Infeksionet Seksualisht të Transmetueshme rradhiten ndër sëmundjet më të përhapura kudo
në botë. Organizmat që shkaktojnë sëmundjet seksualisht të transmetueshme mund të kalojnë nga personi në person nëpërmjet gjakut, duke përfshirë marrëdhëniet seksuale apo çdo kontakt tjetër
Ndonjëherë këto infeksione mund të transmetohen edhe nëpërmjet rrugëve jo-
seksuale: Nga nëna tek foshnja gjatë shtatëzanisë ose lindjes. Infeksionet e SST-ve mund të kenë një varg shenjash dhe simptomash, por jo gjithmonë shoqërohen me simptoma. Kjo është arsyeja pse SST nuk arrijnë të diagnostikohen deri në momentin e ndodhjes së komplikimeve shëndetësore ose diagnostikimit të një partneri.
Shenjat dhe simptomat që tregojnë prezencën e SST-ve përfshijnë:
1. Plagë në zonën orale, në organet gjenitale 2. Urinim i dhimbshëm ose djegie gjatë urinimit 3. Gjakderdhje 4. Dhimbje 5. Shfaqje të nyjeve limfatike të enjtura dhe me dhimbje, veçanërisht rrëzë kofshës 6. Dhimbje të fundit të barkut 7. Ethe 8. Skuqje Shenjat dhe simptomat mund të shfaqen disa ditë pas ekspozimit ndaj infeksionit, ose mund të duhen vite para se të keni ndonjë problem të dukshëm, në varësi të organizmit. Nëse ke një Infeksion Seksualisht të Transmetueshëm mund të infektohesh më lehtë me virusin HIV/AIDS! Infeksionet seksualisht të transmetueshme mund te mjekohen,por jo të gjitha janë të shërueshme. Ato të shkaktuara nga bakteriet si klamidia, gonorrea, dhe sifilizi mund të kurohen, të tjera të shkaktuara nga viruset si herpesi, hepatiti B, HIV etj, janë të pa shërueshme. Si mjekohen semundjet seksualisht te transmetueshme ? Nëse ke një infeksion seksualisht të transmetueshme, mjeku do tu japi mjekim dhe ju duhet të ndiqni me kujdes këshillat e tij. Ruejda Golemi