”
Walang sinuman sa balat ng lupa ang umibig sa iyo nang higit pa sa iyong Ina, Panginoon. Gayundin
naman, wala kang inibig sa balat nang lupa nang higit sa kanya. Naroroon siya, saksi at kagahagi ng
iyong pagdurusang naghatid ng kaligtasan. Sa paghahabilin mo sa kanya kay juan, binigyan mo ng
katiwasayan ang mga nalalabi pa niyang araw dito sa lupa; sa paghahabilin mo naman kay Juan sa
kanya, binigyan mo kami ng katiwasayan habang buhay, sapagkat ibinigay mo sa amin ang lahat,
ang iyong ina at amin ding Ina. Maging mapagmahal nawa kami sa kanya tulad mo.
LAHAT:
Ama Namin..
Aba Ginoong Maria..
Luwalhati..
 IKALABING-DALAWANG ISTASYON
SI HESUS AY NAMATAY SA KRUS

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Juan 19:28-30)

Tagabasa: Alam ni Hesus na naganap na ang lahat ng bagay. Kaya’t upang matupad ang
kasulatan ay sinabi niya,
Hesus: “Nauuhaw ako!”
Tagabasa: (29) May isang mangkok doon na puno ng maasim na alak. Inilubog nila rito ang
isang espongha, ikinabit iyon sa isang tangkay ng hisopo at idiniit sa kanyang bibig. (30) Nang
masipsip na ni Hesus ang alak, sinabi niya,
Hesus: “Naganap na!”.
Tagabasa: Iniyuko niya ang kanyang ulo at nalagot ang kanyang hininga.
PANALANGIN:
Kaming lahat ay hinatulang mamatay dahil sa aming mga kasalanan, at inako mo ang parusang ito,
ikaw na hindi karapat dapat na tumanggap nito. Iisa lamang ang iyong buhay, Panginoon, tulad
naming lahat, ngunit Malaya mo itong inalay upang kami’y magkaroon ng buhay na walang
hanggan. Piñata ka ng mga kasalanan naming, dahil sa labis mong pagmamahal sa amin,
pinakmamahal na Hesus.
Bago ka nalagutan ng hiniga, sinabi mong ikaw ay nauuhaw-uhaw sa pag ibig. Tanggapin mo
ngayon ang aming nagtitikang pag ibig sa iyo, Panginoon. Nais ka naming mahalin alang alang sa
mga ayaw magmahal sa iyo. Nawa’y sa katapusan ng aming pakikibaka sa buhay, kami ay mamatay
na nagtitiwala habang inuulit naming ang iyong winika, “Ama, inihahabilin ko sa iyo ang aking
kaluluwa.”
LAHAT:
Ama Namin..
Aba Ginoong Maria..
Luwalhati
 IKALABING-TATLONG ISTASYON
SI HESUS AY INILIBING

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Mateo 27:57-60)

Tagabasa: (57) Pagsapit sa dilim, dumating si Jose, isang mayamang taga Arimatea na
tagasunod din ni Hesus.
Jose: Maari ko ho bang makuha ang bangkay ni Hesus?
Pilato: Ibigay ang bangkay ni Hesus kay Josekay Jose.
Tagabasa: (59) Nang makuha na ang bangkay, binalutan niya ito ng malinis na tela ng lino.
(60) Inilagay niya ito sa kanyang bagong libingan na ipinauka niya sa bato. Pagkatapos,
iginulong niya sa pintuan ang isang malaking bato pantakip at saka umalis.
PANALANGIN:
Panginoong Hesus, binalot ka ng kadiliman ng kamatayan. Ang tangi mong maliwanag na tanglaw
ay ang malambing na pagmamahal ng iyong Ina, ang katapatan ni Juan, ang pakikipagkaibigan ni
Jose ng Arimatea at ng ilan pa. Inihimlay ka sa libingan tulad ng isang napakahalagang kayamanang
itinago sa baul, tulad ng isang butyl na ibinaon sa lupa.
Binigyan ng kahulugan at pag asa ng iyong libing ang aming libing. Salamat sa iyo, nagging isang
mapayapang pamamahinga ito sa kandungan ng inang lupa, na naghihintay ng isang masayang
paggising sa pagdating ng bukang liwayway na muling pagkabuhay na wawasak sa mga tanikala ng
kamatayan magpakailanman.
LAHAT:
Ama Namin..
Aba Ginoong Maria..
Luwalhati..
 IKALABING-APAT ISTASYON
ANG MULING PAGKABUHAY

NAMUMUNO: Sinasamba at pinupuri Ka naming, O Panginoong Hesukristo

LAHAT: Sapagkat sa pamamagitan ng iyong Mahal na Krus at Muling Pagkabuhay ay iniligtas mo
ang sandaigdigan.

EBANGHELYO (Mateo 24:1-6)

Tagabasa: (1) Madilim dilim pa nang araw ng sanlinggo, ang mga babae ay nagbalik sa
libingan, dala ang mga pabangong inihanda nila. (2) Nang dumating sila doon, nakita nila na
naigulong na ang batong nakatakip sa libingan. (3) Ngunit nang pumasok sila, wala roon ang
bangkay ng Panginoong Hesus.(4) Natigilan sila at nagtaka kung ano ang nangyari, biglang
lumitaw sa tabi nila ang dalawang lalaking nakakasilaw ang damit.(5) Dahil sa matinding
takot, sila’y nagpatirapa, tinanong ng mga lalaki,
Mga lalaki: “Bakit ninyo hinahanap ang buhay sa lugar ng mga patay?"(6) Wala sya rito, siya’y
muling nabuhay! Alalahanin ninyo ang sinabi niya sa inyo noong nasa Galilea pa siya.

PANALANGIN:
Hesus, hindi maaaring mabulok ang iyong banal na bangkay sa libingan. Hindi ka maaring pigilan
ang higit pa sa kinakailangan sa loob ng iyong libingan. Ngayon, pinatutunayan ng naigulong na
malaking baton a nagpinid sa iyong libingan at ng pagpapatunay ng anghel na ang iyong muling
pagkabuhay ay totoo. Pinagtibay rin nila ang katotohanang kami man sa darating na panahon ay
babangong muli sa kamatayan. Ang iyong muling pagkabuhay, Panginoon. Ang huwaran ng aming
muling pagkabuhay, maging ngayon pa man. Isang hamon ito para sa aming lahat na bumangon
mula sa kamataying dulot ng kasalanan para sa pinagpalang buhay.
LAHAT:
Ama Namin..
Aba Ginoong Maria..
Luwalhati..