Station of The Cross

UNANG ISTASYON:
ANG HULING HAPUNAN

Sinasamba ka namin at pinasasalamatan, Panginoong Hesukristo.
Sapagkat sa pamamagitan ng iyong Mahal na Krus at Muling Pagkabuhay, iniligtas
mo ang sandaigdigan.
Pagbasa (1 Cor 11: 23-26)

Ang Panginoong Hesus, noong gabing siya’y ipagkanulo ay dumampot ng tinapay,
nagpasalamat, at pinagpira-piraso ito, at sinabi, “Ito ang aking katawan na inihahandog para
sa inyo.” Gayon din naman, matapos maghapunan ay hinawakan niya ang kalis at sinabi,
“Ang kalis na ito ang bagong tipan na pinagtitibay ng aking dugo. Tuwing iinumin ninyo ito,
gawin ninyo bilang pag-aalaala sa akin. Sapagkat tuwing kakain kayo ng tinapay na ito at
iinom sa kalis na ito ay ipinahahayag ninyo ang kamatayan ng Panginoon, hanggang sa
muling pagparito niya.
Pagninilay
Sa huling hapunan, pinili ni hesus na isang piging ang kaniyang iiwang paalala ng kaniyang
pagbibigay ng sarili para sa atin. Madalas hindi natin napapansin na tayo ay nabubuhay
nang matiwasay dahil may mga taong nagbibigay ng kanilang sarili para sa ating
kapakanan. Marami ring panahon na ipinagwawalang-bahala natin ang kabutihan ng ibang
tao sa atin, lalo na kung iniisip nating bahagi ng kanilang trabaho ang maging mabuti sa atin.
Katulad ni Hesus, ang kanilang pagbibigay ng buhay ang siya ring nagbibigay ng buhay sa
atin. Sikapin nating makita na an gating tinatamasa ay bunga rin ng paghihirap ng iba.
Tayo’y nabubuhay dahil sa pag-aalay ng sarili ng ibang tao. Nawa’y makita natin si Hesus
na nagbibigay ng kaniyang buhay sa mga taong nagsasakripisyo para sa ating ikabubuti.
Panalangin
Panginoon, tulungan Mo kaming alalahanin na kami ay nabubuhay hindi lamang sa aming
sariling pagsisikap. Turuan Mo kaming makita na hindi kami namumuhay sa pagsasarili.
Turuan Mo kaming bigyan ng halaga ang nagbibigay ng kanilang mga sarili para sa aming
kapakanan. Tulungan Mo kaming makita ka sa kanila, ikaw na unang nagbigay ng iyong
sariling buhay para sa amin.
Ama Namin… Aba, Ginoong Maria… Luwalhati…
Paanyaya
Alalahanin at ipag-dasal ang mga taong nag-aalay ng kanilang sarili para sa ating
kapakanan, lalo na ang mga taong patuloy na gumagawa kahit wala ni kapalit na
pasasalamat lamang.
IKALAWANG ISTASYON:
ANG PAGDURUSA NI HESUS SA HALAMANAN
Sapagkat sa pamamagitan ng iyong Mahal na Krus at Muling Pagkabuhay,
iniligtas mo ang sandaigdigan.
Pagbasa (Lu 22: 39-45)

Gaya ng kanyang kinaugalian, umalis si Hesus at nagtungo sa Bundok ng mga Olibo;
at sumama ang mga alagad. Pagdating doo’ys sinabi niya sa kanila, “Manalangin
kayo, nang hindi kayo madaig ng tukso.” Lumayo siya sa kanila nang may isang pukol
ng bato, saka lumuhod at nanalangin. “Ama,” wika niya, “kung maaari’y ilayo mo sa
akin ang kalis na ito. Gayunma’y hindi ang kalooban ko ang masunod, kundi ang
kalooban mo.” Tigib ng hapis, siya’y nanalangin nang lalong taimtim; tumulo sa lupa
ang kanyang pawis na animo’y malalaking patak ng dugo. Tumindig siya
pagkapanalangin at lumapit sa kanyang mga alagad. Naratnan niyang natutulog ang
mga ito dahil sa tindi ng dalamhati.
Pagninilay
May mga panahong tila gusto na nating sumuko, dahil sa bigat ng ating mga pasanin
sa buhay. May mga panahong parang wala na tayong ibang maasahan. May mga
panahong ang mga taong inaasahan nating nariyan lagi para sa atin ay naglalaho
kung oras na ng kagipitan. Sa mga panahong wala na tayong makapitan, alalahanin
natin na hinding hindi tayo iiwan ng panginoon. Hinding hindi tayo susukuan ng
paginoon. Makita nawa natin bilang halimbawa ang pagbaling ni kristo sa Diyos sa
panahon ng paghihirap. Maari tayong lumapit at kumapit sa kaniya kailan man.
Panalangin
Panginoon, humantong Ka sa panahong wala Kang ibang makapitan at walang ibang
malapitan kundi ang iyong amang nasa langit. Kahit ang iyong mga kaibigan na
minamahal at inaasahan ay naglaho. Turuan mo kaming matutong kumapit at lumapit
sa Ama, na siyang tanging makakapitan at malalapitan sa oras ng kagipitan.
Paanyaya
Isipin at ipag-dasal ang mga taong walang ibang makapitan and walang ibang
malapitan kundi ang Diyos.
IKATLONG ISTASYON:
SI HESUS SA HARAPAN NG SANEDRIN
Sapagkat sa pamamagitan ng iyong Mahal na Krus at Muling Pagkabuhay, iniligtas mo
ang sandaigdigan.

Tumindig ang pinakapunong saserdote sa harap ng kapulungan, at tinanong si Hesus, “Ikaw ba
ang Mesisyas, ang Anak ng Kataas-taasan? “Ako nga,” sagot ni Hesus. “At makikita ninyo ang
Anak ng Tao, na nakaupo sa kanan ng Makapangayarihan sa lahat. At makikita ninyong siya’y
dumarating, nasa alapaap ng langit.” Winasak ng pinakapunong saserdote ang sariling
kasuutan, at sinabi, “Hindi na natin kailangan ang mga saksi! Kayo na ang nakarinig ng kanyang
kalapastanganan sa Dios! Ano ang pasya ninyo?” Ang hatol nilang lahat at kamatayan.
Kinaumagahan, nagpulong agad ang mga punong saserdote, ang matatanda ng bayan, ang
mga eskriba, at ang iba pang bumubuo ng Sanedrin. Ipinagapos nila si Hesus, at dinala kay
Pilato.
Pagninilay
Namamayagpag ngayon ang kultura ng panghuhusga. Marami ang hinuhusgahan ng lipunan
dahil hindi sila sumusunod sa kung ano ang nakasanayan na. Marami sa mga hinuhusgahan
ang wala man lang nangangatwiran para sa kanila. Higit pa rito, tayo rin ay nanghuhusga ng
iba. Nanghuhusga tayo base sa panlabas na anyo, kulay ng balat, sa antas ng napag-aralan, sa
katayuan sa buhay, sa pananamit, sa pananalita. Nawa’y mamulat tayo sa katotohanang kahit
na may pagkakaiba man sa ilang mga bagay, tayo’y pare-pareho sa harapan ng Diyos. Nawa’y
makita natin sa ating mga kapwa si Kristo, na hinusgahan din sa kaniyang kapanahunan.
Panalangin
Panginoon, madalas din kaming manghusga ng ibang tao. Nawa’y matuto kami sa Inyong
halimbawa ng pakikisalamuha ng walang pinipili, magsisilbi at nagmamahal ng walang sukatan.
Nawa’y makita Ka naming sa bawat taong hinuhusgahan sa lipunan, ang magkaroon ng lakas
na baguhin ang kultura ng panghuhusga sa aming mumunting mga paraan.
Paanyaya
Isipin at ipag-dasal ang mga taong hinuhusgahan sa lipunan, ang mga taong atin ding
hinusgahan.
IKAAPAT NA ISTASYON:
ANG PAGHAMPAS AT PAGPUPUTONG
NG KORONANG TINIK
Pagbasa (Mt 27:22-30)

Sinabi sa kanila ni Pilato, “Kung gayon, ano ang gagawin ko kay Hesus na tinatawag
na Kristo?” Suamgot ang lahat, “Ipako sa krus!” “Bakit, anong masama ang ginawa
niya?” tanong ni Pilato. Ngunit lalo pa nilang isinigaw, “Ipako sa krus!”
At ipinahagupit si Hesus at ibinigay sa kanila upang ipako sa krus. Si Hesus ay dinala
ng mga kawal ng gobernador sa pretoryo, at nagkatipon ang buong batalyon sa
paligid niya. Naglikaw sila ng halamang matinik at ipinutong sa kanya, saka
pinaghawak ng isang tambo sa kanyang kanang kamay. At palibak siyang niluhud-
luhuran at binati: “Mabuhay ang Hari ng mga Hudio!”
Pagninilay
Biktima si Kristo ng kultura ng paggamit ng kapangyarihan upang makalamang sa
kapwa. Kahit sa ating panahon ngayon, maraming mga tao ang pinagmamalabisan,
hindi lamang sa paraang pisikal, kundi sa emosyonal at spiritual na paraan din.
Nagiging kultura na ang pagsasamantala upang makalamang lang sa kapwa. Makita
nawa natin ang Panginoon sa mga taong pinagmamalabisan, mga taong biktima ng
kapangyarihan ng iba.
Panalangin
Panginoon, matuto nawa kaming gamitin ang aming mga kakayanan upang
makagawa ng mabuti sa aming mga kapwa. Bigyan Mo kami ng lakas ng loob na
ipagtanggol ang mga naaapi at mahihirap.
Paanyaya
Isipin at ipagdasal ang mga taong naghihirap dahil sa pagmamalabis ng iba, ang mga
taong naghihirap dahil sa pagmamalabis natin.
IKALIMANG ISTASYON:
TINANGGAP NI HESUS ANG KANYANG KRUS
Sapagkat sa pamamagitan ng iyong Mahal na Krus at Muling
Pagkabuhay, iniligtas mo ang sandaigdigan.
Pagbasa (Mt 27:31)

At matapos kutyain, kanilang inalisan siya ng balabal, sinuutan ng sariling
damit, at inilabas upang ipako sa krus.
Pagninilay
Masarap magmahal. Masarap magmahal kahit na may kaakibat na
pagpapakasakit at pagsasakripisyo ang ating pagmamahal. Dahil sa
pagmamahal, handa tayong magsakripisyo. Kahit mahirap, handa tayong
piliing patuloy na magmahal. Dahil sa pagmamahal, kusang-loob na tinanggap
ni Hesus ang kaniyang krus. Dahil sa pagmamahal, pinili ni hesus na sundin
ang kalooban ng Ama. Alam niyang mahirap. Alam niyang masakit. Ngunit di
alintana ang hirap at sakit dahil sa kaniyang pag-ibig para sa atin.
Panalangin
Panginoon, inaalala naming ngayon ang Iyong pagibig sa amin, na handang
piliing umibig, kahit may kaakibat na kahirapan, kahit mahirap kaming mahalin.
Turuan mo kaming makita ka sa mga taong aming minamahal. Turuan Mo
kaming piliing maging mapagmahal kahit may hirap itong kaakibat.
Paanyaya
Isipin yung ang mga tao sa buhay mo na mahirap mahalin. Ipagdasal at ipag
paubaya sila sa Panginoon.
IKA-ANIM NA ISTASYON:
SI HESUS AY NADAPA SA BIGAT NG
KANYANG KRUS
Pagbasa (Juan 19:16-17)

Habang sumusuray ang hakbang ni Hesus patungo sa Kalbaryo halos madurog si
Hesus sa bigat ng Krus na kanyang pasan-pasan. Higit pa marahil, napuspos si
Hesus sa panunuya at panlilibak ng mga tao na para bagang siya ay isang kriminal.
Halos igupo ng pagod dahil sa kawalan ng tulog sa magdamag at pagpapahirap na
kanyang dinanas, si Hesus ay nalugmok sa bigat ng Krus at pag-aalipusta na
kanyang dinanas.
Pagninilay
Mahirap ang buhay. Marami tayong naririnig sa balita ng mga taong sumusuko na
dahil sa hirap ng buhay. “Panginoon, bakit ako pa?” Malaking katanungan kung bakit
pinababayaan ng Panginoon na makaranas tayo ng kahirapan. Mahirap isipin na
hahayaan tayong makaranas ng kahirapan ng Diyos ng pag-ibig. Sa panahon ng
kahirapan, madalas nating makalimutan ang pangakong binitiwan ng Panginoon, na
hinding hindi niya tayo iiwan, lalo na sa oras ng kagipitan. Matutong tumayo muli
mula sa pagkakalugmok, ng may pananalig at pag-asa sa pangako ng panginoon na
kaagapay natin siya sa bigat ng krus ng buhay.
Panalangin
Panginoon, napakarami din sa amin ang nadarapa at napapasubasob dahil
kahirapan sa buhay. Samahan Mo kami sa tuwing kami ay lugmok sa problema.
Bigyan Mo kami ng lakas ng loob na tumayo muli at pasanin ang aming mga Krus.
Alam namin Panginoon na hinding hindi Mo kami pababayaan.
Paanyaya
Isipin at ipagdasal ang mga taong nabibigatan sa hirap ng buhay.
IKA-PITONG ISTASYON:
TINULUNGAN NI SIMON SI HESUS SA
PAGPASAN NG KANYANG KRUS
Pagbasa (Mc 15:21)

Nakasalubong nila ang isang lalaking galing sa bukid, si Simon na taga-
Cirene, ama nina Alejandro at Rufo. Pilit nilang ipinapasan sa kanya ang
krus ni Hesus.
Pagninilay
Lumalaking kultura na ang kultura ng pagkakanya-kanya. Dahil sa hirap ng
buhay, natututo tayong mabuhay ng para sa ating sarili lamang. Natututo
tayong parating unahin ang sarili. Bahala na ang iba, basta ang sarili ay
matiwasay. Matuto nawa tayong makita ang krus na pasan ng ibang tao.
Matuto nawa tayong makita na sa ating buhay, si Kristo ang ating kaibigan
na kabalikat natin sa ating mga pasaning krus sa buhay. Makita nawa natin
si Kristo sa mga taong naghihirap.
Panalangin
Panginoon, pinasan Mo ang bigat ng krus ng aming pagkakasala. Ikaw ang
pumasan sa krus na aming dapat pasanin. Makita nawa naming ang Iyong
mukha sa mga taong naghihirap. Mapukaw nawa ang aming damdamin na
tumulong ding pasanin ang krus ng iba, dahil Ikaw ang unang pumasan sa
aming krus.
Paanyaya
Isipin ang mga taong pumapasan sa hirap ng ibang tao.
IKA-WALONG ISTASYON:
NASALUBONG NI HESUS
ANG KABABAIHAN NG HERUSALEM
Sapagkat sa pamamagitan ng iyong Mahal na Krus at Muling Pagkabuhay, iniligtas
mo ang sandaigdigan.

Sinusundan si Hesus ng maraming tao, kabilang ang mga babain nananaghoy at
nananambitan dahil sa kanya. Nilingon sila ni Hesus at sinasabi sa kanila, “Mga
kakabaihan ng Jerusalem, hiwag ninyo akong tangisan. Ang tangisan ninyo’y ang inyong
sarili at ang inyong mga anak. Tandaan ninyo: darating ang mga araw na sasabihin nila,
‘Mapapalad ang mga baog, ang mga sinapupunang hindi nagdalantao, at ang mga dibdib
na hindi nagpasuso.’ Sa mga araw na iyo’y sasabihin ng mga tao sa mga bundok,
‘Gumuho kayo sa amin!’ at sa mga burol, ‘Tabunan ninyo kami!’ Sapagkat kung ganito
ang ginagawa sa kahoy na sariwa, ano naman kaya ang gagawin sa tuyo?
Pagninilay
Sa harap ng iba’t-ibang mukha ng kahirapan sa mundo, minsan wala tayong makitang
paraan upang maibsan ang mga ito. minsan pinipili nating hindi na lang tingnan ang mga
ito dahil iniisip nating wala naman tayong magagawa. Unang hakbang ng ating pagkilos
laban sa kahirapan ng mundo ang hayaang pukawin nito ang ating damdamin. Matuto
nawa tayong tumangis para sa mundo. Nawa’y ang ating pagtangis ay magbunga ng mga
hakbang upang maibsan ang mga ito, kahit sa mga maliliit na paraan na ating makakaya.
Panalangin
Hesus, tulad ng ang pagdadalamhati ng mga babae ng Jerusalem para sa iyo, naway
kami rin ay makakaramdam ng pagdadalamanhati sa hindi makatarungang pagpapahirap
sa mundo. Turuan Mo kaming magkaroon ng awa at pagmahahal sa lahat ng nagdurusa,
Bigyan Mo ng pusong tulad Mo, Panginoon.
Paanyaya
Isipin ang lahat ng kasamaan sa mundo, ang mga pang-aabuso, pangungurakot,
digmaan, at pang-aapi sa mahihina. Ano ang nararamdaman mo? Kausapin ang
Panginoon.
IKA-SIYAM NA ISTASYON:
SI HESUS AY IPINAKO SA KRUS

Nang dumating sila sa dakong tinatawag na Bungo, ipinako nila sa krus si Hesus.
Ipinako rin ang dalawang salarin, isa sa gawing kanan at isa sa gawing kaliwa.
sinabi ni Hsus, “Ama, patawarin mo sila, sapagkat hindi nila nalalaman ang
kanilang ginagawa.” At nagsapalaran sila upang malaman kung alin sa kanyang
kasuutan ang mapupunta sa isa’t isa. Ang mga tao’y nakatayo roon at nanonood;
nililibak naman siya ng mga pinuno ng bayan. Anila, “Iniligtas niya ang iba; iligtas
naman niya ngayon ang kanyang sarili, kung siya nga ang Mesiyas, ang hinirang
ng Diyos!”
Pagninilay
Pagkatapos, nang dumating sila si Golgotha, ipinako nila sa krus si Hesus kasama
ang dalawang nagnanakaw. Si Hesus ay hinusga, pinagpasakit, pinagpasaan ng
krus, at ipinako parang isang kriminal. Si Hesus na gumawa ng kabutihan,
nagpagaling ng maysakit, nagturo ng pagpapatawad ay hinatulan ng kamatayan.
Panalangin
Panginoong Hesus, ikaw na gumawa ng kabutihan, nagpagaling ng maysakit,
nagturo ng pagpapatawad ay pinagtaksilan ng kaibigan, iniwanan ng kasamahan,
hinusgahan, at hinatulan ng kamatayan. Hindi po malayo sa Iyo ang aming mga
paghihirap at pagsubok sa buhay, Panginoon. Subalit pag-ibig ang naghatid sa iyo
sa amin, pag-ibig Mo sa amin.
Paanyaya
Isipin ang mga karanasan kung saan ikaw ay gumawa ng mabuti subalit ikaw pa
ang lumabas na masama.
IKASAMPUNG ISTASYON:
ANG NAGSISISING MAGNANAKAW

Tinuya siya ng isa sa mga salaring nakabitin, at ang sabi, “Hindi ba ikaw ang
Mesiyas? Iligtas mo ang iyong sarili, pati na kami!” Ngunit pinagsabihan siya ng
kanyang kasama, “Hindi ka ba natatakot sa Diyos? Ikaw ma’y pinarusahang tulad
niya! Matuwid lamang na tayo’y parusahan nang ganito dahil sa ating mga ginawa;
ngunit ang taong ito’y walang ginawang masama.” At sinabi niya, “Hesus,
alalahanin mo ako kapag naghahari ka na.” Sumagot si Hesus, “Sinasabi ko sa iyo:
ngayon di’y isasama kita sa Paraiso.”
Pagninilay
Maraming nakakagawa ng mali sa atin. Totoo, madalas mahirap magpatawad lalo
na kung malalim ang nagawang sakit ng tao sa atin. Inaanyayahan tayo ng
Panginoon na maging mapagpatawad, na mahalin ang ating mga kaaway, na
ipagdasal ang mga humushusga sa atin, taliwas sa nakasanayang kultura ng
mundo, ang kultura ng paghihiganti. Matuto nawa tayong patawarin ang iba,
humingi ng tawad, at patawatin din ang sarili, dahil tayo ang unang minahal at
pinatawad.
Panalangin
Hesus, kami rin po ay katulad ng magnanakaw na lumalapit sa Iyo ng buong
pagsisisi sa aming mga kasalanan. Ilang beses naming ipingako na magbagong
buhay at iwasan ang kasalanan subalit paulit ulit kaming dumadapa. Maraming
salamat sa walang-sawang pagpapatawad at pagmamahal. Turuan Mo din kaming
humingi ng tawad sa ibang tao na nasaktan namin at magpatawad sa mga
nagkasala sa amin.
Paanyaya
Isipin at ipagdasal ang mga taong kailangan nating patawarin at hingan ng tawad.
Lalong lalo na ang mga mahirap patawarin.
IKALABING-ISANG ISTASYON:
SINA MARIA AT JUAN SA PAANAN NG KRUS
Pagbasa (Jn 19: 25-27)

Nakatayo sa tabi ng krus ni Hesus ang kanyang ina at ang kapatid na babae
nitong si Maria, na asawa ni Cleopas. Naroon din si Maria Magdalena. Nang
makita ni Hesus ang kanyang ina, at ang minamahal niyang alagad sa tabi nito,
kanyang sinabi, “Ginang, narito ang iyong anak!” At sinabi sa alagad, “Narito
ang iyong ina!” Mula noon, siya’y pinatira ng alagad na ito sa kanyang buhay.
Pagninilay
Ang ating mga magulang ay larawan ng pagmamahal ng Diyos para sa atin.
Sila ang unang nagpapadama sa atin ng pagmamahal at pagaaruga ng Diyos.
Sa kanila tayo unang ipinagkatiwala ng Diyos. Sa ating buhay, ipinagkakatiwala
din ng Diyos sa atin ang ibang tao ating nakakasalamuha. Nawa’y maipadama
din natin sa kanila ang pagmamahal ng Ama, na siyang unang nagmahal sa
ating lahat.
Panalangin
Panginoon, tulad din ng aming mga ina, walang sinuman ang umibig sa Iyo
nang higit pa sa iyong Ina. Hindi niya marahil maintindihan ang Iyong
pagpapasakit at kamatayan pero may malalim siyang tiwala sa pangako at
kalooban ng Diyos. Sinamahan Ka ng Iyong Ina at nakibahagi sa iyong
pagdurusa.Isa siyang huwaran ng pagtitiwala at pananalig sa Diyos. Naway
maging tulad kami ni Maria, Ina Mo at Ina na rin naming lahat.
Maging mapagmahal nawa kami sa kanya tulad mo.
Paanyaya
Isipin at ipagdasal ang iyong mga magulang, kung kanino ka ipinagkatiwala ng
Diyos.
IKALABIN-DALAWANG ISTASYON:
SI HESUS AY NAMATAY SA KRUS
Pagbasa (Jn 19: 28-30; Lu 23: 44-46)

Nang mag-iikalabindalawa ng tanghali, nagdilim sa buong lupain at nawalan
ng liwanag ang araw hanggang sa ikatlo ng hapon. Sinabi ni Hesus,
“Nauuhaw ako!” May isang mangkok doon na puno ng maasim na alak.
Itinubog nila rito ang isang espongha, ikinabit sa sanga ng isopo at idiniit sa
kanyang bibig Nang masipsip ni Hesus ang alak ay kanyang sinabi,
“Naganap na!” Sumigaw nang malakas si Hesus, “Ama, sa mga kamay
mo’y ipinagtatagubilin ko ang aking espiritu!” At pagkasabi nito, nalagot ang
kanyang hininga.
Pagninilay
Sa paanan ng krus ni Hesus, nakatingala ang lahat sa Diyos na piniling
maging tao katulad natin, at nakisangkot sa masalimuot nating buhay,
hanggang sa ating kamatayan.
Panalangin
Panginoon, inako Mo ang aming kasalanan at ikaw ang nagdusa para sa
amin. Inalay Mo ang Iyong buhay dahil sa labis na pagmamahal Mo sa
amin. Panginoon, tanggapin Mo ngayon ang aming pagmamahal sa iyo
kahit kadalasan kami ay nagkukulang. Turuan Mo kaming magmahal ng
kapwa tulad ng pagmamahal Mo sa amin at mag-alay ng aming buhay sa
iba.
Paanyaya
Manahimik at damhin ang pag-ibig ni Kristo para sa atin, na handang
magbigay ng sarili para sa atin.
IKALABIN-TATLONG ISTASYON:
SI HESUS AY INILIBING
Sapagkat sa pamamagitan ng iyong Mahal na Krus at Muling Pagkabuhay, iniligtas mo
ang sandaigdigan.
Pagbasa (Mt 27: 57-60)

Bago magtakipsilim, dumating ang isang mayamang taga-Arimatea, na ang ngala’y Hose.
Siya’y alagad din ni Hesus. Lumapit siya kay Pilato at hiningi ang bangkay ni Hesus. Iniutos
naman ni Pilato na ibigay ito sa kanya. Kaya’t kinuha ni Jose ang bangkay at binalot ng
bagong kayong lino. Inilagay niyo ito sa sariling libingan na di pa nalalaunang ipinauka niya
sa bato. Pagkatapos, iginulong niya sa pintuan nito ang isang malaking bato, saka umalis.
Pagninilay
Ang Panginoon ang nagbigay, ang Panginoon ang bumawi. Purihin ang Panginoon. Masakit
ang mawala sa atin ng mga taong pinakamamahal natin. Masakit mawalay sa mga taong
laging nariyan sa ating tabi, mga taong naging bahagi na ng ating buhay at pagkatao. Ang
kanilang paglisan ay tila pag-lisan din ng bahagi ng ating buhay, ng bahagi ng ating
pagkatao. Sa ganitong mga panahon, masakit man at di man natin maintindihan, bumaling
tayo sa Diyos. Bumaling tayo sa Diyos kahit may luha sa mata, at may hinanakit sa puso.
Bumaling tayo sa diyos na siyang nagpapahilom ng mga puso, na nagpapatuyo ng mga luha.
Panalangin
Hesus, inihimlay Ka sa libingan na hiram lamang sa pamamagitan ng kagandahang loob ni
Jose ng Arimatea. Nung ipinganak Ka sa mundo, inilagay ka sa sabsaban. Panginoon,
maraming salamat po dahil sinamahan Mo kami sa aming karukhaan. Sa pag-alay mo ng
Iyong sarili para sa aming kaligtasan, binigyan Mo kami ng pag-asa at lakas ng loob na
magsakripisyo at magtiis dahil alam namin na kasama mo kami sa aming kahirapan
hanggang sa aming kamatayan.
Paanyaya
Isipin at ipagdasal ang mga mahal natin sa buhay na pumanaw na. Alalahanin natin ang
pagmamahal na ating nadama sa kanilang piling at ipagpasalamat sa panginoon na nabigyan
tayo ng pagkakataong maranasan ang kaniyang pagmamahal sa pamamagitan nila.
IKALABING-APAT NA ISTASYON:
ANG MULING PAGKABUHAY NI HESUS
Pagbasa (Mt 28: 1-6)

Makaraan ang Araw ng Pamamahinga, pagbubukang-liwayway ng unang araw ng
sanlinggo, pumunta sa libingan ni Hesus si Maria Magdalena at ang isa pang Maria.
Biglang lumindol nang malakas Bumaba mula sa langit ang isang anghel ng
Panginoon, iginulong ang batong nakatakip sa libingan, at naupo sa ibabaw niyon.
Ang kanyang mukha ay nakasisilaw na parang kidlat at kasimputi ng busilak ang
kanyang damit. Nanginig sa takot ang mga bantay at nabulagtang animo’y patay
nang makita ang anghel. Ngunit sinabi nito sa mga babae, “Huwag kayong matakot;
alam kong hinahanap ninyo si Hesus na ipinako sa krus. Wala na siya rito, sapagkat
siya’y muling nabuhay tulad ng kanyang sinabi. Halikayo, tingnan ninyo ang
pinaglagyan sa kanya.”
Pagninilay
Sa muling pagkabuhay ni Kristo, pinapawi ang ating takot sa kamatayan dahil
nakasisigurado tayong may buhay na walang hanggan. Sa mga panahong lugmok
tayo sa hirap ng buhay, nawa’y maging tanglaw ng pag-asa ang muling pagkabuhay
ni Kristo. Naway mapaalalahanan tayo na ang ating buhay sa mundo ay patungo
lamang sa buhay na walang hanggan kapiling ng Diyos.
Panalangin
Panginoong Hesus, tunay na Ikaw ang bukal ng pag-asa at buhay. Sa pamamagitan
ng Iyong muling pagkabuhay, binigyan Mo kami ng pag-asa at lakas ng loob na
harapin ang anumang pagsubok sa buhay. Pinagtibay Mo rin ang aming paniniwala
na sa darating na panahon ay babangong muli kami sa kamatayan.
Paanyaya
Isipin ang mga mahal sa buhay na sumakabilang-buhay na. Alam nating sila’y
kasama ni Kristo na muling nabuhay.

Station of The Cross

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Station of The Cross

Uploaded by

Copyright:

Available Formats

UNANG ISTASYON:

ANG HULING HAPUNAN

Pagbasa (1 Cor 11: 23-26)

Ama Namin… Aba, Ginoong Maria… Luwalhati…

Pagbasa (Lu 22: 39-45)

Ama Namin… Aba, Ginoong Maria… Luwalhati…

Pagbasa (Lu 22: 39-45)

Ama Namin… Aba, Ginoong Maria… Luwalhati…

Pagbasa (Mt 27:22-30)

Ama Namin… Aba, Ginoong Maria… Luwalhati…

Pagbasa (Mt 27:31)

Ama Namin… Aba, Ginoong Maria… Luwalhati…

Pagbasa (Juan 19:16-17)

Ama Namin… Aba, Ginoong Maria… Luwalhati…

Pagbasa (Mc 15:21)

Ama Namin… Aba, Ginoong Maria… Luwalhati…

Pagbasa (Lu 23: 27-31)

Ama Namin… Aba, Ginoong Maria… Luwalhati…

Pagbasa (Lu 23: 33-35)

Ama Namin… Aba, Ginoong Maria… Luwalhati…

Pagbasa (Lu 23: 39-43)

Ama Namin… Aba, Ginoong Maria… Luwalhati…

Pagbasa (Jn 19: 25-27)

Ama Namin… Aba, Ginoong Maria… Luwalhati…

Pagbasa (Jn 19: 28-30; Lu 23: 44-46)

Ama Namin… Aba, Ginoong Maria… Luwalhati…

Pagbasa (Mt 27: 57-60)

Ama Namin… Aba, Ginoong Maria… Luwalhati…

Pagbasa (Mt 28: 1-6)

Ama Namin… Aba, Ginoong Maria… Luwalhati…

You might also like