Clarissa A.

Pacatang Kasaysayanng Pampanitikan ng Pilipinas

2010-7206 Pebrero 23, 2019

Greta Garbo

Ang likha ni Deogracias Rosario na pinamagatang Greta Garbo ay isang maikling

kwentongisinulat sa konstekto ng panahon ng Amerikanong imperyalismo sa Pilipinas.
Kinatatampukan ng pangunahing tauhan na si Monina Vargas, makikita sa pamamagitan ng
maigting na pagsuri ang mensaheng may-akda ukol sa epekto ng mga Amerikano sa
kulturang Pilipino.Si Monina Vargas ay isang personalidad na may malaking pagkakahawig
kay Greta Grabo, isang batikang aktres sa Hollywood. Bukod dito ay mahihinuhang
nahumaling na rin si Monina sa pagsubok naigaya kay Greta ang kanyang buhay. "Si Greta
Garbo ang kanyang ideal  (Rosario 62)." Siya ay isangrepresentasyon ng mga Pilipinong
tumitingala sa mga Kanluranin at nagnanais na maging katulad ng mga puti sa bayan ng mga
kayumanggi.Bagamat hindi masamang magtatag ng inspirasyon sa mundo-mga bagay na
nagsisilbing bantayog ng kung paano natin ihuhulma ang ating mga buhay, kapansin-pansin
na ang gawaing ito ni Monina ay lagpas na sa kung ano man ang katanggap-tanggap. Siya ay
tila isang biktima ng kanyangginawang hyperreality. Ang kanyang pagtingala kay Greta ay
nagtulak sa kanya na gamitin ang mgainisyal nito na GG sa paglagda ng kanyang mga liham
at larawan (Rosario 63).Makikita rin na maging ang kanyang buhay pag-ibig ay higit na
naimpluwensyahan ng dayuhangaktres. Ang kanyang iniibig na si Octavio Razon, ayon sa
teksto, ay may pagkakahawig rin kay JohnGilbert na siya namang interes ni Garbo sa totong
buhay (Rosario 67).Ito ay lalong patunay lamang sa obsesyon ni Monina na gayahin si Greta.
Sa dinami-dami ng mgananligaw rito ay si Octavio ang kanyang nagustuhan pagkat mayroon
itong mga katangian na tinataglayrin ni John Gilbert. Ang hilig ni Garbo ay siya ring
pinaparisan ni Monina (Rosario 64). Katulad ngkanyang paggamit sa pangalang GG,
binigyan rin niya si Octavio ng palayaw na John Gilbert.
 
Nagtuluy-tuloy ang kwento sa eksena sa tren kung saan dapat magtatagpo ang
dalawang tauhanupang lihim na magtungo sa Bagyo at simulan ang kanilang luna de miel.
Habang naghihintay aynagmunimuni si Monina ukol sa kanilang relasyon. Makalipas ang
ilang sandali at may isang minuto nalamang ang nalalabi bago umalis ang Express sa istasyon
ay hindi pa rin sumisipot si Octavio. Lakinggulat ni Monina ng mapukaw ng usang artikulo
sa pahayagan ang kanyang pansin. Naglalahad ito ngisang anunsyo ukol sa mag-asawang
magdiriwang ng kanilang unang anibersaryo. Ang mag-asawa aynapag-alaman niyang sina
Octavio Razon at Magdalena Reyes (Rosario 67).Labis na kabiguan ang kanyang natamo
nang bumungad sa kanya ang katotohanang siya'y nilokolamang. Tila tuliro sa mga
pangyayari, dali-dali siyang bumaba mula sa noo'y umaandar ng tren. Nangudngod
sa lupa ang kanyang muka at ang koloreteng kanyang suot ay natanggal.
Tila pinawi ngkanyang kasawian ang taglay niyang kagandahan at siya'y naiwang
lumuluha.Ipinapakita ng kwentong ito ang masamang dulot ng imperyalismo sa kultura ng
bansa.
Ang pagdating ng mga Amerikanoay nagdulot ng malawakang pagpabor sa kolonyalis
mo at pagtingala sakulturang dayuhan bilang superyor laban sa mga bagay na lokal. Kagaya
na lamang ng pagpabor niMonina sa musikang jazz  at hindi sa awiting tagalog na
inihaharana sa kanya ng isa sa kanyang mgamanliligaw, naitanim sa utak ng mga Pilipino ang
kagalingan ng puti laban sa kayumanggi, angkagandahan ng matangos na ilong at ang
negatibong konotasyon sa salitang "pango."At dahil sa hindi katanggap-tanggap na pananaw
na ito, si Monina ay naiwang sawi. Siya aynaging biktima ng realidad na ipinalibot niya sa
kanyang sarili. Dahil sa kanyang pagkahumaling sa pag-gaya sa kanyang dayuhang idolo,
siya'y nabulag at naging hangal. Nais iparating ng may-akda ang parehong mensahe.
Tila kanyang ipinakita sa sinulat niyang itona ang mentalidad ng mga Pilipinong pumapabor
sa kolonyalismo ay hindi makabubuti sa ating lipunan.Tulad ni Monina, wala tayong niloloko
kundi ang ating mga sarili sa tuwing inaakala nating ang pagparissa mga Amerikano ay
nakatutulong sa pagpapataas ng ating estado at pagpapabuti ng impresyon ng ibang tao.