Bilinggwal
- taong marunong magsalita gamit ang dalawang
wika. (hal. Filipino at Ingles)
Monolinggwal
- taong isang wika lamang ang kayang gamitin.
Poliglot
- taong may kakayahang gumamit ng higit sa
tatlong wika katulad na lamang ng pambansang
bayani ng Pilipinas.
- Mayaman ang wika at isa itong malawak na
larangan. Hindi nauubos ang mga kaalamang
natutuhan at natutuklasan tungkol sa wika.
Henry Gleason
- Ang wika ay may masistemang balangkas ng
sinasalitang tunog na pinipili at inaayos sa paraang
arbitraryo upang magamit ng mga taong kabilang
sa isang kultura.
Bernales
- mababasa ang kahulugan ng wika bilang proseso
ng pagpapadala at pagtanggap ng mensahe sa
pamamagitan ng simbolong cues na maaaring
berbal o di-berbal.
Mangahis
- binanggit na may mahalagang papel na
ginagampanan ang wika sa pakikipagtalastasan.
Ito ang midyum na ginagamit sa maayos na
paghahatid at pagtanggap ng mensahe na susi sa
pagkakaunawaan.
Pamela C. Constantino at Galileo S. Zafra
- Ang wika ay isang kalipunan ng mga salita at
pamamaraan ng pagsasama-sama ng mga ito para
magkaunawaan o makapag-usap ang isang grupo
ng mga tao.
Bienvenido Lumbero
- Binanggit ng Pambansang Alagad ng Sining sa
Literatura na parang hininga ang wika. Gumagamit
tayo ng wika upang kamtin ang bawat
pangangailangan natin.
Alfonso D. Santiago
- Wika ang sumasalamin sa mga mithiin, lunggati,
pangarap, damdamin, kaisipan o saloobin,
pilosopiya, kaalaman at karunungan, moralidad,
paniniwala, at mga kaugalian ng tao sa lipunan.
Ayon sa mga Diksyunaryo
- Ang wika ay sistema ng komunikasyon ng mga
tao sa pamamagitan ng mga pasulat o pasalitang
simbolo.
UP Diksyunaryong Filipino
- Ang wika ay lawas ng mga salita at sistema ng
paggamit sa mga ito na laganap sa isang
sambayanan na may iisang tradisyong pangkultura
at pook na tinatahanan.
Wika
- Nagsisilbing kasangkapan sa maunlad at
makabuluhang pagpapahayag
- Nagbibigkis ng damdamin at kaisipan
- Salamin ng kultura at pinagdaanang kasaysayan
ng isang bansa
Mga Kahalagahan ng Wika
- Instrumento ito sa komunikasyon.
-Nagpapanatili, nagpapayabong, at
nagpapalaganap ito ng kultura.
- Larawan ng kalayaan at soberanya
- Tagapagbandila ng pagkakakilanlan ng isang
bansa ang mga mamamayan nito.
- Tagapag-ingat at tagapagpalaganap ng mga
karunungan at kaalaman.
- Mahalaga ang wika bilang lingua franca o bilang
tulay ng iba’t ibang lahi.
- Hindi matatawaran ang kahalagahan ng wika sa
pakikipagtalasatasan at pakikipag-ugnayan tungo
sa pagkakaunawaan at pagkakaisa.
- Walang saysay ang sangkatauhan kung wala ang
wika sapagkat walang hiraman ng kultura at/o
paraan ng pamumuhay, walang mangyayaring
kalakalan, walang pagbabahagi ng mga tuklas at
imbensiyon, walang palitan ng talino at kaalaman,
walang diplomatikong pagkakasundo ang bawat
pamahalaan, at walang pagkakaunawaan sa
paglinang ng siyensa at teknolohiya.
- Ang kawalan ng wika ay magdudulot ng
pagkabigo ng sangkatdiauhan. Sa kabilang banda
naman, ang pagkakaroon ng wika ay nagreresulta
ng isang maunlad at masiglang sangkatauhang
buas sa pakikipagsunduan sa isa’t isa.
Mga Teorya ng Wika
1. Teoryang ding-dong
- Kahawig ng teoryang bow-wow, nagkaroon daw
ng wika ang tao ayon sa teoryang ito, sa
pamamagitan ng mga tunog na nalilikha ng mga
bagay-bagay sa paligid. Ngunit, ito’y hindi limitado
sa kalikasan lamang kundi sa lahat ng bagay na
likha ng tao.
Hal. Tunog ng kampana, relo, o tren
2. Teoryang bow-wow
- Ayon sa teoryang ito, maaaring wika raw ng tao
ay mula sa panggagaya sa mga tunog ng kalikasan.
Ang mga primitibong tao raw di umano ay kulang
na kulang sa mga bokabularyong magagamit. Dahil
ditto, ang mga bagay-bagay sa kanilang paligid ay
natutunan nilang tagurian sa pamamagitan ng
mga tunog na nalilikha ng mga ito.
Hal. Tunog ng kulog, ihip ng hangin, pagbagsak ng
alon, tahol ng aso at ingay ng pusa.
3. Teoryang pooh-pooh
- unang natutong magsalita ang mga tao, ayon sa
teoryang ito, ng hindi sinsadya ay napabulalas sila
sa unga ng mga masisidhing damdamin tulad ng
sakit, tuwa, sarap, kalungkutan, takot, pagkabigla
at iba pa.
Hal. Pagtawa, pag-iyak, pagkabigla, pagtataka at
iba pang bulalas ng damdamin.
4. Teoryang yo-he-ho
- Pinaniniwalaan ng mga linggwistang si A.S
Diamond (sa Berel, 2003) na ang tao ay natutong
magsalita bunga di umano ng kanyang pwersang
pisikal. Hindi ba’t tayo’y naklilikha rin ng tunog
kapag tayo’y nag-eesert ng pwersa?
5. Teoryang ta-ta
- Ang ta-ta ay nangangahulugang paalam o
goodbye sa salitang Pranses na binibigkas ng dila
pataas-pababa katulad din ng pagkampay ng
kamay. Sinasabi ng teoryang ito na ang kumpas o
galaw ng kamay ng tao ay ginagawa niya upang
magpaalam.
6. Teoryang ta-ra-ra-boom-de-ay
- Ang pagkilos, pagsayaw, pagsigaw, pagbulong ng
mga taong kalahok o gumaganap sa mga ritwal at
sinaunang selebrasyon o okasyon ay lumilikha ng
mga tunog at pag-usal ng mga salita na sa
kalaunan ay nabibigyan ng kaukulang kahlugan ng
mga tao.
Hal. Pangingisda, pakikidigma, pagtatanim,
pagpapakasal, pag-aalay at iba pang katulad ng
mga nabanggit.
7. Teorya ng Tore ng Babel
- Batay sa istorya ng Bibliya, iisa lang ang wika
noong unang panahon kaya’t walang suliranin sa
pakikipagtalastasan ang tao. Naghangad ang tao
na higitan ang kapangyarihan ng Diyos, naging
mapagmataas at nag-ambisyong maabot ang
langit, at nagtayo ng pagkataas-taas na tore. Dahil
ditto sinira ng Diyos ang tore at iniba ang wika ng
mga tao para hindi magkaunawaan. (Gen. 11:1-8)

Mga Katangian ng Wika

- Ang wika ay isa sa mga mahahalagang salik na
makatutulong sap ag-unlad ng isang bansa. Ito ay
isang mabisang sandata upang labanan ang
kamangmangan at sa halip ay maisulong ang
karunungan.

Bilang instrumento sa mabisang

pagpapahayag, kailangang taglayin ng wika ang
mga sumusunod na katangian:

Dinamiko ang Wika

- dapat ay nagbabago ito kasabay ng pagbabagong
nagaganap sa daigdig.

May lebel o antas

- ang wika ay maaaring pormal o di-pormal.