TEKNIK JAPETRAN”O” & JAPEINTRAN”XO” MUTARKA PENANGGUL

SENENTANG JAKU PENGAWA TRANSITIF ENGGAU JAKU PENGAWA

INTRANSITIF JAKU IBAN UNGKUP
PRIMARI 3

GABRIEL ANAK GURET

INSTITUT PENDIDIKAN GURU KAMPUS RAJANG, BINTANGOR

ABSTRAK

Pansik aksyen tu dipejalaika dikena mantu mutarka penanggul senentang jaku pengawa
transitif enggau jaku pengawa intransitif iya nya enda ulih nerangka reti, meri chunto enggau
ngelala jaku pengawa transitif enggau jaku pengawa intransitif jaku Iban ungkup nembiak ba
Primari 3. Pansik tu dipejalaika ngena tempa siti teknik iya nya teknik JaPeTran”o” &
JaPeIntran”xo” ti bebantuka kereban bantu belajar ka betukuh multimedia-interaktif Tom
Talking dikena mutarka penanggul nembiak senentang jaku pengawa transitif enggau jaku
pengawa intransitif ba nembiak Primari 3. Instrumen pansik ti dikena ngulihka data iya nya tis
diagnostik, pom questionnaire, interbiu, aksyen satu, tis tikas penguasa satu, aksyen dua
enggau tis tikas penguasa dua. Pansik tu dikarapka ulih dikena sereta diaplikasyenka bala
pengajar ti napi penanggul nembiak ba senentang jaku pengawa transitif enggau jaku
pengawa intransitif. Pia mega, nengah pansik tu dikarapka bala pemansik ti mansik dalam
topik ke sebaka jemah ila ulih bemalinka pansik ti udah tembu tu lalu nguji nempa asil ti lebih
manah agi ngichaka pansik tau dikerembaika ngagai raban nembiak ti dipansik, ngagai sekula
ti bukai, bekenaka aplikasyen kereban bantu belajar ti betukuh ICT, tarak pemerindang
enggau inovatif seraris enggau peminta dalam Dokumen standard KSSR Jaku Iban Sekula
Primari.

Jaku Kunchi: Pansik aksyen, teknik JaPeTran”o” & JaPeIntran”xo”, jaku pengawa transitif
enggau jaku pengawa intransitif, nembiak Primari 3