Professional Documents
Culture Documents
Ina ng Manunubos
ANG DAAN NG KRUS SA MGA MATA NI MARIA
Ang pagninilay ng Daan ng Krus na ito ay kaiba sa nakaugalian na
nating pagdarasal at pagninilav ng gawaing nakagisnan na ng
maraming mga Pilipino. Ito ay sapagkat ang Daan ng Krus na ito ay
naaayon sa kung papaano nasaksihan at napagnilayan ng Mahal na
Birheng Maria ang pagpapakasakit, paghihirap at pagkamatay ng
kaniyang anak, ang ating Panginoong Jesus. Siya ang unang saksi sa
lahat ng mga pinagdaanan ni Jesus, at siya rin ang unang Kristiyano
na nagsagawa ng pagninilay sa Daan ng Krus ng kanyang anak, ang
ating Panginoong Jesucristo. Sa kanvang pagsubaybay sa landas ng
kanyang anak patungong Kalbaryo, tayo rin ay inaanyayahan na
magnilay, manalangin at damahin ang naramdaman ni Maria. Siya
ang gabay natin sa Daan ng Krus sapagkat "natanim sa isip ni Maria
ang lahat ng ito at kanyang pinagbulay-bulay" (Lc 2:19).
PAMBUNGAD NA AWIT
O Diyos sa kalangitan, Iyong itulot sa amin
Hari ng sangkalupaan, Diyos Amang maawain,
Diyos na walang kapantay, mangyaring aming dalitin
mabait lubhang maalam hirap, sakit at hilahil
at puno ng karunungan. ng anak mong ginigiliw.
PAMBUNGAD NA PANALANGIN
Ama naming mapagmahal, isinugo mo ang iyong Bugtong na Anak
mula sa kalangitan upang maging tao sa sinapupunan ng Mahal na
Birhen. Siya'y naging iyong Salita ng Kaligtasan para sa amin.
Pagindapatin mo na tulad ng Mahal na Birhen ay buong puso
kaming maka-pakikinig sa iyong salita at mapagnilayan ang landas
ng misteryo ng aming katubusan. Hinihiling namin ito sa
pamamagitan ni Jesukristong Anak mo, na nabubuhay at naghahari,
kaisa mo at ng Espiritu Santo, iisang Diyos, magpasawalang
hanggan. Amen.
Sa kabigatan ng krus
na pinapasan ni Hesus
ay agad napasubasob,
sa lupa’t mga alabok
ang mukhang kalunos-lunos.
Kung itindig niya naman
nanginginig ang katawan
at halos di makayanan,
sa di kawasa’y napagal
tumaha’t nagtanaw-tanaw.
Dali-daling pinalakad
niyong mga mararahas
bago’y lubhang naghihirap,
nangangalay ang balikat
ipinagtulakang agad.
Ay ano’y sa masakitan
ang mahal niyang katawan
nasubasob at nasungabang,
ang mukha’y naaagusan
ng pawis at dugong tunay.
Naghihirap na totoo
ang Poong Divino Verbo
pagod na di mamagkano
at malayo pa nga rito
yaong bundok ng Calvario.
At dito ng sa paghubad
niyong damit ng Mesiyas
ay nabaguhan ng antak,
sa di kawasang hirap
sa pagpaknit nga ng sugat.
Itong Korderong marikit
walang kibo’t walang imik
nagbabata’t nagtitiis,
ng di mamagkanong sakit
dahil sa taong bulisik.
PAGBABASBAS AT PAGHAYO
PANGWAKAS NA AWIT
Tayo namang taong lahat
sa kaniya’y makitulad
magtiis ng madlang hirap,
at ng magkamit patawad
sa Diyos Haring mataas.