COT 1

Pagpapakitang Turo sa ESP 7

IKALAWANG MARKAHAN Tema: “Ang Pagkatao ng Tao”

MODYUL 5: Isip at Kilos Loob
Petsa: February 5, 2021

I. Nilalaman
A. Paksa: Isip at Kilos Loob
B. Sanggunian: Edukasyon sa Pagpapakatao Grade 7 Learner’s Module
C. Kagamitan:
 Power Point Presentation, LCD at Laptop
D. Subject Integration: Araling Panlipunan
II. Mga Pamantayang Pampagkatuto
A. Pamantayang Pangnilalaman
Naipamamalas ng mag-aaral ang pag-unawa sa mga konsepto tungkol sa isip at kilos-loob.
B. Pamantayang Pagganap
Naisasagawa ang mga pasyang patungo sa katotohanan at kabutihan batay sa mga konsepto tungkol sa
isip at kilos-loob.

III. Mga Layunin sa Pagtuturo.

1. Maagapan ang mga magiging kahirapan at magabayan ang mga mag-aaral sa pag-unawa ng isip at
kilos loob.
2. Malinang ang mga sumusunod na kasanayan sa mga mag-aaral:
Pagtukoy sa pagkakaiba ng tao sa ibang nilikhang may buhay
Pagsuri ng sariling paraan ng paggamit ng isip at kilos-loob
Paghinuha na ang gamit ng isip ay ang pag-unawa tungo sa
katotohanan at ang gamit ng kilos-loob ay ang pagkilos o paggawa tungo sa kabutihan
Pagpapakita ng pasya o kilos patungo sa paglinang ng isip at kilos-loob

IV. Mga Gawaing Pampagkatutuo at Pagtuturo

Panimulang Gawain:
1. Panalangin at Pagbati
2. Pagpuna ng kalinisan sa silid
3. Pagtataya ng liban
4. Pag-uugnay sa Nakaraang Modyul Sabihin:
Naunawaan sa nakaraang aralin ang tungkulin mo bilang nagdadalaga/nagbibinata sa iyong sarili, sa
iyong pamilya at sa pamayanan na iyong kinabibilangan. Sa araling ito tutulungan kang maunawaan
ang kahalagahan ng paggamit ng iyong isip at kilos-loob upang magampanan ang iyong mga
tungkulin bilang isang nagdadalaga/nagbibinata. Magiging malinaw din sa iyo kung ano ang
tunguhin ng isip at kilos-loob na taglay mo. Pagbubuod nito ang dignidad ng tao sa pagpapahalaga sa
sarili at sa iba.
 Pagganyak:
Ipapaskil ang larawan ng halaman, hayop at tao:

Pagtala ng kakayahan:

KAKAYAHAN
HAYOP HALAMAN TAO

Gabay na mga tanong:

Alin ang may pinakamaraming kakayahan ang iyong natala?
Ano ang sinasabi nito tungkol sa hayop, halaman at tao?
Paano nakahihigit ang tao?

Paglalahad ng Aralin:
- Modyul 5 Isip at Kilos Loob. Natatangi kang tao na nabubuhay sa mundong ito. Wala kang katulad at
hindi ka naulit sa kasaysayan. Tawagin mang ito ay isang talinhaga subalit ito ay totoo. Sa madaling
salita ikaw ay espesyal, mayroon kang taglay na kakayahan na siyang nagpapabukod-tangi sa iyo.
- Ang guro ay magsisimulang tatalaklayin ang tao ay espesyal sa lahat ng antas ng nilikha ng Diyos.
- Kasunod ng pagpapaliwanag ng pagbubuglot ng katangian ng tao base sa aspeto ng isip at kilos loob
sa pagpapaliwanag ng pilosopiya nina Aristotle, Plato, St. Thomas Aquinas at manuel Dy.
- Ipapaliwanag na ang isip ay nagpapabukod tangi sa tao upang maabot ang kasarinlan ng kabutihan sa
pag-papasiya.
- Ipapaliwanag ang kilos loob ang siyang resulta ng ng tamang impormasyon sa isip at magbibigay
kilos sa katawan.
- Ipapaliwanag na ang isip at kilos loob ay siyang batayan sa pagpapaunlad ng dignidad ng tao.
- Ipapaliwanag ang isip at kilos loob sa pagpapakita ng illustration o diagram sa paanong mapapaunlad
ang isip at kilos loob.
V. Paglalahat o Sintesis
- Sa pagtatapos ng talakayan ang mga magaaral ay magninilay sa short film na kwento ni “Agustin Laude”.
- Ang Guro ay magsisimulang magtanong matapos panuurin ang short film.
VI. Takdang Aralin

Panuto: Sabihin kung ang mga sumusunod na pagpapasiya ng isip at ginawa ng loob na nakapaloob sa mga
sumusunod na pangyayari ay patungo sa pagkakamit ng katotohanan at kabutihan.

A. Mahirap ang pagsusulit ninyo sa isang asignatura. Hindi ka gaanong nakapagbalik-aral nakita mong may
mga nagkokopyahan kaya naisip mong mangopya narin kaysa bumagsak. Ito ba ay magiging isang
mabuting pagpapasya tungo sa katotohanan at kabutihan? Bakit?

B. May dalawang taong kumatok sa bahay nina Faye. Nang pagbuksan niya ng pintuan ang mga kumakatok,
sinabi nila sa kanya na mga kawani sila ng munisipyo at inatasan silang magsagawa ng pagdidisimpekta
 sa kanilang bahay dahil sa corona virus. Hindi siya nag-atubiling papasukin ang mga tao sa kanilang
bahay. Tama ba ang ginawa ni Faye? Bakit?

VII. Pagtatapos:
Panalangin.