Here is another patriotic poem written by Peping Tansinko Manyas.

It was written for the 19 Martyrs of

Aklan, all of them were leaders of the Katipunan of Aklan.

Haead Sa Adlaw Nga Kinamatyan Ku Napueo Ag Siyam Sa Akean

ni
Peping Tansinko Manyas

Makangingidlis, mamingaw nga kaaganhon,

Ro pomukaw sa inyo nga katoeugon,

Inyo nga gin bugtawan…Ay!...Kamatayon,

Gin tangisan it abung tagiposuon,

Ro inantus ninyong kasakit nga sugong,

Ku pag euwas sa Banwang kaugalingon.

Himaya kamon ro adlaw ngarandaya,

Nabukeas tabon sa among mata;

Sa inyong pag kamatay, kami kumilaea,

Ku pag higugma sa binugtawang banwa,

Eamigas ro inyo nga sinabod ngara,

Nga among gina palangga ag gina higugma.

Bulahan ro inyong manga kapaearan,

Ngani kamo among gina padunggan,

Himpit, tunay amon nga gina haearan

Ro adlaw ngara nga inyong kinamatyan,

It bugana nga manga kalipayan,

Ag among gina hadkan ro inyong eubongan. (1926)