Edad ng Pananagutan: Tugon nga ba sa kriminalidad?
Maureen F. Chavez
Pabata nang pabata ang mga kabataang
nasasangkot sa krimen tulad ng pagtutulak ng ilegal na droga, panggagahasa at maging ang pagpatay. Base sa datos ng Department of Social Welfare and Development (DSWD), noong 2016, nasa 10,000 bata na ang nasangkot. Matutugunan ba ng pagbaba ng Minimum Age of Criminal Responsibility ang pagtaas ng bilang ng mga kabataang nalilihis ang landas?
Matatandaang isinusulong sa senado ang panukalang
batas na layong ibaba sa 9 anyos ang edad ng pananagutan mula sa 15 anyos pababa na nakapaload sa umiiral na Juvenile Justice and Welfare Act of 2006 o Republic Act 9344. Katuwiran ni Senate President Vicente "Tito" Sotto III, na naghain sa Senate Bill 2026, maraming mga sindikato ang umaabuso sa R.A. 9344 dahil sa paggamit nila sa mga bata para magsagawa ng mga krimen.Kaya nararapat lamang na ito ay baguhin.
Inihayag naman ng ilang grupo ang kanilang pagtutol
sa mga panawagang ito,subalit ang 12 anyos na Age of Social Responsibility ay pasado na sa kamara. Ang mga batang nakagawa ng krimen ay hindi tatawaging mga kriminal kundi ay "Children in conflict with the law," ani Mindoro Rep. Doy Leachon. Sa halip na ikulong sa mga ordinaryong piitan, bibigyan sila ng pagkakataong magbagong buhay sa loob ng "Bahay Pag-asa",na pangangasiwaan ng DSWD. Hindi likas sa mga bata ang paggawa ng krimen at hindi edad kundi kahirapan sa buhay ang dapat pagtuunan ng pansin ng gobyerno dahil ito ang nagtutulak sa ilang bata na gumawa ng mali. Kung ayaw nating manakaw ang kinabukasan ng mga kabataan, kailangang sa loob pa lamang ng tahanan at gabay ng magulang mahubog ang kanilang pagkatao. Promissory note: Kailangang malaman ng mga bata?
Maureen F. Chavez
Kamakailan ay nag-viral sa social media ang
ginawang pamamahiya ng Principal sa isang anim na taong bata na pinagsulat ng promissory note. Umani ito ng samu't-saring reaksyon mula sa netizens. Hindi rin ito ikinatuwa ng mga magulang nito na halos napaiyak na nga sa galit. Tama nga ba na ito ay maranasan ng isang paslit pa lamang?
Ang promissory note ay liham na katibayan sa
pagkakautang at pangako sa pagbabayad ng obligasyon, gaya ng matrikula sa loob ng nakatakdang panahon. Ayon sa Federation of Associations of Private Schools and Administrators (FAPSA), isang grupo ng mga private school administrators, hindi na dapat ipinapaalam sa mga bata ang tungkol sa pagbabayad ng matrikula dahil pag- aaral lang dapat ang obligasyon nila. Na kahit saang pribadong paaralan hindi dapat sila obligahin na magsulat nito, dahil napakalaking kahihiyan lamang ang mararanasan nila.
Sa mga magulang, alam niyo naman ang mga
patakaran sa paaralan kung saan ipinasok niyo ang inyong mga anak nararapat lamang na magbayad kayo sa itinakdang panahon upang hindi na umabot sa ganito. Kung hindi rin lang naman kakayanin magpampublikong paaralan na lamang huwag nang magpasosyal kung wala namang pangbayad.
Kung tutuusin ay hindi na dapat pang malaman ito
ng mga estudyante lalong-lalo na ng mga bata dahil wala pa silang nalalaman tungkol dito. Hayaang ang mga nakatatanda ang maging abala sa mga bagay tulad nito dahil ang kontrata ay namamagitan lang dapat sa mga magulang at paaralan.