https://hk.appledaily.

com/finance/20200917/BEHYTW2M5RGTVL2VAAVEBZQOPQ/

風水輪樓睇丨南昌站匯璽「濕淫」地唔
包生仔 新樓常見 3 個風水毛病
11 小時前

術數家蔣匡文幫《蘋果》讀者睇家居風水，一連 4 集《風水輪樓

睇》將會實地視察 4 個不同地區的樓盤和單位。第一集到南昌站

匯璽睇一個實用 271 方呎開放式單位，呎價超過 2 萬元，是新晉

貴價屋苑，但樓盤卻位處「濕淫之地」，想生仔好艱難。單位內

部佈局犯了新樓常見 3 個風水毛病，包括：「火燒心」、「穿心

煞」及橫樑壓頂，影響住戶健康，需要作小佈局趨吉避凶。不過

戶戶風水大不同，所睇單位窗外望見大帽山，有利文昌可成名，

轉入九運（2024 至 2043 年）事業財運更可旺多 20 年。

蔣匡文表示，睇風水最緊要睇「龍、砂、水、穴」。龍代表山脈，

砂代表四周環境，水代表海又代表路，穴代表單位座向。4 方面

都好，代表有財、有地位、有老婆仔女兒孫、有壽等等，缺少 1

至 3 樣，某方面或有缺失，例如「窮書生但相識滿天下」等。

匯璽門口開吉星
從外圍環境而言，他指，匯璽位處填海地，又稱「濕淫之地」，

求丁較難，「唔係話無仔生，係辛苦啲，機會低啲，生女就無問

題。如果有晒仔女或唔想生仔，咁咪無問題囉。」他睇風水有所
謂「排龍訣」，根據建築物四周的路有一種計算方法，結果有

12 個，其中 5 個屬吉，一般主有福，有利功名利祿等；7 個屬凶，

或不利六親、財運、事業等，而匯璽所得結果為吉星，代表有福。

匯璽位處填海地，又稱「濕淫之地」，求丁較難。

北望大帽山可成名
今次睇風水的單位是一個開放式單位，實用面積 271 方呎，業主

花 600 多萬元買入，呎價超過 2 萬元。客廳窗向正北，大門向正

南。由窗戶遠望可見大帽山，是香港最高的山，稱「祖山」，山

脈延伸至九龍散開 9 條山脈。從單位可見，由最高山峯，一層層

向下而落，見其他山峯，是「層層下殿」之格局，不同座向有此

格局會有不同效果，目前這個單位正北而言，屬吉利，「大帽山

好似支筆，望到係有利文書工作嘅人，可以出到名。」不過，近
一點看見望到一幢大廈外形似有個口，容易招惹是非，「遇到唔

好嘅流年會遇到麻煩。但如果佢做文書工作，反而就啱咗佢命格。」

據了解業主是一名老師，正迎合了他的命格。蔣補充：「咁就無

乜問題，至多背後好多學生說三道四咁講佢囉。」

近一點看見望到一幢大廈外形似有個口，容易招惹是非。

外圍環境有一弊處，蔣指：「窗外見到一個地盤，如果開咗工，

天秤對住，好似把劍。單位風水雖然好，但今年就麻麻地，因為

今年正南是病符位及三煞位，正北是太歲位，而家太歲位動土。

去到明年就會好，所以唔係話間屋好風水就永遠都好，呢個就係

風水輪流轉嘅概念。」趨吉避凶方法簡單，可落窗簾或用塊鏡照

住天秤。
窗外見到地盤天秤，可落窗簾或用鏡照住。

單位開門旺多 20 年
龍、砂、水為四周環境，穴指單位座向，因應時空轉移，單位氣

場會有不同改變。地運每 20 年轉一次，單位在何時入伙就算是

該地運的樓，目前是下元八運，那麼今次睇的單位就屬於八運樓。

知道本身地運，單位有一個先天的數值佈局，由 1 至 9 按九宮格

分佈，即坊間謂「二黑病符」、「五黃災煞」、「四綠文昌」等。

然後先天佈局配以時間改變有不同配合，正是人人都知道的「夾」，

蔣舉例：「病符星到門口，一般人住落去咪病晒？但如果係醫生

護士住落去就非常旺。」那麼今次單位？蔣屈指一算，「呢個單

位八運同九運都旺，九運都有旺星到門口，夾到業主。」單位食

正龍脈，又遇吉星到位，住落豈非變李嘉誠？蔣回應，此屋身處
 填海地，
「大發呢就有限制，可以中上囉！你想做李嘉誠就唔得，

小康之家咁就得。」

單位食正龍脈，又遇吉星到位，住落豈非變李嘉誠？蔣匡文回應，始終在填海地，
「你想做李嘉誠就唔得，小康之家咁就得。」

3 個常見新樓風水毛病逐個睇
1. 火燒心：「呢間屋犯咗好多新樓嘅問題，廚房喺中間，稱『火燒

心』。（用電磁爐喎？）係咪都有熱力先？ 睇風水最緊要睇門、

主、灶，灶代表女主人身體健康，如果佢身體健康就好生養，如

果灶唔好，唔一定女人，男人都可以有問題。火燒心對屋內夫婦

身體有影響，今日社會有啲唔同，有啲係『無飯』夫妻，少動灶，

影響較輕。火燒心可以好多情況，視乎灶的座向，例如患癌、不

育等等，各樣來睇。而家好少少，盡量少用為妙。（風水擺設可
 以化解嗎？）我嗰派唔會信呢啲，一係用個櫃包住佢，用先開一

開，減輕破壞力。」

2. 橫樑壓頂：「客廳天花被 4 邊條橫樑壓頂，而該位置正是預留放

置睡床，「床頂上面一定無嘢砸住，砸住邊，邊到就會唔舒服。

解決方法，避開佢咪得囉。（坊間說放置玉石頂住有效？）無用，

最好避開佢。」

3. 穿心煞：又稱「穿堂煞」，不利聚財聚福，旺屋衰屋都容易變成

財來財去。「大門與客廳在一直線，由大門或窗可以一路望穿間

屋，好似你荷包穿窿俾人見到你有幾多錢咁。最簡單解決方法就

喺入門位裝布簾。」因應單位情況，主要為漏財，個別單位座向

不同，或影響健康，蔣曾見一例為戶主患心臟病。

火燒心
橫樑壓頂

穿心煞