MGA KASABONG, MAY ANIM NA FACTORS DAPAT MERON TAYO UPANG MAKAMIT NATIN ANG HIGIT

NA TAGUMPAY SA ATING PAGSASABONG.courtesy of (TRS GAMEFOWL BUY AND SELL).

1, GOOD MATERIAL-kailangan magkaroon tayo ng maayos na materyales, galing sa respetadong breeder
kilala man o hindi.imported man o local ang uri ng manok na kukunun natin, kasabay ang tamang pagetempla
o blending.example: 1/2 lemon, 1 / 4 runhead, 1/4 hatch ang templang ito 3 way cross ay mahusay na
panlaban sa edad na bullstag o cock pero subukan din sa stag, ikalawa 1/2 roundhead 1/4 ylo legged hatch 1/4
blueface hatch, ikatlo 1/2 kelso white legged 1/4 lacy roundhead 1/4 mclean.ang mga templang ito ay ilan
lamang na nabanggit ko at makakasiguro tayo na lamang sa panalo sapagkat ang breeding ay science
marapat lamang na kabisaduhin natin ang pagetempla magtanong lamang sa mahusay na breeder at kong di
sila ubra nandito lang tayo at makakaasa po kayo gagabayan ko kayo
2.GOOD SELECTION / CONDITIONING-tamang pagpili ng ikokondisyon na manok alas, di nagkasakit sa
buong buhay nya. pagbigay ng maayos na feeding, suplemento, workout, tamang pahinga at pinaka importante
ay pointing sa araw ng laban.alam naman natin na labanan ang ating susuungin, kailangan nasa ayos ang
ating pagpili.hindi komo magaling shuffler ay ok na. pumili tayo ng manok na ang katangian sa laban ay salto
na nag-iiwan ng paa o streach ang palo at di nagpapauna alerto, salto, offensive, timing, stylist, cutting, vertical
at gameness.kong maayos na ang kondisyon ng manok at sa araw ng laban ay pointing ang mahalaga
kailangan relax ang manok, pinakain ng soft at madaling matunaw at 10-20 grms lang ang feeding natin
carboloading energy reserve ang kailangan at energy food at moisture ang bigay natin tulad ng cooked rice,
pasas, cooked corn, boiled egg white,
3.GOOD LUCK-kailangan kakambal natin ang suwerte sa araw ng ating laban, maayos ang ating kalusugan,
mentaly, spiritualy at financialy.kailangan naka pointing din tayo.sabi nga natin kailangan naka focus sa laban
ang isip natin sa araw ng laban.kalimutan muna ang ibang appointment o problema isantabi muna natin sila
kailangan physicaly fit ang health natin at isip sa araw ng laban, iwasan makipagtalo kanino man sa daan o sa
loob ng sabungan sapagkat mawawalan tayo ng concentration sa pag-asikaso sa ating panlaban na manok at
iwasan magtrabisya kong dipa napapalaban ang sarili nating panlaban para tutok tayo ng oras at pointing sa
sarili nating manok at tiyak ang suerte ay malapit sa atin
4.GOOD GAFFER-sapagkat kilala natin ang laro ng ating manok pumili ng maayos na mananari na tapat.alam
ang taring ikakabit sa style na laro ng
manok natin kong mahaba, medium o short.high point ba, semi lowpoint o lowpoint ang dapat ikabit sa ating
manok.alam natin na ito ang isa sa importanting ikakapanalo ng manok ang tamang pagkabit at tamang uri ng
ikakabit na tari ng mananari.madalas natin itong pinag-uusapan kapag tayo ay natalo o nanalo.uriin nating
mabuti subukan laging ipakabit ang semi lowpoint o lowpoint halos lumapat na sa lupa ang tari kapag
nakalapag ang manok sa lupa.kaya lang naman nagiging hi-point ang kabit na tari kahit lowpint pa ito dahil
may kalso ang bandang ibaba o makapal ang bedbed sa ilalalim ng tahid at kapag ganito ang kabit hindi basta
makakasugat ang manok sa pompyangan o first 4 buckle sapagkat pang-infight lang ang ganitong kabit close
fight maraming aksayahing palo para maipatama sa kalaban ang ganitong kabit at karamihan pilay tari o
tumatagal ang labanan
5.KONTRAPELO-sa aking paniwala at karanasan ang manok panabong ay nakatakda na may kontrapelo sa
araw ng laban base sa panahon, balahibo, at senyales nito. alamin lamang ang tamang panahon nito kong
kailan siya dapat ilaban at dapat taglay natin ang anim na factors na aking nabangit.alam naman natin na ang
kadalasan sa pagkokondisyon ay 3 weeks lamang.meron tayong tinatawag na 3 weeks down, 3 weeks up.ano
ang ibig sabihin nito.kapag tayo ay pumipili ng panlaban natin sila ay ini sparring kong sino ang nagpakita ng
mahusay sa araw ng bitaw ay ating pinipili. ang masasabi ko diyan kapag mahusay siya ngayon dapat ilaban
na natin bukas sapagkat naka peak na siya at paglipas ng ikatlong linggo ay baka pa down na siya. at kong
sino ang regular na galing sa araw ng sparring ay sila naman ang naka peak sa ikatlong linggo araw ng laban
at sila ang malaking tsansa na manalo. pero ang magaling sa bitaw na napili mo pagdating sa ikatlong linggo
baka sila pa ang underdog sa laban mananalo man ay hirap na hirap sapagkat palipas na sila sa panahon
sapagkat ang sabong ay MYSTERIOUS dahil sa bagay na ito kontrapelo
6.MOMENTUM / REGLA-sa aking obserbasyon ang pagluwag ng pusta at pag-ipit ay may kinalaman sa
panalo.kapag dumedereso sa panalo ang puwestong MERON kailangan hinda ka sa malaking pusta mo para
sa meron ka mailagay, kapag puwestong WALA naman ang dumeretso ipitin mo naman ang pusta mo para
ayunan ka ng panalo.alam ninyo mga kasabong kailangan lawakan natin ang pag-aaral at open minded upang
tayo ay manalo ng 80% sa labanan.ang regla na matatawag ay tatlong uri isa na diyan ang puestuhan Meron
at Wala kapag dumedereso ang meron doon ka lulugar, kapag puestong Wala naman ang dumedereso ay don
karin pumunta.ang sunod dito ay ang Lagare kong tawagin kapag naglalagare o palitan sa puesto ang
nagpapanalo kailangan alerto ka sa puesto na pupuntahan mo laging nakasalalay ang pagluwag ng pusta mo
o pag-pit ng parada.kapag meron ang lumalamang don ka lumugar alamin mo sa kasador ang pusta ng
kalaban mo at taasan mo pusta mo ganon din sa Wala alamin mo pusta ng kalaban mo sa kasador babaan mo
pusta o ipitin mo at tiyak ayunan ka ng regla lamang ka sa panalo momentum na matatawg yan
sana mga kasabong ay nakapagbigay ako ng magandang idea para magkaroon kayo ng higit na tagumpay sa
inyong pagsasabong, anumang
katanungan ay magiwan ng mensahe dito sa fanpage ko Metro Manila Rizal Backyard Breeder and Cockers
Assn o TRS GAMEFOWL BUY AND SELL o kontakin lamang ako sa cel # 09154835146 thanks, TEDDY
"LAKAY" SAGUN

Senyales sa kaliskis
Pag-usapan naman natin ang iba’t ibang senyales sa kaliskis ng manok, Kayo ba ay naniniwala sa mga
kasabihan ng ating mga ninunong sabungero? Umiiral pa ba ang kaliskis sa panahon ngayon? Wala
naman mawawala kung tayo ay maniniwala, ang panalo ba ng isang manok ay dahil sa taglay na bertud o
dahil sa sya ay lumaking walang sakit, tamang pagkukundisyon at pointing. Siguro mas mainam kung
mapagsama sama natin ang mga ito. Gaya ng magandang bloodline, may senyales, malusog na lumaki at
hindi dumaan sa sakit, tamang pagkukundisyon at pointing at syempre dapat magaling.

Narito ang iba’t ibang uri ng senyal sa kaliskis

“SALUGSUGAN”
Mahapdi at gumigiyagis na sakit sa sugat ang mararamdaman ng manok na ang nakalaban ay may
kaliskis na salugsugan. Mula sa salitang salugsug o salubsob – isang maliit at matulis na bagay na
bumaon sa laman o kaya’y sa pagitan ng kuko at laman. Nanunuot at naninigid sa kalamnan ang sakit na
dulot nito.

Salugsugan
Dahil sa ibayong sakit na mararamdaman mula sa hagupit ng manok na salugsugan, wala nang ibang
susulingan ang kalaban kundi tumakbo at kumakak.
Makikita ang senyales na salugsugan sa pagitan ng kuko at unang kaliskis sa panggitnang daliri ng
manok. Maliit ito na parang matulis na laman.

“TRES TITOS” o “TRES MARIAS”

Kahit ano pa ang kaildad ng alagang manok, maging native, island-born o imported man, pangit o guwapo
– ang huling batayan kung magaling nga ito ay kung nananalo at bumibilang ng panalo kontra mahuhusay
na kalaban.

Kapag ang isang manok ay may likas na tapang, nagtataglay ito ng senyales na tres titos o tres marias.
Makikilala ang ganitong senyales kung ang palong ng manok ay may tatlong tulis lamang, nakalapat sa
batok ang palong at pantay sa dulo ng tuka ang unahang bahagi ng palong nito. Ang panggitnang tulis ay
dapat nakatapat sa mata ng manok.

Tres Titos
Mahirap talunin at bumibilang ng panalo ang ganitong senyales. Tinatalo nito ang isang ganador. Walang
kinakatakutan kulay. Walang pinipiling kalaban. Huwag pupungusan ang manok na may ganitong
senyales. Mawawala ang bisa at galing nito. Parang pinutol mo ang bwenas na hatid ng tres titos.

Sa panig ng inahen na may senyales na tres titos o tres marias, sinasabing mahusay itong mag-akay ng
sisiw, matapang at laging handa sa panganib para ipagtanggol ang mga inakay at higit sa lahat magaling
na panlahi o broodhen.

“KANYUNAN”
Napakahirap hanapin ang magaling na kaliskis at senyales. Pero walang imposible sa buhay ng isang
mapagpunyaging sabungero. Kaya nitong hanapin at matagpuan ang hinahangad na senyales kahit saan
at kahit kailan. Isang senyales na mahirap makita ang kanyunan. Isa itong butas na lampasan o
naglalagos sa magkabilang paa o biyas ng binti ng manok mula talmpakan hanggang tuhod.

Kanyunan
Para magpatuloy ang galing ng kanyunan huwag susuutan o tutuhugin ng tingting o ano mang bagay na
matulis ang butas nito. Mawawala ang bisa ng birtud na kanyunan. Iwasan din hangga’t maaari ang
makipaglaban sa manok na pakuan kung kanyunan ang senyales ng manok mo. Pako ang nagsisilbing
sagka o bara sa butas ng kanyon.

“LUKSAAN”
Talakayin naman natin ang senyales na luksaan. Bihira sa manok ang ganitong senyales. Tahid ito na
habang lumalaki o tumutubo ay umaayon sa drieksiyong pababa o nakatuon sa lupa ang tulis nito.

Luksaan
Luksaan o paglilibing sa kaaway ang ibig sabihin. Kahit gulapay na sa laban o tipong matatalo na sa
sultada ang isang luksaan, malaki pa ang tsansa nito na manalo o maka-three points sa kalaban dahil ito
ang isinisigaw ng kanyang senyales.

Bukod sa pagiging itim ng tahid, dapat ang kulay ng paa ay dilaw o puti. Lahing Kelso at Claret ang
karaniwan na tintubuan ng ganitong senyales.

“BATONG-GAPANG”
Karaniwang nakikita sa binti ng manok ang batong-gapang. Isa itong matigas na umbok na lumilitaw kung
minsan sa tapat ng tahid at karaniwang nasa itaas o ibabang bahagi ng tahid maging sa kaliwa o kanang
paa.

Parang bato ito na gumagapang sa paa o biyas ng binti ng manok. Kaya batong-gapang ang tawag.
Magaling lamang ang taglay senyales na ito kung yano ang kaliskis na taglay.
 Batong-Gapang
Mabagal at pagulong-gulong sa bitaw ang ganitong manok. Kantiyawin ang bikas dahil bako-bako ang
paa.

Pangit tingnan. Pero kwidaw, kapag natarian o nagkabakal na ang manok na may batong-gapang, ikaw
naman ang mangangantiyaw sa kalaban dahil parang ipu-ipo sa bilis, ilag at pagpatay ang gagawin nito sa
bawat makaengkwentro.

“KALISKIS-PALAYOK”
Apatan ang paraan nang pagbibilang sa kaliskis ng manok mula panggitnaang daliri hanggang tapat ng
tahid.

May katapat ba kahulugan ang bawat bilang na 1-2-3-4. Kung ano ang huling kaliskis na taumapat sa
tahid, iyon ang kargada o birtud na dala ng isang manok.

Ganito ang kahulugan ng bawat numero o bilang. Uno-ginto; Dos-pilar; Tres-kampit o patalim; Kuwatro-
palayok.

Karaniwang bilang ng kaliskis na tumatapat sa tahid ay 26, 27, 28, 29, 30 at 31. Kung numero 26, pilak o
pera ang ibig sabihin nito. Kung 27, kampit o patalim ang galing na taglay. Mahusay sa panalo ang dala ng
ganitong senyales.

Kung 28, palayok o dapat lang katayin ang manok dahil walang galing na ibubuga. Kapag 29 naman, ginto
o malaking karangalan ang ibinabadya ng kaliskis na ito. Ang 30 ay pilak at ang 31 naman ay kampit.

Kaliskis Palayok
Sa ganitong punto, ibig kong pansinin ang bilang na 28 o tinatawag na kaliskis-palayok sa kaliwang paa
ng manok. Kamatayan ang dala nito dahil sa petsa 28 ng ipapatay ni haring Herodes ang mga sanggol sa
Betlehem sa pagtatangkang lipulin ang mga batang inaakalang kinabibilangan ni Jesukristo na hinulaang
hahalili sa kanyang paghahari.

Kung ang bilang ng kaliskis ay parehong 28 sa magkabilang paa, maaaring sumikat ka kung marunong
kang magdala nito sa laban. Mag-ingat sa pagpili ng kalaban ng kalaban.

Maaring patayin ng 28-28 na senyales ang magkakaenkwentro pero may panganib na iwanan o ayawan
nito ang kalaban. Hindi ito tutuka sa kareo. Tabla o talo sa laban ang ganitong manok.

Kumbaga sa tao, naghuhugas ng ng kamay pagkatapos magdesisyon. Tumatanggi o umaayaw at

nagdadalwang-isip. Ganyan ang senyales na 28-28 o kaliskis-palayok.
Kapag nakatagpo ng ganitong senyales at naipanalo sa unang laban, asahang mananalo pa sa mga
susunod niyang laban ang nasabing manok.

“PUTOK SA LINTEK “
Makikita ito sa kaliwang paa ng manok. Putok, basag o hati ang isang kaliskis na nakatapat sa tahid.
Maaring bumaba ng isa hanggang dalawang kaliskis ang nag-iisang putok.

Dapat matakpan ito ng sapin kapag tinarian na.

Putok sa Lintek
Walang talo sa unang laban ang manok na may putok sa lintek. Kailangan yano ang kaliskis ng manok.
Tinatalo ng senyales na ito ang mga ganador o multi-winners”. Mahina sa bitaw o sparring ang may putok
sa lintek ngunit matibay at walang kasinggaling kapag nagkabakal o natarian na.

“BARENAHAN”
Taglay ng barenahan ang gumigiyagis na lakas at tapang para talunin ang kaaway. Mapanlupig ang
senyales na ito. Walang matibay at malakas na kalaban laban sa kanya. Walang matigas na bakal kpag
binubutas o binabarena. Pumapatok maging tag-ulan o tag-araw . Maging kabilugan ng buwan o tagdilim.

Barenahan
Isang bagay lamang ang kagalit o kalaban ng barenahan. Huwag puputulin o tatabasin ang buntot, pakpak
at balahibo ng manok na may ganitong senyales. Parang pinutol mo ang talim at tulis na nagdadala ng
kapangyarihang bumutas ng mapaglalagusang panalo sa labanan.

“UNANG PUTOK”
Magaling at bumibililang ng panalo ang ganitong kaliskis. Parang nakikiliti sa panalo ang manok na may
dalang “unang putok”

Unang Putok
Kahit isang daliri lamang ang may putok o hiwa o biyak sa unang kaliskis, maituturing na rin na unang
putok na senyales nito.
Bawat putok isang panalo. Bawat panalo, kamatayan sa bawat kalaban.

“PAHING O PALING”
Kinailangang nakapaling sa kanan ang buntot bilang panimbang sa tari. Kung nakapaling sa
kaliwa, masamang senyales ito na lalong magpahirap sa panimbang ng manok kapag natarian na.

Pahing o Paling
Hinahanap ng marmi ang buntot na madalas gumagalaw ng pakaliwa’t pakanan na parang nagwawalis.
Ibig sabihin daw nito ay winawalis ang pera pupunta sa kandungan ng tunay na may-ari ng manok

“PAKUAN”
Makikilatis ang pakuan sa panlikod na daliri. Ito ay matigas at hindi maibaluktot. Parang pako.
Unahan dapat ang kalaban sa paglapag ng manok kapag nahubaranan na bayna ng tari.

Pakuan
Huwag ring pahuhuli sa paghuhubad o pagbunot ng bayna. Sa ganitong pamamaraan, ipinapako ng iyong
manok an gkalaban sa krus ng kamatayan.
Kapag ikaw ang nahuli sa paglapag o paghubad ng batna sa oras ng labanan, maaaring ikaw ang
maipako sa walang kahulihip na pagkatalo at kamalasan.

“CINCOS ENCAMAS”
Tibay at lakas naman ang hatid ng senyales na cinco encamas, Bumibilang ng panalo, mahirap talunin at
nakukuha pang tumabla kahit naghihingalo na.

Cinco Encamas
Kayang tapusin ang laban sa pamamagitan ng isang matinding hataw kahit lugmok na at gulapay sa
labanan.
Taglay ng cinco encamas ang limang patong na lakas at tibay na kaya nitong magpalugmok, dumurog at
pumatay ng kaaway sa pamamagitan ng isang hablig lamang.

“MATAMPUSA”
May dalang suwerte ang senyales na ito at isa sa kinikilalang birtud ng manok ang matampusa.
 Matampusa
Ang tingin ng kaaway ay pusa ang kaharap sa labanan.

“BANDERAHAN”
Napakalakas ng senyales na ito kapag isinabong ang manok ng may mahalagang okasyong
ipinagdiriwang.

Banderahan
Halimbawa kung may fiesta o anibersaryo ng bayan kung saan may mga palawit na banderitas sa kalye at
buong paligid.

Mahirap ipanalo ang manok na banderahan kung pangkaraniwang araw lamang.

“DON COBARDE”
Hari ng mga duwag. Duwag ang manok na ganito sa buong buhay nya.

Don Cobarde
Dapat itong itago sa madilim na lugar at iwasang makakita ng ibang tandang maliban sa piling ng isang
inahin kapag inilabas sa liwanag

“DECIPOLON”
Inaayawan ng maraming sabungero ang ganitong pansabong kasi mahirap daw ipanalo ang manok na
decipolon dahil madali itong mapilay sa aktwal na laban.

Decipolon
Madalas mapilayan sa labanan ang kaliwang paa nito na siyang tinatarian. Mas malaki ang tyansang
matalo kesa manalo dahil napipilay agad.

“KARSADAHAN O BASTUNAN”
Patuloy at walang batid na panalo sa laban ang ibig sabihin nito. Subalit may sekreto sa pagdadala ng
senyales na ito.
 Bastunan
Kapag naka dalawa, tatalo o apat na panalo ang manok at may napansing pagbabago sa katawan,
balahibo, bisyo at porma, dapat itong ipasa sa pangangalaga ng iba upang magpatuloy ang dalang
suwerte ng karsadahan.

“PANINGIT SA NGINGI”
Nakatago ang munting kaliskis na ito at hindi makita kapag nakatayo ang manok.

Sumusungaw lamang ito kapag binaluktot o itinitikom ang daliri nito.

Paningit sa Ngingi
Magugulat ka lamang na biglang mabubuwal at mamamatay ang kalaban ng hindi malinaw sa iyong sarili
at pandama kung paano nanalo sa salpukan an gmga manok na may paningit sa ngingi.

Iyan ang lakas at lihim na taglay ng senyales na ito.

“ESPADA Y DAGA”
Ibiga sabihin ay itak at punyal. Anyo ng dalawang klaseng kaliskis ang espada y daga na matatagpuan sa
magkabilang paa ng manok na yano lamang.

Espada y Daga
Isang buong kaliskis na makikita sa tapat ng tahid ng kanang paa na sumasagisag sa espada
samantalang sa kaliwang paa ng manok na tila punyal ang katulad.

Magaling sa panalo ang manok na ito kung may partida gaya halimbawa ng dalawang tari ang ikakabit sa
labanan.

“HARA-HARA”
Karamihan sa tandang ay may apat na pantig sa pagtilaok na ganito “Tak-Ta-Ra-ok”.
 Hara Hara
Pambihira at itinuturing na magandang senyales sa panalo kapag nagkaroon ng manok na may limang
pantig sa pagtilaok.

Matibay ang paniniwalang mananalo ang tandang na ganito ang tilaok.

“SILANGIN”
Silangin ang taguri sa taong nakakakita ng mga nilikha sa ikatlong daigdig.

May silangin din sa buhay ng mga manok. Kapag sinipat ng mabuti ang mata ng manok, makikita o
masisilip ang anumang bagay na nasa kabilang bahagi.

Silangin
Lampasan agn paningin mo. Lagusan. Paniniwalaan ng sinaunang sabunger na walang talo ang senyales
na ito.

Kahit itaya pa ang kahuli hulihang yaman sa daigdig. Pinakamakapangyarihan sa lahat ng senyales na ito
at walang makakahigit pa sa ilalim ng araw.

“TULYAHAN”
Mistulang natutuyo ang mga kaliskis ng manok sa senyales na ito. Pangit sa paningin.

Mabilis kumilos at mahusay sa paluan ang manok na may ganitong senyales.

Tulyahan
Magaling umipit ng kaaway kapag nasa gilid ng barandilya ang kalaban. Walang ganang makipag
salpukan ang manok na “tulyahan” kapag taib o mataas ang dagat.

Walang sigla, matamlay at parang nalulunod. Mahirap talunin ang manok na “tulyahan” kapag panahon ng
low tide o tag hunas.

“KABIG-PARADA”
Pagkakaroon ng manok na mahabang panloob na daliri sa kaliwa’t kanang paa. Pangkaraniwan sa manok
ang pagkakaroon ng mahabang panlabas na daliri. May mga manok din naman na pantay ang panloob at
panlabas na daliri. Pangkaraniwan lamang ito at hindi tunay na kabig parada.
 Kabig parada
Mahirap talunin sa parehas na laban. Itinuturo o inihahatid ng senyales na ito ang patutunguhan ng
kanyang kalaban. Hukay, kaldero, kawali o pulutan. Sa madaling salita, pagkatalo at kamatayan lamang.
Itinutuon din ng “kabig-parada” ang haba at swerte na patutunguhan ng manok na may ganitong senyales.

“BUO SA KAMAO”
Matibay sa basaan, pilit niyang ipapanalo ang laban, May mga pagkakataong mangangayaw pa ang
kalaban sa sandaling magkakatitigan sila sa ruweda.

Buo sa Kamao
Likas sa senyales na ito ang pagkakaroon ng pambihirang tapang at matalinong diskarte sa salpukan.

Bumibilang ng panalo ang ganitong senyales at pinipili na patayin ang kalaban sa pamamagitan ng isang
pangitil na hataw lamang. Walang pinipiling panahon.

“KRUSAN”
Tahid ang sandatang pamatay o armas ng panlaban ng isang manok. Mahirap magapi ang manok na
“krusan”.

Kapag ang senyales na “krusan” ay hindi nakatapat sa tahid, wala itong silbi sa panalo.

Krusan
Kapag nakatapat naman, kahit nasa bingit ng kamatayan ang manok ay nananalo pa ito at maaaring
tumakbo o umayaw sa laban ang kaaway.

Ayaw tumuka o kumareo ang kalaban dahil nasisilaw ito sa senyales na “krusan”

“PANGIL-ASO”
Pinapatay sa unang palo lahat ng makalaban. parang nalawayan ng makamandag na pangil.

Pangil Aso
Mabilis tumama sa katawan ng kalaban ang bawat hataw. Bihira ang manok na may ganitong senyales.

Mas matindi kung makikita ito sa manok na kulay put ang mga paa.

“PANAUGAN”
Likas na magaling pumalo ang mga manok na may ganitong bertud ngunit duwag sa labanan. Niyuyukuan
ang kalaban kahit nasa anyong mamamatay na.

Kahit nakakalamang sa laban ay mamamayani sa sarili ang umayaw at tumalikod sa kaaway.

Kinatatakutan at inaayawan ng matatanda ang panaugan.

Panaugan
Magandang-pangit ang senyales na ito. maganda kung ang manok na panaugan ay nag-iisa o solong
alaga ng isang sabungero.

Walang talo. Kung may kasama o kahalong manok sa kuwadra ng isang sabungero, dapat unang ilaban
ang may senyales na panaugan.

Kapag nanalo, mananalo rin lahat ng kasamahang manok o katropa. Kapag natalo ay huwag na, Hanggat
maaari, dapat nag-iisa lamang sa isang bakuran ang manok na may ganitong senyales. Dapat walang
kasama.

“YANO”
Ordinaryo o simpleng kaliskis na hindi makikitaan ng paniningit, sudya, putok, likos o anumang birtud.

Yano
Pero ang yano ay siyang pumapatay at dumadaig sa isang ganador o multi-winner na mga panlaban.

Delikadong makasagupa ang yano kapag unang laban o bumabasal pa lamang dahil sa pagkakataong ito
gumigiyagis ang kaway ng pamimiyapis.

“TAHID ULUPONG”
Ibayong suwerte ang hatid nito. Sinasabing ang ulupong o ahas ya tagpagdala ng biyaya at talino.

Parang ahas, handa nitong lingkisin hanggang mamatay ang kaaway sa pamamagitan ng maririin at
malalakas na hataw.
 Tahid Ulupong
Ngunit ang ahas ay may kinatatakutan din.

Huwag itong ilaban kontra sa manok na puti o namurmurong puti ang balahibo gaya ng lasak, bangkas at
sinibalang.

“BATONG GAPANG”
Isa itong matigas na umbok na lumilitaw kung minsan sa tapat ng tahid at karaniwang nasa itaas o
ibabang bahagi ng tahid maging sa kaliwa o kanang paa.

Magaling lamang ang senyakles na ito kung yano lamang ang kaliskis na taglay.

Batong Gapang
Mabagal at pagulong-gulong lamang sa bitaw agn ganitong manok.

Pero kapag nabakalan na o natarian na ang ganitong manok ay parang ipu-ipo ang bilis, ilag at pagpatay
ang gagawin nito sa bawat makalaban.

“TUKOD-LANGIT”
Ipinahihiwatig sa senyales na ito ang pagiging superior nito sa kalaban. Hindi ito nagpapadaig kahit saang
laban sa ere at lupa.

Tukod Langit
May pagkakataong sa labanang dikdikan, umaatikabong siyapulan, walang puknat na paluan at
madugong ratratan.

Magugulat ka na biglang matitimbuwang ang katunggali at tatayong panalo sa kalaban ang may senyales
na tukod langit.

“TUNGO-SA-LILONG”
Tungo-sa-lilong o buntot pugo ang tawag ng ibang sabunger sa ganitong senyales. Nakatungo ang
posisyon sa pagtubo. Karaniwan sa manok na papaitaas ang pagtubo ng balahibong nakapaloob sa
buntot ng manok. Pambihira ang paibaba.

Mahirap talunin ang manok na may ganitong senyales. paboritong talunin ng senyales na ito ang mga
ganador.
 Tungo sa Lilong
Nananalo ito laban sa mga senyales na kanyang pinanununghan o pinapayungan gaya ng mga kaliskis sa
paa ng manok. Kapantay nito sa galing ang mga senyales na makikita sa pakpak at gulugod ng manok.

Ngunit daig ang “tungo-sa-lilong” ng mga senyales na makikita sa leeg o pulok, ulo at palong ng kalaban.

“BANGKA-BANGKAAN”
Parang binaril sa ere ang kalaban ng manok na may senyal na bangka-bangkaan.

Magaling sa liparan at mabilis sa itaas ang manok na bangkaan. laging angat at lamang sa salpukan at
maagap pa sa paluan.

Bangka-Bangkaan
Mabils pumatay at madiskarte sa labanan. Tandaan at tiyakin lamang na tuwing ilalaban ang manok na
bangkaan, huwag kalimutang silipin kung naroroon pa ang nag-iisang balahibo osa gitna ng kanal o
hukay. Kapag nawala ang balahibo, mawawala na rin ang layag na nagdadala ng swerte.

“DOBLE UNO”
Karaniwan sa isang manok an gmagkaroon ng sampung bilang ng bagwis sa magkabilang pakpak.

May manok ng 10-11 at 9-11 naman ang bilang.

Doble Uno
Hindi timbang ang lakas sa paghataw ng ganitong manok. totoong ang paniniwalang malakas sa paluan at
matatag ang panimbang ng isang manok na ang magkabilang bagwis ay 11 ang bilang. Angat sa laban.
Superior sa labanan.

“TAHANG”
Sinasabing bwenas ang senyales na ito dahil inihuhulog daw papasok ang pera sa tahang na tuka.

Ang tukang puti na may guhit na itim o tukang itim na may guhit na puti ay tinaguriang “bagis”.

Tahang
Mananalo rin sa laban ang ganitong senyales. Samantalang ang tuka na maikli at baluktot sa dulo an
parang tuka ng loro ay sagisang ng manok na malakas ang panga sa pagkapit, pagpigil at pagpupog sa
kalaban. Nakalalamang sa dikdikang laban ang ganitong uri.

“SUDYANG TAPON”
Nagbabadya naman ng masamang senyales ang sudyang tapon. Kung hindi mag-iingat, bulok na
panlaban ang hihimasin araw-araw.

Sudyang Tapon
Magaling sa bitaw ang manok na may ganitong senyales. Umuusok sa liparan at paluan at
mapapapalakpak ka sa paghanga.

Ngunit ang sudyang tapon ay walang kasing bulok kapag natarian na o nagkabakal na, palundag lundag
lang.

“SOLONG PANINGIT”
Mahirap makita sa isang manok ang senyales na ito. Kapag natagpuan ito’y magiging baon ng yaman at
pagkilala.

Matatagpuan ang solo paningit sa mga kaliskis na yano lamang. Ipinalalagay itong panimbang sa tari.

Solong Paningit
Madali nitong lupigin at igupo ang mga ganador. Mahina sa sparring ngunit magaling kapag nabakalan o
natarian na. makakarais sa bawat laban o makararating ng payapa’t maluwalhati kahit saang lupalop
mapadpad ang manok na may ganitong senyales. Pilit nitong isisingit ang panalo kontra mahina at
magaling na kaaway.

“PUNTO DE SANGRE”
Ang senyales na ito ay mistulang tuldok nanakikita sa ilalim ng magkabilang pakpak ng manok.

Isa itong sugat o mapulang tuldok na nananariwa at naghihilom sa isang takdang panahon sa buhay ng
isang manok panabong.

Punto de Sangre
Buwanan kung lumitaw ang senyales na ito sa magkabilang pakpak ng manok.

Namumula ang biyas ng mga binti at paa ng manok kapag lumilitaw ang ganitong senyales.

Kapag lumabas o nagpakita na ito, nagpapahiwatig ang manok na panahon na para siya’y pumatay o
magpadugo sa kaaway. Nasa kondisyon ang daloy at lapot ng dugo ng manok.
“BULSIKOT NI HUDAS”
Pinaniniwalaan ng mga tahor ng matatandang panahon na ang manok na may bulsa o supot sa anumang
bahagi ng katawan ng manok ay mahirap talunin sa parehas na laban dahil sagana ito ng katusuhan at
panlalamang sa kaaway. Mautak at mapanlinlang. Bumibilang ng panalo ang manok na may senyales na
bulsikot ni hudas.

Bulsikot ni Hudas
Nakapaloob sa senyales na ito ang hawak na swerte. Maraming sorpresang dala ang bawat hataw at
hagupit ng manok kontra sa kalaban. Iwasan lamang ang paglaban ng ganitong senyales kontra mga
ganador o multi-winner. Umiwas din sa mga senyales ng mganok na may “putok” sa kaliskis at “pakuan”
dahil bubutasin ng kalaban ang “bulsikot ni hudas”. Maliligawak ang dalang swerte.

“PITONG BAKOD”
Isa sa mabibigat at magagaling na senyales ang pitong bakod. mataas na grado ang kaliskis na ito.
Mahirap nat talunin lalo na sa unang laban.

Pitong Bakod
Bumibilang ng panalo ang mga manok na may ganitong kaliskis.
Nakapalibot ang pitong kaliskis na nagsisilbing bakod para hindi makaalpas ang putong at swerteng hatid
sa ulunan ng isang sabungero.

“PAYUNGAN”
Mainam ilaban kung sa bandang tanghali. Iyong tirik ang araw.

Payungan
Malabong manalo ang manok na may ganitong senyales kapag maaliwalas ang panahon.

“PILAK AT KAMPIT”
Pilak at kampit ang kahulugan ng 30-31 na bilang ng kaliskis sa kaliwa’t kanang paa ng manok. Pera at
patalim ang ibig sabihin nito. Mahirap itong talunin at mabigat kalabanin. Mula unang kaliskis ng
panggitnang daliri hanggang tapat ng tahid ang tamang pagbilang sa kaliskis ng manok. Apatan ang
pagbilang tulad ng mga sumusunod. Ginto-pilak-kampit-palayok.
 Pilak at Kampit
Higit na mainam kung ang bilang 30 at nasa kanang paa dahil sagisag ito ng mga nakalahad na palad na
animo’y sumasahod ng grasya o patak ng pera. Dapat 31 naman ang nasa kaliwang paa na sumasagisag
ng kamaong may hawak na itak o patalim bilang pamuksa sa kaaway.
Batay sa sayatipikong pagsusuri ang bilang ng 30-31 ay tanda ng manok na may mahahabang biyas ng
binti. Kakaibang birtud at panlalamang ang taglay ng senyales na 30-31 o “pilak at kampit”.

“TALIMBABAHAGON”
Kaliskis ahas. Malas o swerte ang senyales na dala ng kaliskis na ito. Mamalasin ka kung hindi alam ang
ugali ng ahas ngunit swerte naman kung kabisado mo ang sekretong taglay nito ayon sa lagay ng
panahon. Mas marami ang natalo sa senyales na ito. Mahinag pumalo at walang diin humataw ang manok
na talimbabahagon. Matindi ang kaway ng tagumpay kung ilalaban ito sa

Talimbabahagun
panahong namumulaklak ang talahib kasi walang kasing bagsik, bilis at lakas ang ahas sa panahong ito.
Iwasan itong ilaban kung naglulugon kasi mahina at mabagal ang ahas sa panahong nagpalit-balat ito.
Alalahanin na mabili kumilos ang ahas kapag sa damuhan. dapat nakapaa o walang sapin sa paa ang
magbibitaw. Bago isabak sa ruweda ang isang pansabong, patakan ng tubig ang bibig nito at ipahid sa
balahibo ang natirang tubig sa painuman ng manok na may kaliskis ahas.