I.

PANIMULA
PAGPAPAKILALA NG PAKSA
Ang pagpapatiwakal ay isa sa mga paksang kailangan ng matindi at malawak na pag-unawa.
Ito ay may isa sa mga pinakamaraming isyu sa Pilipinas na kailangang bigyang pansin. Ang
sadyang pagkitil o pagpatay sa sarili dahil sa ayaw nang mabuhay, ay tinatawag na suicide.
Ang pagpatay sa sariling buhay ay parang pagpatay sa ibang buhay ng tao. Isa itong
kasalanan. Kadalasan, ito ay itinuturing na natatanging solusyon ng mga taong nagdurusa sa
hirap. Ito’y maaaring idinadaan sa paglagay ng lubid sa leeg o ‘di kaya’y maglaslas ng pulso.
Mayroon ding nagpapatiwakal dahil sa sakit sa isip tulad ng schizophrenia at bipolar disorder na
kinakailangan ng maayos na treatment galing sa propesyonal na manggagamot. Kada taon ay
aabot sa 800,000 katao ang nagpapakamatay ayon sa mga experto. Hindi lang sa biktima
mismo ang magiging komplikado kung ‘di pati na rin sa mga taong nagmamahal, at nag-aaruga
sa biktima. Sabihin man nating ang pagpapatiwakal ay intensiyonal na ginagawa ng tao dahil
hindi sa makayanan ang matinding depresyon o sakit, isa pa rin itong kasalanan at hindi ang
solusyon upang malutas ang mga problema na ibinibigay ng buhay

B.ANG SARILING PANANAW SA PAKSA

Ang buhay ay ipinagkaloob sa atin ng Diyos kaya’t kailangan nating pahalagahan ito. Sa
panahong ngayon, marami na ang mga taong nagpapatiwakal. Nakakalimutan na ng iilang mga
tao ang kahalagahan ng buhay. Ang sariling kung pananaw sa paksa ay masama ang
pagpapatiwakal dahil ang pagpapatiwakal ay katapat ng pagpatay ng isang tao. Nangyayari ang
pagpapatiwakal kapag ang isang tao ay may kinakaharap na komplikadong problema sa buhay
na nagreresulta ng stress o depresyon. Kadalasan ang biktima nito ay nakakaranas ng
diskriminasyon at panlalait pati na rin ang mga kabataan na nakakaranas ng depresyon o mga
kabataan na nagkulang sa gabay ng kanilang mga magulang. Isa rin sa mga dahilan ng
pagpapatiwakal ay dahil sa nadadala sila sa mga sinasabi ng ibang tao sa social media at sa
totoong buhay.. ating buhay, nararanasan natin ang pahirapan ngunit ang pagpatay sa sarili ay
walang maidudulot na mabuti at makadudulot ng malaking epekto sa pamilya, lipunan at lalong-
lalo na sa Panginoong Maykapal. Napakasayang ng buhay kapag nagpapatiwakal ang isang tao,
sapagkat maraming mga taong gustong mabuhay ngunit hindi binigyan ng pagkakataon upang
manatili sa mundo. Magpa-konsulta agad sa isang psychiatrist kung makaranas ng depresyon
dahil baka ito ay lumala at humantong sa pagpapakamatay. Kung hindi maagapan ay mas
magiging komplikado ito. Nakakaapekto ito sa pamilya at kakilala ng taong nagpakamatay.
Ginagawa ito ng mga tao, lalo na ang mga kabataan, Ang mabuhay ay isang pagdurusa, ngunit
kapag ito’y tinanggap mo bilang isang katotohanan, magiging madali ang paglakbay at paglaban
mo sa mga pagsubok sapagkat alam mong ang pagdurusang ito ay malalagpasan lamang
II. MGA ARGUMENTO SA ISYU

A. Buod ng Argumento
Kahit saan mang Angulo niyo pa tignan o tayo tumingin, ang pagpapatiwakal ay hindi
solusyon sa mga problemang dumarating sa buhay, lalo na sa mga pagsubok na mahirap
lagpasan. Ang pagpapakamatay ay hindi madali, Ito’y isang mahirap na desisyon dahil kaakibat
nito ang iyong tanging buhay. Kapag hindi nakayanan ng tao ang dinanas na pagsubok, sa
isipan nila na mas mabuti ang magpakamatay at mas pipiliin nila ito upang mawala o
mawakasan ang lahat ng pagdurusa na nararanasan. Ang buhay ay ipinagkaloob ng Diyos ng
naaayon sa Kanyang plano. Ang paghihirap na nanaranasan ng tao ay isa lamang pagsubok ng
Diyos upang malaman kung saan aabot ang pananampalataya sa Kanya. Kung nakikita ng
isang tao ang pagpapatiwakal bilang sagot, ito’y nagpapakita ng isang kawalan ng tiwala sa
Diyos at sa sarili. May gampanin na kailangan makamit ng tao sa buhay at habang nasa
proseso ng kaganapan ng isang tao ay may mga pagsubok na kailangan lampasan. Kahit
gaano pa kahirap lutasin ang iyong problema laging tandaan na may sulosyon naka handa para
ditto.
B. Mga Impormasyong Sumusuporta sa mga Argumento
Ayon sa nakuha kung impormasyon, ang pagpapakamatay ay dahilan ng kawalan ng
pag-asa sa buhay, ang sanhi naman nito ay madalas na inuugnay sa mga sakit na mental o
sakit sa isipan tulad ng bipolar disorder, depresyon, schizophrenia, pagkalulong sa droga, o
pagkalulong sa alak. Ang mga salik ng depresyon tulad ng mga problemang pinansiyal o mga
problema sa mga pakikipag-ugnayan sa kapwa ang madalas na inuugnay dito. May mga
pagkakataon na ang tao ay nagigipit sa mga problemang kinakaharap at dahil dito, naisipan na
magpakatamay nalang. Kasama sa mga karaniwang pamamaraan ng pagpapatiwal ay ang
pagbigti, paglason sa sarili at pagbaril sa ulo. Humigit-kumulang na 800,000 hanggang sa isang
milyong tao ang nagpagpapakamatay kada taon, na siyang dahilan kaya ito ang pang-sampu sa
mga pangunahing sanhi ng pagkamatay ng mga tao sa buong mundo.
Ayon sa World Health Organization (WHO), ang pagpapatiwakal o suicide ay isang
“global phenomenon” sa iba’t ibang bahagi ng mundo. Tinataya ng World Health Organization
(WHO) na sa bawa’t taon humigit-kumulang sa isang milyon katao ang namamatay sa
pagpapatiwakal. Iniulat pa ng WHO na sa nakalipas na 45 taon, ang suicide rates o proporsyon
ng pagpapatiwakal ay tumaas ng 60% sa buong mundo.
Itinuturing ng Bibliya ang pagpapakamatay na kapantay ng pagpatay sa tao dahil ito'y
pagpatay sa sarili. Ang Diyos lamang ang dapat na magdesisyon kung kailan at paano
mamamatay ang isang tao. Kung ikaw ang magdedesisyon at ilalagay mo sa iyong sariling mga
kamay, ayon sa Bibliya, ito'y isang pagkutya sa Diyos.
III. SARILING POSISYON SA ISYU
A. Unang Punto ng Iyong Posisyon
1. Opinyon sa Unang Punto
Bilang isang Kristiyano, ang pagpapatiwakal ay isang mortal na kasalanan sapagkat ito’y
isang gawa laban sa kalooban ng Diyos at isang paglabag sa ikalimang utos. Inialay ng Diyos
ang Kanyang buhay upang tayo’y mailigtas mula sa kasalanan, ang sinumang taong sadyang
pinipili ang pagpapakamatay bilang paraan ay nasa kalagayan ng mortal na kasalanan. Ito rin
ay isang panlipunang kasalanan kung ito ay ninilaan upang magtakda ng isang halimbawa
upang sundin. Ang Diyos ay makapagbibigay ng pagkakataon na magpatawad sa pagsisisi at
ang simbahan naman ay nagbibigay ng panalangin para sa mga taong kumitil sa kanilang
buhay. Ang mortal na kasalanan ay maaaring nakapagdadala sa isang tao sa impyerno.
2. Mga Ebidensya
Ayon kay Baltimore Catechism, ang mga tao na kusang-loob at sadyang gumagawa ng pagkitil
sa sariling buhay ay namamatay sa isang estado ng mortal na kasalanan at pagkakaitan ng
Kristiyanong libing. Bakit ba gustong magpakamatay ng isang tao? Maraming dahilan. Una sa
lahat, nabubuhay tayo sa “mga panahong mapanganib na mahirap pakitunguhan,” at maraming
kabataan ngayon ang nahihirapang harapin ang mga kaigtingan sa buhay. (2 Timoteo 3:1)
Gayundin, ang di-kasakdalan ng tao ay maaaring maging dahilan kung bakit masyadong nag-
iisip ng negatibo ang ilan tungkol sa kanilang sarili at sa kanilang situwasyon sa buhay. (Roma
7:22-24) Kung minsan, epekto ito ng dinanas ng isa na pagmamaltrato o pang-aabuso. Ang iba
naman ay maaaring may problema sa kalusugan. Kapansin-pansin na sa isang bansa, tinataya
na mahigit 90 porsiyento ng mga nagpakamatay roon ay may sakit sa isip.

B. Ikalawang Punto ng Iyong Posisyon

1. Opinyon sa Ikalawang Punto
Ang buhay ay sagrado, simula pa lamang ay ipinaalala na Niya sa atin kung gaano Niya
tayo kamahal at kung gaano kahalaga ang ating buhay. Buhay na tanging sa Kanya lamang
nagmumula at tanging Siya lang ang may karapatang bumawi nito. Ang buhay na ipinahiram
lamang sa atin. Isang malaking responsibilidad ang pagtanggap sa buhay na isang malaking
biyaya mula sa Diyos. Ang sadyang pagkitil ng isang tao sa sariling buhay na naaayon sa
kanyang kagustuhan ay labag sa kalooban ng Diyos. Hindi nararapat ilagay sa sarili nating mga
kamay ang pagpapasiya kung dapat ng wakasan ang buhay dahil hindi lahat ng tao ang
nabigyang pagkakataon upang matamasa ang buhay na mayroon tayo. Dapat pahalagahan
natin ang ating buhay sapagkat kung ito’y nawala na, hindi na ito maibabalik pa.
2. Mga Ebidensya
 Bakit hindi maaaring kitilin ang saring buhay? Ang pinakadakilang utos ng Diyos. Sa Mateo
22:37-39, “At sinabi sa kaniya, iibigin mo ang Panginoon mong Diyos ng buong puso mo, at ng
buong kaluluwa mo, at ng buong pag-iisip mo. At ang pangalawang katulad ay ito, iibigin mo
ang iyong kapuwa na gaya ng iyong sarili.” Sa mga utos na ito, makikita natinna ang ating
aksyon ay dapat na bunsod ng ating pag-ibig sa Diyos at pag-ibig sa iba. Kung iniibig natin ang
Diyos, pahalagahan natin ang ating sariling buhay bilang bahagi ng plano ng Diyos. Gagawin
ang Kanyang kalooban hanggang sa punto na ang ating kamatayan ay para sa ikaluluwalhati
ng Kanyang kalooban.

C. Ikatlong Punto ng Iyong Posisyon

1. Opinyon sa Ikatlong Punto
Maraming karaniwang tao ang determinadong mabuhay. Kayang hamakin ang lahat,
malagpasan lamang ang hinaharap na problema; subalit di lahat ng tao ay ganito ang pananaw
sa buhay. Dumami na ang bilang ng mga taong nagpapakamatay taon-taon. At kung ito’y
magpapatuloy ay bababa ang populasyon ng mga tao. Kinakailangan ng mga paraan upang
maiwasan ang ganitong gawain. Komunikasyon ang hakbang upang maagapan
pagpapatiwakal. Ang pagtulong at pagkinig sa kanilang mga problema ay maaaring makatulong
sa paglutas ng problema o ‘di kaya’y maibsan ang bigat ng kanilang problemang dinadala.
Maagapan ang mga taong nais magpatiwakal sa pamamagitan ng pagpapanatiling aktibo at
abala sa mga makabuluhang gawain tulad ng paglilingkod sa kapuwa. Makakatulong din ng
malaki ang pagmamahal at support system ng pamilya, kaibigan at minamahal na
nakapagbibigay ng saya sa tuwing makakaramdam ng malaking dagok buhay.

2. Mga Ebidensya
Ayon sa Center for Disease Control and Prevention sa mga taong may edad 10
hanggang 24 na taong gulang, ang pagpapakamatay ay pang-apat sa pinakamataas na dahilan
ng kamatayan sa mundo o halos 4,600 na kaso ng suicide sa loob ng isang taon. 45 posyento
nito ay gamit ang iba’t ibang uri ng baril, 40 posyento dahil sa suffocation, 8 porsyento ang dahil
sa lason. Ani ni Sergio A. Perez Barrero, ang pamilya ay maaaring maglingkod ng isang
mahalagang papel sa pag-iwas ng pagpapatiwakal. Sabi din ni Anoushka Thakkar, ang maingat
na pakikinig at bukas na komunikasyon ay makatutulong sa mga tao na kilalanin ang mga
kaibigan o ibang mga indibidwal na maaaring nasa panganib para sa pagpapakamatay.
IV. Konklusyon
Ang pagpapatiwakal ay naging laganap na at isang isyung mahirap lutasin. Kung gayon
napagtanto namin na ang pagpapatiwakal ay talagang hindi maiiwasan at kailangang
bigyang pansin. Dapat isa-alang-alang ang mahusay na paghuhusga sa gagawing kilos
kung ito ba ay nakakabuti o nakakasama at kung ito ba ay tama o mali dahil sa bawat kilos
na ating ginagawa ay may kaakibat na pananagutan. Ito ay nagbubunga ng malaking
epekto sa mga taong nagmamalasakit at nagmamahal sa kanila. Ayon sa aming nakalap na
impormasyon, ang pagpapatiwakal ay ginagawa ng mga tao upang makatakas sa mga
problemang dinadala, naiisip nila ito bilang solusyon at paraan.

V. Sanggunian
https://www.wikipedia.com
htttps://www.google.com
https://www.ncbi.nlm.nih.gov/pmc/articles/PMC2246136/
http://mshorizonchasernghappymorning.blogspot.com/2014/09/magpakamatay-paano-ito-
maiiwasan.html
https://srnhsstemb.wordpress.com/2016/11/19/pagpapatiwakal-paano-natin-matutulungan-ang-
isang-tao-nais-magpatiwakal/
https://www.ucanews.com/news/growing-number-of-young-filipinos-committing-suicide/81759
https://www.gotquestions.org/Tagalog/pagpapakamatay-Kristiyano.html
http://tl.controversyextraordinary.com/2015/12/stop-ang-pagpapatiwakal-ay-hindi-kailanman-
solusyon-period.html
https://www.dobolp.com/teen-suicide-laganap-sa-buong-mundo/
https://www.gotquestions.org/Tagalog/sagrado-buhay.html