PANGALAN NG GURO: Bb. Eugelee Lou B.

Hernandez

ASIGNATURA: Filipino 7

PETSA: Hulyo 2-10

PAKSA
A. PANITIKAN: Pabula: Ang bayawak

B. GRAMATIKA: Mga Ekspresyong naghahayag ng posibilidad

PAMANTAYANG Naipamamalas ng mga estudyante ang pag-unawa sa mga akdang

PANGNILALAMAN pampanitikan ng Mindanao.

PAMANTAYAN SA Naisasagawa ng mga estudyante ang isang makatotohanang

PAGGANAP proyektong panturismo.

KASANAYAN 1. Nahihinuha ang kalalabasan ng mga pangyayari batay sa

akdang napakinggan.
2. Natutukoy at naipaliliwanag ang mahahalagang kaisipan sa
binasang akda.
3. Nakabubuo ng poster at islogan ukol sa mensaheng
isinisiwalat ng akda.
4. Nakapagsasagawa ng isang sayaw at awit na presentasyon
na ang karakter ay mga hayop at naipapaliwanag ang
kahalagahan nito.
5. Nagagamit ang mga ekspresyong naghahayag ng posibilidad
6. Nakapagsasagawa ng pag-uulat gamit ang mga ekspresyong
naghahayag ng posibilidad
7. Nakapagsasaliksik sa Internet ng mga pabulang nagmula sa
Mindanao at naibubuod ang mga ito,

PLANO NG PAGKATUTO

I. PAGTUKLAS

Gawain 1: Pagbabalik-aral sa kuwentong-bayan.

Gawain 2: Pangkatang Gawain

Ang klase ay hahatiin sa apat na pangkat. Bawat pangkat ay makakatanggap ng
larawan na kailangan nilang buoin. Matapos mabuo ang larawan ay kinakailangan nilang
umisip ng sikat na kuwento mula dito. Dalawang miyembro ng pangkat ang pupunta sa
unahan upang magbahagi ng kanilang naging pagpupulong.

Larawan: 1: Ang leon at ang daga

Larawan 2: Si matsing at si pagong
Larawan 3: Si langgam at tipaklong
Larawan 4: Si pagong at si kuneho

Tanong: Matapos ang presentasyon ay magtatanong ang guro. Ano ang inyong napansin sa
mga larawan? Ano-ano ang kanilang pagkakapare-pareho?
II. Paglinang

Gawain 3: Teksto:
Ipapabasa ng guro ang pabulang “Ang Bayawak”na mula sa Manobo sa Tuklas-
Panitik.Ang pagbabasa ay gagamitan ng teknik na tinatawag na 5 Dimensyon ng pagbasa.
Sa bawat dimension ay mabibigyan ang bawat estudyante ng mga tanong na ang mga sagot
ay makukuha sa binasang bahagi ng akda, sila ay makakapaghinuha, makapagbibigay ng
reaksiyon, makabubuo ng pananaw at pag-unawa at matututong magpahalaga sa binasang
akda.

Unang Dimensyon:( (Pag-unawang Literal)

Sino ang matalik na kaibigan ni usa?

Ikalawang Dimensyon:(Interpretasyon)
Bakit kaya ganoon na lamang ang pagmamalasakit ni Usa sa kaibigang si Bayawak?

Ikatlong Dimensyon: (Mapanuring Pagbasa)

Maituturing bang tama ang desisyon ng Ibong karpintero na patunugin ang gong?

Ikaapat na Dimensyon: (Paglalapat)

Paghambingin ang karanasan ng pangunahing tauhan sa iyong karanasan. Alin ang
masasabi mong kalakasan at kahinaan mo at ng tauhan. Paano mo magagamit sa tunay na
buhay ang kaisipang napulot mo sa aralin?

Ikalimang Dimensyon (Pagpapahalaga)

Anong damdamin ang namayani sa iyo habang at pagkatapos bumasa? Bakit ito ang iyong
nagging damdamin?

Gawain 5: Gabay na tanong mula sa kuwentong-bayang binasa.

Upang lubos na maunawaan ang pabulang binasa ay palalalimin pa ang pag-unawa sa
akda sa pagtalakay ng mga tanong sa Tuklas-Unawa. Ang bawat gabay na tanong ay iuugnay
sa sariling buhay ng mga estudynte at sa mga napapanahong isyung panlipunan.

Mga gabay na tanong:

1. Ilarawan ang ugnayan nina Bayawak at Usa sa simula ng kuwento.
2. Bakit ibig ni Bayawak na siya naman ang mangisda para sa kanilang kakainin?
3. Isalaysay ang dahilan kung bakit natakot si pagong.
4. Ano kaya ang naging damdamin ni Bayawak nang malamang namatay na ang kaniyang
mga anak? Ipaliwanag ang sagot.
5. Ano ang naging pasiya ng Datu? Masasabi mo bang makatuwiran ang kaniyang naging
pasiya? Bakit?
6. Aling pangyayari sa binasang akda ang nangyari din sa sarili mong buhay? Isalaysay ito.
7. Ano ang sentral na mensahe ng pabulang ito? Kung ikaw ang nasa katayuan ng datu, ano
ang maipapayo mo kay Bayawak sa lahat ng nangyari?

Gawain 6: Tuklas-Salita

Ipatukoy ang kasingkahulugan ng malalalim na salitang ginamit sa pabula. Matapos ay

gagamitin sa sariling pangungusap.

Gawain 7: Tuklas- Kaalaman

Tatalakayin ng guro ang katuturan at kalikasan ng pabula sa tuklas-kaalaman.

 Gawain 8: Gramatika/ Wika
Talakayin ang paggamit ng mga ekspresyong naghahayag ng posibilidad sa
Tuklas- Wika. Bawat estudyante ay magbibigay ng kani-kanilang halimbawang diskurso
na gumagamit ng nasabing kayariang pangwika.

III. Pagpapalalim

Gawain 9: Ipatupad sa mga estudyante ang mga Gawain sa Tuklas –Tatas upang malinang
ang kanilang mabisang paggamit sa mga ekspresyong naghahayag ng posibilidad sa mga
makatotohanang sitwasyong pangkomunikasyon. (pahina 13-14)

Gawain 10: Palalalimin ang pagkakaunawa sa katuturan at kalikasan ng pabula sa

pagsasakatuparan ng mga gawain sa Tuklas –Tatas. (pahina21)

Katangian ng Pabula

Kahalagahan ng pabula

IV. Paglilipat
Gawain 11: Sa tunay na Buhay
Sa bahaging ito, bibigyan ng praktikal na paglalapat sa tunay na buhay ang lahat ng
araling tinalakay. Palalalimin din ang pag-unawa ng mga estudyante sa mga konsepto sa
pagpapatanto sa kanila ng mahahalagang pag-unawa. Bilang pagpapatibay rin ng pagkatuto,
magbibigay ng pagsubok ang guro.

Pangkatang Gawain:
Ang klase ay hahatiin sa 4 na pangkat. Bawat pangkat ay maatasan ng kanya-kanyang
gawain na makikita sa Tuklas- Galing (pahina 23)

Pangkat 1 at 2: Bumuo ng print ads ukol sa kahalagahan ng pag-aaral ng pabula maging sa

kasalukuyang panahon. Ipaalala sa kanila na gumamit ng angkop na ekspresyon sa
paglalahad ng posibilidad.
Pangkat 3 at 4: Magtatanghal ng isang sayaw- awit na may mga karakter na hayop. Ang
sayaw-awit ay dapat na nagpapakita ng sapat na kahandaan at malinaw na mensahe.

Gawain 10: Pagtataya

Panitikan: Tukuyin kung sino o ano ang inilalarawan ng bawat pahayag.

1. Siya ay may dalawang matulis na sibat.
2. Siya ay palaging may dala-dalang bahay.
3. Siya ay nagpasiyang hubadin ang kaniyang baluti sa takot na maging mabigat ang
kanyang dalahin.
4. Siya ang nagpatunog sa gong dahil sa takot na may gulong mangyayari
5. Siya ang nagpasiya na si Bayawak ang tanging may kasalanan sa pagkamatay ng sariling
mga anak nito.

Wika: (6-10) Magbigay ng pangungusap na gumagamit ng ekspresyong naghahayag ng

posibilidad.