UNIVERSITY OF SANTO TOMAS

JUNIOR HIGH SCHOOL

FILIPINO

Name: Regina Sandra O. Gonzales Date: Aug. 20, 2021

Section: 10 - St. Daniel Score: _____________

“AENEAS”

Ang mitolohiyang Aeneas ay binubuo ng iba’t-ibang karakter, isa na dito si Aeneas. Si Aeneas ay isang
dakilang tagapagtanggol ng kanyang bayan. Si Sybil naman ay isang babaeng propeta na bagbibigay ng hula
tungkol sa patnubay ng mga Diyos. Si Venus ay ang mapagmahal na ina na gagawin ang lahat para sa kanyang
anak. Si Cerberus naman ay ang asong may tatlong ulo. Siya ang nagbabantay sa tarangkahan ng daigdig ng
mga patay. Ang Elysian Fields ay isang tagpuan sa mito. Ito ay isang pook na makikita sa dulong kanluran ng
daigdig. Ang Troy naman ang tahanan nina Aeneas na winasak ng mga Griyego. Ang Italya naman ang
pinaniniwalaang lugar nila Aeneas na may magandang buhay na naghihintay sakanila.

Sila Aeneas ay naglalakbay patungong Italya kasama ang mga natirang Trojan sa paniniwalang maganda
ang kapalaran nila doon. Nang malapit na silang makarating sa kanilang destinasyon, nagpadala si Juno ng
malakas na bagyo. Dahil dito ay napadpad sila sa ibang lugar, ito ay sa Carthage. Sa kanilang pagdating,
sinalubong sila ng reyna ng Carthage na si Dido. Ipinakilala ng ina ni Aeneas na si Venus ang kanyang anak
kay Dido. Kwinento ni Aeneas ang pagbagsak ng Troy kay Dido. Si Aeneas at ang kanyang mga kasama ay
doon muna namahinga sa Carthage. Nagkaroon ng pag-iibigan si Dido at Aeneas na siyang ikinangamba ni
Jupiter. Kaya ipinadala ni Jupiter si Mercury upang paalalahanan sila Aeneas na maglakbay na patungong Italya.
Sinunod naman ito ni Aeneas ngunit nalungkot at hindi natanggap ni Dido kaya sinaksak niya ang kanyang sarili
hanggang siya’y mamatay.

Sa kanilang paglalakbay ay napadpad muli sina Aeneas sa Sicily, kung saan nakalibing ang kanyang ama.
Nagsagawa ng palaro si Aeneas para sa pabibigay puri sa kanyang yumaong ama. Habang isinasagawa ang
palaro, si Juno naman ay nakahanap ng paraan upang hindi matuloy ang plano nina Aeneas. Inutusan niya ang
mga babae sa Trojan na pasiklabin ng apoy ang mga barko nila Aeneas upang hindi sila makarating sa Italya.
Ngunit nagpatuloy pa rin si Aeneas sa paglalakbay kasama ang iilang Trojan na gusto pa rin sumama. Habang
sila ay naglalakbay, pumunta sila kay Sybil sa Cumae para makapunta sila sa mundo ng mga patay. Nakita niya
roon si Dido na hindi siya kinakausap. Sa kanila pang paglalakbay, nakarating sila sa dalawang ilog. Nakilala
nila ang bangkero ng mga patay na si Charon. Sumakay sila sa bangka nito at narating ang Elysian Fields na
kanilang hinahanap. Ito ay isang paraiso kung saan nandoon ang mga yumaong nakagawa ng mabubuting
bagay nung sila ay buhay pa. Nakita niya roon ang kanyang ama at sila ay nag-usap. Ipinakita ng kanyang ama
na si Anchises ang kinabukasan kay Aeneas. Natuwa si Aeneas sa kanyang nakita sapagkat nakita niya ang
kanyang magiging mga anak at apo. Pagkatapos nito ay nagpaalam na sila sa isa’t-isa at tuluyan nang umalis
si Aeneas at nagtungo sa Italya.
 Maraming aral ang maaaring mapulot sa mitolohiyang ito, isa na dito ang pagiging matatag kahit maraming
pagsubok ang nararanasan mo. Katulad sa mito, hindi sumuko si Aeneas sa paglalakbay niya patungong Italya
kahit maraming balakid ang kanyang naranasan, dahil iniisip niya pa rin ang magandang buhay na naghihintay
sakanya sa Italya. Sa buhay, kailangan rin natin dumaan sa mga pagsubok at problema ngunit hindi dapat tayo
sumuko sapagkat may naghihintay sa ating magandang bagay na maaaring mangyari. Pinatunayan sa
mitolohiyang ito na kahit ang iyong mga kakampi ay magtaksil sa’yo. Sa paglubog ng araw, tanging ang sarili
mo lang ang nandiyan para tumulong at gumabay sa’yo. Isa pang aral na aking natutunan ay pahalagahan mo
ang iyong mga mahal sa buhay habang sila ay nabubuhay pa. Mahirap mawalan ng mahal sa buhay lalo na ang
iyong mga magulang, kaya ipakita niyo ang inyong pagmamahal sa kanila upang sa huli ay wala kayong
pagsisihan.

Katulad sa ibang bansa, marami rin mitolohiya ang Pilipinas. Marami ring kinikilalang diyos ang ating mga
kababayan, isa na dito si Bathala. Si Bathala ang kinikilalang “may kapal sa lahat” ng mga Pilipino. Naniniwala
sila na si Bathala ang may gawa ng lahat ng tao at bagay. Siya ang pinakamataas sa lahat ng diyos at diyosa.
Si Lakapati naman ay Diyosa ng agrikultura at pagmayabong. Kilala siya bilang pinakamabait na diwata. Si
Apolaki naman ang diyos ng araw at patron ng mga mandirigma. Pinaniniwalaan na ang kanyang mga mata ang
nagsisilbing liwanag sa mundo. Si Amanikable naman ang diyos ng karagatan at patron ng mga mangangaso.
Siya ay kilalang diyos na masungit at magagalitin.

Mga Sanggunian:

https://www.britannica.com/topic/Aeneas
https://www.cliffsnotes.com/literature/a/aeneid/summary-and-analysis/book-i
https://www.aswangproject.com/creatures-mythical-beings-philippine-folklore-
mythology/?fbclid=IwAR3wOqril7TyjR35KDNz9x-RUMXtg6aCH29-WyPE6ViZ8zYvi_LHN98g0sA