EUTHANASIA (MERCY KILLING)

Ipinasa ni:
Aron Shane A. Aurea
Grade 10- Andersen

Iniharap kay:
Mrs. Marjorie Cababat
I. Euthanasia: Taliwas Ba Sa Kasagraduhan Ng Buhay?

II. Panimula
A.
Ang sakit at paghihirap ay llikas na kasama sa buhay ng tao. Ang pagtitiis sa harap ng mga
pagsubok ay isang anyo ng pakikibahagi sa plano ng Diyos. Samakatuwid, hindi maaaring hilingin ng isang
tao na tapusin ang kaniyang paghihirap sa pamamagitan ng kamatayan.
Ang euthanasia o mercy killing ay ang pagpapatiwakal ng isang indibidwal na nagnanais ng
wakasan ang sariling buhay sa tulong ng ibang tao. Ito ay maaaring makatulong sa isang indibidwal na
wala ng pisikal na kapasidad na isagawa ang pagpapakamatay dahil sa matinding karamdaman. Ang
karaniwang tumutulong sa pagsasagawa ng isang eutanasya ay isang miyembro ng pamilya o doktor(kung
ito ay legal sa isang bansa).

B.
Sa aking pananaw, ang euthanasia ay masama ngunit mayroong mga kasong ito ang
pinakamabuting gawin lalo na sa may malulubhang sakit na wala nang pamilyang maaasahan at sa mga
wala na talagang pag-asa sa buhay. Sa palagay ko, ito ay makabubuti rin para sa pamilya ng mga taong
kinakaharap ang isyung ito sa paraang hindi na rin magpatuloy ang nararamdaman nilang sakit at
paghihirap habang ipinagpapatuloy ang life support nila. Naiintindihan ko naman kung bakit ginagawang
legal sa ibang bansa ang euthanasia dahil sa mayroon naman silang mga dahilan at punto para rito. Iyon
lamang ay hindi nila isinasaalang-alang ang turo ng pananampalataya tungkol sa paghihirap bilang
bahagi na ng buhay ng tao.

III. Mga Argumento sa Isyu

A.
Ang euthanasia o ang pagpapaubaya na mamatay ang isang tao dahil sa awa ay isang
napakahirap na usapin. May dalawang bagay na mahirap ibalanse tungkol sa isyung ito. Sa isang banda,
ayaw natin na ilagay sa ating sariling mga kamay ang buhay ng isang tao at hayaang matapos iyon ng
wala sa panahon. Sa isang banda naman, hanggang saan natin hahayaang maghirap ang isang tao at
hanggang kailan natin siya hahayaan na lamang na mamatay ng kusa?

B.
Mayroong panukalang batas ukol sa “mercy killing” o ang tinatawag na Euthanasia Bill pero
nalalambu¬ngan pa rin ito ng ulap dahil sa maraming isyu — emotional, legal at pangrelihiyong usapin.
Ang Euthanasia ay ang pamamaraan ng pagkitil sa isang taong may malubhang karamda¬man na hindi
na maaari pang gumaling o yung mga tinatawag na “gulay” na. Ang salitang Euthanasia ay nanggaling sa
salitang “good and death”. Isasagawa lamang ang Euthanasia kapag ang taong may mabigat na sakit ay
hiniling sa doctor ganoon din sa kanyang mga kamag-anak na kitilin na ang kanyang buhay. Ang active
Euthanasia at mahigpit na ipi¬ nagbabawal sa mara¬ming bansa. Sabi ng religious groups ito ay malinaw
na pagsu-suicide o murder kaya immoral. Gayunman ma¬rami ang nagsasabing mas mabuti ang
euthanasia sapagkat natata¬himik na ang tao kaysa hayaang buhay pero “gulay”. Isa sa mga paraan ng
pagsasagawa ng Euthanasia ay ang pag-aalis sa support o ang pag-aalis ng medical treatment. Hahayaan
ang pasyente na ma¬matay naturally at ito ay legal sa batas. Mahirap magdesis¬yon para sa pamilya ng
pasyente. Nagbibigay ito ng pagkabahala at hindi malaman ng ba¬wat isa kung tama bang kitilin na ang
buhay ng pasyente. Mayroong iba na hindi itinutuloy ang balak at hinaha¬yaan na lamang ang pasyente
sa sitwas-yong nakaratay ito at hintayin ang oras. Mahirap ang isyung ito kaya naman dapat magkaroon
ng ugnayan ang Philippine Medical Association, Department of Health at Department of Justice, kasama
ang mga mam¬babatas para ma-dissect at maplantsa ang isyu sa Euthanasia.
C.
Ang Mercy Killing ay parang isyu ng bitay. Kung mapapanood ninyo sana yung pelikulang “You
Dont Know Jack” na pinagbibidahan ni Al Pacino eh siguro matapos ninyo ito panoorin ay magkakaroon
kayo ng ideya kung bakit may mga taong pinipili ang euthanasia, hindi dahil sa wala silang tiwala sa Diyos
kundi ang sakit na idinudulot nito hindi lang sa pisikal na katawan kundi sa buong pagkatao ng isang
pasyente. Resonable naman sana ang euthanasia pero tulad ng usapin natin tungkol sa hatol na bitay eh
baka kapag itoy naging legal ay mapabayaan ang pag-gamit nito. Halimbawa nalang sa bitay, kung ito
ay maibabalik ang pinag-aalala ng mga taong tulad ko na pabor sana sa bitay ay baka maihatol ito sa
mga taong hindi naman dapat hatulan. Na kung saan sa bansa natin ay may mga nakakasuhan na hindi
naman dapat kasuhan. Masakit ang maparusahan ka sa kasalanan na di mo naman ginawa lalo na mas
masakit sa isang hahatulan o sa mga kamag-anak nito na bitayin sa salang hindi naman niya ginawa.
Tulad rin sa Mercy Killing sino ba ang mag-aaprove nito para sabihing qualified ka na tapusin ang iyong
buhay? At gaano tayo ka-kumportable sa taong magbibigay ng “go signal” para isagawa ang “mercy
killing”?

IV. Ang Sariling Posisyon sa Isyu

A. Ang katotohanan na sumusuporta sa katotohanan na ang Diyos ay laban sa euthanasia ay ang Kanyang
walang hanggang kapamahalaan.
1. Ang Diyos lamang ang tanging may karapatan na mamahala sa mundong ito. Siya ang dakilang
manlilikha na bumigay sa ating mga nilalang ng buhay kaya siya lamang ang may karapatan na bawiin
ito. Ang kahirapan sa buhay ng tao ay naaayon lamang sa kaniyang plano at hindi ibig sabihin na bahagi
lamang ito sa walang dahilan at rason kundi para sa ikababanal nating lahat.
2. Alam natin na hindi maaaring hadlangan ng sinuman ang pisikal na kamatayan (Awit 89:49;
Hebreo 9:27). Ang Diyos lamang ang may kapamahalaan kung saan at kailan magaganap ang
kamatayan ng isang tao. Pinatotohanan ito ni Job sa Job 30:23, "Oo, alam ko na dadalhin mo ako sa
kamatayan, at sa bahay na itinalaga para sa lahat ng nabubuhay." Idineklara sa Mangangaral 8:8a,
"Walang taong may kapangyarihang pumigil ng espiritu, ni kapangyarihan sa araw ng kamatayan." Nasa
Diyos ang huling pagpapasya sa kamatayan ng isang tao (tingnan din ang 1 Corinto 15:26, 54-56; Hebreo
2:9, 14-15; Pahayag 21:4). Ang euthanasia ay ang paraan ng tao upang pangunahan ang Diyos.

B. Ang kamatayan ay isang natural na kaganapan.

1. Lahat naman ng tao na nabubuhay ay namamatay rin. Ang pangyayaring ito ay hindi
maiiwasan, dahil sa “natural” lamang ito. Maaaring mapahaba pa ang buhay, ngunit nagtatapos din ito sa
huli. Ito lamang ay naaayon sa plano ng paginoong Diyos sa atin upang bumalik sa kaniyang kaharian at
mamuhay ng walang hanggan.
2. Minsan, pinahihintulutan ng Diyos ang isang tao na magdusa ng mahabang panahaon bago
mamatay; sa ibang pagkakataon naman ang paghihirap ng isang tao ay maiksi lamang. Walang taong
ikinatutuwa ang pagdurusa, ngunit hindi ito nagbibigay ng karapatan sa tao upang humatol sa
kahandaang mamatay ng isang tao. Kadalasan, ang layunin ng Diyos ay nahahayag sa pamamagitan ng
paghihirap ng isang tao. "Sa araw ng kasaganaan ay magalak ka, at sa araw ng kahirapan ay
magsaalang-alang ka. Ginawa ng Diyos ang isa pati ang isa pa" (Mangangaral 7:14). Itinuturo sa Roma 5:3
na ang bunga ng kahirapan ay pagtitiyaga. Nagmamalasakit ang Diyos sa mga taong nananalangin ng
kamatayan upang matapos na ang kanilang pagdurusa. May layunin ang Diyos sa buhay mula umpisa
hanggang sa katapusan. Ang Diyos lamang ang nakakaalam ng pinakamabuti at laging perpekto ang
Kanyang panahon, maging ang panahon ng kamatayan.

C. Ang ganitong pagdedesisyon ay napakahirap at napakasakit.

1. Talagang masakit at mahirap ang pagdedesisiyon lalo na kapag kaharapa ng isyung ito. Maiisip
lamang natin ang bigat ng pakiramdam sa pagtatapos ng buhay ng isang tao. Doble pa ang
mararamdaman natin kung ang sangkot dito ay ang ating mga mahal sa buhay.
 2. Hindi madaling sabihin sa isang doktor na alisin na ang mga makinang sumusuporta sa hininga ng
isang mahal sa buhay. Hindi natin dapat na tapusin ang buhay ng isang tao ng wala pa sa panahon, ngunit
gayun din naman, hindi nararapat na gumawa tayo ng mga ekstra-ordinaryong pamamaraan upang
panatilihing buhay ang isang tao. Ang pinakamagandang payo sa kaninuman na humaharap sa ganitong
desisyon ay ang paghingi sa Diyos ng karunungan (Santiago 1:5).

IV. Konklusyon
A.
Sa ligal at etikal na usapin, ang euthanasia ay mali ngunit sa praktikal ay medyo makatwiran. Ang
pagpatay sa awa na tinatawag nila ito ay magiging katwiran lamang sa mga kaso kung saan ang mga
doktor at sinumang tao na may awtoridad ay gumawa ng isang konklusyon na paghatol na ang sakit ay
walang lunas o walang nag-iisang tsansa na pagalingin at ang sakit ay lalong lumala habang ang oras ay
dumaraan. Kapag ang sakit ay hindi mapipigilan at magiging mas masakit araw-araw, bakit patatagalin
pa ang pagdurusa? Sa huli, ang kamatayan pa rin ang huling paraan upang mapagaan ang sakit.

B.
Hindi na bago sa sangkatauhan ang paglalaban sa pagitan ng pagnanais na tapusin na ang pagdurusa at
pagnanais na mabuhay. Sa katotohanan, sinasabi sa isa sa pinakaunang kuwento sa Bibliya sa aklat ni Job
ang pagnanais ni Job na mamatay na sa gitna ng kanyang paghihirap. Nagdalamhati si Job para sa
kanyang buhay, hanggang sa punto na hilingin na niya sa Diyos na kunin na ang kanyang buhay sa halip
na hayaang magpatuloy ang kanyang nararanasang sakit - sa emosyonal, pisikal at espiritwal (Job 6:8-11).
Sinabi ni Job, “Na anopa't pinipili ng aking kaluluwa ang pagkainis, at ang kamatayan kay sa aking mga
butong ito. Aking kinayayamutan ang aking buhay; di ko na ibig mabuhay magpakailan man: bayaan
akong magisa; sapagka't ang aking mga kaarawan ay walang kabuluhan” (Job 7:15-16).
Hindi sana ganun kadali sa atin bilang isang tao ang pagkitil ng buhay. Nararapat nating bigyan ng
respeto ang karapatan ng bawat isang indibidwal.

V. Sanggunian
https://www.scribd.com/document/340705553/Connie
https://www.academia.edu/35976318/Panimula_Euthanasia_?auto=download
https://www.gotquestions.org/Tagalog/Bibliya-euthanasia-hayaang.html
http://www.symbianize.com/showthread.php?t=141195
http://www.philstar.com/opinyon/42368/euthanasia