Huwag Isampal Sa Akin

(Buod at Aral)

Ang tulang ito ni Rogelio Ordoñez ay tungkol sa pagtutol sa pagsentro ng tema ng mga
tula sa pag-ibig. Kadalasan ay ang mga tula ay tungkol sa kung paano nabuo ang pag-ibig ng
isang magkasintahan, paghihiwalay, panloloko at iba pa. Sinasabi sa tula ay huwag isampal ang
mga ganoong tema habang nakikita natin ang ating paligid na may nagugutom at nagdurusa. Sa
una at pangalawang saknong ipinaliwanag ang sitwasyon ng kapaligiran katulad ng mga batang
nasa mga bangketa, mga manggagawa na nahukot na kakatrabaho, mga taong nagugutom, atbp.
na dahilan kung bakit hindi lang dapat sa romansa umiikot lagi ang mga tula. Sa ikatlong
saknong, dito ipinahayag na sa pamamagitan ng mga tula ay dapat ipamukha sa mga
matapobreng mayayaman at nasa posisyon ang kondisyon ng ating bans ana tila hindi ito
nakikita.
Totoo nga naman na madalas ay puro sa pag-ibig ang nagiging tema ng mga tula dahil
siguro ito ang papatok sa mga mambabasa at tiyak na sisikat lalo na kung marami ang naiuugnay
ang kanilang nararamdam doon sa tula. Bilang isang makata o manunulat ay may kakayahan sila
na itaas ang kamalayan ng mga tao patungkol sa kinahaharap ng ating bansa kaya naman
marapat lang na hindi lagi tungkol sa romansa ang mga tula kagaya nga ng sabi sa tula ay “sa
pader ng inhustisya’t kasakiman inyong mga berso’y sukbitan ng baril” gawin dapat sandata ang
mga literatura na ginagawa nila at ipahayag ang mga suliranin ng ating bansa.. Kung hindi kaya
ng mga nakararanas ng hirap ang magsalita para sa sarili nila ay dapat natin silang tulungan
magsalita upang matamasa nila ang tulong na dapat na ibinibigay ng ating gobyerno. Huwag
natin silang isantabi porket hindi natin nararanasan ang kanilang nararanasan bagkus ay tayo ang
kanilang maging boses sa maingay nating mundo.