PAGLIGO SA PATAY

1. Pumili ng taong magpapaligo sa patay, isang mapagkakatiwalaan at maalam sa mg alituntunin

ng paliligo. Mas mainam kung ito ay isang kamag – anak.
2. Maghanda ng tubig na malinis, hindi galing sa masama at katamtaman ang init.
3. Tanggalin ang damit ng bangkay, at takpan ang kanyang awrah (bahagi ng katawan ng tao na
hindi dapat ipakita sa iba).
4. Kung ang mata ng bangkay ay nakabuka pa dapat itong isara gayundin ang kanyang panga.
Ang kanyang kasu – kasuan ay palambutin upang hindi mahirapan sa pagligo, ngunit kung ito
ay matigas na huwag nang ipilit. Kapag madumi naman ang kanyang ngipin, kailangan itong
linisan gamit ang hintuturo. Putulin ang kuko sa kamay at paa nang hindi lumalagpas sa balat,
tandaan na laging nauuna ang kanan bago ang kaliwa. At kung ito ay lalaki na may bigote
lagpas sa kanyang labi, dapat itong putulin.
5. Iangat nang dahan – dahan ang kanyang ulo hanggang sa halos siya ay makaupo at habang
nakaalalay sa kanya ay dahan – dahang diinan pababa ang kanyang tiyan upang mailabas ang
mga nananatiling dumi.
6. Linisin ang maselang bahagi, kailangang gumamit ng puting tela na ibabalot sa kaliwang
kamay ng nagpapaligo sa paglinis nito. Kapag may nakitang dumi sa tela ay kailangan itong
palitan at muling linisin ang bahaging ito ng kanyang katawan hanggang sa wala ng makitang
dumi.
7. Wudhuan ang bangkay, ngunit hindi na kailangang mumugan bagkus ay babasain na lamang
ang kanyang labi at ilong.
8. Bago magsimula sa pagpapaligo, kailangan munang takpan ang parte ng kanyang katawan na
may butas. Gamit ang bulak takpan ang kanyang ilong at tainga, nang sa ganoon maiwasan
ang pagpasok ng tubig sa kanyang katawan.
9. Pwede nang magsimula sa pagpapaligo ng patay, lagyan ito ng shampoo. Pagkatapos ay
sabunan ang buong katawan nito, una muna sa kanang bahagi nito bago sa kaliwa.
Kinakailangan na nakatagilid ito upang masabunan ng maayos ang kanyang katawan. Upang
hindi na mahirapan sa pagpapatagilid, ipatong ang kanang paa nito sa kaliwang paa. Gayundin
sa kaliwa, ipatong ang kaliwang paa sa kanang paa. At pagtapos ay banlawan na ito.
10. Nang matapos banlawan, dapat kumuha ng puting tela at muling ipasok sa maselang bahagi
nito at tingnan kung may dumi. Kung may nakitang dumi marapat lamang na ulitin ang
proseso simula sa pagwuwudhu hanggang sa mabanlawan ito. Kung may dumi uli ay dapat
ulitin ang buong proseso, maaari itong ulitin hanggang sa tatlong beses. At kapag sa
pangatlong beses ay nakitaan pa rin ng dumi ang telang ipinasok sa maselang bahagi, wag ng
mag – alala at hayaan na lamang ito. At maaari nang isagawa ang pagbabalot basta nagawa
ito ng tatlong beses.
PAGBALOT SA PATAY

1. Ilagay muna ang pitong tali na kinuha sa puting telang gagamitin sa pagbalot.
2. Ilatag na ang tatlong puting tela at pagpatung – patungin ito.
3. Pahigain na ang bangkay sa ibabaw ng mga telang pambalot.
4. Palitan ng puting tela ang towel na nakapatong sa kaniyang maselang bahagi, ito ay
magsisilbing harang sa maselang bahagi nito.
5. Pasakan ng bulak ang bawat butas kanyang katawan.
6. At pagkatapos ay ibalot na ang bangkay. Unang itiklop ang kanang bahagi ng tela at isunod
ang kaliwang bahagi nito. Gawin ito hanggang sa pangatlong tela.
7. At pagkatapos ay talian na ito.