Ipinanganak na babae. Hindi ko kailangang manahimik Kung kailangan magsalita. Hindi ko kailangang magsalita Kung nais kong manahimik. Hindi ko kailangan ipaliwanag O hindi ipaliwanag ang bawat pagpapasiya. Hindi ko kailangan sumunod sa inaasahan Ng lahat, tulad ng pag-aasawa. Kung mag-asawa man ako'y Hindi ko kailangan magpakulob, Hindi ko kailangan matakot Kung dumating ang araw ng pagkabalo, O kailangan nang makipaghiwalay. Hindi ko kailangang magkaanak nang labis Kahit kaya kong panagutan Hindi ko kailangang malugmok sa lungkot Sakali't hindi ako magkaanak. Kung kailangan ko mang gampanan Ang pagiging ina at asawa, Hindi ko kailangang humingi ng paumanhin, Hindi ko kailangang panawan ng talino at lakas, Hindi ko kailangang kalimutan ang lahat, Hindi ko kailangang itakwil ang sarili, Hindi ko kailangang burahin Na isa akong tao Bago isang babae.