DAMDAMIN, PANANAW, AT OPINYON NG MGA INHINYERONG SIBIL HINGGIL

SA PAGGAMIT NG KUSOT BILANG ALTERNATIBO SA SEMENTO

Isang pamanahong-Papel na Iniharap sa Kaguruan ng Departamento ng Filipino, Kolehiyo ng Arte at

Syensa, Unibersidad ng Assumption

Bilang Pagtupad sa Isa sa mga Pangangailangan ng

Asignaturang Filipino 2, Pagbasa at Pagsulat

Tungo sa Pananaliksik

Agusto, 2019
 KABANATA I

ANG SULIRANIN AT KALIGIRAN NITO

1. Introduksyon

Ginagamit natin ang kahoy sa konstruksyon sa loob ng libo-libung taon at isa ito sa pinakamalawak

na gamit na materyales sa mga gusali. Ang ilang mga katangian ng kahoy ay maaaring maging kumplikado

sa mga tuntunin ng paggamit para sa konstruksyon, ngunit sa kabila nito, matagumpay na ginagamit ng

mga inhinyero ang likas na yaman na ito, upang bumuo ng iba't ibang mga istruktura.

Sa araw at panahon ngayon na ang mga ginagawang gusali ay napakatataas na, ang mga kumpanya

ng konstruksyon ay nangangailangan ng higit pa na mga produkto ng kahoy - partikular sa plywood, ito ay

nagsisilbing pangunahing bahagi sa mga porma. Sa kabutihang palad, ang bansa ay puno sa mga puno, kaya

ang supply ay laging naroroon. Gayunpaman, higit sa limampung porsyento ng mga produkto ng kahoy na

ginagamit sa konstruksiyon ay itinatapon lamang pagkatapos itong magamit upang maging basura na

lamang.

Ang isang paraan ng paggamit ng mga nasayang na mga produkto ng kahoy ay sa pamamagitan ng

pag-repurposing ng kanilang mga sangkap, paggawa ng mga ito sa isang mas magagamit na materyal. Ang

kusot o pinaglagariang alikabok ay isang kakambal na produkto o basura ng mga gawaing woodworking

tulad ng paglalagari, paggiling, pagpaplano, pagbabarena at pagliliha. Ito ay binubuo ng magagandang

maliliit na butil ng kahoy na nagtataglay ng hiblang pampatibay na maganda para sa paggawa ng kongkreto.

Dahil maraming mga nasayang na mga produkto ng kahoy sa mga site ng konstruksiyon, ang

paggamit ng kusot bilang isang panghalo sa semento sa paggawa ng kongkreto ay maaaring makatulong
hindi lamang sa mga tuntunin ng pagpapababa ng bilang ng kahoy na nasasayang, kundi pati na rin bilang

isang kapalit ng semento sa paggawa ng mga konkreto.

2. Layunin ng Pag-aaral

Ang mga sumusunod ay ang mga layunin ng gagawing pag-aaral:

1. Tiyakin kung epektibo ba ang paggamit ng kusot bilang alternatibo sa semento.

2. Makamit ang mas mataas na tibay ng kongkreto gamit ang kusot.

3. Mabawasan ang pagkonsumo ng semento sa paggawa ng mga kongkreto pangkonstruksyon.

3. Kahalagahan ng Pag-aaral

Ang pag-aaral na ito ay magiging mahalaga sa:

 Pagbawas ng mga basura. Ang paggamit muli sa mga patapong kahoy ay makakatulong upang

mabawasan ang basura sa ating bansa o sa buong mundo.

 Preserbasyon ng mga likas na yaman. Sa paggamit ng kusot bilang panghalo sa paggawa ng

kongkreto, mababawasan ang kakailanganing semento na nakukuha mula sa mga likas na yaman

tulad ng apog.

 Mga kompanyang pang-konstruksyon. Ang mga kompanya na gagamit ng pag-aaral na ito ay

makakagawa ng kongkreto na parehas ang tibay ngunit mas mababa ang gastos.

 Mga mananaliksik sa hinaharap. Makakatulong ito sa pagtuklas at pagpapaunlad pa lalo ng mga

bagong inobasyon ng mga mananaliksik sa larangan ng inhinyerong sibil.

 4. Saklaw at Limitasyon ng Pag-aaral

Ang pag-aaral na ito ay tumututok sa resulta sa magiging tibay ng kongkreto kapag gumamit ng

kusot bilang alternatibo sa semento sa paggawa ng kongkreto. Susuriin ang tibay ng mga magagawang

konkreto kung mapapantayan o mahihigitan ang tibay ng mga kongkretong di nahaluan ng kusot.

Ang pananaliksik na ito ay nasa loob ng mga hangganan ng paghahalo ng kongkreto at pagsusuri

sa tibay neto gamit ang hydraulic press machine for concretes. Ang concrete reinforcement at concrete

admixtures ay hindi kasama sa pananaliksik.

Ang mga kagamitan na gagamitin sa pagsusuri ay nalilimitahan sa kung ano ang mayroon ang

unibersidad.

5. Depinisyon ng mga Terminolohiya

 Ang admixture ay isang kasangkapan na ginagamit sa kongreto bukod sa tubig, semento, at

aggregates. Ito ay ginagamit upang mapabilis o lalong mapagtibay ang mga kongkreto.

 Ang aggregate ay pinaghalo-halong buhangin, bato, at mga particles na nagpapalago sa tibay-

istraktural ng kongkreto at pagdidikit-dikit ng semento.

 Ang semento ay isang parte ng kongkreto at ito ay binubo ng kombinasyon ng mga mapinong mga

materyales sa lupa. Ito ay tumitigas kapag hinalo sa tubig na nagsisilbing pandikit sa mga parte ng

kongkreto.

 Ang konkreto ay hindi katulad ng semento. Ito ay kombinasyon ng semento, aggregates, at tubig.

Ito ay isang mahalagang parte sa paggawa ng isang istruktura.

 Ang kusot(sawdust) ay ang mga mapipinong alikabok na nanggagaling sa paglalagari, paggiling,

pagbabarena, at pagliha ng kahoy.

 Ang concrete reinforcement ay ang paglalagay ng bakal sa loob ng mga kongkreto upang

magbigay ng mas higit pang lakas sa pagpigil ng pagkagiba ng isang istruktura.

 KABANATA II

MGA KAUGNAY NA PAG-AARAL AT LITERATURA

Ayon kay Elinwa, A.U., Ejeh, S.P. and Mamuda, A.M. (2008), Ang kusot ay nangangailangan ng

mas maraming tubig para sa pagkapare-pareho dahil ang kusot ay isang nakatagong haydrolikong materyal

na naglalaman ng mahigit kumulang animnapu’t-pitong porsyento ng silikates.

Ayon kay C. Marthong (2012), ang mga halo na naglalaman ng kusot ay nangangailangan ng mas

maraming tubig kaysa sa mga kaugnay na ordinaryong halo. Ang maagang pag-unlad ng lakas ng konkreto

ay matatayang limampu hanggang animnapung porsyento ng dalawampu’t-walong araw neto. Ang

pagsasaalang-alang ng kusot bilang bahagyang pampalit sa semento ay hindi nagpapabuti ng lakas kapag

ipinakita sa kalagayan ng sulpate. Maging sa gayon, ang kusot na may grado ng limamput-tatlo

(Ordinaryong Portland Cement) ay mas mahusay sa lahat ng account.

Ayon kay Ferriz Papi Juan Antonio (2002), napakahalaga ng pagkakahalintulad ng mga abo. Hindi

lahat ng ito ay may kaparehong komposisyon, na sa bawat kaso ay nagreresulta sa iba’t ibang palabas. Ang

mga calcations ng temperatura ay may malaking impluwensya sa komposisyon na ito. Ang mas mataas na

temperatura, mas mababa ang ashes. Nakita na ang pagkilos ng trabaho ay pinaliit, ang pagtatakda ng

pagtaas ng oras, at ang pagpapatibay at pagpapatibay ng lakas. Napagpasyahan nito na ang hanggang

dalawanpung porsyento lamang ng pagpapalit ng semento ang maaaring tanggapin.

Sa pag-aaral nina A. A. Raheem, B. S. Olasunkanmi, and C. S. Folorunso, ang konkretong may

halong kusot ay nangangailangan ng mas mataas na tumbas ng tubig kaysa sa iba pang kongkreto upang

makakuha ng kakayahang gamit nito. Tanging limang porsyento ng sup ang kinakailangan upang makakuha

ng isang mataas na lakas. Isinasaalang alang ang paggamit ng abo kusot bilang isang materyal sa
produksyon ng konkreto. Habang ang gastos sa konstruksyon at mga materyales sa gusali ay tumamataas,

ang kusot ay maaaring magamit bilang isang alternatibong materyal sa pagtatayo ng isang murang gusali.

Sa pag-aaral ni Scrivavindrarajah Rasiah, C. Caroll, N. Appleyard (2001), ang paghahalo ng kusot

sa kongkreto ay maaaring makaapekto sa kahusayan ng konkreto. Hangga’t labing dalawang porsyento ng

nilalaman ng kusot ay maaaring magamit upang makabuo ng isang kongkreto na may lakas na labing tatlong

MPA at may densidad na isang libo’t limang daan at dalawampung kilo hinati sa kubiko metro.

Ayon kay M. Vimala Nathan, ang basurang materyal na nagmumula sa pagputol ng kahoy o paglagari

ng kahoy ay isang potensyal na mineral para sa mga bahagyang pagpapalit ng magaang mga aggregate.

Ang paggamit ng kusot bilang isang bahagyang pamalit sa agregato sa kongkreto ay may mas mababang

gastos kaysa sa normal na halong kongkreto. Ang konkreto na may halong kusot ay nagiging isang maka-

kalikasang produkto dahil sa paggamit ng basura.

Sa pag-aaral ni Ruhal Pervez Memon, Lemar Achekzai, Abdul Rahman Mohd. Sam, A. S. M.

Abdul Awal, Uroosa Memon, ang sup ay basurang materyal sa industriya ng konstruksyon ngunit ngayon

ay ginagamit bilang pamalit sa magaang agregato sa kongkreto. May tatlong sukat ito, isa sa isa, isa sa

dalawa, at isa sa tatlo. Ang mga sukat na ito ay nagawa upang masubukan ang tibay ng kongkreto, lakas ng

trabaho, lakas, paglaban sa sunog, pagkawala ng bigat, at tira ng lakas. Ang kusot sa kongkreto ay

isinasaalang-alang ang pangkalahatang pisikal at mekanikal na katangian neto.

 KABANATA III

DISENYO AT PARAAN NG PANANALIKSIK

1. Disenyo ng Pananaliksik

Ang pag-aaral na ito ay isinagawa ayon sa disenyo ng paraang deskriptib-analitik na pananaliksik.

Inalam at sinuri sa pag-aaral na ito ang damdamin, opinyon, at pananaw ng mga respondent tungkol sa

paggamit ng kusot bilang alternatibo sa semento.

2. Mga Respondente

Ang mga piniling respondent sa pag-aaral na ito ay mga mag-aaral sa ikalimang taon ng Kolehiyo

ng Inhinyerong sibil sa Unibersidad ng Assumption sa unang-semestre ng taong 2019-2020.

Napili ang mga ikalawa at ikalimang-taon sa kursong inhinyerong sibil dahil sila ang may sapat na

kaalaman ukol sa paksa ng pananaliksik. Sa kasalukuyan, mayroong isang (1) pangkat ng mga estudyante

sa ikalimang-taon ng nasabing kurso. Ang pangkat na ito ay may nilalaman na dalawampung (20)

estudyante. Dahil sa di-kalakihang bilang ng mga estudyante sa ika-limang taon ay ginamit na ang

kabuuang bilang ng mga estudyante dito. Kumuha ng limang respondente sa ikalawang taon sa

pamamagitang ng random sampling. Sa kabuuan ay mayroong limampung respondent sa ikalawa at

ikalimang taon. Pansinin ang kasunod na talahanayan:

 Talahanayan 1

Distribusyon ng mga Respondente sa Ikalawa at Ikalimang Taon sa COE

Taon Bilang Kabuuang Dami

5 25 25

2 5 5

30

3. Instrumentong Pampananaliksik

Ang pag-aaral na ito ay isinagawa gamit ang mga sarbey-kwestyoneyr upang kumuha ng mga datos

na makakasuri sa damdamin, pananaw, at opinyon ng mga respondente ukol sa paggamit ng kusot bilang

alternatibo sa semento.

4. Tritment ng mga Datos

Ang pamanahong-papel na ito ay isa lamang panimulang pag-aaral at hindi isang pangangailangan

sa pagtamo ng isang digri tulad ng tisis. Hindi tinangka ng mananaliksik na suriin ang mga datos na nakalap

sa pag-aaral na ito sa pamamagitan ng matataas at kompleks na istatistikal na pamamaraan. Pag-tally at

pagkuha lamang ng porsyento ang kinailangang gawin ng mga mananaliksik.