SITI BAHERAM

Adegan .1

Narasi :
Tak kalo dimaso nantun, hai nan barambang patang saraso hujan jo angin
rubuik , hujan nan indak juo taduah-taduah, alah tigo hari jo kini, indak nampak
matohari , langik nan indak baruang lai

( kan inyo si bujang juki, duo sibuyuang gambuik duduak bamanuang dalam
pondok , pikiran samak - samak ragu, bakato si bujang juki kapado si buyuang
gambuik )

Juki : “Mano ang si buyuang gambuik, apo katenggang diri kito, pitih indak
sapitih, bangsaik ka mano mintak bantu,sayuik kamano minta uleh, ta tumbuak di
badan surang” (bakato baibo hati)

gambuik : “ Manolah ajo bujang juki,kok itu nan ajo katokan, kabaa lah
katenggang kito, samo marasai malah awak”.( jawek si buyuang gambuik)

(agak lah dimaso nantun, hujan baranbang patang , indak kamano bajalan,
bamanuang duduak mamangguik lutuik, banyanyi barisau hati , takana di buruak
untuang, bunyi pantun babuah buah.)

(bamain pantun sairiang baduo)

Juki : “pai kaladang rang sicincin

Maambiak pandan nan baduri
Dibaok urang ka ladang panjang;
Banyaklah urang nan miskin
Talabiah bana badan diri
Bansaik tak dapek salang tenggang”
Gambuik : “anak cino babaju satin
Sudah satin cokelat pulo;
Awak hino lagi miskin
Sudah miskin mularaik pulo”

Juki : “Biduak si kuna rang Tiangan

Si Akuik namo nahkodonyo;
Kalau di kana untuang badan
Disabuik bana apo gunonyo”

Gambuik : “ Lai balato nan bak udang

Biluluak juo nan tatimbo
Indak karuntuang dipangakan;
Lai di cinto nan bak urang
Nan buruak juo nan basuo
Indak ka untuang dipangakan ”

Juki : “pitalah jo bungo tanjuang

Kaduo jo gunuang rajo;
Indak salah mandeh manganduang
Salah dibadan buruak pinto”

(banyanyi barisau hari hujan angin pun ribuik, bunyi ombak badabua dabua,
bangsai kama ka di kaluha. Bujang juki jo si buyuang gambuik sadang
mamanuang kaduonyo hujan rintiak manambah rusuah. )

Adegan bagian .2
(nampak sakumpuan induak-induak di kadai, nan sadang manggunjiangan
mandeh si juki)

Tetangga 1 : “ oi ni , tau ndak si juki tu,anak surang tungga babeleng, indak ado
adiak jo kakak, anak nan surang nan dimanjoan, anak di puji
baadokan,apo karajo nan basalah, dibaok galak dek mandeh nyo,
indak ado tagua sapa.” ( sambia mamiliah sayua-sayua )

Tentangga 2 : “ iyo ni, dek anak surang dimanjoan, kok indak ado pitih , dicarian
salang tenggang, bia ka pai mandeh manggadai, kahandak anak asa
balaku. Kok harato bia lah ba habi-habi.” ( maangguakan kecek
urang tu)

Tetangga 3 : “ kan iyo tu, banyak manggadai manjua, sampai tagadai sawah di
mudiak, sawah hiliah tagun pulo, ondeh nih harato pun lah
barangsua habih. Apo lai ni bajudi bagai nyo mulai dari yang ketek
sampai nan gadang, kadang manang kadang kalah sampai pintih
mandeh nyo di cilok juo” ( mambana sampai taheran dibueknyo)

( indak lamo sasudah tu lewat mandeh si juki, bajalan dakek urang di kadai tu )

Tetangga 1 : “kalau baranak laki-laki, usah dilapeh lapeh sajo, balanjo banyak kok
inyo di bari, maaja paja marasai, inyo nan tahu ado sajo, adat urang
baranak, salah saketek diberangi, aturan di lacuik di lacuik-i ,aturan
jantiak di jantiak-i, sayang di anak di patangih, sayang di
kampuang ditinggaan” ( dengan nada suara yang agak keras serta
hadapan yang melirik mandeh si juki )

(mandanga ujaran urang tu tasirok mandeh juki sudah tu nyo pai, bantuak acuah
ndak acuah, lai tadangan nyo masuak suok kalua kida, sambia bajalan maninggaan
urang di kadai tu)
Adegan bagian .3

( dak lamo labek nan bak kian, mananti hujan tak kunjuang taduah, duduak
bamanuang dalam pondok, sambia badendang ketek , rago banyanyi juo , taduah
lah hujan hanyo lai, )

(bakato si buyuang gambuik kapado si bujang juki)

Juki : “sabalun hari malam bana, elok bajalan kito lai, paruik nan alah sangai
lapa” ( sambia mamacik paruik)
( bajalan pai manyusuri hari hujan)

(sesampai di laman siti baheram tampak baheram mamasang lampu, )

( bakato lah si si juki ka si gambuik )

Juki : “ lampu tapasang cahayo tibo, cahayo malantun ka piroman, mungko bak
bulan ampek baleh,mato sapatang intang timua, bataduah dibawah bulu
mato, bulu mato samuik baririang, malingkuang dibawah kaniang, kuniang
nan bak kiliran taji,anak ramuik di pupuik ribuik, manggalinjang diateh
kaniang, pipi sarupo pauah dilayang, balasuang pipik di pipinyo,
hiduangnyo bak dasun tungga, , tatonggok diateh bibia, bibia nan bak
asam sauleh, tasanyum dalimo rangkangkah, gigi putiah nan bak gewang,
daguak nan bak labah bagantuang, dima janjang dado barisi,” (berbisik
kepado si gambuik )

(maliek lah baheram ka laman, nampak si bujang juki jo buyuang gambuik.)

Siti baheram : “ manolah ajo janyo ambo, karumah ajo dahulu, karumah malah
kaduonyo.”

Juki : “ Lai parimbo urang di siko

 Lai paruntun aka kacang;
Lai paibo urang rumah iko
Lai panyantun di anak dagang. Laikah aciak ba nasi, kami nan sadang
litak bana, alun makan sajak pagi, lintua tulang manahan lapa.”

Siti baheram : “ nan lai nasi dingin pagi , nasi banyak leh balabiah” (ibo
mancaliak si juki jo si gambuik )

( mandanga kato siti baheram gadang lah hati si bujang juki jo si buyuang
gambuik,naiak karumah kaduonyo pai makan. Sasudah makan, di agiah pulo pitih
dek baheram manjalang inyo baduo ka pai pulang )

Juki : “ tarimo kasih banyak-banyak, aciak baheram nan elok baso, urang paibo di
nan bangsaik, urang panyantun di nan suka, guno jo apo kami baleh.”

Gambuik : “ bagandang tali kucapi paruik kanyang suko lah hati,” (sabia galak
basuko hati)

(maminta izin pai bajalan, di baleh sanyum dek baheram)

Adegan bagian .4
(lah panek bajalan masuak samak kalua samak, mangko singgah lah kaduo nyo
lalok di pondok pasinggahan)

(janggo lah kaduo nyo basuah mungko ka sungai, di ali rokok daun anau, takana
guno siti baheram.)

Juki : “ kok indak baheram nan mambari, indak barasok malah hiduang”

Gambuik : “ urang kayo nan panyantun, paibo ka urang nan mularaik “( jawek si
gambuik)
Juki : “ barisuak hari ka salasa, main rami di sungai pasak, dimano mano urang
daatang, apo aka dayo kito, di mano pitih ka dicari. Kok leh elok
palangkahan, lapeh marasai kok lai sanang, tabukak rasaki nan bak kini,
tabayia utang lamo-lamo, babari di sungai pasak, raso maeloh pitih
banyak, pangana ambo kasinan sajo”

( sudah tu bajalan bairiang kaduonyo pai pulang handak mamintak pitih ka bakeh
mandeh nyo)

Adegan bagian .5

( bajalan lah sampai di rumah nampak mandeh sadang duduak basimpua, tampak
dek mandeh si juki bajalan diambiakan lah nasih kabakeh makan kaduonyo)

Mandeh juki : “ kalau diliek anak urang, titiak salero mamandangi, awak baranak
manyeso sajo, indak ado barumpuik layua” ( bakato dalam hati)

(sasudah makan di basuah tangan di bae nyo marokok sa batang, sudah bakato lah
si juki)

Juki : “ manolah mandeh janyo ambo, kamri mandeh denai katokan , laikoh
mandeh mandanga, urang baralek di sungai pasak, alek rami dek urang main.
dicubo malah kasinan bisuak, kok untuang manang permainan, tatabuih gadaian
lamo, tabangkik tareh tabanam, lamo marasai kok lai sanang, balasan paneh kok
lai hujan. Cari di mandeh pokok main, galanggan rami ka di tampuah, barisuak
denai ka pai, baduo jo si uyuang gambuik,” ( kato si juki ka mandeh)

( mandanga kato si juki tamanuang mandeh sudah manjawek lah mandeh si juki)

Mandeh juki : “oi buyuang anak kanduang denai, baok ba pikia lah dahulu, sawah
 dimano ka di gadai, ladang mano ka di parunggu. Pikia di anak sungguah-
sungguah di mano pitih ka dapek, makan sajo bakurang-kurang, indak ado
sa bansaik awak” ( kato mandeh basadiah hati manesahati)

( malompek tagak si juki bakato ka mandeh sambia ma hariak-hariak)

Juki : “ kan pitih nan den mintak, bansaik mandeh nan bakatoan, aden lai tahu
bahaso bangsaik nyo, dek itu mangko den ka pai, mancari pitih jo a
ampok, kalau pokok indak tabaok, jo apo di tampuah galanggan
rami.”( berang sabana berang nyo sirah mungko nyo)

(mancaliak berang si juki tabik lah takuik mandeh di kumpuan sado pacah balah
yang ado di bae turun sambia mancari pinjaman)

Adegan bagian .6

(dek lah kamari pai manjua ado juo nan ibo diagiah lah pitih dek mandeh ka si
juki)

(di ambiaknyo pitih di tangan mandeh bakatolah si juki)

Juki : “ galanggang rami ka di tampuah, pitih saringgik mandeh bari, saketek

pokok dima kasadang, cukuikan saringgik lai.!” ( jo berang ka mandeh)

(manjawek lah mandeh jo tangih kecek si juki tadi tu)

Mandeh juki : “ sagitu pitih nan dapek, salang tenggang ka urang kampuang, tak
ado lai ka di jua, waang caliak malah karambia di balakang, nan lah tasando ka si
leman, indak pabilo ka di tabuih. Oi buyuang ubah lah laku ang, usah waang ba
main juo, cubo baladang nan bak urang, urang pamain indak salamaik, marasai
badan tiok hari, urang pamain indak nan kayo, urang pamain basihabih” ( kato
mandeh manasehati)
( tambah berang lah si juki di bueknyo dek kato mandeh)

Si juki : “usah di sabuik urang pamain, pitih dimintak caracoh dapek, indak kayo
urang pamain, lain kato lain jawabnyo. Sajauah itu nan ka dituruik, galanggang
rami ka ditampuah, pitih saringgik ka di baok, sakali tahuak alah habih.” ( suaro
berang makin manjadi)

(mandanga kato si juki batambah tangih mandeh di bueknyo, tambah naiak darah
si juki ti tangangi mandeh nyo lakek tapuak di kaki jo tangan, tapuak jo tampa
bajadi jadi, bakato lah mandeh...)

Mandeh si juki : “ anak den si bujang juki, indak patuik anak bak nanko, baok ba
pikia agak saketek, kanalah baa maso dahulu, samaso anak leh ketek, sabulan hari
nan elok, anak sakik bakapanjangan, bakada panuah di badan, mandeh batanggang
tiok malam, kini jo iko waang baleh, bak manggadangan anak harimau, alah
gadang inyo mancabiak.” ( bakato sambia taisak)

( indak pueh malakekan tangan, di usai lah kasado yang ado di rumah di bukuih
baduo jo si buyuang gambuik, pai lah bajalan kalua kaduonyo, di pacik lah kaki si
juki dek mandeh, di hantaman dek si juki jatuah lah mandeh ka halaman, sudah tu
pai lah bajalan)

( nampak urang rami mancaliak mandeh si juki)

Tetangga 1 : “elok bana laku si juki, parangai sarupo musang jantan, lalok siang
bajalan malam, ayam urang indak nan sadang, hiduik manyeso urang kampuang,
kok mati si juki jo si gambuik, raso ka galak urang nagari.” ( kecek urang yang
mancaliak mandeh manangih)

Tetangga 2 : “ ambiak pangaja lah dek kito, kalau anak di aja manjo, buruak elok
di caliak sajo, indak di aja jo dididik, sikolah mangaji indak pulo, pergaulan indak
manantu, kawan bamain indak bapiliah, apadian ajo sasukonyo, hilia mudiak lalu
tak singgah, kok litak pulang karumah mandeh, hiduik nan tau ado sajo, pareman
tua itu namonyo.”
Tetangga 3 : “Banyak juo urang baranak surang, indak sarupo mandeh si juki, lah
kini mangko marasai, kato urang indak di danga.”

( baitu lah carito urang mancaliak nasib mandeh si juki)

Adegan bagian .7

( satalah bajalan mananganan mandeh taruih lah bajalan kaduonyo sampai di

arena bajudi nampak rami urang di galanggang, paruik litak di baok lah mkn dulu)

Juki : “ litak kiro paruik den rasonyo, rancak makan kito dahulu”

Gambuik : “ iyo tu, beko baru bamain kito kok lai ado untuang di badan”

( makan lah kaduo nyo di kadai tu di ambiak sonsong pitih tu pai ka aerana judi ba
main kaduonyo, bamain judi barami rami, untuang indak ado kalah lah kaduonyo)

Gambuik : “ ondeh baa aka kito lai bujang juki, pitih pamenan alah abih dak ado
yang bisa ka di pakai”

Juki: “ ko dek ulah mandeh mah, agiah pitih nan sayuik main sabanta alah habih,
lah lakeh pai seh wak lai”

( kaduonyo pun pai maninggan galangan rami bajalan baduo dek untuang dak ado
bakalah lah kaduonyo)

Adegan bagian .8

(katiko tu baheram sadang ma ambiak ayia jo parian, nampak lah mamak bajalan
balarih lah baheram ka ateh rumah, di kambangan lapiak, di jamu mamaknyo
makan dek baheram, sampai sudah tu salasai makan mamaknyo batanyo lah ka
baheram...)
\
Angku kapalo : “ manolah kau upiak baheram, dimano garan saidi kini, mangapo
indak nampak-nampak ?” (kato mamak mananyo laki baheram)

Siti baheram : “ mamak juo janyo ambo, apak si upiak mamak tanyokan,
sapuluah hari sampai kini, inyo nan indak pulang-pulang, mungkin inyo di rumah
nyo nan di mudiak. Pakan dahulu ambo tanyokan, karumah bako si upiak, inyo
nan indak pulo pulang, inyo karumah mandeh nyo nantun, heran ambo mamikian,
salah nan indak bakarano, indak pulang bapak si upiak.”

( mandanga kato tu bapaham arif lah angku kapalo)

Angku kapalo : “ mano baheram kato mamak, cubo caliak sakali lai, pai tanyoan
ka mandeh nyo, apo sabab saidi tak pulang, elok-elok dalam barundiang, bakato-
kato basumanih. Jalang malah rumah ipa kau, elok luhua kau ka kian, usah lamo
di rumah ipa, anak kau arek manyusu,”

( sudah tu bajalan lah angku kapalo ka halaman di hanta de baheram, di lapeh

mamak jo sopan santun,)

( dak lamo sudah tu di caritoan dek baheram bahaso mamak nyo tadi tibo, dan
manyuruah nyo baso untuak mancaliak lakinyo)

Mandeh baheram : “ mano kau upiak baheram, sugiro malah anak bakain, sabalun
hari tinggi bana, turuiklah kato mamak kau, jalang ka rumah mandeh saidi.”

( Mandanga kato itu manyahuik siti baheram )

Siti baheram : “ kalau bak itu kato mandeh, bajalan ambo kini juo, jago si upiak di
buayan, bari makan beko dek mandeh, pisang talatak di lamari, lamari samba di
dapua,.”

Mandeh siti baheram : “mano kau upiak baheram sugiro anak bakain, sabalun hari
tinggi bana , turuikan kato mamak kau, jalang ka rumah mandeh sidi”

Siti baheram : kalau baitu kato mandeh , bajalan ambo kini juo, jago si upiak di
buayan, bari makan beko dek mandeh, pisang talatak di lamari, lamari samba di
dapua.

(baheran berjalan ke dalam bilik untuk menganti baju).

Setelah itu baheran pun pergi, di cium anaknya yang sedang tidur lalu pergi ke
halaman, lalu balik lagi ke atas rumah untuk mencium anaknya lagi. Hal itu
dilakukan sampai empat kali. Melihat hal itu mandeh siti baheram heran tentang
apa tanda- tanda yang akan terjadi sehingga baheram bolak-balik sebnayak empat
kali.

mandeh siti baheram: usah kau turun naiak juo lai baheram, hati lah tinggi, lakeh
babaliak pulang, anak kau kok minta susu”

(mandeh berkata dalam hati teringat mimpi tadi malam “awak raso baralek gadang
,dimano-mano urang datang, raso mambantai sikua bantiang, tak ado alek sarami
nantun, manuruik tando kato uarang , alamaik ado kamatian, sia lah ko nan ka
mati, urang tak ado nan sakik, ruponyo rasian pamenan mandi , kacimpuang
pamenan lalok)
Siti baheram pun akhirnaya datang di rumah mertuanya atau rumah orang tua
suaminya.

Adiak saidi: “cubadak di tangah laman di juluak jo ampu kaki, usah tagak lamo
dilaman, naiak karumah basuah lah kaki”

Siti baheram: cubadak tangah laman, di juluak jo ampu kaki, mangko tagak lamo
di laman, disangko adiak ndak dirumah”

Adiak saidi: oi kakak denai baheram, kakak kanduang di badan diri, ambo nan lai
diateh rumah , sugiro naiak lah ka ateh rumah”.

Lalu siti baheram masuk dan duduk di dalam rumah mertuanya

Mandeh saidi: anak ambo siti baheram dari jauah anak lah tibo, lai sehat sajo si
upuiak, baa ndak dibaok anak kamari, taragak mandeh jo cucu, raso tabayang di
ruang mato”

Siti baheram; kunun si upiak mandeh tanyoakan, inyo sadng lalok ambo
tinggakan, ibo awak manjagokannyo, inyo nan raso ka manangih sajo, lorong ka
pado badannyo, barakaik doa dari mandeh ka cucu, insyallah leh seha sajo, indak
kurang satu apopun.
Siti baheram: “mangko ambo datang kamari, gadang mokasuik dalam hati, handak
batanyo bakeh mandeh, satantang bapak si upiak sapuluah hari inyo tak pulang ,
antah kapalo ngilu paniang, hati nan indak sanang lai”.

Mandeh saidi: “badarok muko kalihatan, anak kandung siti baheram , kok kunun
saidi nantun indak pulo inyo kamari, mungkin ka darek jo ka padang , jalanyo
indak manantu, maklumlah jalan uarang panggaleh, nagari indak nan jauah, dima
razaki ka tabukak, inyo lah tibo pula di sanan”.

(datanglah adek saidi yang menhidangkan makanan di hadapan siti baheram)

Adiak saidi : dek nasi lah talatak sugiro lah tangan di basuah nasi makan aie di
minum kakak ambo siti baheram

Siti baheram : “ iyo adiak uda ambo ( sambil menyanduk nasi, lalu dg spontan siti
baheram berkata) kok makan sakali nangko natah lai ka baulang antah tidak
nyawo di dalam tangan Allah”.

( mendengar kata siti baheram itu mertuanya terkejoet dan barkata )

Mintuo siti baheram: “oii anak ambo siti baheram usah balabiahan bana, tasirok
darah nan di dado mandangannyo”

(mendengar kata mertuannya siti baheram menjadi malu karena kata yg dia
ucapkan agak berlabihan)
(sambil makan bersama)

Siti baheram: “ rasian pamenan lalok kacimpuang pamenan mandi, rasian buruak
nan tajadi, tadi malam ambo bamimpi, cincin nan lakekdi jari manih di baok
tabang malam, indak itu sajo nan diraso, ado pulo ciek lai nan taraso, raso
bajujuak sabatang tubuah jo pinjaik, bacarai ambo jo anak, dimasuak an ka biliak
sampik, kalua ula dalam arang, antah apo ko lah tando, samak di hati rusuah lah
kiro-kiro?”. (kebinggungan)

Mandeh saidi: “tantang kapado mimpi minantu mandeh, indak usah di pacik bana,
taduoan tuhan dek kito beko, ubilih setan nan marupo, panyak baco istighfar
supayo kito ndak tadayo’.

(sesudah makan hari yang mau petang dan menjelang senja siti baheram pun
berniat pulang)

Siti baheram: “dek hari manjalang sanjo nan sarancaknyo pulang lah ambo dulu,
anak nan lah lamo batinggakan, anak kok manangih dek taragak manyusu”

Mandeh saidi: disiko sajo anak bamalam hari lah kalam bana, indak elok bajalan
surang, di siko sajo bamalam, ndak lamak hati malapeh, samak di hati rusuah lah
kiro”.
Siti baheram: bia lah ambo pulang dulu, ibo wak anak lah lamo batinggakan ,
antah manangih antah baa lah kini dek taragak manyusu, tolong lah lapeh ambo
pulang mandeh”.

(karna sudah lelah berdebat mandeh saidi pun mengizinkan siti baheram untuk
pulang)

(tujuan awal yg mau menjemput saidi itu gagal)

(stelah siti baheram keluar rumah tampak lah adik yang laki-laki saidi yang kecil
bermain di halamn)

Siti baheram: “oi adiak uni nan gagah, buliah lah uni batanyo, lai nampak dek
adiak uda saidi, dima lah nyo kini?”.

Adiak laki-laki saidi: “ patang ko ajo kamari, baduo jo uniang baru”. (kata adik
saidi yang tidak tahu menahu dan masih polos)

(mendengar kata adik saidi, hati siti baheram sakit, bumi yanh dipijak terasa
berguncang, perasaannya kacau balau, stelah itu hari yang hampir gelap da
bergegaslah siti baheram untuk pulang karan mengingat anak yang ditinggal di
rumah”.

Jalan yang sunyi dan rumah ada satu pun rumah yang terlihat, hati yang terasa
semakin cemas dengan badan seorang diri, lalu nampak lah orang yang duduk
berdua, mendingin badan siti baheram. Rupanya juki dan buyuang gambuik.
Siti baheram: ondeeh , ajo jukilah kironyo, mangalah ajo di siko?

Si juki;” suko hati den, sarahkan harato kau, di siko mangko aja kau sampai”
(sambil mengeluarkan pisau dalam sarungnya dengan menodongkannya ke siti
baheram dengan maksud mengancam)

Siti baheram; ampun ....ampuun.. Ampunkan ambo oi ajo juki, ambo jan
dibunuah, ambo nan baranak ketek ka sia inyo ka manyusu”.(sambil mengigil dan
berbicara dengan mengiba-iba dan memagut lutut si jukidan air mata yang tumpah
berderai) ambiak dek ajo sagalo barang,nan pantiang ambo ijan di bunuah,
mambana lah ambo sakali ko”.

Buyuang gambuik : “ oii ajo juki kawan sairiang ambo, uniang baheram jan
dibunuah , inyo lah banyak jasonyo pado kito, kok hauih tampek mamintak aie,
litak ka tampek mamintak nasi, usah lah aie susu babaleh jo aia tubo”.

Mendergar kata buyuang gambuik si juki ragu untuk membunuah siti baheram
tetapi iblis yang berbisik di dalam hati si juki “ kalau indak di bunuah si baheram,
inyo ba mamak ka angku kapalo, mangadu baheram beko disinan mangko ka
bedo, ancaknyo di bunuah bana” (rupanya juki terdaya dengan bisikan setan)

Siti baheram: oii ajo ambo ajo juki, nan ambo usah di bunuah, ambo nan sadang
baranak ketek, kalau ampo mati ka sia anak ka bamandeh, ayahnyo nan lah jo nan
lain pulo”.(siti baheram berkata sambil menanggis terisak )
Sebelum juki akan meneksekusi siti baheram buyuang gambuik menahan tangan
juki agar tidak membunuh baheram dan berkata

Buyuang gambuik: “ usah dibunuah uniang baheram , inyo nan lah banyak jaso ka
kito, usah lah bak aie susu babaleh jo aie tubo bapikia panjang lah dulu”.

Namun si juki tak menhiraukan kata si buyuang gambuik, disipakkan gambuik

dengan tapak kaki kemudian gambuik terbanting, lalu meneksekusi siti baheram.
Siti baheram menjerit dan pisau pun mengiris dalam leher siti baheram, darah pun
muncat deras dan jatuh ke tanah, disitu lah ajalnya siti baheram, setelah baheram
tak bernafas lagi mayat siti baheram disembunyikan ke dalam semak dedaunan.
Lalu juki memberesi barang yang melekat di badan siti baheram. Lalu juki dan
gambuik pergi dengan tergesa-gesa.

Adegan bagian . 8

Pacah bumi buruak barito

Anak nan indak bainduak lai, lah hilang tampek bagantuang, awak ketek ayah lah
pai jo bini nan baru , nan diri ketek sadang manyusu, induak mati apo nan ka tahu,
ayah nan lah babini baru, lah cukuik parasaian badan nan tingga jo nenek surang

Mandeh siti baheram : “ ma nyo lah, siti baheram iyo lah ndak bautak, anak ketek
sadang lalok batinggakan, kini tasentak anak managih mamintak tapek manyusu,
manga lah lamo bana ka tampek mintuonyo, ndak takana gai anak yg batinggakan
sadang lalok, yo lah bautak ka ampu kaki paja ke”. (mengumpat sendiri karena siti
baheram yg belum pulanng, lalu setelah iti mandeh siti baheram mengambil air
susu bayi dan menyusui cucunya).

Karena hari sudah larut malam siti baheram masih belum pulang, segala pikiran
buruk dan rasa cemas datang menghantui mandeh siti baheram tentang bagaiman
keadaan siti baheram yang belum pulang. Setelah itu pagi pun datang dan mandeh
baheram bergegas mencari baheram ke rumah mertuanya yaitu orang tua saidi,
sesampainya di halaman mandeh baheram melihat mandeh saidi di atas rumah.

Madeh siti baheram: “ oii mandeh saidi , batanyo ambo ka mandeh saidi, lai
nampak dek saidi siti baheram di ateh rumah?”.(bertanya ke saidi)

Mendergar tanya mertuanya saidi, madeh saidi pun terkejut dan diam
kebingungan

Mandeh siti baheram: “oii saidi , baa kok diam sajo, lai ado nampak siti
baheram?”.(bertanya dengan nada agak keras ke mandeh saidi)

Mandeh Saidi : “ siti baheram nan mandeh tanyokan ka denai, indak ado inyo di
siko, inyo lah pulang dari patang lai”.

Mandanga kato saidi mandeh baheram terkejut dan raso hati yang makin berdebar,
lalu madeh saidi mendekati mandeh siti baheram kemudian menerangkan apa
yang yang telah terjadi

Mandeh saidi: “ pado hari patang, iyo si baheram datang kamari datang untuak
manjapuik saidi, dek saidi ndak tau pai kamanyo dek inyo urang panggaleh tantu
ndak tabaok saidi dek siti baheram doh, siap makan siti baheram nio pulang, lai
ambo tahanan dek hari lah baranjak kalam tapi inyo basikareh juo dek anaknyo
lah lamo matinggan sadang lalok, dek payah managah basuruah juo nan jadi, tu
bagageh lah baheram pulang”.

Hari sudah pagi sekali, namun Siti Baheram belum juga kembali. Mandeh Siti
Baheram mulai panik, tidak atau apa yang ingin dilakukan selanjutnya. Lalu
ramailah orang dihalaman rumah Siti Baheram datang untuk menemui dan
mengetahui kejadian yang sebenaarnya. Orang yang datang berharap cemas,
berbagai macam pendapat dilontarkan mereka. Mungkin saja Baheram dirampok
dan mungkin saja Baheram dibunuh. Mandeh Siti Baheram yang hilang akal lalu
berlari kerumah sudaranya yaitu Angku kapalo dan mengadu kepadanya.

Mandeh Siti Baheram: “Ajo kanduang Angku Kapalo, usah ajo di rumah juo,
sampai kini Baheram tak pulang, di rumah mintuo indak pulo, lah ambo tanyokan
kian kamari, Baheram indak juo basuo, hilang ndak tantu rimbonyo, mati tak tantu
kubuanyo, antah dimano garannyo kini.”

Terkejutlah Angku Kapalo mendengar perkataan Mandeh Siti Baheram. Rasa

ingin lepas segala persendian dibadannya.

Angku Kapalo:”Mano kalian nan banyak iko, sajak di patang hari kapatang,
kamanakan denai Siti Baheram indak pulang karumah mandehnyo. Cari Baheram
sampai dapek! Dimano jajak tampeknyo, usah kalian balalai-lalai, himpunkan
hamba rakyat yang banyak, bunyikan canang masuak kampuang, untuak
manyuruah cari Siti Baheram.”

Di hari itu juga, keluarlah semua warga kampung laki-laki maupun perempuan.
Dicarilah Siti Baheram disegala sudut kampung, namun Siti Baheram tak kunjung
ditemukan, entah kemana hilang rimbanya.

Pagi berganti malam, para penduduk kampung mulai putus asa. Lalu mereka
melanjutkan pencarian esok pagi. Di pagi hari, pencarian mereka tidak sia-sia, Siti
Baheram ditemukan sudah tidak bernyawa tergeletak disemak-semak yang
tertutup oleh daun-daun dengan darah didadanya yang sudah membeku serta
tubuhnya yang kaku. Terkejutlah orang-orang, sampai hati ada orang yang
membunuh Siti Baheram.

(Ketika mayat Baheram sampai dirumah, mandeh Siti Baheram menangis sejadi-
jadinya sambil memeluk mayat Siti Baheram yang sudah terbujur kaku.)

Mandeh Siti Baheram:”Anak denai Siti Baheram, anak surang tungga babeleang,
baa mandeh anak tingaakan, nak samo kita bakalang tananh.”

Angku Kapalo yang matanya memerah karena menangis, remuk hatinya dalam
penantian. Terkenang masa-masa baik Siti Baheram, kemenakan satu-satunya.

(angku kapalo sirah lah mato dek manangih, ramuak di dalam parantian , takana
elok si baheram)
Angku Kapalo:”Lah malang cucu bamandeh, awak ketek mandeh lah mati, mati
basabab dibunuah urang, hauih kamano disusukan, litak siapo manyuoki. Lah
sanang hati bapak kanduang, sajak mandapek bini baru, nan baranak , kalau tak
ulah bapak kau, indak mandeh kau dirampok urang.”

Adegan.

( tibo lah kasadonyo doktor, kumandu tuangku damang, cukuik jasa mantari polisi
manjalanan tugas nyo masiang-masiang,)

Tuan kumandua : “mayik baheram suruah dikubuan !” kato kumandua.

( sasudah tu madok lah tuangku damang kapado urang nan banyak)

Tuangku damang : “ mano sagalo adok-adang, ambiak mangajah lah dek kito,

kalau ado babarang ameh, elok balikan ka taranak, pagang

lah sawah jo ladang, atau gunokan ka pambangunan. Kok
di pakai ameh sapanuah badan, sia lah urang nan ka
dilagak, urang kayo tingga di kayonyo, nan bangsaik tingga
di balakang, inyo pun indak mamintak, uju jo sombong kok
di pakai, nyawo badan ka tantangan nyo”

(setelah mandang kato tu tamanuang urang rami, bakato lah sasudah tu jaksa )

Jaksa : “ catat lah urang nan runiang tanduak, caliak kurenah jo aenah, bajalan

bagageh gageh, sarupo takuik jo urang, kalau ba jajak bakiek, baturiah basi
pasin, ba baun bak ambacang, tatukiak jajak mandaki, , tasindorong jajak
manurun, lakeh laporkanbakeh kami,”

( sasudah tu pai lah urang maninggan lokasi tu )

Adegan.
( panuah lah rami urang nan tibo karumah gadang mancaliak mayik siti baheram)

Saidi : “ manolah kito nan basamo, kok malam bahabih minyak, kok siang
bahabih hari, sabalun hari sampai patang, elok di angsua bakarajo. “

(Kato saidi ka urang rami)

Haji saba : “ itu lah kato sabananyo, manolah nan sagalo mudo mudo, kali pusaro
ka kuburan, mako di salamaikan siti baheram, saalun hari patang bana.”

(mako di mandian sagalo mayik si baheram dek urang rami)

Adegan.

( sesudah mayat baheram di kubuan , mako bakato lah saidi ka nan rami )

Saidi : “ mano sagalo niniak mamak, sarato imam dengan katik, lorong kapado
almarhumah, singkek langkah panjang paminto, la di antaan basamo samo,
katanah lambang ka rumpuik layua, iyo ka tampek nan suni bana.

Kok utang ameh ado batayia, utang pitih ado babilang, mintak di tuntuik ka warih
nyo, baitu pulo utang kato, kok ado tasorong jo talompek, nan mambarek i ka
akhirat, mohon mintak lah di maafkan.”

( di jawek dek pak haji saba)

Haji saba : “ jikok di kami nan basamo, kok salah alah dimaafkan, baitu pulo salah
kami, nan mintak pulo dimaafkan,”

(akhirnya badoa lah urang rami tingga lah mayaik di kuuran.

Adegan .

(mulai satalh mati siti baheram di cari lah sia nan mabunuah nya di pareso cie sia
nan mambunuah baheram, namun datuak pun yg mulai curiga jo si juki nan
mailang.)
Angku kapalo : “caliak kurenah jo baenah, kok balain pado nan sudah, tangkok si
juki baok kamari, kalau takuik manangkoknyo, laporkan bakeh polisi, ka kantua
polisi pariaman.”

Dak lamo tibo lah surek dari angku damang,

“ kusuik kok indak ka salasai, karuah kok indak ta pajaniah, apo gunonyo
pamerentah, indak paralu urang digaji, nagari angek samun bunuah, agai lurah
indak ba batu, bagai ijuak indak basaga, lalu panjahik lalu kulindan, usah lah kito
tanang sajo, paralu dapek urang panyamun,...”

(Mandanga surek tu merah lah mungko angku kapalo)

Adegan

( bajalan lah si juki jo si gambuik di bukik tinggo jo tampang nan gagah

kaduonyo)

(Tibo di galanggan bajudi lah kaduonyo kadang manang kadang kalah di pajudian
sudah tu habih lah pitih di pajudian, di baok lah si gambuik babisiak ka tampek
nan langang.)

Juki :” dak ado pitih ka bakeh main lai do, bajalan waang ka pasa, jualah ringgik
nan bak karang.” ( tampa disadari polisi alah ma intai juo dari jauah subarang
jalan)

(dak lamo tibo lah polisi manghampiri kadua nyo handak manangkok)

Polisi : “ usah kalian cubo mangarik, asa mangarik kalian mati” (kato nyo kapado
sijuki jo gambuik”

( dikabek lah tangan kaduonyo dibaok basarato harato bukti kaduonyo ka kantua
polisi, di sinang lah si juki mangaku di kalau iyo yang ma rampok siti baheram, di
lakek ang jo tangan dek polisi )

Adegan hukum gantuang

Di ruangan sidang lah tampak tibo urang rami mancaliakan kasadonyo, ma adili si
juki jo si gamuik dek karano mambunuah si baheram.

Di kumopuan lah sagalo saksi nan ado.

Angku parasiden : “ karano waang indak basalah, badan pun ketek pulo baru,
diawah umua tujuah baleh, di lapehan waang dari tahanan.

Tapi samatang pun baitu, cari lah kawan ka ba main, usah bakawan jo urang
pajudi, tampak kini dek waang maronyo, sampai marampok mambunuah urang,
elok kasawah ka ladang , manggaleh di tangah pakan, atau mamburuah jo
batukang, rasaki halal ka dicari, salamaik awak di akhirat.”

( tibo lah di hukuman si juki di hukum nan ka bagantuang tibo lah mandeh)

Mandeh juki : “ maso ketek mandeh susukan, lah gadang di gantuang urang, lah
buruak pintak di badan, apo katenggang mandeh kanduang” ( sambia manangih
taisak)

Juki : “ manolah mandeh kanduang ambo, mandeh payah manggadangkan, rangik

sa ikua mandeh halangkan, rilahkan ayiah susu mandeh, ampun dek mandeh salah
ambo, elok-elok lah mandeh tingga”

( mandang kato itu di paguik lah ana sambia manangih, ayia mato balinang di
bueknyo.

Angku peresiden : “ iko lah barang anak kk, sagalo barangnyo nan tingga,
sapatigo lai barang nan ado, barang di samun dek sibujang juki, salabiah nyo
habih dek main.”

Mandanga kato itu manangih lah mandeh siti baheram sambia taisak, isak dek
tangih.

Adegan
Di pagi hari tobo lah maso dimano hukum si juki di lakuan. Rami lah urang nan
mancaliak nyo.

Taga lah si juki di panggantuangan, bakato ka urang rami.

Juki : “ ambiak contoh badan ambo, sajak ketek ambo di manjoan, alah gadang
barubah tido, indak sikolah jo mangaji, , indak mandanga nasihat urang, indak
mancaliak ka nan elok, awak manjadi urang pajudi, sampai marampok
mambunuah urang, karano laku buruak bana, mati diateh tiang gantuang.”( sudah
di gantuang lah si juki sampai aja nyo pai dari badan)

Mati lah si juki ambih carito

Hilang pitih bagantih pitih, hilang nyawo baganti nyawo.

“SELESAI”