Sa isang lungsod na puno ng polusyon, gising na ang mga manggagawa sa piketlayn.

Nagdagsaan ang
iba’t ibang samahan ng mga manggagawa kasama na ang pederasyon ng mga nakapiket, ang Super
Federation, na siyang mayhawak ng kaso ng nakawelgang unyon.

Maagang gumising ang mga lider dahil sa maagang pagdating ng mga kabataang estudyante mula sa
grupong Piglas-Kabataan o PK at anak ng lider-maralita. Si Magda ang lider ng mga kabataan. Sinalubong
sila ni Lena, ang pangulo ng unyon sa pabrika. Sa usapan nila ay binanggit ni Lena ang dahilan kung bakit
sila nakapiket. Habang nag-uusap ang mga ito ay dumating sina Vilma at Nora, pawang mga instruktor
hinggil sa kalagayan ng paggawa.

Sina Vilma at Nora ay magdaraos ng pag-aaral para sa mga manggagawa. Sumali na rin sa pag-aaral ang
mga kabataang estudyante. Ang paksa ng kanilang pag-aaral ay Puhunan at Paggawa. Dito tinalakay ang
apat na sikreto ang kapitalista hinggil sa usaping sahod. Ang apat na lihim ng kapitalismo hinggil sa
sahod ay ang apat na katotohanang pilit itinatago nila sa manggagawa. Ang sahod ay presyo. Ang sahod
ay kapital. Ang sahod ang pinanggagalingan ng tubo. At ang huli, ang sahod ay galing mismo sa
manggagawa. Napakaliit na nga ng naibibigay sa manggagawa, nais pang baratin ng kapitalista upang
humamig pa ng humamig ng tubo."

Saglit na kasiglahan

Katatapos lamang mag-almusal ng mga manggagawa, kaya naghanap na sila ng maayos na pwesto para
sa pag-aaral. Inilatag ni Nora ang manila paper at tumambad sa mga manggagawa ang pamagat na
malaking nakasulat: Puhunan at Paggawa. Ang mga estudyante naman ay naupo na rin upang matamang
makinig. Tinalakay ni Vilma ang kapitalistang lipunan at sinuri ang buhay sa pabrika.

Suliranin

Ang mga manggagawa ay nakapiket dahil nais nilang ipaglaban ang kanilang karapatan. Tinanggal sila
bilang regular na manggagawa ng pabrika at maaari silang i-rehire pero gagawin lamang silang
kontraktwal.