Nung una tayong nagkakilala at naging magkaibigan tayong dalawa ? O sa panahong naging tayo na?
Ang ating pagsasama ay puno ng galak at ligaya
Ang sabi nga ng iba “perfect couple” tayong dalawa Dahil ang pangarap at hilig natin ay magkatugma.
Sabi mo sa akin ako na talaga
Ang babaeng pinapangarap mong makasama Sa buong buhay mo, sa hirap at sa ginhawa Sa lungkot man o saya.
Ngunit bakit mahal, ngayon nasaan ka na?
Iniwan mo akong nag iisa? Hindi ka pa ba handa? Ano ang nangyari aking sinta? Hinayaan mo akong maging isang dalagang ina Hinuhusgahan at kinukutya Sapagkat ako raw ay disgrasyada at malanding dalaga Kaya’t nabuntis ng maaga at walang tumayong ama Sa aking dinadala.
Hindi ko alam mahal kung bakit mo ito nagawa,
Kung may kulang ba? O may iba? Limang taong relasyon Mahal, sinayang mo Kung kaylan sana’y magiging pamilya na tayo.
Mahal, halos nabaliw ako
Sa pag iisip nang mga dahilan kung bakit iniwan mo ako. Bigla ka lang nawala nang sinabi kung buntis ako. Hindi ko lubos maisip kung bakit ganun ang ginawa mo.
Ibinigay ko naman lahat para sa iyo
Sinunod ko lahat ng kagustuhan mo Buong puso’t kaluluwa inalay ko sayo Kahit nga pangarap ko sinantabi ko para lamang sa iyo
Ang sakit, ang pait ng aking nadama.
Wala akong masandalan sa mundong mapanghusga Pati pamilya ko ako ang sinisisi nila Pagkat ako raw ay nagpakatanga
Minuto,oras, araw,linggo,buwan at taon akong nagdusa
Sa sakit at pait na dulot ng iyong paglisan sinta. May panahong hindi ako halos makahinga Sa hinagpis ng pusong tanga Na umasang babalik ka at tayo ay magkakatuluyan pa
Ngunit ngayon Mahal, ako’y nagising na,
Sa mga pangarap ko na sanay magbalik ka pa. Mahal parin kita pero tama na, Ayoko na mahal, ang sakit sakit na, durog na durog na Ang puso kung wala naming ginawa kundi and mahalin at intindihin ka. Tinatapos ko na ang aking mga pantasya.
Hinihiling ko mahal, na sanay nasa mabuti ka,
Masaya kahit sa piling pa ng iba, Pinapatawad na kita Mahal, sa lahat ng iyong nagawa Hinihiling ko lamang na sana ikaw ay nagbago na Upang hindi na makapanakit ng damdamin ng iba.