Ngunit andito parin ang sakit na dinadanas Paulit ulit na bumabalik hindi mawakaswakas Sa mga araw at linggong lumipas Pag-ibig ‘ko para sayo’y di kumukupas Kahit anong gawing pagiwas Bumabalik parin ang mga alaalang nakalipas Pilit kong pinipikit ang aking mga mata Nagbabakasakaling sa muling pag dilat ‘Di na ikaw ang tanging nakikita At sa aking pagpikit Dinama ang sakit Pero ako parin ay napasambit ‘Mahal, pwede bang ako nalang ulit?’ Kay sakit isipin na ako’y iyong pinagpalit sa iba Iniwan mong nagiisa at nadurusa Bakit? Bakit mo nagawa sakin to? Minahal naman kita ng totoo pero bakit mo ‘ko niloko? Hindi ‘ko lubos na maisip kung ano ba talaga ang tunay na rason mo Puso ko’y litong lito at nasasaktan Sa mga pangako mong tila akin paring pinanghahawakan Ako ba talaga’y minahal mo o ginamit mo lang upang makalimot sa nakaraan mo? Kaya din siguro naging madali para sayo ako’y iwan Dahil wala naman talagang nabuong pagmamahalan Bakit ka nga ba lumisan ng walang paalam? Bakit mo ‘ko iniwan? Bakit mo’ ko pinagpalit sa kakakilala mo lang? Bakit ‘ka nagbago? Bakit naging malabo? Bakit tayo nagkaganito? bakit ka sumuko? Gulong gulo na ko Sagot mo ang tanging makakapag panatag ng loob ko Ang hirap pala... Ang hirap pala magpanggap na masaya Dahil sa totoo lang mahal parin kita kahit ang sakit sakit na Mahal parin kita kahit may mahal ka ng iba Yung ‘iba’ na sinabi mong kaibigan lang at wala akong dapat pag selosan Ay yung iba na girlfriend mo na ngayon Bakit? Kapalit palit ba ‘ko? Binigay ko naman ang satingin kong kaya ‘ko Pero bakit hindi parin naging sapat para manatili ka sa piling ‘ko? Ako ba ang nagkulang o ikaw ang di lumaban? Sa pag subok sa ating pagmamahalan kay bilis mong sinukuan Damdamin ay labis na nasaktan at puso’y tila nasugatan Ikaw ang puno’t dulo pero bakit parang kasalanan ‘ko? Ikaw ang nagpatalo sa tukso kaya’t nasira tayo Di ‘ko alam kung hanggang kailan kong tiisin pa Lahat ng sakit na iyong ipinadama Ako parin ay tila nagluluksa Hindi man halata Dahil mas mabuti ng itago ang tunay na nadarama kaysa mag mukang kaawawa Kapalit ng sakit na iyong ginawa Hindi ‘ko maitatanggi na namimiss pa rin kita Sa bawat segundong pumapatak Lalo akong nangungulila sayong mga halakhak Sa mga akap mong kay higpit Sa mga halik mong walang kasing tamis Sa pag aaruga mong nakakakilig At sa pagmamahal mong walang hihigit Ang mga masasayang araw na ating pinagsamahan Ay di na mauulit kailanman Ngunit eto pa din ako Pipiliting kumapit sa mga pangako mo Umaasang balang araw ika’y babalik at sasambiting ako parin ang mahal mo Kay sakit man isipin na Ang ating mga pinagsamahan ay nauwi lang sa hiwalayan Mahirap isipin na ganito ang ating kinahantungan Batid ko’y tayo ay pang matagalan Napakarami pang tanong sa aking isipan ngunit alam kong ito ay wala ng paroroonan Sana kung ano man ang tinahak mong desisyon ay maging masaya ka na lamang Patawad sa hindi pagiging sapat Hanggang sa muli, Paalam mahal.