‫مشهد انتظار الحافلة‬

‫بما ان الحدث يحتاج مونولوجات توضح نظرة الشاب لهذه الفتاة وما يفكر تجاهها‬
‫ف جعلت شخصية الشاب مع صديقه يروي له ما يشعر وما حدث انذاك‪ ,‬تتناوب‬
‫اإلضائة اثناء روي الحدث من مشهد الى اخر بين البلكون والخشبة اثناء تمثيله‬

‫الديكور العام ‪ ..‬في المسرح الدائري‬

‫الشخصيات ‪ 4 :‬شخصيات‬
‫( ‪ -1‬الشاب الضيف (عازف البيانو) على البلكون ‪ -2..‬الصديق ‪-3...‬‬
‫الفتاة‪ -4.........‬الممثل الذي يمثل دور الشاب الضيف ( عازف البيانو) على‬
‫الخشبة )‬
‫على الجانب االيمن من المدرجات ( البلكون ) يجلس شابان على طاولة ‪ ..‬ممكن‬
‫وجود ارغيلة او متة ‪ ..‬للداللة ان شخص يزور صديقه المقرب في بيته ‪..‬‬
‫‪ -1‬المشهد االول ‪ ( :‬على البلكون)‬
‫يبدأ ب انتظار العازف لصديقه على الطاولة وهو يحمل منديل لونه لون‬
‫انثوي ممكن موف او زهري ‪ ..‬اي شي مناسب‪,‬‬
‫اضاءة خافتة نسبيا ‪ .‬الى حين قدوم الصديق ‪ ..‬حامال معه ابريق المتة تشتد‬
‫االضائة ‪ ( .‬جهاز واحد بحيث يوضح مالمح وجه الشابين )‬
‫الصديق ‪ :‬وهي المتة اجت ‪ ..‬هات لشوف شو قصة هالمنديل هاد بدك‬
‫تحكيلي التفاصيل‬
‫العازف‪:‬‬
‫هاد يا سيدي بمتل كل يوم بفيق الصبح بكير كاسة نسكافيه مع موتزارت او‬
‫موسيقى البيانو المفضلة عندي او شي من الطقس السرياني الشرقي بنزل‬
‫عادوام تبعي بالمعهد العالي للفنون المسرحي‬
‫بس عغير العادة بهاليوم بكون متحمس ومبسوط بلبس تيابي بزبط حالي‬
‫لكون متألق كحدا رح يعزف بيانو بلمعهد العالي للفنون المسرحية‬
 ‫وبكون مبسوط ألني عم شارك بأول عرض مسرحي ‪ ,‬موسيقى تصويرية‬
‫بيانو اليف من تأليفي ‪,‬ب هاليوم باحتفالية يوم المسرح العالمي‪ .‬يوم كبير‬
‫ومهم عندي‬
‫الموعد بيبلش‪10‬تمااما‬
‫بنزل من بيتي النطر السيارة الي الزم تاخدنا المبعوتة من ادارة المعهد‬
‫منشان تسهيل قدوم الممثلين والمؤدين باعتبارو يوم مهم وبدو يحضرو‬
‫شخصيات مهمة ‪.‬‬

‫‪ -2‬المشهد الثاني ( على الخشبة )‬

‫تنتقل االضائة على خشبة المسرح و يطفئ على البلكون‪ ..‬فيكمل تادية‬
‫الدور الممثل الذي يمثل شخصية العازف على الطرف االيسر للمسرح ‪(..‬‬
‫جهاز فرينيل بشكل بقعة غير محددة الحواف ‪) .‬‬
‫لك اي وهللا تاخر الباص !!!!!!! ‪ ..‬شو منشانن قال منشان يسهلو علينا قال‬
‫‪ ...‬اي مسخرة هي صرلي نص ساعة واقف شو منشانن‬
‫(يحمل الموبايل يتصل باحد المسؤولين عن التنظيم )‬
‫صباح الخير ‪ ..‬شو منشان الباص ‪ ..‬ايمتا بدو يجي عنا بروفات ‪ ....‬نعم ؟؟‬
‫وصلو من ساعة ‪ .. ...‬مبارح ‪ ...‬عالفيس بوك كتبو ‪..‬بحيات ربكن ‪..‬‬
‫ماشي ماشي ‪ ..‬باي ( بامتعاظ)‬

‫‪ - 3‬المشهد الثالث ‪ ( :‬على البلكون )‬

‫قعدت احسبا اذ بدي اركب اي شي من محل ما أنا ساكن مع الحواجز‬
‫بدي وقت عاألقل ‪ 45‬دقيقة و مستحيل انو يتغير وقت العرض‪ . .‬و عنا‬
‫بروفا قبل بنص ساعة من العرض ضمن عجقة هاالفكار وانا عم امشي‬
‫بيمرق قدامي شريط االتحضيرات والشغل والتعب ‪ ,‬ليش حتى ما يكون‬
‫العمل كامل ليش بكل اول فرصة وأول تجربة الزم يطلع مفاجأت ‪ ,‬بحس‬
‫انو الكون واقف عكسك ليختبرصبرك ‪ ,‬صرت فكر بوقتا انو بجد بدي‬
‫معجزة تحصل للحق اوصل عالموعد ‪ ,‬و ألول مرة بحياتي بكون شبه‬
‫مستسلم أو يائس بهاد الشكل ‪ ,‬وأنا عم امشي هالمعجزة بالفعل بتحصل ‪..‬‬

‫المشهد الرابع ‪ :‬مالحظات على المشهد ( على الخشبة )‬ ‫‪-4‬‬

‫( يدخل الممثل وهو يمشي بشكل عرضي في خلفية الخشبة قريبا من جدار‬
‫الكواليس الخلفية وهو وينظر لساعته كل كم خطوة وكانه مستعجل ‪,‬‬
 ‫الهدف ‪:‬اظهار االرتباك واالستعجال ‪ ,‬ال مانع من التكلم مع نفسه بمفردات‬
‫توضح امتعاظه لهذا التقصير‪ ....‬ال مانع من رسم طريق او ممر ضوء ليمشي‬
‫عليه او من الممكن المشي بشكل زيك زاك ال تتجاوز ال ‪ 20‬ثانية ‪.‬‬
‫الى ان يصل الى مكان تواجد مجسم يشبه السيارة حيث تجلس الفتاة‪ ..‬يتم‬
‫وضع هذ المجسم في الربع االول من المكان القريب لمنتصف المدرجات ‪..‬‬
‫المجسم مفتوح اليمين واليسار والمقدمة ‪ ..‬بحيث يستطيع الجمهور رؤية وجه‬
‫الشاب والفتاة على الجانبين ‪ .‬ومن االمام رؤية وجههما معا ‪.‬‬
‫حالة االضائة بالنسبة للسيارة‪ ..‬االفضل عدم اظهار وجود السيارة على الخشبة‬
‫الى حين رؤية الممثل للسيارة وانتباه الشاب الى الفتاة وهي تلوح له بيدها‬

‫(االضائة على السيارة تكون من ثالث اماكن ‪ ..‬جانبين يمين ويسار ومقدمة‬
‫جميعها بزاوية ‪ 60 – 45‬بحيث ال يظهر تشويه في الوجه ‪ ..‬من أي جانب‬
‫الجهاز المستخدم ديكوب ‪ ..‬محدد الحواف ‪ ..‬الدائرة اكبر من السيارة بنسبة‬
‫اكبر من حجم السيارة ‪..‬‬

‫صبية ؟؟؟ ( يقترب اكثر ) ‪ (.‬ينظر الى خلفه ) ‪ ,‬ال !!!! عم تأشر ألي ‪,‬‬
‫(يقترب اكتر) ‪ ,‬هي بعرفا !!!!! عنا بالمعهد بتدرس رقص‬
‫الفتاة ‪ :‬صباح الخير‬
‫الشاب ‪ :‬اهليين صباح النور‬
‫الشاب ‪ :‬انتي هوون ساكنة؟‬
‫الفتاة ‪ :‬انت كماان هوون ساكن ؟‬
‫الشاب ‪ :‬مو انتي رح ترقصي ؟ بأول عرض ؟‬
‫الفتاة ‪ :‬مو انت الي رح تعزف كمان ؟‬

‫الشاب ‪ :‬شكلك متأخرة لساتك هون شو القصة‬

‫الفتاة ‪ :‬اي كنت عأساس اطلع بالباص الي رح ياخدنا بس لهلق ما اجا و‬
‫تأخرت كتير ف سرقت سيارة اختي ألن هاد اول عرض مو شكلة خناقة مع‬
‫اختي مقابل ما اتاخر بهاد اليوم المهم ههههه‬

‫الفتاة‪ :‬تفضل خلينا نمشي ألن رخ نتأخر كتير و تنيناتنا عنا دور اساسي بهاد‬
‫العرض الزم نوصل بكير‬
‫تعتيم ‪.‬‬
 ‫‪ -5‬المشهد الخامس ( على البلكون )‬

‫العازف لصديقه ‪ :‬طبعا بركب وانا متفاجئ انو هللا بعمرو ما استجاب‬
‫بسرعة متل اليوم‬
‫وال مرة حكينا انا ويااها بس كل ما تضرب عيني بعينا منبتسم لبعض مو أكتر‬
‫‪,‬‬
‫كنت وقت اتدرب بيانو هي تكون بالقاعة عم تتدرب كمان ‪ ,‬كنت حس أنو في‬
‫اتفاق ضمني بيناتنا بدون تحضير مسبق بالحركات ‪ ,‬كانت ترقص عالموسيقى‬
‫يلي دندنا ‪ ,‬كأن في تواصل بيناتنا من نوع مختلف من خالل اصابيعي و‬
‫حركات جسما ‪ ,‬كنت احكي لرفيقتي بالدفعة انو انا معجب فيا بالرغم انو هي‬
‫يمكن ما كتير تكون حلوة بس انو عندا شي بيعجبني يمكن هاد التواصل‬
‫الغريب او الجديد ‪ ,‬هي البنت يلي كنت اتمنى ينفتح حديث بيني وبينا والي‬
‫كنت شوفا دائما صامتة او قليلة الكالم دائما قاعدة مع طالب دفعتا بس نادرا‬
‫ألمحا عم تحكي‪ .‬اليوم اانا معا بالسيارة وش لوش ‪ ,‬شخصيتا طلعت احالمما‬
‫كنت متوقع مبادرة جريئة متحمسة‪ ...‬واهم شي بتحكي طلعت مانا خجولة‪.‬‬
‫حسيت بتوتر شوي معا ‪ ,‬انو معقول الني كنت معجب فيا من بعيد وهي‬
‫الفرصة الي كنت اتمناها صارت اليوم اي عنجد معجزة‪.‬‬

‫‪ -6‬المشهد السادس‬

‫الشاب ‪ :‬بتعرفي عنجد محظوظ لهي الصدفة العجيبة اليوم انقذتيني انتي فبجد‬
‫شكرا‪,‬‬
‫هلق صحيح منشوف بعض كتير بالمعهد من بعيد بس لهلق انا ما بعرف اسمك‬
‫انا اسمي ابراهيم ‪ ..‬ناديني برو‬

‫الفتاة ‪ :‬تبتسم انا اسمي(نسما)‪ ..‬ناديني نهاوند‬

‫الشاب ‪ :‬ههههه لي بقا‪ . .‬نسما توقعت تقلييلي نسيم‪..‬نينا هيك شي انو نهاوند‬
‫ليش ؟؟؟‬
‫الفتاة ‪:‬‬
 ‫بيستهويني كتير اسمعو وانت كتير بتعزف هاد المقام وبتدخل عليه زخرفات‬
‫موسيقية من مقامات تانية و بتدمج شي كالسيكي مع شرقي قليل حتى يفكر‬
‫حدا بهيك شي ‪..‬‬
‫كنت وقت تعزف بالقاعة انبسط اكتر بالتدريب ‪ ,‬و هيك الحركات يطلعو‬
‫ارتجاليين معي ‪‬‬

‫الشاب ‪:‬‬
‫هاد من ذوقك‪ .‬اي وانتي كمان عفكرة لما تكوني عم ترقصي كنت حسك عم‬
‫تفرغي شي من جسدك كتير كنت استمتع بحركاتك ‪.‬انتي كمان حدا كتير‬
‫موهوب ‪ ( ,‬صمت ل عشر ثوان )‬
‫عندي سؤال بحب اسألو لكل حدا بحسو موهوب‬

‫شو بيعنيلك الرقص ؟‬

‫الفتاة تجيب ‪:‬‬

‫قليل كتير ناس بيفهموه ‪ .....‬او ممكن يدركوه‪ .‬معظم يلي بيرقصو بيفكرو‬
‫بالرقص مجرد تحريك جسد وتمطيط وليونة ‪ ...‬ألخ‬
‫بس انا بشوفو هو ال اعمق بكتير‬
‫بشوفو أداة لتعطي لجسدك حرية ‪ ,‬حرية وجموح وكسر الصناديق يلي بيكون‬
‫منظوم فيها الجسد بحركاتو الطبيعية البسيطة والمحدودة من لحظة والدته متل‬
‫بقية الناس الطبيعيين ‪.‬‬

‫انت قلي ؟؟ شو بيعنيلك البيانو او الموسيقى بشكل عام‬

‫الشاب ‪:‬‬
‫بشوف الموسيقى هي لغة هللا ‪ ...‬هي اللغة يلي بيصرخ من خاللها برواحنا ‪...‬‬
‫كتير منسمع بعض الناس بيقولو نادرا االله ما بيهمس بأذان بعض البشر ‪ ..‬انا‬
‫بحسو بيصرخ بادني صريخ من خالل اوتار البيانو‬
 ‫يمكن هاد واحد من طرق التواصل بين البشر وااللهة من خالل بعد تاني‬
‫مختلف هو بعد موسيقي ‪.‬‬

‫الفتاة ‪ :‬ما بتخيل الموسيقى او حتى الرقص ‪ ..‬كافي انو نسميهن لغة ‪.‬‬
‫الشاب ‪ :‬ليش ‪ ..‬؟؟‬
‫الفتاة ‪ :‬الموسيقى مو مجرد لغة ‪ ,‬بالنسبة الي اذا قلت انها لغة فأنا عم أطرها‬
‫هيي أكتر من هيك بكتير وكمان الرقص‬
‫ألن ‪ :‬مثال الراقصين الحقيقيين اانا بشوفن هنة اشخاص روحانيين ‪ ,‬بس بشكل‬
‫مختلف بحس انو بحركاتن بيكونو عم يعملو طقس مختلف من طقوس الصالة‬
‫لعالم غير محدود الوصف بمجرد الكلمات ‪ ,‬ألله من نوع مختلف عن‬
‫المعروف للبشر ‪ ..‬ف لهيك اذا نحنا عم نحكي عن لغة ‪ ,‬فهي أكيد شي محدود‬
‫الن دائما ‪ .‬منمرق بأحاسيس او مشاعر الكلمات غير كافية لتوصفها ‪.‬‬

‫الشاب ‪:‬‬
‫لكان شو الكلمة المناسبة لتوصف هاد النوع من التواصل ؟؟؟‬

‫الفتاة‪:‬‬
‫سميه نشوة ‪ ......‬لما الواحد بيوصل للنشوة بروحو وجسدو ‪ ..‬كانو عم يسافر‬
‫برحلة للجنة ويرجع من جديد وما فينا نوصف شعور النشوة اال بكلمات بسيطة‬
‫بتعبر عن قشور الشعور الحقيقي ‪..‬‬

‫الشاب ‪ :‬ممم قنعتيني‬

‫بتعرفي‬
‫يمكن فهمنا الالمقصود لهي المعادلة ‪ ..‬هي الي كانت تخلي اتفاق بيناتنا من‬
‫خالل رقصك وعزفي ‪ ..‬و متل ما قلتي كان يطلع كلشي ارتجالي ‪ ..‬ال ابدا ما‬
‫كان ارتجالي‪ ..‬يمكن كنا عم نعمل صالة خاصة فينا ‪ ..‬بدون ما نلعن هاد الشي‬
‫لبعض وعم نتواصل بادواتنا المميزة هلق توضح كلشي ‪..‬‬
‫انا ليش ما بعرفك من زمان (مع ابتسامة) ‪ ..‬‬

‫الفتاة‪:‬‬
‫تبتسم ابتسامة خجولة وتنظر الى الشاب وتقول ‪:‬‬
 ‫تحليلك كتير عميق للي كان يصير ‪ ..‬ما فكرت بهيك شي من قبل ‪.‬‬
‫بتعرف‪ ......‬بحس كل نوع فن بيوصل لنشوة مختلفة بتفاصيال ‪ ..‬بشكل او‬
‫باخر ‪ ..‬بس كلن بيصبو تحت مسمى عام ‪ ..‬هو صالة‬

‫الشاب ‪ :‬هههه تماما صالة ألجل الفن ‪.‬‬

‫الفتاة ‪ :‬وأي نوع فن بيقود للشعور بالوصول لشي معين اما تفريغ او شحن‬
‫طاقة ‪.‬‬
‫الشاب ‪:‬‬
‫بتعرفي شو قال بيتهوفن ‪:‬‬
‫قال الموسيقى هي شكل من اشكال الطاقة ‪ ..‬والدليل عهالشي ‪..‬اذا منسمع‬
‫موسيقى حزينة تعابير وجهنا بيتغير ‪ .‬موسيقى فرج منبتسم ومنبتهج‪....‬‬
‫موسيقى راقصة جسدنا بيحس برغبة بالرقص او الحركة ‪ ...‬ف هي بشكل او‬
‫بأخر طاقة ‪ ...‬قدي عظيم هاد الشي‬
‫وقدي الفنون فيها عبادة من نوع خاص ومميز ‪.‬‬

‫ابتسامة من الطرفين ‪.‬‬

‫وصلنا ‪ ..‬يال الزم نلحق العرض ‪ ..‬ما عد في وقت للبروفا ‪ ..‬عشر دقايق‬
‫بيبدى العرض‬
‫ينتهي المشهد ( تعتيم )‬

‫يوجد خيارين ‪ ..‬إما ان يحدث عرض راقص بعد اطفاء االضائة في المشهد‬
‫السابق بسيط او رقصة بين شاب وفتاة ‪ .‬أو الخيار االخر‪ ,‬ننتقل باألضائة‬
‫للبلكون ويكفي الشاب كالمه لصديقه واصفا العرض ومعلقا على ما حدث‬

‫‪ - 7‬المشهد السابع (على البلكون)‬

‫الصديق ‪ :‬اي وشو صار بعدين‬
‫الشاب الضيف ‪ :‬انتهى العرض ‪ ..‬حيينا الجمهور ‪ ..‬التقينا بالكواليس هنينا‬
‫بعض بهاد االنجاز هدتني منديل كانت حاطتو على رقبتا بوقت الرقصة كذكرى‬
‫لهاليوم ‪ ,‬كان في نظرات بيناتنا كأنو عم نقول لبعض (شكرا ألان التقيتك )‪.‬‬
 ‫كنت باكتر لحظات مستمتع فيها بالعزف بحياتي ‪ ,‬كنت عم اذكر النقاش يلي‬
‫صار بالسيارة يمكن حديثنا عن هي الصالة كانت اقوى بروفا نفسية الي وأال قبل‬
‫العرض ‪ ,‬وكان مهم أللنا تنيناتنا لنوضح ونذكر حالنا نحنا شو عم نعمل ‪ ,‬وشو‬
‫اهمية الفن بالنسبة النا يلي ممكن بلحظات حتى نحنا نتناساه ‪.‬‬

‫الصديق‪ :‬ايواااا عم قولل لي محتفظ بالمنديل ‪ ‬عشقتا للبنت ‪ .‬مو هيك ‪ ..‬؟‬

‫الشاب ‪:‬‬
‫ما عشقتا ‪ ...‬اختفت اللهفة عليها تاني يوم مباشرة ‪ ,‬كتيرمستغرب يلي صار ‪ ,‬مع‬
‫العلم كنت متمني فرصة الحكيا ‪ ,‬هيك حسيت اني اخدت يلي بدي ياه منها وما‬
‫عد عندا شي الي ‪,‬‬
‫يمكن احيانا االنسان بيكون بحاجة لمرور عابر سبيل يفهمو أو يحكي او يقضي‬
‫شهوتو معو بالحديث ‪ ,‬وبعدين يتركو ويمشي‬
‫بلحظتا رح يكون مستمتع بالحديث ويمكن موصل لدرجات رياحة ورضا عن‬
‫الذات كتير‪ ..‬بس هالرغبة بس تنقضي بتنتهى بسرعة حتى اشعار اخر ليرجع‬
‫يحس بهي الرغبة او ليجي عابر سبيل اخربظروف مختلفة ‪.‬‬
‫ما بعرف اذا هل هاد الشي اسمو نضج ‪..‬؟ ام هي المراهقة بعينا ‪ ..‬؟‬
‫الصديق ‪:‬‬
‫فعال سؤال بيحيير ‪ ..‬وتخيل ي رفيقي انك ما وصلت لهاد الشي اال ألن الباص‬
‫راح عليك بهداك اليوم ‪ ..‬ه ه ف تعيش وتاكل غيرا ‪ ( ..‬تعتيم )‬