Ang Repormasyon

Sa panahon ng Renaissance, napasok ang Simbahang Katoliko sa isang

magulong sitwasyon. Ang mga Kristiyano mula sa iba’t ibang antas ng tao sa lipunan
ay naging mulat sa nagaganap na katiwalian at makamundong gawain sa Simbahan.
Mula sa bibig ng isang magsasaka/magbubukid, “Instead of saving the soul of the dead and
sending them to heaven, the clergy gorge themselves at banquets after funerals. They are wicked
wolves! They would like to devour us all, dead or alive.”
Mula sa ganitong damdamin, sumibol ang bagong panawagan para sa reporma.
Sa Panahong Medyibal, nilinis ng Simbahan ang kanilang institusyon. Ngunit noong
1500, ang panawagan sa reporma ay nawasak sa pagkakaisa ng mga Kristiyano sa
Europa. Tinawag itong Repormasyon.
Dito nagsimula ang paghihiwalay ng mga Protestante sa simbahang Katoliko
Romano, gayunpaman hindi nagpabaya ang mga Katoliko Romano, sinimulan nila ang
pagbabago sa sariling relihiyon nang hindi binabago ang kanilang doktrina.

Mga Dahilan ng Repormasyon

Noong ika-14 at ika 15-siglo, tinuligsa nina Jan Hus at John Wycliffe ang mga
kaugalian ng Simbahang Katoliko. Ang kanilang paniniwala ay nag-ugat sa kanilang
mga opinion na ang Simbahan ay nagiging makamundo at tiwali.
Pagsapit ng ika-16 siglo, ang hindi pagsang-ayon sa Simbahan ay lumawak, lalo
na sa Germany, dulot ng sumusunod na mga kadahilanan.
• Ang pagkontrol ng Italy sa karamihan sa mga posisyon sa Simbahan.
• Ang mabigat na buwis na hinihingi ng Simbahan.
• Ang mga katiwalian sa Simbahan tulad ng pagbebenta ng indulhensya. Ang
indulhensya o indulgences ay ang pagbibigay-kapatawaran sa mga kasalanan.
Ang isang makasalanan ay dapat mangumpisal sa pari, humingi ng
kapatawaran, magpakita ng pagpapakumbaba sa pamamagitan ng pagsisi at
pagpapabuti sa tulong ng pag-aayuno at pagdarasal.

Ang pagbebenta ng indulhensya ay nakita nang hayagang nangampanya

Upang mangalap ng pondo si Papa Leo X noong 1514 para sa pagsasaayos ng
simbahang St.Peter sa Roma. Ito ang nagbigay-daan sa protestang isinagawa ni Martin
Luther, isang mongheng Aleman na nagturo ng Bibliya sa Unibersidad ng Wittenberg.
Nabagabag siya sa damdaming makasalanan at nangamba nab aka hindi makapasok sa
langit. Pagkaraang pag-aralan ang kanilang emosyon, nagging kumbinsido siya na ang
tao ay maaaring maisalba lamang sa tulong ng grasya at pananampalataya sa Diyos.
 Noong Oktubre 31, 1517, nagpaskil si Luther ng isang dokumento , na tinawag
na 95 Theses, sa pintuan ng Simbahan ng Wittenberg. Naglalaman ito ng kanyang
protesta sa patakaran ng Simbahan at ang pagbebenta ng indulhensiya upang matamo
ang kaligtasan. Sa pamamagitan ng Papal Bull, binalaan si Luther ng Papa na siya ay
papatawan ng parusang excommunication kung hindi niya babawiin ang mga sinabi.
Ang excommunication ay ang pagtitiwalag ng Simbahang Katoliko sa isang miyembro na
tumutuligsa sa mga aral, patakaran, at paniniwala ng Simbahang Katoliko. Ang Papal
Bull ay isang kasulatan galling sa Papa na naglalaman ng mahalagang anunsiyo at iba
pang pansimbahang kasulatan.
Upang sagutin ang protest ani Luther at ang nabubuong kilusan ng mga
Protestante, tinipon ng Simbahang Katoliko ang Diet Worms, isang asembleya ng mga
estado ng emperador ng Banal na Imperyong Romano na ginanap sa lungsod ng
Worms sa Germany. Namuno si Charles V sa pagtitipon na nangyari noong Enero 28
hanggang Mayo 25, 1521. Ipinatawag si Luther sa Diet upang ipaliwanag ang panig
niya. Pagkatapos ay inilabas ng Simbahan ang Edict Worms, isang decree na
pinangalanan si Luther na isang bandido at heretic o erehe. Ipinagbawal ng decree ang
kasulatan at pagtuturo ni Luther. Ipinaaresto rin si Luther ngunit ipinakulong na
lamang siya ni Frederick III. ( The Wise ) sa kaniyang kastilyo sa lungsod ng Wartburg
sa Germany. Si Frederick III ay isa sa mga sumuporta at dumepensa kay Luther at
siyang nagtatag ng Unibersidad ng Wittenberg sa Germany.
Ang pagtutol ni Luther sa indulhensiya, pagkuwestiyon sa kapangyarihan ng
Papa, at sa iba pang patakaran ng Simbahan ay nag-udyok din sa ibang tao na
magsimulang ilabas ang kanilang mga alinlangan tungkol sa Simbahan. Isa sa mga
naimpluwesiyahan ni Luther ay si John Calvin ( 1509-1564 ), isang theologian na Pranses.
Siya ang nagtatag ng Calvinism o Reformed Theology.
Ang Paglawak ng mga Aral ni Luther

Walang tigil ang pag-atake ni

Luther sa simbahan ng Roma sa
kaniyang mga sermon at mga
sulatin. Matapos siyang mag-
ekskomunikado, sinimulan niyang
magtatag ng sariling simbahan. Ang
kaniyang mga isinulat ay kumalat
at nabasa ng marami.
Itinuro ni Luther na ang bawat
tao ay may direktang pakikipag-
ugnayan sa Diyos. Maraming
Katoliko ang sumama at tinanggap
ang kaniyang paniniwala. Tinawag
na Lutheranismo ang relihiyong kaniyang itinatag. Maraming mga prinsipe sa
Germany ang naakit sa itinatag niyang relihiyon kung kaya’t nahati ang kaharian sa
dalawa. Nagkagulo ang dalawang kampo at lumala ito hanggang sa ito ay nauwi sa
isang digmaang sibil. Nang ipagbawal ng mga lider Katoliko ang mga kagawian ng
mga Lutheran sa mga Katolikong lugar, maraming prinsipe ang nagprotesta. Ang
protestang ito ay ang pinagmulan ng sariling protestante.
Sa Hilagang Germany at Scandinavia, yumabong ang mga ideya ni Martin
Luther. Noong 1530, ginagamit na mga Lutheran ang katawagang “Protestante”.
Lumaganap ang ideya ni Luther sa maraming lugar sa Europa, lalo na sa
Scandinavia. Sinuportahan ng pamahalaang Sweden at Denmark ang Protestantismo.
Kinumpiska ng mga tagasunod ni Luther ang mga ari-arian ng Simbahang
Katoliko at ibigay ito sa mga paring Lutheran. Ipinagbawal din ang wikang Latin sa
misa at sa halip ay ginamit ang wikang Aleman. Pinayagan din ang mga paring
Protestante na mag-asawa.
Maraming grupo ang humiwalay sa Simbahang Katoliko. Ang ilan sa mga ito ay
ang sumusunod:
John Calvin ( Calvinism o Presbyterianism )

Si John Calvin ay isinilang sa

France at nagsanay bilang isang
pari at abogado. Noong 1536,
inilabas ang kaniyang aklat na
Institute of Christian Religion. Sa
aklat na ito ibinase ng mga
Protestante sa iba’t ibang sulok ng
Europa ang kaniyang mga
paniniwala. Nagbigay rin siya ng
payo kung paano mag-organisa at
magpatakbo ng simbahang
Protestante.
Katulad ni Martin Luther,
naniniwala si Calvin na ang kaligtasan ay maaaring matamo lamang sa pamamagitan
ng pananampalataya. Naniniwala rin siya na ang Bibliya lamang ang makapagbibigay
ng katotohanan tungkol sa relihiyon ngunit kaniyang idinagdag na ang Diyos ay ang
makapangyarihan sa lahat at ang mga tao ay likas na makasalanan. Ang Diyos lamang
ang nakaaalam kung ang isang tao ay dapat tumanggap ng walang hanggang buhay.
Itinuro ni Calvin ang ideya na predestination, isang ideya na nagsasabing ang Diyos
ang nakakaalam kung sino ang dapat tumanggap ng kaligtasan. Tinawag na Calvinism
o Presbyterianism ang tawag sa simbahang kaniyang itinatag.
Henry VIII ( Simbahang Anglican ng England )

Tumiwalag sa Rome ang

simbahan ng England sa
panahon ng pamumuno ni
Henry VIII nang hindi niya
nakuha ang pahintulot ng
Simbahan na hiwalayan ang
kaniyang asawang si
Catherine of Aragon.
Hiniwalayan niya at
pinakasalan si Anne Boleyn.
Iprinoklama niya rin ang sarili
bilang puno ng Simbahan ng
England. Sinang-ayunan ito ng
Parlamento sa pamamagitan ng Act of Supremacy ( 1534 ) bagamat mahigpit itong
tinutulan ni Thomas More, isang kaibigan ni Henry VIII at dati niyang Lord Chancellor
simula 1529 hanggang 1532.

Huldrich Zwingli ( Anabaptist )

Si Zwingli ay isang pari sa

Zunich , Switzerland na
napasama sa kilusang
repormasyon sa simbahan.
Noong 1529, nagkita si
Zwingli at Luther sa
Germany at nag-usap upang
maiayos ang kanilang
pagtatalo, lalo na sa isyu ng
sakramento. Para kay Luther,
naniniwala siya na ang hostia
sa komunyon ay tunay na
kumakatawan kay Hesus; samantala para kay Zwingli, ito ay simbolo lamang ng
kabanalan ni Hesus. Isa ito sa hindi napagkasunduan nila Luther. Tumiwalag si
Zwingli at nagtayo ng sarili niyang Simbahan, ang Anabaptist.

John Knox ( Calvinismo sa Scotland )

Siya ang nagpalaganap ng

Calvinismo sa Scotland at ginawa
niya itong relihiyon ng estado noong
1560. Iginiit ng mga Ingles ang
Protestantismo sa Ireland bagamat
nagging tapat sa Simbahang
Katoliko ang mga Irish. Ito ang ugat
ng hidwaan ng mga Katoliko at
Protestante sa Ireland.

Ang Kontra- Repormasyon ng Simbahang Katoliko

Sinikap ng mga Katoliko Romano na mapanumbalik ang mga tao sa Simbahan sa

pamamagitan ng Kontra-Repormasyon.

Konseho ng Trent

Noong 1545, tinawag ng Santo Papa ang mga

lider ng Simbahan sa Hilagang Italy upang pag-
usapan ang mga problema na kinakaharap ng
Simbahan. Hindi binago ng Konseho ng Trent
(Council of Trent ) ang mga pangunahing aral,
ipinagpatuloy ng mga Katoliko ang mga
prinsipyo na:
• Tanging ang Simbahan ang
magpapaliwanag ng Bibliya.
• Ang pananampalataya at mabuting gawa ay parehong magbibigay ng kaligtasan
at ang Papa ang pinakamataas at pinal na awtoridad sa Simbahan.
 • Ang mga ritwal sa Simbahan ay mananatiling kabahagi ng pananampalatayang
Katoliko, at ang mga pari ay hindi pinahihintulutang mag-asawa.
Nagrekomenda ng mahahalagang reporma ang Konseho ng Trent ( Council
of Trent ). Ipinagbawal nila ang pagbebenta ng indulhensiya at pinairal ang estriktong
disiplina para sa kaparian. Masusing pinili ang mga taong nais pumasok sa Simbahan
at nagbukas ng mga seminary na siyang magbibigay ng pagsasanay sa mga pari.
Naiwasto ang ilang kamalian ng Simbahan dahil sa mga aksiyong ito.
Nagkaroon pa ng ibang hakbang ang Simbahan bilang bahagi ng Kontra-
Repormasyon ( Counter-Reformation ). Sa mga Katolikong bansa, umiral ang inquisition
na nanakot sa mga Protestante ng kamatayan o pagkukulong. Nagkaroon din ang
Simbahan ng listahan ng mga aklat na ipinagabawal basahin ng mga Katoliko.Ang
listahang ito ay tinawag na Index Lirorum Prohibitorum o Index. Sa ganitong paraan ,
pinigilan ng Simbahan ang paglawak ng mga ideyang itinuring na heretic o taliwas sa
paniniwala at aral ng Simbahan.

Ignatius de Loyola

Itinatag ni Ignatius de Loyola ang Society of Jesus. Isa itong bagong order sa
relihiyon upang pagsilbihan ang Simbahan at ikalat ang mga aral ng Katolisismo. Ang
pinakauna sa mga orden ay ang Society of Jesus ng mga Heswita na pinasimulan ng
isang maharlikang Espanyol na nagngangalang Ignatius Loyola at inaprubahan ng
Papa noong 1540.
Sinikap ng Heswita na
panatilihin ang mga tao sa
Katolisismo, muling akitin ang
mga Protestante na
manumbalik sa
pananampalataya at mang- akit
ng bagong miyembro. Upang
maisakatuparan ang mga
layunin, nagtatag sila ng mga
kolehiyo at seminary at
nagpadala ng mga
misyonero sa iba’t ibang
lupain. Isa sa pinakakilalang misyonero ay si Francis Xavier na siyang nagdala ng
Katolisismo sa bansang Japan.
Ang Bunga ng Repormasyon

Ang Repormasyon ay may malaking impluwensiya sa kasaysayan. Ang ilan sa

bunga ng Repormasyon ay ang sumusunod:
• Ang pagkakaisa, na siyang pagkakakilanlan ng Kanluran at Gitnang Europa
noong Gitnang Panahon, ay naglaho nang mahati ang mga tao sa Katolisismo at
Protestantismo. Maging ang mga Protestante ay nahati rin sa iba’t ibang pangkat
tulad ng Calvinista, Presbyterian, Anglican, at iba pa. Ang ganitong dibisyon ay
nananatili hanggang sa kasalukuyang panahon, kung saan ang taga-Timog
Europa ay mga Katoliko at ang taga-Hilagang Europa ay mga Protestante.
• Pinalakas ng Repormasyon ang mga bansa sa pamamagitan ng mga simbahan,
maging Katoliko man o Protestante. Tinanggihan ng mga pinunong Protestante
ang awtoridad ng Papa.

Repormasyon- naganap noong ika- 16 na siglo.

- tumutukoy sa krisis panrelihiyon na kung saan ibinaling ng mga dating
Katoliko ang kanilang paniniwala sa ibang relihiyon o sekta.
Mga Dahilan ng Pag- usbong ng Repormasyon
1. Paghina ng kapangyarihan ng mga Santo Papa.
2. Pagkamulat ng tao bunsod ng panahon ng Renaissance.
3. Pagtuligsa ng ilang grupong kabilang sa estado sa kapangyarihan ng Santo Papa at
ng simbahan.

Mga Pinuno ng Repormasyon

1. John Wycliffe (1324- 1384)
- isang guro sa Unibersidad ng Oxford.
- tinuligsa niya ang kapangyarihan ng Santo Papa at ng mga obispo.
- ang mga tagasunod niya ay tinawag na Lollards
2. John Hus (1373- 1415)
- isang pari sa Bohemia na naging rektor ng Unibersidad ng Prague.
- tinuligsa niya ang karangyaan ng mga pinuno ng simbahan at ang pagbebenta ng
indulhensya.
- hinatulang mamatay sa pamamagitan ng pagsunog.
3. Girolamo Savonarola (1452- 1498)
- isang mongheng dominikano na tumuligsa sa labis na karangyaan ng mga maharlikang
mamamayan.
- dahil sa kanya napaalis ang Pamilya Medici sa Italya.
- nahatulang mabitay noong 1498.
4. Martin Luther (1483- 1546)
- isang mongheng Augustinian na isinilang sa Alemanya.
- tinuligsa niya ang maling panuntunan ng simbahan gaya ng indulhensya.
- ipinalabas niya ang Ninety Five Theses na tumutukoy sa 95 puntos laban sa mga gawain at
paniniwalang Katoliko.
- dahil na rin sa kanyang galing sa pananalumpati, maraming tao ang yumakap sa
paniniwalang Lutheranismo.
- maraming tumuligsa sa simbahan at ang pagtuligsang ito ay nagsilbimng protesta laban sa
simbahan, kung kaya binansagan ang Lutherano bilang mga Protestante at ang kilusan ay
tinawag na Protestantismo.

- lumaganap ang protestantismo sa Poland, Bohemia, Hungary, Norway, Sweden,

Denmark,Finland at maraming bahagi ng Europa.

Alemanya- unang bansang naging sentro ng Protestantismo.

Mga Tagapagtaguyod ng Protestantismo
1. Huldreich Zwingli (1484- 1531)
- itinuturing na tagapagtatag ng Protestantismo sa Switzerland.

2. John Calvin (1509- 1564)

- isang abogadong Pranses na sumulat ng Institute of the Christian Religion na naging batayan
ng mga tuntunin ng Protestantismo.
- itinuring siyang pinuno ng repormasyon sa Geneva.
- lumaganap ang Calvinismo sa Alemanya.

3. John Knox
- nagpalaganap ng Calvinismo sa Scotland
- itinatag niya ang Presbyterianismo.
- isinulat niya ang Confession of Faith.

Protestantismo sa Inglatera (1509- 1547)

Haring Henry VIII- naging susi sa paglaganap ng Protestantismo sa Inglatera.
- itinuring noon na Defender of the Faith
- hiniwalayan ang kanyang asawang si Catherine of Aragon.

Anne Boleyn- pinakasalan ni Henry VIII sa kagustuhang magkaroon ng anak na lalaki.

Mary- anak ni Henry VIII kay Catherine of Aragon.

- mas kilala bilang Bloody Mary.
Gintong Panahon ng Protestantismo
- nangyari ito ng umupo sa trono si Elizabeth na isang Protestante at pinaunlad nito ang
relihiyon. Itinaguyod niya ang simbahang Anglicano na pinasimulan ng kanyang ama.
Pagkakaiba ng Iba’t Ibang Sekta ng Protestantismo
Lutheranismo Calvinismo Zwinglinismo Anglicanismo
Hindi lahat ng Ang tao ay dapat Hindi naniniwala sa Nagtatalaga ng mga
sakramento ay na maging seryoso mga sakramento tuntunin gaya ng
mahalaga. sa kanyang buhay. sapagkat ang Diyos ang pananatiling banal
pinakamakapangyarihan ng mga pari
sa lahat ang sentro ng
pananampalatayang ito.
Pinakamahalaga sa Pagwawaksi ng Maari rin silang
lahat ng sakramento mga materyal at gumamit ng tinapay
ang sakramento ng makamundong at alak sa
pagkokomunyon. bagay. pagkokomunyon.

Paggamit ng Biblia Si Kristo ay

ang naging ipinadala upang
panuntunan ng sagipin ang mga
pananampalataya. tao sa kanilang
kasalanan kung
kaya’t nararapat
lamang na maging
mabuti ang mga
tao.

Kontra Repormasyon- binuo ito ng Simbahang Katoliko upang masagot ang mga
batikos ng mga Protestante at malunasan ang mga kahinaan nito.
Konsilyo ng Trent- ipinatawag ni Papa Pablo III noong 1545 na tumagal hanggang 1564.
Mga Diskreto ng Konsilyo
1. Ang kasulatan at tradisyon ay kapwa tanggap na panggagalingan ng doktrinang Katoliko.
2. Itinuturing na mahalagang bahagi ng simbahan ang Banal na Misa, sakramento, paggalang sa
mga santo at iba pang doktrina.
3. Ang pagtatakda sa mataas na antas ng kaasalan lalo na sa panig ng mga kleriko.
4. Paglalabas ng Index o listahan ng mga aklat na hindi dapat basahin ng mga Kristyano.
Ingkisisyon- Inquisition
- isa sa mga instrumento ng Kontra Repormasyon.
Kongregasyon ng Ingkisisyon- trabaho nitong magsiyasat o mag- espiya sa mga taong
hindi Katoliko ang pananampalataya tulad ng mga Protestante.
Index of Forbidden Books- listahan ng mga aklat na laban sa doktrina ng simbahan at
ipinagbabawal na basahin ng mga Katoliko.
Michael Servetus- sinunog noong 1553 pagkatapos tumangging itakwil ang kanyang
relihiyon.

Society of Jesus (mga Heswita)

- itinatag ni Ignatius of Loyola, na dating sundalong nagdesisyong maglingkod sa Diyos.
Kasama niya si St. Francis Xavier noong 1534.
Heswita- matatapang, at matatalino at nangunguna sa mga gawain para sa Kontra
Repormasyon.

Mga Bunga ng Repormasyon at Kontra Repormasyon

1. Nagkawatak- watak ang mga dating nagkakaisang bayan sa Europa.
2. Pagkakaroon ng maliliit na sekta ng Kristyanismo gaya ng Presbyterians, Puritans at
Anglicans.
3. Pagtatalaga ng mga pangunahing tuntunin sa Simbahang Katoliko.
a. vow of celibacy- hindi pag- aasawa ng mga pari.
b. vow of poverty- pamumuhay ng payak ng mga ito.
c. Pag- aalis ng simony
4. Pagkakaroon ng maraming digmaang panrelihiyon.
Ang Digmaang Schmalkaldic (1547- 1555)
- naganap sa pagitan ng mga Katoliko sa pangunguna ni Archduke Ferdinand ng Austria at ng
Schmalkaldic League ng binubuo ng mga Lutherang Aleman.

Iba Pang Digmaan sa Pagitan ng mga Protestante at Katoliko

1. Digmaang Huguenots (1562- 1598)
- labanan sa pagitan ng mga Calvinistang Pranses (Huguenots) at ng mga Haring Katoliko.
Nagtagumpay dito ang mga Huguenots.
2. Digmaan ng Kalayaan ng Olandes (1568)
- laban sa pagitan ng mga Olandes at mga Espanyol.
3. Tatlumpung Taong Digmaan (1618- 1648)
- itinuturing na pinakamahalagang digmaang panrelihiyon sa kasaysayan.
- labanan sa pagitan ng mga Katoliko (Espanya at Pranses) at Protestante (Denmark at
Sweden).
Kasunduan ng Westphalia- nagtalaga ng pagkakapantay ng dalawang relihiyon.