UNANG BAHAGI
Mga nais ipahayag ay pakinggan
*Lakandiwa*
Ako’y lakandiwa, lahing Tanaueno
Christian ang ngalan, bumabati sa’yo
Balagtasan ang tawag at wari dito
Pag-asang nawa ay matagumpay ito
Pagtatalakay natin, sisimulan na
Pag-aaral na may ligawan, tama ba?
Sa pag sang-ayon, si Johnwell ngalan niya
‘Di sumasang-ayon, Larra, iyan siya
*Sang-ayon*
Mapagpalang araw, madla na naririto
Johnwell ang ngalan ng nasa harap n’yo
Ako nga ang s’yang magpapatotoo
Kung ano nga ang layunin ng puso ko
Ligaw at pag-aaral maaring sabay
‘Di naman distraksiyon ang binibigay
Sa’king panliligaw, di ka malulumbay
Hatid ko ay pagmamahal sa’yong tunay
*Di sang-ayon*
Ang aking ‘di pag sang-ayon sa ligawan
Halina’t intindihin mo at tugunan
Ang aking panig ay pangangatwiranan
Kaya’t maghanda ka na aking kalaban
Sa’king panig, kung ako ang tatanungin,
Takdang aralin muna’y ating unahin
Mga kaalaman muna’y pagyamanin
Pusong sumisigaw, tsaka na pansinin
IKALAWANG BAHAGI
*Lakandiwa*
Ngayon mga panig ay nagkakainitan
Mainit na laban, s’yang hinahatulan
Mga susunod pang ideyang bubuksan
Halina at ituloy ang paligsahan
Huwag mahiyang makipagtalastasan
Sari-sariling panig ay ipaglaban
Heto na nga ngayon, atin ng saksihan
*Sang-ayon*
Anong problema mo sa panliligaw ko?
Sa pag-aaral ba, o sigaw ng puso?
Madali lang ‘yan, walang nakakalito
Kahit pagsabayin, pareho’y kaya ko
Dito sa’king paksa, may isang kataga
Sabay magagawa, nais, kahit bata
Kahit anong pigil, doon lang masaya
Wala kang magagawa sa aking pasya
*Di sang-ayon*
Bakit ba lagi na lamang bukambibig,
Pag-aaral na kasama ay pag-ibig?
Kahit magulang mo’y ayaw ‘yan marinig
Sa bahaging iyan, hindi ka makisig
Mga hinaing mo’y wala namang kwenta
Aral muna sapagkat ika’y bata pa
Sa mga kataga mag isip ka muna
Sapagkat ‘di ko nais na tawanan ka
*Sang-ayon*
Ako’y nag-aaral at nagmamahal
*’Di sang-ayon*
Huwag munang magmahal, iya’y sagabal!
*Sang-ayon*
Ngunit bakit, ako nama’y nag-aaral!?
*Di sang-ayon*
Aral muna, making sa’king pangaral!