Panunumpa ng Katapatan sa Watawat at Panatang

Makabayan (Pledge of Allegiance to the Flag and the Oath

of Patriotism)

Panunumpa ng Katapatan sa Watawat ng Pilipinas:

Ako'y nanunumpa sa
Watawat ng Pilipinas
At sa republikang kanyang kinakatawan.
Isang bansang pinapatnubayan ng Diyos,
Buo at di mahahati,
na may katarungan at
Kalayaan para sa lahat.

Sa Napapakinggan sa Radyo na may Kasaping KBP tulad nito:

"Ating Bigkasin ang Panatang Makabayan,

Bilang sagisag na ating pagkakaisa sa pagbabago,
Tungo sa kaunlaran ng ating bansa.
Ang Panatang Makabayan, Iniibig ko ang Pilipinas
Ito ang aking lupang sinilangan ito ang tahanan ng aking lahi
Ako'y kanyang kinukupkop at tinutulungan
Upang maging malakas, maligaya at kapakipakinabang
Bilang ganti ay diringgin ko ang payo ng aking mga magulang
Susundin ko ang mga tuntunin ng aking paaralan
Tutuparin ko ang mga tungkulin ng isang mamamayang makabayan at masunurin sa batas
Paglilingkuran ko ang aking bayan nang walang pag-iimbot at ng buong katapatan
Sisikapin kong maging isang tunay na Pilipino sa isip, sa salita, at sa gawa.
Ang Panatang Makabayan ay hatid sa inyo ng Makabayan Filipino Movement, KBP at ng himpilang ito."

Sa kasalukuyan, binago ito (batay sa Republic Act 8491 or "Flag and Heraldic Code of the Philippines")

Panunumpa ng Katapatan sa Watawat ng Pilipinas

Ako ay Pilipino
Buong katapatang nanunumpa
Sa watawat ng Pilipinas
At sa bansang kanyang sinasagisag
Na may dangal, katarungan at kalayaan
Na pinakikilos ng sambayanang
Maka-Diyos
Makatao
 Makakalikasan at
Makabansa.

Panatang Makabayan
Iniibig ko ang Pilipinas,
aking lupang sinilangan,
tahanan ng aking lahi;
kinukupkop ako at tinutulungang
maging malakas, masipag at marangal.
Dahil mahal ko ang Pilipinas,
diringgin ko ang payo
ng aking magulang,
susundin ko ang tungkulin
ng mamamayang makabayan:
naglilingkod, nag-aaral at nagdarasal
nang buong katapatan.
Iaalay ko ang aking buhay,
pangarap, pagsisikap
sa bansang Pilipinas.