Mother Lesson Plan

Submitted by: Len Bautista & Adalia Mary Grace Domantay

Level: Grade 10

Paksa: ADBIYENTO

Pagpapahalaga: Pagsisisi at pagbabago ng puso

Layunin:
1. Naipapahayag na ang Panahon ng Adbiyento ay panahon ng paghahanda sa pagdating ni
Jesus.
2. Nakapagtatala ng mga gawaing nakapagpapakita ng tunay na paghahanda sa panahon ng
Adbiyento.
3. Nakapananalangin ng taos pusong pagsisisi bilang paghahanda sa Pagdating ni Jesus.

Sitwasyon ng Buhay: Karanasan sa Paghahanda ng Tahanan para sa darating na Bisita at

Karanasan sa paghahanda para sa pagsapit ng Pasko.

Nakaranas ba kayo na tumanggap ng panauhin o bisita sa inyong tahanan?

Ano ang naaalala ninyong mga kaganapan sa inyong tahanan kapag may darating
na panauhin, lalo na kung ang panauhin ay mula sa ibang bansa at manunuluyan sa
inyong tahanan ng ilang araw?
Ano ang pinakamabigat na ginagawa bilang bahagi ng paghahanda sa pagdating ng
panauhin o ng bisita?
Sa inyong palagay bakit ginagawa ang lahat ng paghahandang ito?

< Ngayon naman pag-usapan natin ang mga paghahandang ginagawa sa pagdating ng araw
ng Pasko>
o Anu-ano ang mga paghahandang ginagawa ng tao kapag papalapit na ang Pasko?

 Ang ating mga nakikita at naririnig sa paligid ay tanda ng ating paghahanda sa

nalalapit na kapaskuhan. Pero ito kaya ang tamang paghahanda?

PAG-UUGNAY:
Balikan natin ang ating ginagawang paghahanda kapag may parating na bisita sa ating mga
tahanan; hindi ba lahat ng ating ginagawa ay para sa ikasasaya ng darating? Bakit sa ating
paghahanda para sa kapaskuhan, na araw ng pagdating ni Jesus ay pawang para sa ating
kasiyahan lahat? Bagong damit, bagong sapatos, masasarap na pagkain, mga dekorasyon
sa tahanan at kung anu-ano pa na pawang para sa ating mga sariling kasiyahan. Hindi ba si
Hesus ang darating at marapat lamang na para sa kanya ang ating gagawing paghahanda?

 Upang maging tunay ang ating paghahanda. Tayo ay tinutulungan ng ating

Simbahan. Mayroong simbolo o tanda na inilalagay sa loob ng simbahan. Ito ay
hugis bilog na waring korona. Ano ang tawag dito?

 ADVENT WREATH o KORONA NG ADBIYENTO

 Ang ADVENT WREATH ay pagpapaalala na simula na ng Panahon ng Adbiyento o
Advent. Ang salitang Adbiyento ay nagmula sa salitang latin na “Adventus” na sa
wikang Ingles ay “coming” at sa ating wika ay “pagdating.”
 Sino ba ang darating?
 Ano ba ang tamang paghahanda sa Kanyang pagdating?

Pakinggan at alamin natin ayon sa Salita ng Diyos.

Salita ng Diyos: Mark 13:33-37

“. . . maging handa kayong lagi, sapagkat hindi ninyo alam kung kalian darating ang puno
ng sambahayan. . .”

(Katahimikan)

Text Analysis
Pag-usapan :

 Ano ang mahalagang mensahe na nais iparating sa atin ng ebanghelyo ?

 Bakit kailangan natin na maging handa ?

 Ano kaya sa palagay ninyo ang paghahanda na hinihingi sa atin sa pagkakataong

ito, katulad din kaya ito ng naunang paghahanda na pinag-usapan natin?

Linkage: Sa pagsisisi at pagbabago ng puso ay maihahanda natin ang ating sarili sa pagdating
ng Panginoon. Ito ang pinakamagandang regalo na maihahandog natin kay Jesus sa
Kanyang kaarawan , ang isang malinis na puso. Katulad ng kapag may darating sa
ating tahanan ay grabeng paglilinis ang ating ginagawa upang maramdaman ng bisita
o panauhin na siya ay malugod nating tinatanggap sa ating tahanan, ganoon din naman
na dapat nating ihanda ang ating mga puso. Malinis at handa ang lugar na tatahanan
ng ating Panginoong Diyos.

PAHAYAG NG PANANAMPALATAYA:

Anong sakramento ang makakatulong sa atin sa paghahandang ating gagawin?

Pagsamba: SAKRAMENTO NG PAGBABALIK-LOOB ay paghahanda ng sarili sa pagdating

ni Jesus.
 Ang taos pusong pagsisisi sa mga nagawang kasalanan at ang pagtanggap ng
Sakramento ng Pagbabalik-loob ay mga paghahanda ng sarili sa pagdating ni Jesus.
[ KPK 1775 ; 1780 ]

Sa Sakramento ng Pagbabalik-loob tayo ay ipinagkasundo sa Diyos at sa bawat isa.

Ang pangungumpisal ang pinakamainam na paghahanda para sa pagdating ni Hesus.
Ang Banal na Espiritu ay nananahan sa atin upang ihanda ang mga tao sa pagdating
ni Hesus. Ipinangaral Niya ang pagsisisi at pagbabalik-loob sa Panginoon. Ang tunay
 na pagbabalik-loob at paghahanda ngayong panahon ng Adbiyento ay nagpapanibago
ng puso ayon sa turo ni Jesus at paglilingkod sa kapwa nang may pagmamahal.

Kaya nga may Simbang gabi tayong mga Pilipino na magsisimula sa December 16. Ito
ay siyam na araw na pagnonobena bago sumapit ang araw ng kapaskuhan, upang
lubos na matanggap ang grasya ng Diyos, na maihanda ang sarili sapagkat si Jesus
ay dumarating , dumarating sa Banal na Eukaristiya at tinatanggap natin sa anyo ng
tinapay , dumarating sa iba’t ibang pangyayari sa ating buhay at darating sa wakas
ng panahon.

Ang taos pusong pagsisisi at pagbabalik loob ay paghahanda ng sarili sa pagtanggap

kay Hesus. [ KIK # 1430-1431 ]

Sino ba ang tumatawag sa atin na magbalik loob?

Katotohanan : Si JESUS, ang anak ng Diyos na hinihintay natin ay tumatawag sa

pagbabalik loob. [ KIK 1427 ] .

“Dumating na ang panahon at ang Kaharian ng Diyos ay nalalapit na :

Magbalik-loob kayo at sumampalataya sa Ebanghelyo …” (Mk1:15)

Ang tawag ni Kristo sa pagbabalik-loob ay ipinagpapatuloy pa rin sa buhay ng mga

Kristiano. Ang pagbabalik loob ay isang gawain walang tigil para sa Simbahan na
tumatanggap sa mga makasalanan. Ang pagbabalik loob ay hindi isang gawain
lamang ng tao kundi pagkilos sa tulong ng Diyos na unang nagmamahal sa atin.
[ KIK 1428 ]
 Ano nga ba ang Adbiyento?
 Bakit ba tayo naghahanda?
 Bakit ba tayo kinakailangang magsisi sa ating mga kasalanan?
 Ano nga ba ang ibig sabihin ng Advent Wreath?

ADVENT WREATH
 Kandila: sumisimbolo sa apat (4) na Linggo ng ating paghihintay, padhahanda at
pag-asa.

 Kandilang kulay lila : tinatawagan tayong magsisisi sa ating mga kasalanan.

 Kandilang kulay rosas: sumisimbolo na tayo ay magalak sa nalalapit na pagdating

ni Jesus. Ito ay sinisindihan sa ikatlong Linggo.

 Bilog: sumisimbolo ng walang hanggan at walang kupas na pagmamahal o pag-

ibig ng Diyos sa atin.

 Berde: sumisimbolo sa buhay na pagmamahal ni Jesus.

Ang Advent Wreath ay sumisimbolo ng walang hanggang pag-ibig ng Diyos sa atin.

Ito ay nagpapalala sa atin na tayo ay kinakailangang maghanda sa pagdating ni Jesus.
Ano pa ang maaari nating gawin bilang paghahanda.
Kung ang mga bisitang darating sa ating tahanan ay hinahandaan natin ng masasarap na pagkain
na paborito nila ano naman ang maaari nating ihanda para ialay sa pagdating ng ating Panginoong
Jesus?

Pagsasabuhay:
Ang PAGKAKAWANG-GAWA AT PAGSASABUHAY ay paghahanda sa pagdating
ni Jesus.
Sa kabila ng mga nagawa natin, si Jesus ay patuloy na tumutulong sa atin upang tayo
ay maghanda sa kanyang pagdating. Sa pamamagitan ng pagtulong at pagpapadama
ng pag-ibig sa ating kapwa naihahanda natin ang ating sarili upang tayo ay maging
karapat-dapat na tumanggap sa pagdating ni Jesus.
Ang pagbabalik-loob sa Diyos ng buong puso natin, isang pagkalas mula sa kasalanan,
ang pagtalikod sa masama, nang may pagkamuhi sa masamang nagawa natin. Kasama
nito, ay ang hangarin na magtika at magbagong buhay taglay ang pag-asa sa awa ng
Diyos at pananalig sa tulong ng kanyang grasya.
[ KIK 1432 - 1435 ]

Ano ang kinakailangan nating gawin bilang paghahanda sa pagdating ni Jesus?

TUGON NG PANANAMPALATAYA:

Panindigan: Ako ay naniniwala na mahal ako ni Jesus at tinatawag Niya ako na magsisi sa
aking mga kasalalan.

Pagtatalaga : Anu-ano ang mga gagawin mo bilang tanda ng pagbabalik-loob sa Diyos?

Paano mo paghahandaan ang pagdating ni Jesus?
Tunay nga bang may pagsisisi at galak sa iyong puso sa pagdating ni Jesus?

Pagdiriwang: Magsisindi ng kandila. ( Tahimik na ilallapit sa ating Panginoong Diyos ang mga
kasalanan <habang pinapatugtog ang “Create in me “ > pagkatapos ay
dadasalin ang “Pagsisisisi “

BUOD:
Ang panahon ng Adbiyento ay panahon ng paghahanda sa pagdating ng Panginoon.
Ang pagtanggap ng Sakramento ng Pagbabalik-loob ay isang paraan ng mainam na
paghahanda ng sarili sa pagdating ni Hesus. Si Hesus, ang Anak ng Diyos na
hinihintay natin ay tumatawag sa ating pagbabalik-loob. Ang pagkakawang gawa ay
pagsasabuhay ng paghahanda sa pagdating ni Hesus.