SAGUTAN MO
ENGLISH SPEAKING ZONE
1Taong 1898 nang sumalakay si George Dewey
Sa ngalan ng Benevolent Assimilation ni McKinley
Ang paglaya sa Kastila ay agad na nawalang saysay
Dahil sa imperyalistang likas yaman ang pakay!
2Ang mga Kano at Kastila’y nagbentahan
Twenty million dollars ang naging kabayaran.
Sinimulan ng Thomasites kolonyal na edukasyon
English ang wikang nagsilbing pundasyon
3Ang magigiting na bayani ay ipinabitay
Tulad nina Felipe Salvador at Macario Sakay
Politika, ekonomiya at ang kulturang popular
Sa puso’t diwa English ang idinadasal.
Ayon dito, sa taong 1898 nang sumalakay si George Dewey.
Siya ay isang almirante ng Hukbong Dagat ng Estados Unidos,
na nakilala sa kanyang tagumpay ng mga hukbong Pilipino at
Amerikano sa Labanan sa Maynila. Ngunit sa kabila ng ating
paglaya sa mga Espanyol ay itinali na natin ang sarili natin sa
mga Amerikano, kaya nariyan pa rin ang impluwensya nila.
Ang imperyalistang US ang kumokontrol at nagpapasasa sa
yaman ng bayan. Sila ang lubos na nakikinabang sa likas na
yaman ng bayan, sa pwersang paggawa at sa yamang likha ng
mamamayang Pilipino. Sila rin ang may kontrol sa
reaksyunaryong gubyerno at reaksyunaryong armadong
pwersa sa Pilipinas. Sila ang bumubuo sa mga naghaharing uri
na nang-aapi at nagpapahirap sa sambayanang Pilipino.
Sa pag-asa sa isang salita ng isang dakilang bansa ipinahayag
natin ang ating kasarinlan. Ngunit, di natin alam noon na
pasikreto palang nakikipag-usap ang mga Amerikano at ang
mga Espanyol. Kung kaya’t ang kanilang labanan ay tinawag na
“The Mock Battle of Manila. Ipinadala din ng Estados Unidos
ang mga 530 Thomasites Teachers sa Pilipinas noong Agosto
21, 1901. Ang kanilang tungkulin ay magturo ng elementarya sa
itinatag na paaralang pangpubliko ng Estados Unidos at turu-
an/sanayin ang mga lokal na may potensyal na maging guro
sa pagtuturo, pagsasalita, pagbabasa sa wikang Ingles. Binas-
ura ang pagaaral at aklat nating Katon at tuluyang nalimutan
nating mga Pilipino ang katutubo talino, pati na ang pagsulat
ng baybaying alibata, na ginamit din sa aklat na "Doctrina
Christiana" na una pa sa ano mang nailimbag na aklat ng
Amerika.
Si Macario Sakay ay ang Pilipinong rebolusyunaryong na nag-
tatag ng Republika ng Tagalog at binitay noong taong 1907. Si
Felipe Salvador naman o mas kilala sa tawag na “Apo Ipe” ang
nagtatag ng samahang Santa Iglesia na nagtaguyod ng pamin-
san-minsang pakikipaglaban sa mga Amerikano ay binitay din
noong taong 1912. Sa kabilang dako, ang kulturang popular ay
isang paraan ng mga tao para maramdaman ang pagtanggap
sa kanila ng nakararami. Ang pag-ayon sa kulturang popular
ang nagpapadama sa mga tao na tanggap sila sa modernismo.
Kasama na rito ang pag-aaral ng wikang ingles upang
makipagsabayan sa mga karatig na bansa dahil ang wikang
ingles ay ang tinaguriang “universal language” o ang
pangunahing lenggwahe na ginagamit sa buong mundo.

4Pagkatapos ng World War II Parity Rights ang sumakal
At ang nasilbing tanod ay ang mga base military
Manggagawa at magsasaka ay nalibing sa kahirapan
At nabaon sa utang ang sambayanan.
5Ngayo’y wala nang base military wala na rin ang Thomasitesa
Ngunit may VFA at English speaking campaign
At ang mga paaralan –hulmahan ng propesyonal
Sinanay upang maglingkod sa mga dayong capital
6Ang bansang Pilipinas kahit pa agricultural
Walang makain ang mga mamamayan
Ang aming isip, salita at gawa ay kolonyal
Lahi kami ng alipin sa sarili naming bayan.
Ang parity rights ay ang nagbigay ng pantay na Karapatan sa
mga Pilipino at Amerikano na gamitin at pakinabangan ang
likas na yaman ng Pilipinas. Kung kaya’t mas pinaunald nito
ang mga dayuhan kaysa sa ating mga mamayan. Ating itinali
ang ating mga sarili sa mga dayhang mananakop. Nalugi ang
ating mga magsasaka dahil sa gastusin sa sakahan dahil sa
pamamaraang ito, mas malaki ang kitang napupunta sa may-
ari ng lupa pagdating sa hatian. Lalong nagiging maliit ang
napupuntang kita sa mga magsasaka sa ganitong sistema. Ito
ang naging dahilan kung bakit nabaon din sila sa utang.
Ang Visiting Forces Agreement sa pagitan ng dalawang bansa
ay isang kasunduang nagpapanitili ng mga Americano sa Pilipi-
nas kahit pa napawalang-bisa na ang bases agreement noon
pa mang 1991. Sa kabilang dako, layunin naman ng English
speaking campaign na hikayatin ang mga mag-aaral na gamitin
ang sinasalitang wika hindi lamang sa ITS kundi pati na rin sa
kanilang pang-araw-araw na buhay dahil sa paniniwala na ang
palagiang pagsasagawa ng sinasalitang wika ay makakatulong
sa kanila na makabuo ng higit na kumpiyansa sa sarili kapag
nagpapahayag ng kanilang sarili sa Ingles. Kung kaya’t mas
nahasa ang mga estudyante sa wikang Ingles. Karamihan din
sa atin ang naghahangad na makapagtrabaho sa ibang bansa
pagkatpos ng kolehiyo. Kung tutuusin, marami sa ating mga
pilipinong propesyonal ang nasa ibang bansa dahil sa mas
mataas daw ang sahod doon kesa sa atin. Kaya imbes na ang
ating sariling bansa ang kanilang paglingkuran, mas pinili
nilang ilaan ang kanilang mga kaalaman sa mga dayuhan.
Dala ng pananakop ng mga dayuhan , sumibol sa ating mga
Pilipino ang kaisipang kolonyal. Dito, kinagagawian na natin ang
pagtangkilik sa mga bagay na nagmumula sa mga dayuhan o
imported. Hindi uunlad ang industria ng bansa kung ang ta-
tangkilikin natin ay ang mga produkto ng mga taga ibang bansa
o mga dayuhan. Kung kaya’t kahit pa tayo ay bansang agrikul-
tural, marami pa din ang mga naghihirap at walang makain sa
kani-kanilang hapag-kainan. Kabi-kabila din ang mga negosyo o
infrastraktura na dayuhan ang may-ari. Nakakalungkot na mas
umaasenso sa ating bansa ang mga dayuhang negosyante.
Ginagawa lamang nila tayong mga alipin sa ating sariling
bansa.

7Nalulong sa K-Pop ang kabataan ni Rizal
Sa pagdodota animo’y mga hangal
Politika, ekonomiya at ang kulturang popular
Sa puso’t diwa English ang idinadasal.
8Ang bayan ko ay Speak in English Zone
Alipin kami noon hanggang ngayon
Ang pagbabago ang tanging solusyon
Durugin ang kolonyal na edukasyon
ALZAGA, NICOLE ANN O. BSBA MGT 1A
Ang pagkahilig ng mga kabataang Pilipino sa mga musika,
pananamit, at “style” ng mga tagakanluran ay isang ma-
gandang halimbawa ng patuloy na paglaganap o pagsikat
ng Kpop sa ating bansa. Laganap rin sa atin ang mga
tagahanga ng mga Koreano. Mula sa kanilang pananamit,
pananalita, musika at sayaw na siyang ginagaya ng mga
kabataang Pilipinong tulad ko. Dahil dito ay nababaliwala
na nila ang mga gawang Pinoy.May mga iba naman na
inaaral pa ang ibang lenggwahe makasabay lang sa uso.
Karamihan sa atin ay nagnanais na maging magaling sa
pagsasalita ng wikang ingles sapagkat tayo ay naniniwa-
lang mas ikauunald natin ito. Sa panahon ngayon, laganap
na rin ang mga tinatawag na “conyo”. Ito ay ang mga
taong gumagamit ng pinaghalong Tagalog at Ingles. Ang
pagkakaroon ng kolonyal na pagiisip tulad nito ay simbolo
lamang ng pagtakwil sa sariling atin. Kung kaya’t bilang
isang malayang bansa, wag tayong mabulag at maging
isang bihag muli na ibang bansa.