MENSAHE NG PAGTATAPOS & PAGLALAHAD NG KALAGAYAN NG PAARALAN
SY 2020-2021
Maligayang Pagtatapos at Angat-Antas 2021!!!
Kaakibat ng buhay ng tao ay pagbabago. Ang bawat yugto nito ay dumaraan sa ibat-ibang pagsubok na maaring mapagtagumpayan o ikabigo ng isang tao. At sa bawat pagkabigo, may natutunan tayo. Ang School Year 2020-2021 ay puno ng pagsubok sa ating personal na buhay, sa ating pamilya, sa ating trabaho at higit sa lahat sa ating pag-aaral. Nakaamba pa rin ang takot at pangamba dulot ng pandemya. Sa kabilang banda, ito ang panahon na ipinamalas natin ang ating katapangan, pagkakaisa at pagmamahalan. Sa mga batang magsisipagtapos at aangat-antas, binabati ko kayong lahat, napagtagumpayan ninyo ang isang matinding hamon sa inyong pag-aaral. Ang katunayan ng inyong pagtatapos at angat antas ay bunga ng pagsisikap at pagtitiyaga at sa tulong at gabay ng inyong mga magulang, mga guro at ng Poong Maykapal. Sa mga magulang, lubos ang aking pasasalamat at kasiyahan sapagkat hindi ninyo binitawan ang inyong mga anak sa kabila ng malaking pagbabago sa paraan ng kanilang pag-aaral. Sa mga guro ng Sampaloc Integrated School, isang karangalan ang makasama kayo isang taon ng pagpapagal at pagsasakripisyo upang maihatid at maisakatuparan natin ang dekalidad na edukasyon sa gitna ng pandemya. Higit nating pinatatag ang ating edukasyon sa kabila ng hamon ng pandemya. Ito ay bunga ng aktibong pakikisangkot at partisipasyong ng mga educational stakeholders upang maibigay ang kailangang tulong para sa paaralan lalo’t higit sa ating mga mag-aaral. Hayaan ninyong ilahad ko sa inyo ang kalalagayan ng ating paaralan sa nakalipas na SY 2020- 2021. Ang ating Local Government Unit sa pangunguna ng ating butihing Municipal Mayor, Dr. Cynthia G. Linao-Estanislao, ang paaralan po natin nabigyan ng pondo under SEF-LSB Fund ng Php 307, 600.00 na halaga ng mga bondapapers, printer ink bottles, printer, external drives at laptop, na basic needs para sa modular delivery of instruction. Gayundin naman, Malaki ang bahagdan ng School MOOE ang inilaan sa modules na ginagamit ng mga bata sa printed modular instructions. Mayroon po tayong Php 347, 000 na School MOOE sa Elementary at Php 218, 000.00 sa Secondary na kapwa na naglaan tayo ng malaking pondo para sa modular instructions. Kasama po dito ang pagbili ng mga classroom supplies, COVID related supplies. Kasama rin po dito ang Repair of School Facilities, GAD, DRRM, Senior Citizen at Graduation expenses. Sa kabila ng kakulangan ng paaralan sa pondong pinansyal, naisakatuparan pa rin ang mga programs, projects at activities sa tulong mga guro, mga magulang, mga GPTA officers, mga volunteer personnel. Sa katunayan, isa sa highlights ng School Year na ito ay ang pangunguna ng paaralan sa Community Pantry para sa 7 sitios na sakop ng paaralan. Ang patuloy na pagtulong ng PNP- SAF ng Morong, Bataan sa mga Gawain ng paaralan para sa Oplan Kalaykay at Clean & Green Program. Sa pakikipagtulungan ng mga magulang, guro at local na pamahalaan ay nasimulan na ng ating paaralan ang Application for the implementation of senior high school, offering Humanities and Social Sciences Strand at General Academic Strand upang hindi na bibiyahe at gagastos ang mga magulang at bata sa pag-aaral ng Senior High School at mailapit natin ang paaralan sa mga sitio communities. Ang pagnanais na mapaunlad natin ang ating paaralan ay ang pagnanais natin na mabago ang buhay sa hinaharap. Kaya pagsumikapan natin patatagin ang ating puso at isip sa gitna at pagkatapos ng pandemya, mayroon at walang pandemya!!! Muli, Maligayang pagtatapos!!! Gabayan nawa tayo ng Poong Maykapal!!!