makapangyarihan sa lahat, na maygawa ng langit at lupa. Sumasampalataya ako kay Hesukristo, iisang Anak ng Diyos, Panginoon nating lahat. Nagkatawang-tao siya, lalang ng Espiritu Santo. Ipinanganak ni Santa Mariang Birhen. Pinagpakasakit ni Poncio Pilato, ipinako sa krus, namatay, inilibing. Nanaog sa kinaroroonan ng mga yumao. Nang may ikatlong araw nabuhay na mag-uli. Umakyat sa langit. Naluluklok sa kanan ng Diyos Amang makapangyarihan sa lahat. Doon magmumulang paririto at huhukom sa nangabubuhay at nangamatay na tao. Sumasampalataya naman ako sa Diyos Espiritu Santo, sa banal na Simbahang katolika, sa kasamahan ng mga banal, sa kapatawaran ng mga kasalanan, sa pagkabuhay na muli ng nangamatay na tao, at sa buhay na walang hanggan. Amen.
Ama namin, sumasalangit ka. Sambahin ang ngalan mo. Mapasaamin ang kaharian mo. Sundin ang loob mo dito sa lupa para nang sa langit. Bigyan mo kami ngayon ng aming kakanin sa araw-araw. At patawarin mo kami sa aming mga sala para nang pagpapatawad namin sa nagkakasala sa amin. At huwag mo kaming ipahintulot sa tukso, at iadya mo kami sa lahat ng masama. Amen. Ave, Maria, napupuno ka ng grasya. Ang Pangnoong Diyos ay sumasaiyo. Bukod kang pinagpala sa babaing lahat, at pinagpala naman ang iyong anak na si Hesus. Santa Maria, Ina ng Diyos, ipanalangin mo kaming makasalanan ngayon at kung kamiy mamamatay. Amen.
Papuri sa Ama, at sa Anak, at sa Espiritu Santo. Kapara noong una, ngayon, at magpasawalang hanggan. Amen.
MGA ISTASYON NG KRUS
Pagpunta sa istasyon aawitin ang sumusunod: Sa kahoy na krus na banal ni Hesus na Poong mahal nalupig ang kamatayan at sa muling pagkabuhay ang pag-asa ay sumilay.
Purihin at ipagdangal ang ating Poong Maykapal: Ama na Bukal ng buhay, Anak na sya nating Daan, Espiritung ating Tanglaw. Pagdating sa istasyon aawitin ang sumusunod: Kamiy sumasamba sa yo at gumagalang sa krus mo, Panginoong Hesukristo, nabuhay mulit nanalo nagpaligaya sa mundo.
Krus ng ating kaligtasan dapat nating ikarangal, sagisag ng kalayaan at ng muling pagkabuhay ni Hesus na ating mahal.
Ang Unang Istasyon ANG HULING PAGHAPON NG ATING PANGINOONG HESUKRISTO SAMPU NG KANYANG MGA APOSTOL (l Corinto 11:23-26)
Ito ang aral na tinanggap ko sa Panginoon at ibinibigay ko naman sa inyo: ang Panginoong Hesus, noong gabing siyay ipagkanulo ay dumampot ng tinapay, nagpasalamat, at pinagpira-piraso ito, at sinabi, Ito ang aking katawan na inihahandog para sa inyo. Gawin ninyo ito bilang pag-aalaala sa akin. Gayon din naman, matapos maghapunan ay hinawakan ang saro at sinabi, Ang sarong ito ang bagong tipan na pinagtitibay ng aking dugo. Tuwing iinumin ninyo ito, gawin ninyo bilang pag-aalaala sa akin. Sapagkat tuwing kakain kayo ng tinapay na ito at iinom sa sarong ito ay ipinahahayag ninyo ang kamatayan ng Panginoon, hanggang sa muling pagparito niya.
Panalangin Ama naming mahabagin, lagi nawang ipaalaala sa amin ng Espiritu Santo ang dakilang pag-ibig ng Diyos sa tao at ang buhay na walang hanggan na makakamit ng sinumang sumampalataya at makiisa sa paghahandog ng Banal na Misa sa pamamagitan ni Kristong aming Panginoon. Amen.
Ang Ika-2 Istasyon ANG PANANALANGIN NI HESUKRISTONG PANGINOON NATIN SA HALAMAN NG GETSEMANI (Lucas 22:39-46)
Gaya ng kanyang kinaugalian, umalis si Hesus at nagtungo sa Bundok ng mga Olibo; at sumama ang mga alagad. Pagdating dooy sinabi niya sa kanila, Manalangin kayo, nang hindi kayo madaig ng tukso. Lumayo siya sa kanila nang may isang pukol ng bato, saka lumuhod at nanalangin. Ama, wika niya, kung maaariy ilayo mo sa akin ang sarong ito. Gayunmay huwag ang kalooban ko ang masunod, kundi ang kalooban mo. Napakita sa kanya ang isang anghel mula sa langit at pinalakas ang loob niya. Tigib ng hapis, siyay nanalangin nang lalong taimtim; tumulo sa lupa ang kanyang pawis na animoy malalaking patak ng dugo. Tumindig siya pagkapanalangin at lumapit sa kanyang mga alagad. Naratnan niyang natutulog ang mga ito dahil sa tindi ng dalamhati. Bakit kayo natutulog? tanong niya. Bumangon kayo at manalangin upang hindi kayo madaig ng tukso.
Panalangin Ama naming mapagmahal, tulungan nawa kami ng Espiritu Santo na manalangin nang buong pananalig at kataimtiman bago matulog at pagkagising, bago magtrabaho at habang nagtatrabaho upang di kami madaig ng tukso at pagsubok sa pamamagitan ni Kristong aming Panginoon. Amen.
Ang Ika-3 Istasyon ANG PAGHAHARAP NG MGA HUDYO SA ATING PANGINOONG HESUKRISTO SA SANEDRIN AT KAY PILATO (Marcos 14:6-65; 15:1)
Tumindig ang pinakapunong saserdote sa harap ng kapulungan, at tinanong si Hesus, Ano ang masasabi mo sa paratang nila sa iyo? Bakit di ka sumagot? Ngunit hindi umimik si Hesus; hindi siya nagsalita gaputok man. Muli siyang tinanong ng pinakapunong saserdote: Ikaw ba ang Mesiyas, ang Anak ng Kataas-taasan? Ako nga, sagot ni Hesus. At makikita ninyong siyay dumarating, nasa alapaap ng langit. Winahak ng pinakapunong saserdote ang sariling kasuutan, at sinabi, Hindi na natin kailangan ang mga saksi! Kayo na ang nakarinig ng kanyang kalapastanganan sa Diyos! Ano ang pasya ninyo? Ang hatol nilang lahat ay kamatayan. At niluran siya ng ilan, piniringan, at pinagsusuntok, kasabay ang wikang, Hulaan mo nga, sino ang sumuntok sa iyo? At pinagsasampal siya ng mga bantay. Kinaumagahan, nagpulong agad ang mga punong saserdote, ang matatanda ng bayan, ang mga eskriba, at ang iba pang bumubuo ng Sanedrin. Ipinagapos nila si Hesus, at dinala kay Pilato.
Panalangin Ama naming ma pagmahal, pigilin nawa kami ng Espiritu Santo na hatulan ng kamatayan at pahirapan ang mga walang kasalanan. Sa huling pagdating ni Hesus na Hukom sana ay di niya maalaala ang mga kasalanang pinagsisihan na namin. Amen.
Ang Ika-4 Istasyon ANG PAGPAPAHAMPAS NI PILATO SA ATING PANGINOONG HESUKRISTO AT ANG PAGPUPUTONG NG KORONANG TINIK NG MGA HUDYO SA ATING PANGINOON (Mateo 27:24-30)
Nang makita ni Pilato na wala siyang magagawa, at malamang pang magkagulo ang mga tao, nagpakuha siya ng tubig at naghugas ng kamay sa harapan ng mga tao. Wala akong pananagutan sa kamatayan ng taong ito. Bahala kayo! sabi ni Pilato. Sumagot ang mga tao, Mapasaamin at sa aming mga anak ang dugo niya! At pinalaya niya si Barrabas, ngunit ipinahagupit si Hesus at ibinigay sa kanila upang ipako sa krus. Si Hesus ay dinala ng mga kawal ng gobernador sa pretoryo, at nagkatipon ang buong batalyon sa paligid niya. Hinubaran nila siya at sinuutan ng isang balabal na pulang-pula. Naglikaw sila ng halamang matinik at ipinutong sa kanya, saka pinapaghawak ng isang tambo sa kanyang kanang kamay. At palibak siyang niluhud-luhuran at binati: Mabuhay ang Hari ng mga Hudyo! Siyay pinaglulurhan, kinuha nila ang tambo at siyay pinaghahampas sa ulo.
Panalangin Ama naming mapagmahal, ipakilala nawa sa amin ng Espiritu Santo ang pagkahari ni Hesus Nazareno. Ang malakas nitong pag-ibig ang amin nawang sandata laban sa kasalanan at kamatayan ngayon at kailanman. Amen.
Ang Ika-5 Istasyon ANG PAG-AATANG NG KRUS SA ATING PANGINOONG HESUKRISTO (Mateo 27:31)
At matapos kutyain, kanilang inalisan ng balabal si Hesus, sinuutan ng sariling damit, at inilabas upang ipako sa krus.
Panalangin Ama naming mapagmahal, iniatang namin sa iyong Anak ang kahoy na krus, ang masasamang salita, ang masasamang tingin, ang masasamang isip at masasamang gawa. Ipadama nawa sa amin ng Espiritu Santo ang aming kasamaan, at ang kabutihan ng Diyos na walang hanggan. Amen.
Ang Ika-6 Istasyon ANG PAGKASUBASOB NI HESUKRISTONG PANGINOON NATIN SA KABIGATAN NG KRUS NA PINASAN (Awit 22:2.7-8.12.15-16)
O Diyos ko! O Diyos ko! Bakit ako binayaan? Masidhi ang pagtaghoy ko upang ako ay tulungan, Ngunit hindi dumarating ang saklolong hinihintay. Tila akoy isang uod at hindi na isang tao, Kung makitay inuuyam, natatawa kahit sino; Bawat taong makakitay umiiling, nanunukso, Palibak na nagtatawat sinasabi ang ganito: Nagtiwala siya sa Diyos, ngunit hindi siya pansin, Kung talagang minamahal, bakit hindi intindihin? Huwag mo akong lilisanin, huwag mo akong tatalikdan, Pagkat walang sasaklolo sa panganib na daratal. Parang tubig na tumapon, ang lakas ko ay tumakas, Ang lahat kong mga buto sa wari ko ay nalinsad; Sa dibdib ko ay naghari ang malaking pagkasindak Parang pagkit ang puso ko, natutunaw naaagnas! Itong aking lalamunay tuyong abo ang kapara, Ang dila koy dumikit sa bubong ng ngalangala, Sa alabok, halos patay na ako ay iniwan na. Papuri sa Ama at sa Anak at sa Espiritu Santo. Kapara noong una, ngayon at magpasawalang hanggan. Amen.
Ang Ika-7 Istasyon ANG PAGHALILI NI SIMON CIRENEO (Markos 15:21)
Nasalubong nila ang isang lalaking galing sa bukid, si Simon na taga-Cirene, ama nina Alejandro at Rufo. Pilit nilang ipinapasan sa kanya ang krus ni Hesus.
Panalangin Ama naming mapagmahal, ang buhay namiy guminhawa nang dalhin ng iyong Anak ang aming krus. Ituro nawa sa amin ng Espiritu Santo ang pagtutulungan at pagdadamayan ng mga magkakapatid kay Kristong aming Panginoon. Amen.
Ang Ika-8 Istasyon ANG PAGKASALUBONG NG ATING PANGINOONG HESUKRISTO SA MGA BABAE NA ANG MGA MATAY LUMULUHA (Lucas 23:27-31)
Sinusundan si Hesus ng maraming tao, kabilang ang mga babaing nananaghoy at nananambitan dahil sa kanya. Nilingon sila ni Hesus at sinabi sa kanila, Mga kababaihan ng Herusalem, huwag ninyo akong tangisan. Ang tangisan ninyoy ang inyong sarili at ang inyong mga anak. Tandaan ninyo: darating ang mga araw na sasabihin nila, Mapalad ang mga baog, ang mga sinapupunang hindi nagdalantao, at ang mga dibdib na hindi nagpasuso. Sa mga araw na iyoy sasabihin ng mga tao sa mga bundok, Gumuho kayo sa amin! At sa mga burol, Tabunan ninyo kami! Sapagkat kung ganito ang ginagawa sa kahoy na sariwa, ano namn kaya ang gagawin sa tuyo?
Panalangin Ama naming mapagmahal, ipadama nawa ng Espiritu Santo sa mga mag-anak ang dalamhating idinudulot ng pagkakasala at ang kaligayahang nilalasap ng mga pamilyang nagmamahalan kay Kristong aming Panginoon. Amen.
Ang Ika-9 Istasyon ANG PAGHUHUBAD SA ATING PANGINOONG HESUKRISTO; AT ANG PAGPAPAKO SA KANYA (Lucas 23:33-34; Marcos 15:29-32a)
Nang dumating sila sa dakong tinatawag na Bungo, ipinako nila sa krus si Hesus. Ipinako rin ang dalawang salarin, isa sa gawing kanan at isa sa gawing kaliwa. Nilibak siya ng mga nagdaraan, na tatangu-tangong nagsabi, Di ba ikaw ang gigiba ng templo at muling magtatayo nito sa loob ng tatlong araw? Iligtas mo ngayon ang iyong sarili! Bumaba ka sa krus! Kinutya rin siya ng mga punong saserdote at ng mga eskriba, at ang sabi sa isat isa: Iniligtas niya ang iba, ngunit di mailigtas ang sarili! Makita lang nating bumaba sa krus ang Mesiyas na iyan na Hari ng Israel maniniwala tayo sa kanya!
Panalangin Ama naming makapangyarihan, tulungan nawa kami ng Espiritu Santo na maniwala kay Kristong Hari, kahit na ito ay hinahamak ng mga kaaway. Huwag nawa naming ikahiyang sumunod kay Hesus Nazareno, ang maamo at abang Haring nagliligtas ng sanlibutan. Amen.
Ang Ika-10 Istasyon ANG PAGHINGI NG TAWAD NG MAGNANAKAW SA ATING PANGINOONG HESUKRISTO (Lucas 23:39-43)
Tinuya si Hesus ng isa sa mga salaring nakabitin, at ang sabi: Hindi ba ikaw ang Mesiyas? Iligtas mo ang iyong sarili, pati na kami! Ngunit pinagsabihan siya ng kanyang kasama, Hindi ka ba natatakot sa Diyos? Ikaw may pinarurusahang tulad niya! Matuwid lamang na tayoy parusahn nang ganito dahil sa ating mga ginawa; ngunit ang taong itoy walang ginawang masama. At sinabi niya, Hesus, alalahanin mo ako pagdating mo sa iyong kaharian. Sumagot si Hesus, Sinasabi ko sa iyo: ngayon diy isasama kita sa Paraiso.
Panalangin Ama naming mapagmahal, pagdating ng oras ng kamatayan tulungan nawa kami ng Espiritu Santo na humingi ng patawad at buhay: Poong Hesus, Hari ng Paraiso, ako po ay inyong alalahanin. Amen.
Ang Ika-11 Istasyon ANG MAHAL NA BIRHEN AT SI SAN JUAN SA TABI NG KRUS NG ATING PANGINOONG HESUKRISTO (Juan 19:25-27)
Nakatayo sa tabi ng krus ni Hesus ang kanyang ina at ang kapatid na babae nitong si Maria, na asawa ni Cleopas. Naroon din si Maria Magdalena. Nang makita ni Hesus ang kanyang ina, at ang minamahal niyang alagad sa tabi nito, kanyang sinabi, Babae, narito ang iyong anak! At sinabi sa alagad, Narito ang iyong ina! Mula noon, siyay pinatira ng alagad na ito sa kanyang bahay.
Panalangin Ama naming mapagmahal, sa kapangyarihan ng Espiritu Santo kami ay naging magkakapatid kay Hesus. Sa loob ng buhay na Sambahayan ang Ina ay si Maria. Kaming lahat ay lagi nawang makisama kay Maria sa tabi ng Panginoong nakapako sa krus. Amen.
Ang Ika-12 Istasyon ANG PAGKAMATAY NG ATING PANGINOONG HESUKRISTO (Lucas 23:44-46)
Nang mag-iikalabindalawa ng tanghali, nagdilim sa buong lupain hanggang sa ikatlo ng hapon. Nawalan ng liwanag ang araw, at ang tabing ng temploy napunit sa gitna. Sumigaw nang malakas si Hesus, Ama, sa mga kamay moy ipinagtatagubilin ko ang aking espsiritu! At pagkasabi nito, nalagot ang kanyang hininga.
Panalangin Ama naming mapagmahal, turuan nawa kami ng Espiritu Santo na mabuhay para sa Diyos at kapwa lamang. Paglapit ng huling paghinga maging handa nawa kaming magdasal: Ama, sa mga kamay moy ipinagtatagubilin ko ang aking espiritu. Amen.
Ang Ika-13 Istasyon ANG PAGLILIBING SA ATING PANGINOONG HESUKRISTO (Mateo 27:57-61)
Bago magtakipsilim, dumating ang isang mayamang taga-Arimatea, na ang ngalay Jose. Siyay alagad din ni Hesus. Lumapit siya kay Pilato at hiningi ang bangkay ni Hesus. Iniutos naman ni Pilato na ibigay ito sa kanya. Kayat kinuha ni Jose ang bangkay at binalot ng bagong kayong lino. Inilagay niya ito sa sariling libingan na di pa nalalaunang ipinauka niya sa bato. Pagkatapos, iginulong niya sa pintuan ang isang malaking bato, saka umalis. Naroon si Maria Magdalena at ang isa pang Maria, na nakaupo sa tapat ng libingan.
Panalangin Ama naming mapagmahal, gusto naming sumunod sa iyong Anak na si Hesus magpahanggang libing. Kami ay naniniwala na bubuhayin ng Espiritu Santo sa langit ang lahat ng nakalibing na may pananampalataya, pag-asa at pag-ibig. Amen.
Ang Ika-14 Istasyon ANG PAGKABUHAY NA MAG-ULI NG ATING PANGINOONG HESUKRISTO (Mateo 28:1-6)
Makaraan ang Araw ng Pamamahinga, pagbubukang-liwayway ng unang araw ng sanlinggo, pumunta sa libingan ni Hesus si Maria Magdalena at ang isa pang Maria. Biglang lumindol nang malakas. Bumaba mula sa langit ang isang anghel ng Panginoon, iginulong ang batong nakatakip sa libingan, at naupo sa ibabaw niyon. Ang kanyang mukha ay nakasisilaw na parang kidlat at kasimputi ng busilak ang kanyang damit. Nanginig sa takot ang mga bantay at nabulagtang animoy patay nang makita ang anghel. Ngunit sinabi nito sa mga babae, Huwag kayong matakot; alam kong hinahanap ninyo si Hesus na ipinako sa krus. Wala na siya rito, sapagkat siyay muling nabuhay tulad ng kanyang sinabi. Halikayo, tingnan ninyo ang pinaglagyan sa kanya.
Panalangin Ama naming makapangyarihan, sa muling pagkabuhay ni Hesukristo nawala ang pagkatakot sa kasalanan at kamatayan. Ibuhos mo sa aming puso ang Espiritu Santo upang lumaki ang aming pananabik na makita ang Diyos sa langit kasama ni Maria at ng lahat ng banal na tao at anghel magpasawalang hanggan. Amen.
Panimula Nam Mga Kapatid Sa Ngalan NG Parokya NG - Ipinaaabot Namin Sa Inyong Lahat, Lalono-Lalo Na Sa Pamilya NG Ating Yumaong Kapatid Na - , Ang Taos Pusong Pakikiramay. Sa Sandalin