Dahil sa mga nababalitang masamang epekto ng paggamit ng mga
gadget ng mga bata, may mga paaralan na ipinagbabawal sa mga mag- aaral ang pagdala ng cellular phone sa paaralan.
Pero, dapat bang pagbawalan ang mga mag-aaral na magdala ng
cellular phone sa paaralan?
Ang cellular phone ay ang pinakamabilis na instrumentong
pangkomunikasyon. Hindi lahat ng paaralan ay may teleponong pwedeng gamitin ng mga mag-aaral o pwedeng tawagan ng mga magulang para alamin ang isang bagay na natutungkol sa kanilang mga anak. May mga paaralang may telepono ngunit sa halos lahat ng oras, ito ay mahirap kontakin o marami kang dadaanan na linya bago mo makausap ang taong gusto mong kausapin. Kung kaya’t, ako ay hindi sumasang-ayon sa lubos ng pagbabawal ng cellular phone sa mga paaralan. Dapat ang pagbabawal ay limitahan lamang sa mga “smart” phones o android o touch screen phones. Ang paggamit ng key pad cellular phones ay hindi dapat isali sa ipinagbabawal dahil ang uri ng cellular phone na ito ay sapat na para pang tex at pantawag. TRISHA MAE A. OCTA A11