Cyclamen
Cylamen…! Cyclamen…! Apagmasdan daca
Uliran kang mutya ding madlang sampanga
Mapagcumbaba ka at cayaga-yaga
E ca maningayang manintun julaga
Bistaman ing leguan mipagkalub queca…!
Ibat qng bucu cang malale mamangat
Lalon me ing tangque nung nuca menibat;
At qng pandalo na ning aldo sisikat
Babie mu ing queya galang a masampat
Capuri-puri ca qng mayap mung dapat…!
Potang ding pisngi mu sumilad nong miuman
At magparayo na ing tagle mung leguan,
Ya at ya pa mu rin ing quecang aingan
Ing macapagbalic qng tangque mung licuan
Ban caring punlas mu malugud meng caulan…!
Panyatang ning aldo a acaul me
Ing queqa misapwac ing indu mung tune,
Carin me panayan ing aldo ning lumbe
Nung nu matanggal ya ing punlas mung tacde
Qng pangacaul na qng indu mung tangque…!
Cabang lalon daca malagung Cyclamen
Agaganaka ke ing licuan kung Eden;
Itulut na nasa ning Dakilang Amen,
Dasnan na cu nitang aldo pangalumben,
A maca-caul cu king tibuan cung balen…!
Cyclamen
Cylamen…! Cyclamen…! I have stared at you
Blooming the most amongst the flowers around
you
Humble and meek are you
Your importance manifests in you
For beauty is bestowed upon you
And there you are transcending
Looking back from where you were coming
And the sun is brightly shining
Respect is what it is giving
Truly praise worthy for your good doing
Your cheeks I want to caress
And flaunt the beauty you possess
Still, it manifests
For your stem to be back
So it seedlings, you can lovingly hug
When the time comes for you to embosom
Your mother land, your home
And there wait the day to mourn
For you arms to be detached
From the stem that it latched
While I stare at you beautiful Cyclamen
I remembered the left Eden
May the Holy Amen grant me
If sorrow will envelop me
That I may embrace my native land…!
 Ing Sala The Light

Dening tanaman ku apansinan ku la…. I have noticed my plants

Ing sala ning aldo yang panalukyan da….! The sunlight is what they follow
At itang dalumdum yang gugulutan da And the dark is what they ignore
E’re lalawan man itang anino ra…! Not even looking on their shadow

Abak pang maranun ta’no pakabatyo Early in the morning they are waiting
Ketang panilang na aurorang sisiro, To see the sun beaming
King malating awang bias langan tando By the small window all is looking
Ban salubungan de ing sala ning aldo…! To greet the bright light shining

Ing sinulud kening kakung kaisipan: A thought came to me

Ma’p la pa kanaku sese kung tanaman, Better are they than me
Biasa lang gumulut king keralumduman…. Coz the dark they disregard
Ing sala ning banua, balu reng saganan…! And the light they know to regard

Samantalang akung taung palpitakid Meanwhile, here I am

King keralumduman ku bala-balakid, To the dark I always come
Anino yang paldas ing kaku tataid With my shadow on my side
Inya king sigalut ku mangatalabid…! That’s why chaos is by my side

Mal kung kayanakan, ilang apusan yu My dear youth, look up to them

Ding kakung tanaman…aliwa na aku, Not me, but them
Yang panalukyan yu ing SULU ning yatu On this earth follow the LIGHT
Pablasang king SALA….karin ya ing Guinu For the LORD resides where there is LIGHT.
 E ra ka Kalinguan
Dakal lamang bulung king tanke malagas,
Dakal lamang banuang datang at lumabas,
E ra ka kalinguan!
Palabsang king diwa eku no abaklas
Ding ala-ala na ning bie tang milabas
Nung malakue man sa dagat kung lipatan,
Nung marayu man sa lugal kung puntalan,
E ra ka kalinguan!
Pablasang ing sumpangseria mung tikusan
Dela neng miglakbe ning pusung sugatan.
Nung tulandung kuman king marimlang aun,
Nung matambun ku man king lalam ning gabun,
E ra ka kalingwan!
Pablasang ing kakung kaladuang mabangun
Palsintan naka rin ning panaun.
Nung painturu ku man king kayarian banua,
Nung akua keng dasnan ing matas a Gloria,
E ra ka Kalinguan!
Pablasang ing kakung malsintang kaladua
Ketang alwang bie dasan meng manaya
I Won’t Forget thee
Even a bunch of leaves will fall
And years that may come, winter, spring,
summer and fall
I won’t forget thee!
For in my thought I cannot detach
Our memories from the pass
To overseas, I will have gone
And even farther to where will I come
I won’t forget thee!
The promise you tear apart
Together travelled with my wounded heart
If to the cold tilt I die
If to the deep grave I fall
I won’t forget thee!
And when my soul arises
Time will love thee
If to the end of the world I come
If to the highest Glory will I reach
I won’t forget thee!
May my soul, so loving
To the afterlife, you’ll see it waiting
 Panaun Weather

Mapayapa ing ambun. Good is the dew

Manahimik ing alun. The waves subsides
Ah? Kamatayan! Oh? Death!
Ing lua pepalangyan na Tears run dry
Pati timan pitda na Even the smile

Aslag-aldo mapali Hot is the glare of sun

Danum-uran mélange The rain water has dried
King keyang pali By the scorching heat
Megisan ngan mepawi Everything was lost and vanished
Lwa na ning pusung sawi The tears of a broken hearted
 Oras Time

Oras ning almusal Its time for beakfast

Kape at pandesal Bread and coffee let’s eat
Mangan tanang dapal All together, Let us eat
Lage tang mamalbal For we break a lot
Ing obra marakal And we work a lot

Oras ning paugtuan It time for lunch

Saglit tapa mang mangan Let us eat, for a while
Ban mika sikanan For strength, to gain
Uling ing linangan And go to the plains
Dapat tayang tamnan To plant some grains

Oras na ban mapun Now its time to dine

Ing pale metipun Gathered are the grains
Medara ing buntun Those were planted on the plains
Ngeni ta mitipun Harvested are they now
Atin tanang itun. Finally we can cook now

Oras pamaniglip Time to sleep

Ing pagal mituklip Tiredness will fold
Ing sakit melilip The pain weaved
Yan pamitalip And together they are bonded
Ing bie keti sulip In this life on earth
 Rosang Tatu
Irug kung kayama-yama
Palsintan ning kakung pluma;
Ing lagyu mu mitatak ya
Karing kakung poesya;
Ikang kakung milagrosa
Ikang ausan kung Rosa
Nung mame kung mag-imain
Busal ning malagung jardin;
Balaku wari ika pin
Itang rosang bitin-bitin
A pakialungan ning hangin
At palsitan da ding batwin.
Tulid na ning kakung pusu
Atiu ing rosang malutu;
Ya ing magsilbing patutu
King lugud kung milalalu;
Lawen me ing kakung salu
Mikintal kang Rosang Tatu
A Rose Tattoo
Oh my loving dearest
My pen’s amorousness
Your name has imprinted
On the poems I have printed
Miracle to me, are you
Rose, is what I call you
If I were to draw an image
In the midst of the garden
It’s you, I thought then
The rose that is hanging
With the wind, playing
Which the stars are dreaming.
Across my heart is where
The red rose is placed there
It will testify the truth
About my love that is absolute
Lay your eyes into my chest
On a rose tattoo you etched
 Maligosu
Ing Maligosu, maniaman yang tutu,
Nung ustu ya sangkap..nung ustu ya lutu;
Yang maglutu sana talus ne at lisu
Nung nu anti pait…ban e bisu-bisu.
Sadya na ing sangkap. Ban e ya magmintis
Gisa ne keng bawang, sibuyas, kamatis
King tapi ning babing pemisikan patis…
Kabulug ning bulung, takpan neng mabilis.
Yapag ne king dulang a ganap king pali
Babasuk ya pa sang iba’t king kawali,
Nung mitambalan yang bayung single nasi
Ding dungut king dulang muli langan mabsi.
Ining Maligosu, nung mapait yaman,
Atyu keng maglutu… atiu king mamangan…
Makanian ya ing bie kalupang lelangan:
Nung minsan, atyu king pait ing niaman…!
Amargoso
(Bitter Leaf)
Truly palatable is Amargoso
If Ingredients are complete… and properly
cooked
Should the cook be expert and maven
Bitter it may be… not what it only means to be
Ingredients ready. For it not to miss
Onion, garlic, tomato… sauté it to these
A sprinkle of fish sauce on the swine’s meat
After the leaves are put, fastly cover it
Serve it while its hot
Its sizzling on its pan
Fried rice to be combined
Full will they go, those who have dined.
Amorgoso, bitter it may be
And that depends on the one who cooks… and
the one who eats
And that’s what life is:
For sometimes, where the bitterness is, it’s
where sweetness lives.
 Sampagang Rosa The Rose

Migising ne naman And it has awaken

Matudtud nang leon ning kanakung pusu…!
Mipakde ne naman
King karatunan na king kweba nang salu…!
Ing kayang sambitan
Kakablas king dalig, at makipatlalu
King atmu kasikan
A karung ning duldul king busal ning pulu…!
The lion that slept in my heart
From the rack it has risen
From where it resides, in the cave of my heart
It is so loud, it sounds
Reverberating and together it sounds
Clamorous
Loud like a thunder and is sonorous

Bala’ ku mo sana For I thought then

Ing sintang matudtud e’mu ne gisingan The one who sleeps shall not be awaken
Ban makalingwan na Just to forget
Ing sugat at kaplas king kapanamdaman….! The wound and the pain you get
O’ Samapagang Rosa, O Rose,
Bakit angga ngeni king kakung taguimpan Why until now
Paganaka mo pa You Let me remember
Ding tulang dapat sa pisulu tang kimtan The poems we should have made together
 Ing Ngeni Today

Misan mu…! Kaibat na, Just once..! after that,

Kabut linabas ya It has just passed
E’ne pasibayung dumalan pa keni! And here, it won’t pass again
O’ magsaya tan a So let’s rejoice then
Ikit ta ne lupa Its face, we have seen
King kaugtuan aldo ing leguan ning NGENI…! In this afternoon, the beauty of TODAY…!

King milabas tang bie From our life’s history

Eka dapat mie..! You shall not live truly
Ing napun, sukat teng paglukasan paldas…! The yesterday that has gone
Ban apialas te For us to witness
Ing tula nang babye The joy it brings
Ning ngening e na na saklo ning milabas…! Today, that is apart from the past

At ing bukas naman, And TOMORROW

Nung malagu yanaman If beautiful too
Alang kapilisyan dating at dating ya..! No matter what, it will come
Eta ne panayan, Let us not wait
Ba;teng e sayang For us not to waste
Ing ampang nang ningning ning ngening atiu What today shimmers and shines
na…!!

Puso ko, lon mu la My heart, look at them

Oren, mabie la There, they are alive
King maplas dang napun at maslag dang From the painful past and their bright future
bukas…! What a waste..! what a waste…!
Saying na…! Sayang na…! They have not seen the face!
E’re ikit lupa The beauty of today that just passed.
Ing malagung ngening kabud na linabas
 Rosa Rosa

King karsel nang salu
Ning paldas kung pusu, kakablas ing tabling
A makipatlalu
King kurung ning duldul king benging matuling:
Rosa! Rosa! Rosa!
Maki-lauk siguk ing matning saingsing
A bala-balandra
Manintun alsutan king sasagkang dingding!
From the vessel within the chest
Of my lonely heart, resonating throes
And together it goes
With The sound of thunder in this dark night
Rosa! Rosa! Rosa!
And so are the rants are voicing
That are nowhere to be found
Waiting to sneak out, from the wall where its
bound!

Balaku ku mo sana For then I thought

Ngening mebura ne itang Rosang tatu
Meburang kagnan na,
Ing lugud ku kekang memale king salu:
Rosa! Rosa! Rosa!
O’ bat angga ngeni, ing rosang malutu
Eya pa mebura
King pangalimbag na king ubud ning pusu!
Now that the Rose tattoo is lost
It will all be gone
My love to thee, abode my heart
Rosa! Rosa! Rosa!
Why til now, the Rose Tatoo
Yet to be gone
It’s mark within my heart