Ikalimang Linggo ng Pagkabuhay ni Kristo

John 13:31-33, 34-35

Napakalinaw ang gustong sabihin ng ating ebanghelyo ngayon… Makikilala

tayo ng Diyos or ni Hesus na tayo ay ang kanyang disipulo kapag tayo ay
marunong magmahal. At ang pagmamahal na ito ay tunay na pinakita ni
Hesus sa atin sa pamamagitan ng kanyang sarili mismo. Hindi kulang ang
halimbawa na binigay ni Kristo sa atin. Ito ay kumpleto at iyon ay tunay na
pagmamahal dahil di mo isinaalang alang ang sarili mo na ikaw mismo ang
makikinabang kundi, isaalang alang mo ang sarili mo sa iba… Ang pagbibigay
ng sarili ay isang katunayan na tayo ay nagmamahal at kapag nakakaramdam
tayo ng sakit, at hirap, iyon ay tunay na nagmamahal kasi ang bahagi natin ay
binibigay natin sa iba. Tinatanggal natin ang parte ng ating buhay sa iba.
Dahil ang pagmamahal ay pakikibahagi, isang parte ng bagay ay ibinabahagi
natin sa iba. Katulad ni Kristo, kumpleto ang kanyang pagbabahagi ng
kanyang pagmamahal.

Ngayong ay ang imbitasyon ng Ebanghelyo sa atin…

Nais din bang tularan natin si Hesus sa kanyang pagbabahagi? Ang sagot
dyan ay, isang malaking OO, dahil tayo ay Kristiyano. Papaano? Di lamang ang
mga nakapasok sa kumbento, o kaya sa seminary ang nagaalay ng buhay. Ang
mga layko rin na naglilingkod sa ating simbahan ang maaari din nating
maituring na nagaalay o nagbibigay ng sarili sa Diyos…

Kahit tayo mismo, sa simpleng paraan maaari tayong magalay o

makibahagi. Di lang naman tayo nandito sa simbahan para magkaroon ng
makasama at makiisa kundi, nagbibigay tayo ng kapasalamatan sa biyaya na
binigay ng Diyos sa atin. At makibahagi sa pagmamahal na dulot nya at
ibahagi ang ating sarili sa iba.

Ang panalangin natin ngayon ay ipagdasal natin ang mga naglilingkod sa

simbahan na walang humpay sa paglilingkod Nawa ay bigyan ng maraming
kalakasan at panahon para maibahagi ang pagmamahal ng Diyos sa lahat…

Amen.