1 MBUROJA.

net

Kabala – Misticizmi çifut

“Zotat e çuditshëm të çifutërisë” nga Michael A. Hoffman II

Në këtë punim akademik, autori dokumenton tezën e tij shqetësuese

se çifutëria s’është feja e Dhiatës së Vjetër, por një sistemi besimi i
1
Farisenjve , i zyrtarizuar më vonë, që u ngrit në Babiloni nga
përkushtimi i mëhershëm i “traditave orale të urtarëve (çifutë)”, pas
kryqëzimit (të supozuar) të Mesisë së Izraelit dhe shkatërrimit të
Tempullit. Duke bazuar në gjetjet e tij në burimet autoritare çifute,
Hoffman demonstron se çifutëria është fe e prodhuar nga njerëzit, e
përbërë nga tradita e besëtytni, që përfaqëson anulimin institucional të
ligjit dhe doktrinës biblike.

Nuk është e rastësishme që botimi zyrtar i Talmudit2 njihet si Talmudi i

Babilonisë. Ndërsa të krishterët e çorientuar nga predikuesit felëshues dhe
Papatë gjithnjë më shumë i konsultojnë burimet rabinike për një të kuptuar
“të pastër” të Dhiatës së Vjetër, ata pavetëdijshëm konsultojnë okultizmin.

Çifutëria është feja e Farisenjve dhe trashëgimi e Babilonisë, nga ku u

përftuan traditat Talmudike dhe Kabaliste të çifutërisë. Libri tjetër i shenjtë i
çifutërisë, Kabala, është përplot me mësime astrologjie, parashikime fati,
gematri3, nekromanci (magji) dhe demonologji4.

Të krishterët do të mund të kthjelleshin dhe ta kuptonin këtë, nëse do të

vizitonin një zonë çifute hasidike5 gjatë festës Purim6 dhe të shihnin
kërcimet e tyre groteske. Ndonëse festivali Purim përdor Librin e Esterit si
argument, në praktikë festimi çifut i Purimit është pak më shumë sesa një
festival pagan (Bakkanal)7.

1
(Përkthyesi) Farisi: anëtar i një sekti të lashtë çifut, i dalluar për zbatim të rreptë të ligjit
tradicional dhe të shkruar, zakonisht arrogant në pretendimin për pasje të shenjtërisë
superior ndaj të tjerëve.
2
(Përkthyesi) http://mburoja.net/PDF_files/5bc3de19-9713-47d5-ac67-c6902964dd40.pdf
3
(Përkthyesi) Gematria: sistem kabalist i interpretimit të shkrimeve të shenjta duke
zëvendësuar një fjalë të caktuar me një tjetër fjalë shkronjat e së cilës japin të njëjtën
shumë numerike.
4
(Përkthyesi) Studim sistematik i dreqërve.
5
(Përkthyesi) Çifut hasidik është anëtari i lëvizjes mistike çifute, e themeluar në shekullin
18 në Evropën Lindore nga Baal Shem Tov.
6
(Përkthyesi) Dita 14 e muajit çifut Ader, e festuar në shenjë kujtimi të shpëtimit të çifutëve
nga masakra e Hamanit (në perandorinë e lashtë Perse).
7
“Superstitions said legacy from Jewish ancestors”, Canadian Jewish News, 16 nëntor,
1989, f.58, dhe J. Trachtenberg, Jewish Magic and Superstition (1934).
2 MBUROJA.net

Rabinët ortodoks mallkojnë, bëjnë sehir dhe imagjinojnë të kenë fuqi më të

madhe se Zoti, të cilën e përftojnë nga studimi që i bëjnë Sefer Jecira-s, një
libri të magjisë kabaliste.

Në tekstet e tjera kryesore kabaliste përfshihen Sefer ha-Bahr dhe Zohar

apo “Libri i Shkëlqimit”.

Nëpërmjet kontakteve me demonët (dreqërit), Sefer Jecira mëson

parashikimin e fatit, numerologjinë dhe astrologjinë. Në një fusnotë të
botimi Soncino të Talmudit, botuesi rabin thotë në lidhje me origjinën e
Sefer Jeciras:

“Punimi iu atribuua Abrahamit (Ibrahimit, alejhi selam), gjë që tregon për

një traditë të vjetër dhe, me gjasë, antikitetin e mundshëm të vetë librit.
Punimi ka lidhje me misticizmin babilonas, egjiptian dhe atë grek, dhe
origjina e tij gjurmohet deri në shekullin e dytë (para Krishtit), kur një
kombinim i tillë ndikimesh ishte i pritshëm”.8

Sipas botuesit bashkëkohor të Sefer Jecira, libri:

“ ... ndihmon në zhvillimin e fuqive telekinetike9 dhe telepatike10. Këto

fuqi janë menduar t’u ndihmojnë anëtarëve (të kultit) për të kryer akte që
nga jashtë duken magjike. Kabala magjike ... përdor simbole e yshtje të
ndryshme ... nëpërmjet të cilave anëtarët mund të ndikojnë apo t’i
ndryshojnë ngjarjet natyrore”11.

Përkthyesi i librit (Sefer Jecira) thotë:

“ ... shenjat e Zodiakut ndërlidhen me dymbëdhjetë muajt hënor çifut ...

Caktimi i funksioneve këtu i përafrohet astrologjisë Perëndimore, por
është më e saktë nga pikëpamja kabaliste ... Po ashtu e ndërlidhur me
secilin nga këto dymbëdhjetë shenja është një permutacion i emrave
YHVH dhe Adoni. Nëpërmjet përsiatjes mbi këto kombinime si dhe
derivateve të Emrit me 42 shkronja, personi mund të fitojë dije për gjërat
që do të ndodhin në kohë të caktuara ...

Një nga faktorët më të rëndësishëm në astrologji është koha dhe data e

lindjes së personit. Talmudi thotë se ka një ‘Mezel të çastit’. Koha, dita
dhe data në të cilën lindet personi ka një ndikim të rëndësishëm në fatin
e tij (Shebbat 156a). Tjetërkund Talmudi mëson se ka një engjëll të
quajtur Lejeleh që mbikëqyr lindjen. Është po ky engjëll që shpall nëse
8
I. Epstein et.al. The Babilonian Talmud, fusnota 9 e Sanhedrin 65b.
9
(Përkthyesi) Telekinezë: Lëvizja e objekteve nëpërmjet metodave të pashpjegueshme
shkencërisht.
10
(Përkthyesi) Telepati: Komunikim në mënyrë tjerë veç shqisave.
11
Thënie e Kompanisë botuese Samuel Weiser, York, Maine, 1997.
3 MBUROJA.net

personi do të jetë i fort apo i dobët, i urtë apo i marrë, i pasur apo i varfër
(Niddeh 16b).

... Një tjetër opinion i rëndësishëm është ai i kabalistëve praktikues. Ata

shkruajnë se Teli është një vend nën kupën qiellore të Vilonit, që
banohet nga qenie njerëzore të cilat bartin vetët e tyre në shenjtëri dhe
në dëlirësi si të engjëjve. Misteret hyjnore u shfaqen këtyre qenieve dhe
ato kanë autoritet t’ua shpallin ato njerëzve të vdekshëm. Po ashtu,
tregohen metodat nëpërmjet të cilave mund të kontaktohen këto
qenie”12.

Kabala është një koleksion librash të magjisë dhe besëtytnisë, është krahu
tjetër i traditës orale të urtarëve çifutë – si Talmudi – që pohon të jetë
mësimi sekret që iu dha Musës  (Moisiut), në Sinai.

“Kabalistët pohojnë se tradita e tyre së pari iu dha Musës  në Sinai ...

Shumë tradita orale u përpunuan në Zohar ... Ndikimi i Kabalës në
çifutërinë ekzoterike (popullore) qe shumë i përhapur dhe paraqiste
çifutët me një grupazh simbolesh mistike e të fuqishme, që ndikojnë në
krijim ... “13

Barry W. Holtz, drejtor i hulumtimit pranë Jewish Theological Seminary of

America, shkruan:

“... në shekullin tonë, hulumtuesit e kanë bërë të qartë të qenët e

Kabalës qendër e tërë vetëdijes fetare të çifutëve”14.

Profesori çifut Lawrence Fine i Indiana University e përshkruan Zohar-in

(tekstin kanonik te Kabalizmit) si:

“... një punim i një kualiteti të jashtëzakonshëm, i cili do të ushtronte

ndikim domethënës në pothuaj tërë kreativitetin mistik të çifutëve ...
Zohar u studiua me përkushtim, respekt dhe intensitet nga çifutët në
shumicën e komuniteteve gjithandej botës”15.

12
Sefer Jecira, e përkthyer nga Arjih Kaplan (York, Maine: Samuel Weiser, 1997), f.171,
218, 223, 236-237.
13
Alan Unterman, Dictionary of Jewish Lore and Legend, f.110. Unterman është një zyrtar i
Sinagogës Jeshurun në Gatley, Angli.
14
Barry W. Holtz, botues, Back to the Sources: Reading the Classic Jewish Texts, f.26
15
Lawrence Fine, “Kabbalistic teksts”, Back to the Sources: Reading the Classic Texts,
f.309 dhe 311.
4 MBUROJA.net

Libri më i hershëm kabalistik qe Sefer ha-Bihar, “një libër mbresëlënës sa i

përket shfaqjes së një grupazhi motivesh gnostike16 përbrenda zemrës së
çifutërisë rabine”17.

“Karakteri gnostik i kësaj kozmogonije18 s’mund të mohohet ... Teologjia

gnostike qe në gjendje të dominonte rrjedhën e përgjithshme të mendimit
fetar të çifutëve ...”19

Gnostiku i parë supozohet të jetë Simon Magus:

“Për një kohë, një burrë i quajtur Simon ka praktikuar magji në qytet dhe
ka mahnitur banorët e Samarias. Ai mburrej se kish fuqinë e Zotit që
quhet i madh”.20

Ngaqë Simoni u ofroi pagesë apostujve që të arrinte Shpirtin e Shenjtë,

emri i tij u bë bazë për konceptin e gjynahut të Simonit.

“... mënyra sesi Simoni foli për veten e tij nga shkrimtari pagan Celsus
dëshmohet të kenë qenë në përputhje me pseudo-mesitë që endeshin
asokohe në Fenici dhe Palestinë ... Është me rëndësi, ndonëse në një
kontekst krejtësisht të ndryshëm nga joni, se në ambientin latin Simon
përdori mbiemrin Faustus (i favorizuari): kjo në lidhje me mbiemrin e tij të
përhershëm ‘magjistari’ ...”21

Komponenti gnostik i fesë çifute i përket vetë-adhurimit. Kjo doktrinë nuk

vjen nga Bibla, e cila është e mbushur me mallkime profetike kundër
izraelitëve, për shkak të mosbesimit të tyre. Sipas përshkrimi kryesor që
rabini S.R. Hirch i bën një çifuti, ndryshe nga pjesa tjetër e njerëzimit,
vetëm çifuti është i mbushur me kualitete metafizike të domosdoshme për
përmbushjen e fatit hyjnor; vetëm çifutët posedojnë një potencial të
brendshëm për t’iu bindur Zotit.22

Kabala mëson se prania e hyjnores (Shekinah) në botë është ekskluzivisht

për shkak të ekzistencës së popullit çifut.

Traditat orale të urtarëve çifutë caktojnë se studimi i përjetshëm i traditës

rabinike nuk është vetëm një mënyrë për t’iu afruar Zotit, por një mënyrë

16
(Përkthyesi) Gnosticizëm: Doktrinat e sekteve të caktuara pagane, para-krishtere, çifute,
që vlerësonin dijen e shpallur nga Zoti, origjinën dhe fundin e racës njerëzore si mënyrë për
të arritur shpëtimin për elementin shpirtëror në njerëzit.
17
Ibid. f.308.
18
(Përkthyesi) Kozmogoni: Studim astrofizik i origjinës dhe evolucionit të universit.
19
Gershom Scholem, Kabbalah, f.143.
20
Aktet 8: 9-10.
21
Hans Jonas, The Gnostic Religion (Boston: Beacon Press, 1963), f.103, 111.
22
S. Raphael Hirsch, Ninenteen Letters; letter twelve.
5 MBUROJA.net

për t’u bërë Zot. Sipas Talmudit, vetë Zoti është student i traditës së
rabinëve – “Ai studion Talmudin tri herë në ditë”23.

Traditat e çifutërisë u morën nga Babilonia, por vendi zanafillor i bartjes së

tyre qe Egjipti:

“... jashtë, në botën helene, pati një mendim dhe spekulim gnostik
krejtësisht të pastër nga lidhjet e krishtere ... Shkrimet hermetike ... të
traktatit të Poimandres ... së “Tre herë të madhit Hermes’ të krijuara në
Egjiptin e helenizuar, kur Hermesi24 u identifikua me Toth-in ...
Poimandres është një dokument i jashtëzakonshëm mbi kozmogoninë
gnostike ... sipas të cilit njeriu i parapriu krijimit dhe vetë ai ka një rol
kozmogonik. Spekulimet rabinike rreth Ademit (Adamit), të bazuara në
kopjimin apo dyfishimin e transmetimit rreth krijimit të tij ... iu referua
edhe një Ademi yjor, edhe një Ademi tokësor ...

Mësime të caktuara Zorastriane, qoftë nëpërmjet mediumit të

spekulimeve çifute, qoftë drejtpërsëdrejti, po ashtu mund t’i kenë
kontribuuar koncepcionit të kësaj figure tepër të rëndësishme të
teologjisë gnostike. Ndarja nga modeli biblik ... është më se e qartë ...
Sistemi i Poimandres përqendrohet rreth figurës hyjnore të njeriut
zanafillor ... krijesës së re biseksuale ...”25

Veçoria kryesore e ndarë mes kabalizmit dhe agnosticizmit është mburrja

dhe krenaria, dhe tradita sekrete e një super-njeriu me një aspekt të
fshehur seksual, atë të një hermafroditi.

Kjo shkon thellë në punën “magjike” të cilën e ekzekutuan edhe mjeshtrit

çifutë, edhe ata gnostik-hermetik (më vonë ata neo-platonik, alkimik,
kryqtarët rozë dhe masonët) mbrapa një perdeje tymi të një retorike
devijuese.

Fatkeqësisht, shumë studentë naivë të gnostikës e kanë kufizuar

hulumtimin e tyre te ekzoterikja (popullorja) apo gnostika filozofike e
menduar për profanët jashtë rrethit ...

Në Spanjën mesjetare, në Kastile, gnostikët më të shquar qenë rabinët dhe

kabalistët çifutë si Jakob Kohen, Moses ben Shemtov de Leon dhe Moses i
Burgosit. Veçoria kryesore e të menduarit të tyre qe zhvillimi i një teorie të
përpunuar e një daljeje demonike të dhjetë Sefirotëve.

23
Avodah Zarah 3b.
24
(Përkthyesi) Hermesi në mitologjinë klasike është një emër grek për perëndinë e rreme
egjiptiane Toth, të cilit i atribuohen punime të ndryshme mbi misticizmin dhe magjinë;
hermetik: që ka të bëjë me Hermesin apo me punimet që i atribuohen atij.
25
Hans Jonas, f.147-155. Në Kabala kjo krijesë biseksuale quhet Adam Kadmon.
6 MBUROJA.net

Tradita gnostike-hermetike jehon në faqet e tekstit kabalistik Sefer ha-

Bahir, i cili pati një ndikim të thellë te të krishterët e Francës jugore, duke
rezultuar në ndjeshmërinë ndaj demonologjisë Katare/Albigensiane dhe
Fariseizmit “perfekti”.26

Kabalizmi është i mbushur me një element vrasës, për shkak të origjinës

legjendare me Rabinin Simon ben Johai, i cili:

“... sipas besimit tradicional, është autori i Zohar-it, tekstit kryesor të

misticizmit çifut ... pak para vdekjes së tij në Galile, ai ua zbuloi
studentëve të vet disa nga sekretet më të mëdha të Kabalës”27.

Siç shënon në seksionin paraprak mbi Talmudin, Simon ben Johai është
rabini i cili deklaroi se “Edhe joçifuti më i mirë duhet të vritet”.

Kabala dhe ithtarët e saj shfaqin të paktën të njëjtën shkallë të armiqësisë

fanatike ndaj joçifutëve siç bën dhe Talmudi.

“... një kabalist shumë i respektuar i viteve 1500 qe Isak Luria, Etz Chaim
(‘druri i jetës’) i të cilit diskuton olam ha-tohu (‘rrafshin e konfuzionit’ apo
botën nën-njerëzore joçifute) dhe olam ha-tikkun (‘rrafshin e rivendosjes’ –
së perandorisë-si-parajsë botërore sioniste që pritet të vijë) ...”28

Dijetari kabalist Jesiah Tishbi citon rabinin Hajim Vital, kodifikuesin kryesor
të rabinit Luria, i cili shkroi në librin e tij Portat e Shenjtërisë:

“Fuqia burimore – qoftë i bekuar emri i tij – deshi të ketë disa njerëz në
këtë tokën e ulët të cilët do t’i mishëronin katër burimet hyjnore. Këta
njerëz janë çifutët, të zgjedhur për t’i bashkuar katër botët hyjnore këtu
poshtë”.

Tishbi vazhdoi më tej duke cituar punimin e Vitalit për të theksuar mësimet
kabaliste të Isak Lurias se joçifutët janë djallëzorë:

“Shpirtrat e joçifutëve vijnë tërësisht nga ana femërore e sferës

djallëzore. Nga ky shkak, shpirtrat e joçifutëve quhen të këqij ...”29

Epoka mesianike e rivendosjes dhe shpengimit (tikkun olam), sipas fesë

çifute dhe partizanëve të saj mes joçifutëve, parasheh një rivendosje të
botës në harmoninë dhe drejtësinë universale. Kjo, sidoqoftë, paraqitet të

26
Për më shumë mbi Albigensianizmin shih Hoffman, Secret Societies and Psychological
Warfare.
27
Samuel Heilman, Defenders of the Faith (NY: Schocken Books, 1992), f.118.
28
Grimstad, f.252.
29
Jesaiah Tishbi, Torat ha-Rave-ha-Kelippah be-Kabbalat ha-Ari (“The Theory of Evil and
the Satanic Sphere in Kabbalah”); (1942; e ribotuar më 1982)
7 MBUROJA.net

jetë tregimi sipërfaqësor. E vërteta është paksa më e tmerrshme, siç

përcjellë historiani nga Jerusalemi Jesiah Tishbi:

“... prania e Izraelit midis popujve e përmirëson botën, por jo dhe popujt
e botës ... kjo nuk i sjell popujt më afër shenjtërisë, por e nxjerr
shenjtërinë prej tyre dhe kështu shkatërron aftësinë e tyre për të
ekzistuar ... Qëllimi i shpengimit/pastrimit të plotë është të shkatërrohet
vitaliteti i të gjithë popujve”.

Kundër natyrës

Thelbi i çifutërisë, si thelbi i agnosticizmit dhe hermetizmi egjiptian, është

magjia, manipulimi i universit, kundër krijimit të Zotit, d.m.th. kundër
natyrës.

Gershom Sholem (1897-1982) qe një profesor i Kabalës pranë Hebrew

University në Jerusalem. Ai shkroi se:

“... në Kabalën praktike ka ... një dozë të madhe të magjisë – d.m.th.

magji të fuqive të ndryshme demonike ... Një magji e tillë përfshin një
rrafsh të gjerë të demonologjisë dhe forma të ndryshme të magjisë që u
përpiluan për të çrregulluar rendin natyral të gjërave dhe për të krijuar
lidhje të pista/të pavlefshme mes gjërave që janë menduar të jenë të
ndara ... Në Tikkunei Zohar, manipulimi i fuqive të tilla konsiderohet i
justifikueshëm në rrethana të caktuara ...”30

Ky element djallëzor rrallëherë pranohet. Judith Weill, një profesor i

misticizmit çifut në Angli dhe këshilltar i Muzeut Çifut në Londër, thotë:

“Bibla ndalon qartazi magjinë. Atëherë, si bëhet të kemi një sistem kaq
kompleks? Përgjigja është se magjia është e rrënjosur thellë në traditën
çifute, por ne nuk e quajmë magji”31.

Një nga manifestimet më të zakonshme dhe më popullore të praktikës

kabaliste është hedhja e mallkimit dhe përdorimi simboleve fatsjellëse dhe
hajmalive të tjera magjike – të gjitha të përdorura nga rabinët dhe janë të
urryera nga Zoti i Izraelit.

Në shtetin Izraelit, disa rabinë specializojnë në tregtinë e hajmalive dhe

simboleve; edhe në bërjen e tyre, edhe në shpërndarjen e tyre. Mes syresh
janë rabini “çudibërës” nga Maroku “Baba Baruh” Ebu Haceria dhe i dyti, i
lindur në Irak, rabini Jicak Kedouri.

30
Gershom Scholem, Kabbalah, f. 183-184.
31
Jewish Cronicle, 7 maj, 1999.
8 MBUROJA.net

Gjatë zgjedhje izraelite të vitit 1996, rabini Kedouri urdhëroi ithtarët e vet
për të votuar partinë sefardike Shas dhe u shpërndau “hajmali kabaliste”
atyre izraelitëve të cilët do të votonin për partinë Shas. Këto “simbole
fatsjellëse” u bënë agjitacion mijëra votuesve”32.

Gazeta kryesore çifute e Britanisë The Jewish Chronicle tregon më tutje

sesi shumë nga këto praktika okulte mësohen në Jerusalem, në Jeshivat
Hamekubalim, një seminar rabinik i shquar për “specializim në okultizëm”.

Manuali i shenjtë kabalist, i cili u jep instruksione rabinëve në bërjen e

hajmalive dhe simboleve, është Sefer Raziel:

“... i shkruar diku rreth vitit 1230 (p.e.s) nga Eliezeri i Krimbave duke
marrë nga praktikat egjiptiane dhe babilonase ... Para përdorimit,
hajmalitë dhe yshtjet duhet të testohen dhe të aprovohen. Rabini apo
kabalisti i cili jep aprovimin, mund të fajësohet apo të humbasë
reputacionin, nëse hajmalia e tij nuk funksionon, përndryshe ai merr
lëvdata dhe para të majme, nëse hajmalitë apo magjia e tij tregohet e
efektshme”33.

Ndoshta, magjia kabaliste më spektakulare dhe e suksesshme e kohëve

moderne qe mallkimi Pulsa D’nura (“kamxhiku i zjarrtë”), i cili iu bë
kryeministrit izraelit Jicak Rabin, i cili po ua kthente palestinezëve tokën e
vjedhur, kur u vra. Magjia u hodh nga dhjetë rabinë kabalist përpara
rezidencës së Jicak Rabinit në Jerusalem.34

“Ata recituan gjithfarëlloj betimesh të lashta çifute, mallkime, dhe të tjera

wudu-yshtje, të përpiluara për të sjellë vdekjen e rabinit ... pa vonuar, me
një rastësi të çuditshme, në Jerusalem zuri vend konferenca
ndërkombëtare mbi magjinë ‘Magjia dhe Magia në Çifutëri’”.

Rabini u etiketua si një rodef - kategoria më fatale e tradhtarit çifut - nga

ana e rabinëve izraelit, të cilët po ashtu e quajtën atë një nazist dhe
shpërndanë foto të manipuluara të Jicak Rabinit në uniformën e trupave
naziste SS.

“Një rabin amerikan, i quajtur Avraham Hesht, shpalli në televizionin izraelit

se Jicak Rabini meriton të vdesë, duke thirrur autoritetin e Maimonidesit
(rabin i Spanjës mesjetare)”35.

32
Jewish Chronicle, 9 tetor, 1998.
33
Helen Jacobus, “Eye Jinx”, Jewish Chronicle, 7 maj, 1999.
34
Ma’ariv, 7 nëntor, 1995.
35
Ibid. Sipas reporterit Eric J. Greenberg, Heshti, i cili është president i Aleancës Rabinike
të Amerikës, ishte mik i kardinalit të Nju Jorkut John O’Conor.
9 MBUROJA.net

Vrasësi i Jicak Rabinit, Jigal Amir, ishte student pranë Universitetit Bar-
Illan, fakulteti i të cilit asokohe përfshinte rabinin Israel Hess, autorin e një
punimi të shëmtuar propagandistik të titulluar Mitzvat Genocide Batorah
(“Urdhri për gjenocid në Tora/Tewrat”).

Në paraqitjen e tij të parë në gjyq më 6 nëntor 1995, Amir deklaroi:

“Sipas ligjit çifut, në momentin që një çifut tradhton popullin dhe vendin e
vet te armiku, ai duhet të vritet. Askush nuk ma mësoi këtë ligj. Unë kam
qenë duke e mësuar Talmudin tërë jetën time dhe i kam të gjitha
informatat”36.

Ylli i Bohemisë, jo i Davidit

Simboli kombëtar Izraelit është heksagrami37, i cili quhet “ylli” i Davidit dhe
supozohet të jetë simboli i lashtë i Izraelit. Mirëpo, një simbol okultizmi i tillë
nuk përmendet askund në Bibël. Ai iu la në “trashëgim” udhëheqësve çifutë
në shekullin 14 nga hermetisti Mbreti Çarls IV i Bohemisë dhe formalisht u
adoptua si “Ylli i Davidit” në vitin 1898 në Kongresin e Dytë Sionist në
Zvicër.38

Burimi origjinal i simbolit është androgjen (hermafrodit), që përfaqëson

Adam Kadmonin, personifikimin e unionit mes forcave femërore dhe
mashkullore në një trup. Doktrina kabaliste e solli heksagramin në traditën
çifute (një fakt që pranohet nga mbreti i Bohemisë):

Profesori Gershom Scholem shkroi sesi brenda çifutërisë:

“... hajmalitë dhe simbolet mbrojtëse mund të gjenden së bashku me

ndjelljet e demonëve, yshtjet ... madje dhe magjia seksuale dhe
nekromancia39 ... Në periudhën geonike40 titulli ba’al shem apo ‘mjeshtër

36
NY Times, 27 nëntor, 1995, f.3. Mbështetësit amerikanë të Amirit vendosën një linjë të
veçantë telefonike në NY për të mbledhur para për mbrojtjen e tij. Për një ditë u mblodhën
më shumë se 100 000 dollarë. Seattle Times, 11 nëntor, 1995, f.4.
37
(Përkthyesi) “Ylli i Davidit”: http://www.clipartbest.com/cliparts/di6/L7M/di6L7M5i9.png
38
W. Gunther Plaut, The Magen David (1991). Për shkak të kudondodhjes si një simbol
universal, heksagrami nganjëherë gjendet në disa ikonografi funerale të lashta Izraelite.
Por, nga këto raste të rralla e të parëndësishme, mund të konkludohet se supozimi se ky qe
simboli kombëtar i Izraelit është i pavlefshëm. Ky simbol paraqitet me shpeshtësi të njëjtë
apo dhe më të madhe në ikonografinë e shumë popujve.
39
(Përkthyesi) Praktika e një komunikimi të supozuar me shpirtrat e të vdekurve për të
parashikuar të ardhmen.
40
(Përkthyesi): Geonim (hebraisht: ‫ ;גאונים‬i transliteruar si Gaonim) qenë presidentët e dy
Akademive të mëdha Babilonase e Talmudiste të Suras dhe Pumbeditas në kalifatin Abasid
dhe përgjithësisht qenë të pranuar si udhëheqës shpirtëror të komunitetit çifut në mbarë
botën në epokën e hershme mesjetare, në kontrast me Resh Galuta, të cilët ushtronin
autoritet sekular mbi çifutët në vendet islamike.
10 MBUROJA.net

i emrit’ tregonte një zotërues të kabalës praktike, i cili ishte ekspert në

lëshimin e hajmalive për qëllime të ndryshme, duke thirrur engjëj e
demonë ...”41

Ky panteon demonësh përfshin shejtanë (demonë) të njohur në Kabalë si

Shedim Jehude’im. Profesori Sholem informon se këta demonë i
nënshtrohen Talmudit42. Ai shkruan:

“... po ashtu ka demonë me natyrë të mirë, të cilat janë të gatshëm t’u

ndihmojnë dhe t’u bëjnë favore njerëzve. Kjo supozohet të jetë e vërtetë
sidomos për ata demonë që sundohen nga Ashmedai (Asmodeus), të
cilët e pranuan Torën dhe konsiderohen ‘demonë çifutë’. Ekzistenca e
tyre përmendet nga Hasidei Ashkenaz si dhe në Zohar”43.

Elie Wiesel, i respektuar si “i urti i Holokaustit”, i cili gjerësisht nderohet në

mediat Perëndimore si një i shenjt, shkroi një libër të tërë ku lëvdon këta
ba’al kabalistë. Wiesel shkruan:

“... Rabini i madh Israel Baal Shem Tov, mjeshtër i Emrit të Mirë, i njohur
për fuqitë e tij në qiell e në tokë ...”

Në eksploatimin që u bën rabinëve, Wiesel shprehet se: “... Zotit iu desh të

njihte vlefshmërinë e argumentimit të Shejtanit (Iblisit/Satanës) ...” dhe
lindja e rabinit qe një dhuratë për prindërit e tij të cilët “... u treguan
mikpritës dhe të pakursyer ndaj pejgamberit Elijah, sipas një versioni, dhe
ndaj Shejtanit, sipas një versioni tjetër”44.

Si Talmudi, edhe Kabala tejkalon, anulon dhe përfundimisht e zëvendëson

Biblën. Profesori Fine:

“... lexuesi duhet ta mësojë gjuhën biblike në mënyrën simbolike

kabaliste. Kabalistët mësojnë se Tora është një trup i madh simbolesh ...
Kuptimi i thjeshtë i gjuhës biblike zmbrapset në prapavijë pasi diskursi
simbolik të marrë kontrollin. Kuptimi i vërtetë i Shkrimeve të Shenjta
bëhet i qartë vetëm atëherë kur të lexohet me kodin e duhur (sefirotik).

41
Gershom Scholem, Kabbalah, f.184.
42
Ibid., f.323. Sholem thotë se këta shejtanë “i nënshtrohen Toras (Tewratit)”. Për një
dijetar çifut Tora tregon Talmudin si dhe Tanakha-n. Të kujtojmë të folmen e dykuptimtë të
sqaruar nga profesori Goldenberg: “Talmudi qe Tora. Në njëfarë paradoksi … Talmudi qe
Tora orale në formë të shkruar”. (Goldenberg, f.166)
43
Ibid., f.322.
44
Elie Wiesel, Souls on Fire: Portrait and Legends of Hasidic Masters (NY: Random House,
1972), f. 3 dhe 10.
11 MBUROJA.net

Kështu, Tora nuk bën të lexohet në nivelin e thjeshtë apo të qartë të

kuptimit që ka; ajo duhet të lexohet me dijen e një kabalisti i cili posedon
çelësat hermetik me të cilët i çelë të vërtetat e brendshme të saj”45.

Isa  (Jezusi) në Kabalë

Kabala, po ashtu, shfaq urrejtjen e madhe të njëjtë ndaj Isës  sikurse

bën Talmudi, duke e ofenduar atë me shprehje groteske dhe të
dënueshme.

Sipas tekstit më të rëndësishëm kabalist Zohar, Isa  është një “qen” i cili
banon midis ndyrësirës dhe krimbave:

“Nga ana e idhujtarisë, Shabbithexh (Saturni) quhet Lilith, bajgë e

përzier, për shkak të ndyrësirës së përzier nga të gjitha llojet e baltës
dhe të krimbave, në të cilën hedhin qentë dhe gomarë të ngordhur, të
bijtë e Isaut dhe Ishmaelit, dhe aty Isa (Jezusi) dhe Muhamedi, të cilët
janë qenë të ngordhur, janë të varrosur mes syresh”.

Kjo thënie e sëmurë, që mund të jetë prodhim vetëm i një mendjeje të

sëmurë, përbën një pjesë të Kabalës së njëjtë që vlerësohet dhe lavdërohet
nga “humanistët e mëdhenj çifutë” si Martin Buber dhe Eli Wiesel, dhe e
cila është në fokus të përnderimit midis elitës “progresiste” në qarqet New
Age46 dhe në Hollywood. Poshtërsia dhe besëtytnia e neveritshme e
mishëruar në Kabalën, një nga tekstet themelore të fesë çifute, dëshmon
për natyrën anti-biblike të kësaj feje, meqë të gjitha këto thirrje të forcave të
liga janë të urryera për Yahwen (Zotin)47. Profesori i Kabalës pranë Hebrew
University në Jerusalem Gershom Scholem thotë:

“Rrafshit të Kabalës praktike i takojnë edhe shumë tradita lidhur me

ekzistencën e një alfabeti të veçantë engjëllor, më i hershmi nga të cilit
qe ‘alfabeti i Metatronit’ ... në literaturën kabaliste ato tradita janë të
njohura si shkrim me sy (ketav einajim), sepse shkronjat e tyre gjithmonë
përbëhen nga vija dhe rrathë të vegjël që u ngjasojnë syve.

... Shkronjat e tilla magjike, të cilat kryesisht shfrytëzoheshin për bërjen e

hajmalive, janë pasardhëse të karaktereve magjike që mund të gjenden
në ndërhyrjet e mbinatyrshme (në çështjet njerëzore) greke dhe

45
Lawrence Fine, “Kabbalistic Texts”, Back to the Sources: Reading the Classic Jewish
Texts, f. 337.
46
(Përkthyesi) New Age (Epoka e Re) është një lëvizje e karakterizuar nga qasjet
alternative ndaj kulturës Perëndimore, me interes në spiritualitet, misticizëm, dhe
ambientalizëm.
47
Levetiku 19:31, 20:6, 27; Ligji i Përtërirë 18:10-12, I Samuelit 15:23; I Kronikave 101:13-
14; Psalmet 5:4-6.
12 MBUROJA.net

arameike nga shekulli i parë (p.e.s.). Me gjasë, bërësit imituan shkrimin

e kompozuar nga elementet/karakteret që ende mund të shiheshin në
mjedisin e tyre, por të cilat qenë bërë të padeshifrueshme dhe kishin
marrë veçori magjike ...

... Kabala praktike manifestoi një interes në induksionin magjik të fuqive

pneumatike (gazore) nëpërmjet veprimeve të simboleve të caktuara.
Përdorimi i simboleve astrologjike, që qartazi u përftua nga burimet
arabe dhe latine, së pari haset në Sefer ha-Levanah ... Një numër
punimesh kabaliste që kanë të bëjnë me përgatitjen e unazave magjike,
kombinojnë motive astrologjike me të tjera të marra nga ‘shkenca e
kombinimit’.

... për një periudhë 300 vjeçare, afërsisht nga 1500 deri 1800, Kabala
gjerësisht konsiderohej të jetë teologjia e vërtetë çifute ... Me gjithë
Diaspora-n48, numri i traditave popullore (çifute) origjina e të cilave ishte
kabaliste, ishte tepër i madh ...Motive mistike dhe demonike veçanërisht
u ndërthurën në fushën e jetës seksuale dhe të praktikave të cilave iu
kushtua një literaturë e tërë, duke filluar nga Iggeret ha-Kodesh ... dhe
duke vazhduar deri te Nahman i Tikkun ha-Kelali i Bratslavit ... Ide të
ngjashme kishte mbrapa tikkun të shove im, domethënë, të pasardhësve
demonik nga orgazmat e natës (gjatë gjumit).

... Ky penetrim i traditave dhe besimeve kabaliste, i cili nuk la pa prekur

asnjë kënd të jetës çifute, veçanërisht dokumentohet mirë në Shenei
Luhot ha-Berit të Isaia Horowitz (Amsterdam 1648) ... dhe anonimit
Hemdat Jamim (Izmir, 1731)”49.

Gematria

Procesi kryesor për komentimin kabalist të Biblës njihet si gematria, një

sistem babilonas i kriptografisë, ku përfshihet përdorimi i shkronjave për të
treguar numra. Përdorimi i parë i shënuar i gematrisë ndodh në një
mbishkrim të Sargon II (727-707 p.e.s.).

Gematria është një formë e numerologjisë me anë të së cilës “alefabet”-it

(alfabetit) çifut i caktohet vlerë numerike. Ka shumë permutacione dhe
sisteme të ndryshme për arritjen deri te përputhshmëria e duhur
shkronjë/fjalë. Një autoritet e përshkruan këtë çifutëri komplekse ezoterike
kësisoj:

48
(Përkthyesi) Diaspora: Komunitetet çifute jashtë Palestinës apo Izraelit modern.
49
Scholem, f.186-187, 190, 194-195.
13 MBUROJA.net

“Në gematria ketanah, vlera e secilës shkronjë është vlera e saj në

gematrinë primare me të gjitha zerot e hequra. Pastaj kemi gematrinë
klasike, ku përfshihet të shkruarit e emrit të secilës shkronjë dhe
kalkulimi i shumës së kësaj. Shumës së fjalës lejohet t’i shtosh një njësh,
që njihet si kollel. Po ashtu, përdoren tri transformime: Atbash-i, ku
shkëmbehen shkronja e parë me të fundit, e dyta me të parafundit, e
kështu me radhë; Albam-i, i cili ndan alfebetin në dy pjesë, nga të cilat
shkëmbehen shkronjat; dhe Ajak-Bashar, i cili bëhet duke i ndarë
shkronjat në grupe ashtu që shkronjat e secilës të kenë ketana-n
gematrike të njëjtë”.

Kabalistët e konsiderojnë Biblën si të pakuptueshme pa ndërmjetësimin e

rigmarolës së ndërlikuar rabine:

“... librat e shenjtë, të cilat të gjitha kanë çelësa kabalistik nga Zanafilla
deri te Apokalipsi, janë bërë aq pak të kuptueshme për të krishterët,
saqë priftërinjtë e mençur gjykuan se është e domosdoshme të ndalohet
leximi i tyre nga ana e besimtarëve të painstruktuar. Marrë sipas kuptimit
të drejtpërdrejtë dhe kuptuar materialisht, librat e tillë mund të jenë
vetëm një ind i pakuptueshëm i absurditeteve dhe skandaleve ...

Dhjetë Sefirotët dhe njëzetedy Tarotët formojnë atë që kabalistët e

quajnë tridhjetedy shtigjet e shkencës absolute ... Rabinët, po ashtu,
ndanë Kabalën në Bereshith apo Zanafillën universale dhe Merkavah
apo Karroca e Ezekielit. Pastaj, nëpërmjet interpretimit dual të alfabetit
kabalist, ata formuan dy shkenca të quajtura Gematria dhe Temurah,
dhe kështu kompozuan Artin e të Noterisë, që në thelb është shkenca
komplete e shenjave të Tarotit50 dhe zbatimi kompleks dhe i
shumëllojshëm i tyre në parashikimin e të gjitha sekreteve ...”51

Parashikimet e së ardhmes (astrologjia, etj.), të përshkruara në pasazhin

paraprak, paraqesin gjellën e besëtytnisë babilonase, të cilën Zoti i
Biblës vazhdimisht e dënon dhe e urren. Megjithëkëtë, është pikërisht ky
paganizëm që formon sistemin qendror mistik të fesë çifute për “të
kuptuarit e thellë biblik”.

Që të mos mendohet se Kabala tërheq vetëm ithtarët e fesë çifute dhe

okultistët e New Age, duhet të kujtojmë entuziazmin me të cilin “të
Krishterët” përshëndetën botimin e vitit 1997 të librit The Bible Code (Kodi i

50
(Përkthyesi) Tarot: Çfarëdo grupi i zakonisht 78 kartave për lojë, përfshirë dhe 22 karta
që paraqesin vese, virtyte, dhe forca elementare që përdorën në parashikim të fatit.
51
Eliphas Levi (Alphonse Louis constant), Dogme et Rituel de la Haute Magie (1855-1856);
përkthyer nga Arthur E. Waite si Transcendental Magic: Its Doctrine and Ritual (Britani e
Madhe: Tiger Books International, 1995), f.129 & 328.
14 MBUROJA.net

Biblës) të Michael Drosnin. Sipas këtij best-selleri të Drosnin, pesë librat e

para të Biblës janë shkruar në një kod i cili është deshifruar nga rabinët të
cilët zbuluan profeci të ndryshme të ngjarjeve historike dhe zbulime
shkencore të fshehura në Pentateuch52.

Këtu prapë shohim frytin e nocionit se vetëm ata që përdorin mjete

komentimi të bazuara në traditat e urtarëve çifutë, mund të kuptojnë Biblën
në thellësitë më të mëdha të saj.

Dijetari biblik James B. Jordan e vlerëson sajimin modern të Drosnit të

besëtytnisë së njëjtë e të vjetër babilonase si: “Vetëm një formë tjetër e
kabalizmit, por kësaj here me kompjuterë”. Hulumtuesi David E. THomas i
asgjësoi pohimet qesharake dhe mashtruese të kodit kabalist.

Ideja se Bibla s’mund të kuptohet pa ndërmjetësimin e rabinëve çifutë – pa

shpjegimin talmudik apo, në këtë rast, kabalist, pa intervenimin e
numerologjisë gematrike – e bën Dhiatën e Vjetër dhe, në disa raste edhe
të Renë, rob të “traditave të urtarëve çifutë”.

Ideja e gabuar e fesë çifute se, në të vërtetë, askush nuk e kupton Biblën
pa komentet dhe interpretimet nga rabinët talmudik dhe kalbalist dhe
traditat e tyre, është në rritje te “të krishterët” në masë të njëjtë me rritjen e
prestigjit të çifutërisë brenda krishterimit. Pranimi i këtij gabimi fatal u
mundëson efektshëm armiqve të Biblës t’i shmangin mësimet e Jezusit nga
njerëzit e thjeshtë të cilëve ai u predikoi fillimisht.

Në vend të kësaj, rabinët, nëpërmjet paraqitësve të tyre në Kishë, brumosin

dhe riorientojnë dogmën “e krishtere” bazuar në interpretimet e Biblës nga
Farisenjtë e lashtë, “të sqaruar” më tej nga deklaratat moderne të rabinëve
ashtu siç filtrohen përmes seminareve teologjike në universitete dhe sinode
të Kishës që kanë marrë rolin e agjentëve të tyre.

Ky proces, po ashtu, nxitet nga ish-ithtarët e supozuar të çifutërisë, të cilët

kinse konvertohen në të krishterë, por marrin me vete bagazhin e tyre
talmudik e kabalist në Kishë dhe pastaj orvaten t’i pagëzojnë këto tradita të
tyre dhe t’ua prezantojnë ato të krishterëve si krishterim “i vërtetë” i
praktikuar nga Jezusi dhe i fshehur nga njerëzit si pjesë e një konspiracioni
nga ana e anti-semitëve të ligë dhe inkuizitorëve mesjetarë53.

52
(Përkthyesi) Pentateuch: Pesë librat e parë të Shkrimeve të shenjta çifute (Dhiata e
Vjetër).
53
Këta “të konvertuar” vazhdojnë të angazhohen në vetë-adhurim, bazuar në statusin e
tyre të supozuar si izraelitë trashëgues. Ata përqeshin “teologjinë zëvendësuese” duke
pohuar se të krishterët kurrë s’do t’i zëvendësojnë çifutët si njerëz të zgjedhur të Zotit.
15 MBUROJA.net

Gjatë Renesancës, kripto-çifutëria54 formoi pjesën kryesore të transmetimit

të brezit okultist, i cili mundësoi ngritjen e Masonerisë dhe të Rendit të
Kryqit Rozë, themeluesit e të cilave predikuan një “Kabalë të krishtere” dhe
kryen ritet magjike të tyre me emrin e Jezu Krishtit55.

Ka një literaturë substanciale mbi këtë amalgamë okulte, përfshirë dhe

studimet klasike të Frances A. Yates, The Rosicrucian Enlightenment
(1972) dhe The Ocult Philosophy in the Elizabethan Age (1979).

Tërheqja e madhe që Kabala u bëri masonëve dhe Rendit të Kryqit Rozë

në zhvillim ishte doktrina çifute - siç shprehet nga masoni i Ritit Masonerik
Skocez Albert Pike në librin e tij Morals and Dogma – e “përsosjes” së
universit nëpërmjet intervenimit të fuqisë së trurit njerëzor.

Sipas këtij koncepti, krijimtaria e Zotit është e papërsosur, ndërsa “Çifuti”

dhe ndihmësi i Çifutit apo Masoni (një “Çifut” i paplotësuar, siç simbolizohet
nga kutia dhe kompasit masonik, që është një heksagram i papërfunduar,
d.m.th. “Ylli i Davidit”), do ta përsosin këtë krijimtari të mangët.

Kjo shprehet në Talmud dhe në Kabala. Në Talmud, kjo shfaqet në

Sanhedrin 65b:

“Rabini Hanina dhe rabini Oshaia e kalojnë çdo mbrëmje të së shtunës

në studimin e ‘Librit të Krijimit’, me anë të cilit ata krijuan një viç të rritur
dhe e hëngrën”.

Referenca “Libri i Krijimit” në Sanhedrin 65b është libri magjik kabalist Sefer
Jecira, të cilin e diskutuam më herët. Teksti i Sefer Jecira-s është manuali
esencial i magjisë për njeriun që bëhet sikur është Zot.

Shënimet në pasazhin Sanhedrin 65b të Talmudit në botimin Soncino,

thonë se akti magjik i rabinit i krijimit të viçit “nuk hyn në ndalimin e magjisë,
sepse krijimi u arrit nëpërmjet fuqisë së trashëguar në kombinimin mistik të
Emrit Hyjnor”56.

Ndërsa kjo reference talmudiste ndaj krijimit rabinik të jetës është e

paqartë, një tjetër akti rabinik i krijimit që përdor kombinimet kabaliste të
shkronjave të “Emrit Hyjnor” është më i mirënjohur, në mos në zë për të
keq. Ky është Golemi, materia e vdekur që supozohet të jetë sjellë në jetë
si një hakmarrës i cili vret joçifutët. Legjenda kabaliste tregon se

54
(Përkthyesi) Kripto-çifutëria i referohet një komuniteti çifut të cilët së jashtmi praktikojnë
një fe tjetër ndërsa në fshehtësi i përmbahen çifutërisë.
55
Okultistët e konsiderojnë Këshillin e Trentit (1545-1563) si një prapavajtje për shpresat e
tyre për një pozicion të favorshëm Hermetiko-Kabalist përbrenda katolicizmit roman të asaj
epoke; Gnosis Magazine, verë, 1990, f.42
56
Fusnota 9 në botimin Soncino të Sanhedrin 65b në Talmud.
16 MBUROJA.net

vendndodhja e këtij akti qe në kryeqytetin e Bohemisë, në Pragë, rreth vitit

1586, nëpërmjet fuqisë së rabinit Judah Loew, me anë të një hajmalie
kabaliste me shkronja magjike, të cilin e përpiloi ai.

Ky folklor, të cilit i është kushtuar rëndësi e madhe nga okultistët brenda

dhe jashtë çifutërisë, është koncepti origjinal i Frankenshtajnit, i cili nuk
duket edhe aq i çuditshëm në shekullin 21 me klonimet shtazore e
njerëzore, me përzierjen e gjeneve të shtazëve, njerëzve e insekteve dhe,
rrjedhimisht, krijimin e krijesave hibride monstruoze për rritjen e profitit dhe
me pretekstin e gjetjes së “shërimit mrekullibërës” për shumë sëmundje
njerëzore.

Ngritja e një qytetit që ka mani për autopsitë, kufomat, indin e fetusit dhe
materiet e tjera të vdekura, si dhe me njeriun që bëhet sikur është Zot, u
paratha në shkrimet e matematikanit Elizabetian, spiunit, astrologut
mbretëror dhe themeluesit të masonerisë Dr. John Dee.

Dee qe një kabalist i përkushtuar. Ai banoi disa vite në Pragë, në kulmin e

riteve të supozuara të Golemit nga ana e rabinit Judah Loew, dhe
bashkëpunoi me të në emër të hulumtimit masonik si dhe në cilësinë e një
agjenti të një rrjeti spiunazhi të kryesuar nga Sir Francis Walsingham dhe
Sir William Cecil, ky i fundit ministër shteti i Mbretëreshës Elizabeta I57.

Në 27 korrik 1589, ndërsa ishte në Bremen, Gjermani, Dee u vizitua nga

Dr. Henricus Khunrath nga Hamburgu. Dee pati një ndikim të madh në
punimin e jashtëzakonshëm simbolik e okultik “The Amphitheatre of Eternal
Wisdom”, një gdhendje me simbole sekrete okultike të futur brenda në të.

“Gdhendja është një shprehje vizuale e njëfarë pikëpamjeje të cilën Dee e

përmblodhi në Monas Hieroglyphica-n e tij, një kombinim disiplinash
kabaliste, alkimike e matematikore, nëpërmjet të cilave mjeshtri do të mund
të mbërrinte ... një erudicion në të kuptuarit e natyrës ...

Kjo, po ashtu, do të mund të shërbente si një shprehje vizuale e temave

kryesore të manifestit të Rendit të Kryqit Rozë, të Magia-s, të Kabalës, dhe
të Alkimisë të bëra bashkë në një pikëpamje shumë religjioze, e cila
përfshinte qasje religjioze ndaj të gjitha shkencave të numrave”58.

Dee është shkencëtari i parë në historinë perëndimore, i cili padyshim

mund të lidhet me praktikën satanike të bazuar në Kabalë.

57
Frances A. Yates, The Occult Philosophy in Elizabethan Age (Londër: Routledge and
Keegan Paul, 1979), f.87.
58
Frances A. Yates, The Rosicrucian Enlightenment (Great Britain: Ark Paperbacks, 1986),
f.38-39.
17 MBUROJA.net

Filozofia kabaliste u transmetua nga rabini Judah Loew te Dee dhe nga
Dee te shkencëtarët avangardë, matematikanët dhe teologët nëpërmjet një
shoqërie sekrete, Rendit të Kryqit Rozë, i cili në pjesën e hershme të
shekullit 17 përziente terminologjinë Protestante me lavdërimin për
Kabalën.

Vëllazëria e Rendit të Kryqit Rozë qe nën mbrojtjen dhe kujdesin e

aristokratëve dhe sunduesve të fuqishëm, përfshirë këtu Elektor Palatinin,
Frederikun V, mbretin e Bohemisë, i cili ishte kryetar i Union Protestant.

Protestantizmi bohemian “... ishte një shprehje e një lëvizjeje religjioze, e

cila kishte mbledhur fuqi për shumë vite, e ushqyer nga ndikimet e fshehta
në Evropë, një lëvizje që shkonte drejt zgjedhjes së problemeve religjioze
përgjatë vijave mistike të sugjeruara nga ndikimet hermetike dhe
kabaliste”59.

Tërheqja e Rendit të Kryqit Rozë në këtë mënyrë ishte e dyfishtë. Ajo u

krijua për të bindur protestantët e devotshëm evangjelist për hyjnizimin e
çifutërisë siç manifestohet në Kabalë, dhe për të bindur shkencëtarët dhe
intelektualët për potencialet e Kabalës si një çelës për tek perëndishmëria
e njeriut dhe “përsosja” e krijimtarisë hyjnore nëpërmjet intervenimit të
fuqisë së trurit njerëzor60.

Për shembull, manifesti i Rendit të Kryqit Rozë i vitit 1614, The Fama, e lidh
Kabalën me persona “të mbushur me urtësi”, të cilët “përtërijnë dhe ulin të
gjitha artet deri në përsosuri, në mënyrë që njeriu të mund të kuptojë
fisnikërinë e vet dhe sa gjerë shtrihet dija e tij në natyrën”.

Manifesti përcjell se nga Magia dhe Kabala mjeshtri i Rendit “përfiton

shumë”61.

Roli i Dr. Dee në këtë kontekst qe esencial:

“Manifesti i Rendit të Kryqit Rozë i vitit 1615, The Confessio, bashkë me

të botoi dhe një broshurë në latinisht të quajtur ‘Një shqyrtim i shkurtër i
një filozofie më sekrete’.

59
Ibid. f.40.
60
“Protestantët” dhe “shkencëtarët” në këtë kontekst nuk mendohet të sugjerojë një
dikotomi religjioz vs. ateist. Në Evropën e shekullit 17, shumica e shkencëtarëve qenë të
krishterë. Infiltrimi i Kabalës u udhëhoq nën përkujdesjen e devotshmërisë së madhe dhe
aspirimit drejt Zotit, kombinuar me një përpjekje komplekse magjiko-shkencore, një
trashëgimi e lindjes së shkencave të Renesancës në kuptimin e punimeve si Magia,
Alchymia dhe Kabala. Në shekullin 18, mjet bartës i Kabalës do të ishte monoteizmi
ekumenik dhe Protestantizmi teorik i masonerisë.
61
Yates, f.238-240.
18 MBUROJA.net

Ky ‘shqyrtim i shkurtër’ bazohet në punimin e John Dee-s Monas

Hieroglyphica, duke qenë shumica citime nga Monas. Kështu bëhet e
qartë se ‘filozofia më sekrete’ mbrapa manifestit ishte filozofia e John
Dee ... Lëvizja e Kryqit Rozë në Gjermani qe rezultat i vonuar i misionit
të Dee në Bohemi 20 vjet më herët ..."62

Dhe çfarë ishte kjo filozofi sekrete?

Kjo, pa dyshim, ishte doktrina rabinike, e shprehur në tekstin kabalist si

tikkun olam (‘riparimi i botës’), ku njeriu Çifut (apo i çifutëzuar) fiton fuqi
hyjnore për të ‘ndrequr’ një krijimtari ‘të mangët’ dhe ‘me gabime’.63

Këtu, po ashtu, qëndron kontradikta qendrore e kësaj doktrine, meqë kjo

pothuajse gjithmonë e reklamon vetveten te pranuesit e saj çifuto-krishter si
një mënyrë për arritjen e shërimit, harmonisë, qetësisë, balancimit dhe
lumturisë.

Megjithatë, kur doktrinat magjike të kabalizmit arritën dominim ideologjik në

shekullin 18, duke prodhuar të ashtuquajturën “Epokë të Iluminizmit”, ata
nuk prodhuan shtegun drejt riparimit të tokës dhe kthimit në Eden
(Parajsë), por imponimin dhe mbretërimin e “mullinjve satanik” të
revolucionit industrial dhe një shpallje të nënshtrimit të njerëzimit nga një
elitë ezoterike me anë të mbikëqyrjes dhe kontrollit.64

Procesi dialektik i sjellë nga zhytja në ideologjinë çifute të shpengimit të

botës prodhoi një ndryshim kataklizmik, një “ironi të thellë” të pavërejtur nga
shumica e historianëve të shkencës moderne. Filozofia e supozuar
kabaliste e “harmonisë” e ndjekur nga okultistët joçifutë të çifutizuar të
Renesancës siç ishte Pico, Reuchlin, Giorgio dhe Dee, çoi në imponimin e
tiranisë së racionalizmit dhe materializmit në atë që Frances Yates e quan
një ndërrim momental nga magjia në mekanizëm:

“Është një nga ironitë e thella të shumta të historisë së mendimit se

shtimi i shkencës mekanike, nëpërmjet së cilës u ngrit ideja e
mekanizmit si një filozofi e mundshme e natyrës, në vetvete qe një

62
Ibid., f.39-40.
63
Baza e “riparimit” është e rrënjosur në mikro-menaxhmentin e jetëve tona nga ana e
qeverisë përgjatë vijave talmudike të imtësive precize (Gittin 4). Një burokraci e këtillë
trason rrugën drejt një aparati të kontrollit të plotë. Misticizmi kabalist shfaqet si antidot i
kontrollit në këtë proces dialektik; Rabbi Yitzchak Nissenbaum, Derushim ue-Homer li
Derush, Kinyanei Kedem, b-Reishit; Rabbi Yitzhak ha-Kohen Kook, Orot hakodesh
(Jerusalem: Mossad HaRav Kook, 1985).
64
“Dhe a u ndërtua Jerusalemi këtu, midis atyre mullinjve të errët satanik?” (William Blake,
Jerusalem, 1810). Dobësia e njerëzve ndaj menaxhmentit, përgjimit dhe kontrollit u
eksploatua në epokën industrial nga ekonomisti politik Jeremy Bentham, arkitektura penale
Panopticon (“gjithë-parëse”) e të cilit është bërë një metaforë dominuese midis ekspertëve
të monitorimit.
19 MBUROJA.net

rezultat i traditës magjike të Renesancës. Mekanizmi pa magji u bë

filozofia e cila do të përjashtonte animizmin e Renesancës dhe do të
zëvendësonte ‘magjistarin’ me filozofin mekanik”65.

Me fjalë të tjera, njëherë pasi u vendos parimi i fesë çifute - siç shprehet në
Kabalë - i fuqisë hyjnore e krenare të njeriut dhe “të drejtës” fisnike të tij për
të manipuluar krijimtarinë hyjnore, dhe shkenca nisi të shfaqej si një sistem
i të menduarit dhe i të vepruarit pa prangat e kufizimit tradicional dhe frikës
nga Zoti, aspektet mistike të filozofisë u hodhën poshtë, duke lënë
krenarinë satanike të martojë vetveten me mundësitë teknologjike.

65
Yates, f.113. “Filozofi mekanik” i shkathët që simbolizon këtë ndërrim ishte Rene
Descartes (Rene Dekarti), një prodhim i kolegjit Jezuit të La Fleche.