Professional Documents
Culture Documents
PAMBUNGAD NA PANALANGIN:
Panginoong Hesukristo, habang kami’y nagtitipon dito ngayon upang pagnilayan ang iyong
Misteryong Pampaskuwa, pagkalooban mo kaming lahat ng biyaya na kasuklaman ang
kasalanan tulad ng iyong ginawa, at palakasin mo ang aming pananampalataya at bigyan ng
pag-asa sa panahon ng krisis. Sa gayon, kami ay maaring makibahagi hindi lamang sa iyong
paghihirap, kundi maging sa iyo ring Muling Pagkabuhay. Ikaw na nabubuhay at naghahari
magpakailanman. Amen.
UNANG ISTASYON: ANG HULING HAPUNAN
Pagbasa mula sa Unang sulat ni San Pablo sa mga taga Corinto (11: 23-26)
Sapagkat tuwing kakain kayo ng tinapay na ito at iinom sa kalis na ito ay ipinahahayag ninyo
ang kamatayan ng Panginoon, hanggang sa muling pagparito niya.
Salamat Sa Diyos.
Sandaling Pagninilay
Panalangin:
Sandaling Pagninilay
Panalangin:
Panginoon Hesus, sa panahong napupuno kami ng takot ngayon, ipagkaloob mo sa amin ang
iyong Espiritu upang mapukaw ang aming damdamin at matanggal ang takot sa aming mga
puso. Katulad ni Hesus, turuan mo kaming magtiwala sa mga plano Mo. Amen
Sandaling Pagninilay
Panalangin:
Panginoon hesus, ipinapanalangin namin ang lahat ng mga may sakit at namatay na dulot ng
COVID-19. Nawa ay patatagin mo sila at kanilang pamilya sa gitna ng kanilang
pinagdaraanan at tanggapin mo ang mga kapatid naming namayapa daihl sa COVID-19 sa
iyong kaharian at patuloy na patnubayan ang kanilang mga kapamilyang naiwan dito sa
lupa. Amen
Sinabi sa kanila ni Pilato, “Kung gayon, ano ang gagawin ko kay Hesus na tinatawag na
Kristo?” Sumagot ang lahat, “Ipako sa krus!” “Bakit, anong
masama ang ginawa niya?” tanong ni Pilato. Ngunit lalo pa nilang isinigaw,
“Ipako sa krus!”
At ipinahagupit si Hesus at ibinigay sa kanila upang ipako sa krus. Si Hesus ay dinala ng mga
kawal ng gobernador sa pretoryo, at nagkatipon ang buong batalyon sa paligid niya.
Naglikaw sila ng halamang matinik at ipinutong sa kanya, saka pinaghawak ng isang tambo
sa kanyang kanang kamay. At palibak siyang niluhud-luhuran at binati: “Mabuhay ang Hari
ng mga Judio!”
Sandaling Pagninilay
Panalangin:
Panginoon hesus, ipinapanalangin namin ang mga may sakit na nakakaranas ng paghihirap;
pisikal, emosyonal at espiritwal. Nawa ay patatagin mo ang kanilang kalooban upang
magkaroon sila ng lakas na harapin ang pagsubok sa buhay na dulot ng covi-19. Gayundin,
nawa ay gawin mo kaming mga instrumento ng pag-asa, suporta at kagalingan para sa
kanila. Amen
Sandaling Pagninilay
Panalangin:
Panginoong Hesus, dama mo ang bigat at hirap ng krus na iyong pinasan para sa amin,
kami man ay mayroon ding krus na dinadala lalo na sa panahong ito kung saan nababalot
kami ng takot at pangamba, ipahintulot Mo na maging mas matatag kaming humarap sa
krisis na ito at patuloy na umasa sa mapagmahal Mong pagkalinga upang
mapagtagumpayan namin ang pandemyang ito. Amen.
Habang sumusuray ang hakbang ni Hesus patungo sa Kalbaryo halos madurog si Hesus sa
bigat ng Krus na kanyang pasan-pasan. Higit pa marahil, napuspos si Hesus sa panunuya at
panlilibak ng mga tao na para bagang siya ay isang kriminal. Halos igupo ng pagod dahil sa
kawalan ng tulog sa magdamag at pagpapahirap na kanyang dinanas, si Hesus ay
nalugmok sa bigat ng Krus at pag-aalipusta na kanyang dinanas.
Sandaling Pagninilay
Panalangin:
Nakasalubong nila ang isang lalaking galing sa bukid, si Simon na taga- Cirene, ama
nina Alejandro at Rufo. Pilit nilang ipinapasan sa kanya ang krus ni Hesus.
Sandaling Pagninilay
Panalangin:
Panginoong Hesus, buong puso mong tinanggap at binuhat ang Krus na sana’y kami ang
Nagdala. Ikaw na walang sala ay umako sa kasalanan ng tanan. Ipahintulot Mong kami rin
ay maging tulad Mo sa pagtupad ng aming mumunting tungkulin sa aming pamayanan
lalong lalo na ang mga taong inatasang mag-aral at magsaliksik ng lunas sa kumakalat na
pandemyang ito ganun din ang mga taong itinataya ang kanilang mga buhay upang
labanan, supilin at mangangalaga ng mga naapektuhan ng pandemyang ito. Amen.
Sandaling Pagninilay
Panalangin:
Panginoon Hesus, kaawaan mo po ang aming bayan at ang buong mundo. Patawarin mo po
kami sa aming mga nagawang kasalanan na nagdulot ng pagdurusa ng aming kapwa.
Kaawaan mo po at pagalingin ang mga maysakit ng COVID-19, at basbasan mo po ang sa
kanila’y nangangalaga. Amen.
Nang dumating sila sa dakong tinatawag na Bungo, ipinako nila sa krus si Hesus. Ipinako
rin ang dalawang salarin, isa sa gawing kanan at isa sa gawing kaliwa. sinabi ni Hsus,
“Ama, patawarin mo sila, sapagkat hindi nila nalalaman ang kanilang ginagawa.” At
nagsapalaran sila upang
malaman kung alin sa kanyang kasuutan ang mapupunta sa isa’t isa. Ang mga tao’y
nakatayo roon at nanonood; nililibak naman siya ng mga pinuno ng bayan. Anila, “Iniligtas
niya ang iba; iligtas naman niya ngayon ang kanyang sarili, kung siya nga ang Mesiyas, ang
hinirang ng Diyos!”
Sandaling Pagninilay
Panalangin:
Panginoon Hesus, patawarin mo kami sa di namin pagkilala sa iyong kabutihan, awa at pag-
ibig. Alisin mo po ang pagdududa sa aming puso at isip sa kapangyarihan at pagmamahal
mo. Tulungan mo pong magawa namin ang kalooban mo. Basbasan mo po ang lahat ng mga
taong nagtutulung-tulong upang ang COVID-19 ay tuluyang masugpo at matapos ang hirap
at pagdurusa ng buong mundo. Amen.
Tinuya siya ng isa sa mga salaring nakabitin, at ang sabi, “Hindi ba ikaw na gMesiyas?
Iligtas mo ang iyong sarili, pati na kami!” Ngunit pinagsabihan siya ng kanyang kasama,
“Hindi ka ba natatakot sa Diyos? Ikaw ma’y pinarusahang tulad niya! Matuwid lamang na
tayo’y parusahan nang ganito dahil sa ating mga ginawa; ngunit ang taong ito’y walang
ginawang masama.” At sinabi niya, “Hesus, alalahanin mo ako kapag naghahari ka na.”
Sumagot si Hesus, “Sinasabi ko sa iyo: ngayon di’y isasama kita sa Paraiso.”
Sandaling Pagninilay
Panalangin:
Panginoon hesus, nagsisisi ang magnanakaw at buong puso mong pinatawad. Tulungan mo
po kaming maging matatag ang paniniwala sa iyo upang makaakay at muling
makapagpabalik ng mga kapatid naming nalayo sa iyo. Basbasan mo po kami upang kami ay
makatulad ng nagsisising magnanakaw at nawa mas lalong tumibay ang aming pananalig sa
buhay na walang hanggan sa piling mo at patuloy na mamuhay gabay ang iyong pangakong
paraiso. Amen.
Nakatayo sa tabi ng krus ni Hesus ang kanyang ina at ang kapatid na babae nitong si Maria,
na asawa ni Cleopas. Naroon din si Maria Magdalena.
Nang makita ni Hesus ang kanyang ina, at ang minamahal niyang alagad sa tabi nito,
kanyang sinabi, “Ginang, narito ang iyong anak!” At sinabi sa alagad, “Narito ang iyong ina!”
Mula noon, siya’y pinatira ng alagad na ito sa kanyang buhay.
Sandaling Pagninilay
Panalangin:
Panginoon Hesus, maraming salamat sa pagbibigay mo sa amin sa Iyong Ina upang maging
Ina namin na laging handang tumulong sa amin sa oras ng pangangailangan lalong-lalo na sa
panahong ito na may pandemyang ng COVID-19. Mahal na Inang Maria, ilapit mo kami sa
iyong anak at dalhin ang aming mga panalangin sa kanya. Amen.
Panalangin:
Panginoon, marami ngayon ang nagdududa, nagagalit, nawawalan ng pag- asa dulot ng
pandemyang ito. Ipinapanalagin namin ang mga naghihirap at namatay sa sakit na ito.
Patatagin mo sila at lagi mong ipadama sa kanila ang yong pag-ibig at pagkalinga bilang
isang ama. At sa bingit ng kamatayan man, sana ipaalala mo sa amin na ikaw ang buhay na
tumalo sa kamatayan. Amen.
Bago magtakipsilim, dumating ang isang mayamang taga-Arimatea, na ang ngala’y Hose.
Siya’y alagad din ni Hesus. Lumapit siya kay Pilato at hiningi ang bangkay ni Hesus. Iniutos
naman ni Pilato na ibigay ito sa kanya.
Kaya’t kinuha ni Jose ang bangkay at binalot ng bagong kayong lino. Inilagay niyo ito sa
sariling libingan na di pa nalalaunang ipinauka niya sa bato. Pagkatapos, iginulong niya sa
pintuan nito ang isang malaking bato, saka umalis.
Sandaling Pagninilay
Panalangin:
\
IKALABING-APAT NA ISTASYON: SI HESUS AY MULING NABUHAY
Sandaling Pagninilay
Panalangin:
Ama naming Banal, nagpapasalamat kami sa iyong maawaing Anak na si Hesukristo nang
dahil sa kanya nalaman naming ang tunay na kahulugan ng buhay.Sa kanyang mga salita
ay nabighani kami sa iyo at Nakita namin ang mapang-akit mong puso.
Buhayin mo kami katulad ni Hesus kung dumaan kami sa matinding pagsubok sa buhay.
Patatagin mo kami sa lahat ng unos ng aming pamilya, ng aming bansa, at ng buong mundo
at maging daluyan rin kami ng iyong awa tulad ni Maria, Ina ng Awa.
Ama namin,..
Aba Ginoong Maria…
Luwalhati…