KABANATA 3

METODOLOHIYA NG PAG-AARAL

Inilahad sa kabanatang ito ang pamamaraan at istratehiyang ginamit ng mga

mananaliksik sa kanilang pag-aaral kung saan kanilang aalamin ang mga pananaw ng

mga guro ukol sa pagtatanggal ng asignaturang Filipino sa mga pamantasan.

Matatagpuan din sa kabanatang ito ang mga hakbang na isinagawa sa pagsusuri at

pangangalap ng mga pananaw ng mga guro. Naglalaman ito ng mga disenyo,

instrumento at mga kalahok sa pananaliksik ng mga impormasyon. Ang mga ito ay

mahalaga sa pangangalap ng mga impormasyong bubuo sa pag-aaral ng mga

mananaliksik.

3.1 Disenyo ng Pananaliksik

Binigyang pakahulugan ni Manansala (2014), ang disenyo ng pananaliksik bilang

pangkalahatang estratehiyang pinipili ng mga mananaliksik sa maayos at lohikal na

pamamaraan. Ito ay nagtitiyak na masasagot ng pananaliksik ang mga suliranin at

matutupad ang layunin ng nasabing pag-aaral. Isinaad din niya na ito ay naglalaman ng

paraan ng pangongolekta, presentasyon at pagsusuri ng datos.

Ang pananaliksik na ito ay gumamit ng qualitative na metodolohiya ng pag-aaral.

Ayon naman kay (2014), ang kwalitatibong pananaliksik ay ang pagbibigay importansya

sa mga kalidad ng isang bagay,tao o pangyayari at proseso at kahulugan na hindi

maaaring masukat sa pamamagitan ng pagbibilang o ilahad sa numerong pamamaraan.

Ang pagkalap ng mga datos ay nakapaloob sa interbyung isinagawa ng mga

mananaliksik. Ang interpretasyon ay nakabase sa kombinasyon ng perspektibo ng mga

mananaliksik at ng mga datos na nakalap. Ang pananaliksik na ito ay nakapokus sa mga

pananaw ng mga guro sa pamantasan ng Cavite State University ukol sa pagtatanggal

ng asignaturang Filipino.

3.2 Mga Kalahok sa Pag-aaral

Ang mga kalahok sa pag- aaral ay ang bilang ng mga tutugon o lalahok sa pag-

aaral. Ito rin ay ang tumutukoy sa pangkat o indibidwal na ginagamit sa istatistika bilang sample

sa kompyutasyon ng populasyon.

Upang makakuha ng mga impormasyon ang mananaliksik ukol sa paksang “Pananaw sa

Pagtatanggal ng Asignaturang Filipino ng mga Guro sa Pamantasan ng Cavite State University,

Indang Cavite ” gagamitin ang non-random sampling kung saan ang kalahok ay hindi nagbibigay

ng pantay na pagkakataon ng pagiging respondente.

Ang napiling kalahok sa pagsusuring ito ay ang mga propesor na nagtuturo ng

asignaturang Filipino sa Cavite State University sa taong panuruan 2018-2019.

Dagdag pa rito, bago nila ito bigyan ng tugon ay magsasagawa ng maikling oryentasyon

ang mga mananaliksik sa mga kalahok upang masiguro na nnauunawan ng mga sasagot sa mga

talatanungan ang bawat bagay maging ang pagiging kompidensyal ng bawat datos upang

maipahayag ang kailang mga impormasyon ng maayos.

3.3 Instrumento ng Pananaliksik

Sa pag-aaral na ito, ang mga mananaliksik ay gumamit ng interbyu bilang

instrumento sa pangangalap ng datos o impormasyon. Ayon kay Tongcua (2014), ang

interbyu ay isang uri ng pasalitang diskurso na binubuo ng dalawang tao, ang interbyuwer
at ang interbyuwi, ng isang pangkat at isang indibidwal. Ang petsa, oras at araw ng

interbyu ay itinatakda depende sa abeylabiliti ng dalawang panig.

Ang interbyu ay maisasagawa sa pamamagitan ng messenger at personal

interview. Ang mga mananaliksik ay magbibigay ng mga katanungan na may layuning

malaman ang epekto at pananaw ng mga guro sa CVSU – Indang, Cavite ukol sa

pagtatanggal ng asignaturang Filipino sa kolehiyo. Ang mga kasagutan o impormasyong

ibibigay ng mga kalahok ay magsisilbing input ng pag-aaral, ito’y nagpapakitang ang mga

mananaliksik ang pangunahing instrumento ng pag-aaral. Ang mga mananalisik ang

siyang gumawa ng mga katanungan upang mas maunawaan ang opinyon ng mga

kalahok ukol sa paksa.

Ang petsa at oras ng interbyu ay nakadepende sa kagustuhan at abeylabiliti ng

kalahok o interbyuwi. Sa itinakdang oras ng interbyu, ang mga mananaliksik ay magiging

pormal at propesyonal sa pagbibigay ng katanungan, ang mga mananaliksik ay

maglalaan ng sapat na oras sa kalahok upang maibahagi nito ang kaniyang pananaw o

karanasan sa maayos at malayang paraan

Pagkatapos ng interbyu, ang impormasyon o datos na ibibigay ng kalahok ay

lilikumin at aanalisahin ng mga mananaliksik. Ang privacy ng mga kalahok ay nirerespeto

ng mga mananaliksik at ang mga kasagutan ay mananatiling konpidensyal.

3.4 Paraan ng Pangangalap ng Datos

Para maisakatuparan ang pananaliksik na ito, makikipanayam ang mga

mananaliksik sa mga guro ng asignaturang Filipino sa pamantasan ng Cavite State

University, Indang, Cavite sa pamamagitan ng application na messenger, isa itong

application na kayang makapagdala ng mensahe ng mabilisan sa tulong ng data o

internet. Ito ang magsisilbing instrumento upang mailatag sa kanila ang mga inihandang

katanungan at magsisilbing instrumento ito para sa kanila upang makapagbigay ng

pananaw sa nasabing katanungan. Maasahang mabibigyang kasagutan ang mga

sumusunod na katanungan:

1. Anu-ano ang mga opinyon ng mga gurong nasa Kolehiyo ukol sa pagtatanggal

ng asignaturang Filipino sa Kolehiyo?

2. Ano ang maaring maging epekto nito sa mga estudyante at gurong nasa kolehiyo?

a) Positibong epekto

b) Negatibong epekto

3. Sumasang-ayon ba ang mag guro sa kolehiyo sa pagtanggal ng asignaturang

Filipino?

4. Anu-ano ang mga hakbang na ginagawa ng mga guro ukol sa pagtatanggal ng

asignaturang Filipino sa kolehiyo?

Sa pagsasagawa ng interview, mauuna ang mga interviewer na maglahad ng tanong

na sasagutin ng mga partisipants hanggang sa matapos ang inihandang katanungan at

magkakaroon ng follow-up question kung sakaling hindi malinaw ang kanilang mga

kasagutan. Walang pansarili o personal na buhay ang matatalakay sa pag-iinterbyu, ang

mga sagot lamang ng mga partisipants ay may kaugnay sa mga nailahad na katanungan,

walang personal na buhay ang matatalakay.

Ang kabuuang pag-aaral ay nagsimula sa buwan ng Enero hanggang Pebrero na kung

saan matatalakay ang Pananaw sa Pagtanggal ng Asignaturang Filipino ng mga guro sa

pamantasan ng Cavite State University, Indang, Cavite

3.5 Paraan ng Pag-aanalisa ng mga Datos

Ang paraan ng pangongolekta ng mga datos ay isang proseso ng pagtitipon ng

angkop na impormasyon tungkol sa isang particular na paksa, isang sistematikong

paraan na maaaring masagot ng kalahok ang mga tanong na inihanda ng mananaliksik.

Upang makalikom ng mga datos na kakailanganin para sa pag-aaral na ito, ang mga

mananaliksik ay gumagamit ng pagbubuod ng mga sagot.

Ang pagbubuod ng kasagutan o impormasyon ay isang paraan kung saan pipiliin

ang pinaka mahalagang ideya at sumusuportang ideya. Sa pagbubuod, mahalaga ang

pagtutok sa lohikal at kronolohikal na daloy ng mga ideya sa binuod na impormasyon o

kasagutan (Nato, 2017).