Ama Namin, pakinggan Mo po

Ang pagtawag namin

Sa Iyong Banal na Pangalan.
Basbasan mo po ang aming pagtitipon
At kami’y kaluguran mo
Sa hapong ito.

Pagyamanin Mo po, Panginoon

At maging nakaayon sa iyong kalooban
Ang aming pagkikita-kita,
Mula sa simula hanggang katapusan.

Ang layunin mong dakila sa aming buhay

At maisagawa namin ngayon
Ang aming mga gawain
Na may kabutihan at pag-ibig
Sa aming kapwa .

Kami po’y naninikluhod sa iyong harapan

Na kami’y iyong patnubayan
Bigyan mo kami
Ng sapat na lakas at katalinuhan
Upang maibahagi naman namin
Ang aming makakaya
Sa aming mga kasama
Sa pagtitipon na ito.

Ilagay mo po sa aming diwa at puso

Ang pagmamahal
Na hindi naghihintay
Ng anumang kapalit
Bagkus ay bukas-palad
Na magkakaloob ng anumang tulong.