LIVING ROSARY 2021

Patara-tara:
Dios marhay na hapon saindo gabos mga tugang, ngonian na aldaw, bulan nin pag Sto.
Rosario. An Dios padagos na maantabay sa satuya. Padagos man kitang mag sarig sa tunay na pagtubod
asin pagkamoot, kaya ngonian, satuyang gigibohon an tradisyon na ini, an buhay nin pagpamibi o pag
Sto. Rosario na hagadon niato an tabang kan satuyang Mahal na Ina, na matapos na ining mga
namamatean tang kahorasaan sa buhay niato lalong-lalo na ining COVID-19 Pandemic orog na an
nagdadangadang na ELEKSYON 2022 na lugod magkaigwa nin matiwasay na pirilian.
Ngonian iandam niato an satuyang sadiri sa pagpoon.

(DOXOLOGY)

Leader: + Sa Ngaran kan Ama, Aki, asin kan Espiritu Santo.

Gabos: Amen!
: ( Nagtutubod . . . )
Leader: ( Ama Niamo . . . )
Gabos: ( 3 Ave Maria . . . )
( AWIT . . . )

ENOT NA MISTERYO: AN PAGKABUHAY LIWAT NI JESUS

Paghorop-horop:
An buhay kan sadiring mga kaluyahan asin kakundian sa buhay iyo an kapinonan kan pagsarig sa kabotan
nin Mahal na Dios, an satuyang pagsunod kan Dios iyo an madara sa bagong buhay, tanganing makaabot
kita sa langit na Kamurawayan.
Intencion:
Idolot niato an intensyong ini para sa gabos na naglilingkod sa Simbahan tanganing danay sindang magin
mga pananalmingan nin tunay na kapakumbabaan. Ipamibi man niato an satuyang Santo Papa, an
satuyang Arsobispo asin an gabos na mga Obispo asin Kapadian. Ipamibi niato na padagos sindang
antabayanan kan presencia nin Dios sa saindang paglingkod bilang mga Pastor kan Simbahan.
Leader: Ama Niamo . . .
10 Ave Maria . . .
Kamurawayan . . .
Gabos: Oh Jesus ko . . .

( AWIT . . . )

IKA-DUWANG MISTERYO: AN PAGSAKAT NI JESUS SA LANGIT

Paghorop-horop: Sinabi ni Jesus na an nagpapalangkaw ibabab asin an nagpapakumbaba,ilangkaw.
Lugod, sa satuyang paglakbay sa dalan nin buhay magkaigwa kita nin kapakumbabaan orog na sa
satuyang paglingkod sa kapwa, na maipahiling niato an tunay na paggalang asin pagmakulog sa lambang
saro.
Intecion: Idolot po niato an misteryong ini para sa lideres kan Nasyon kan Pilipinas poon sa Presidente
abot sa Kapitanes kan Batangay na nagmamawot na talikdan an saindang nakaagi asin magbagong buhay
tanganing makaabot kita sa kalangitan asin Kamurawayan.
Leader: Ama Niamo . . .
10 Ave Maria . . .
Kamurawayan . . .
Gabos: Oh Jesus ko . . .

( Awit . . .)

IKA-TOLONG MISTERYO: AN PAGHILIG KAN ESPIRITU SANTO SA MGA APOSTOLES

Paghorop-horop: Ipinadara ni Jesus an saiyang Espiritu tanganing magin giya sa satuyang
Cristianong pagkabuhay. Masabotan niato ab kabotan nin Mahal na Dios sa tabang kan Banal na Espiritu
kinakaipuhan niato na magin bukas sa pasabog kan Banal na Espiritu tanganing dai kita mapasala sa dalan
na satuyang pinaglalakawan.
Intencion: Idolot niato an misteryong ini para sa gabos na mga familia na logod sa paagi kan
intercession kan satuyang namomotan na Reina, orog na magkasararo sa pagkamoot asin
pagpapaka-banal. Ipamibi niato an gabos na mga Ina na siring ki Sta. Maria makapagtao kan maninigong
pag-ataman sa saindong mga aki. Ipamibi niato an gabos na miembro kan familia na padagos nindang
otobon an saindang mga katongdan para sa matiwasay asin magin pagkabuhay.
Leader: Ama Niamo . . .
10 Ave Maria . . .
Kamurawayan . . .
Gabos: Oh Jesus . . .

( Awit . . . )

IKA-APAT NA MISTERYO: AN PAGSAKATAN KI BIRHEN MARIA SA LANGIT

Paghorop-horop: Karangahan an dolot sa mga maimbod na nagsusunod sa kabotan nin Mahal na
Dios asin nagririmpos kaiyan sa bilog nindang buhay. Babalsan man kan Mahal na Dios an satuyang bilog
na pag-ako kan saiyang kabotan. Bubuksan man an kalangitan para sa satuya kun sa bilog niatong
pagkabuhay digdi sa kinaban yaon sa satuyang pagladayupot sa saiya.
Intencion: Idolot niato an misteryong ini para sa mga nagtitios, nabibilanggo, mga nanawaran nin
injusticia, mga kalamidad, bago, linog orog na ining COVID-19 Pandemic na namamatean tang kasakitan
asin kahorasaan sa buhay, logod magkasararo sa pagtubod asin pagkamoot.
Leader: Ama Niamo . . .
10 Ave Maria . . .
Kamurawayan . . .
Gabos: Oh Jesus Ko . . .

( Awit . . . )
IKA-LIMANG MISTERYO: AN PAG-KORONA KI BIRHEN MARIA BILANG REINA NIN
LANGIT ASIN DAGA
Paghorop-horop: Si Birhen Maria iyo an Reina kan satuyang puso. Siya an Reina na nag-aantabay
man sa satuyang mga paghingoang magin malinig sa puso, isip asin kalag. Boot niya na an satuyang puso
mapano nin kaogmahan ni kamurawayan.
Intencion: Idolot niato an misteryong ini para sa gabos na kalag sa Purgatorio orog na idtong mga
gadan na dai nabonyagan akoon man logod sinda sa langitnon na Kamurawayan nin Ama.
Leader: Ama Niamo . . .
10 Ave Maria . . .
Kamurawayan . . .
Gabos: Oh Jesus Ko . . .
 LITANIYA DE NUESTRA SENORA

Kagurangnan Kaheraki Kami . . .

Cristo Kaheraki Kami . . .
Kagurangnan Kaheraki Kami . . .
Cristo Kaheraki Kami . . .
Dios Ama sa Langit Kaheraki Kami . . .
Dios Aki Paratubos nin Kinaban Kaheraki Kami . . .
Dios Espiritu Santo Kaheraki Kami . . .
Santissima Trinidad Kaheraki Kami . . .

O Sta. Maria Ipamibi Mo Kami . . .

O Banal na Ina nin Dios Ipamibi Mo Kami . . .
O Santang Virgen sa Gabos na Virgenes Ipamibi Mo Kami . . .
O Ina ni Jesus Ipamibi Mo Kami . . .
O Ina kan Gracia nin Dios Ipamibi Mo Kami . . .
O Ina nin Simbahan Ipamibi Mo Kami . . .
O Ina nin Paratubos Ipamibi Mo Kami . . .
O Panalmingan nin Katanosan Ipamibi Mo Kami . . .
O Tukawan nin Kadunongan Ipamibi Mo Kami . . .
O Bitoon nin Kaagahan Ipamibi Mo Kami . . .
O Kabagsikan nin Nag-hehelang Ipamibi Mo Kami . . .
O Paalawan nin Gabos na Parakasala Ipamibi Mo Kami . . .
O Tabang nin Ka-Cristianohan Ipamibi Mo Kami . . .
O Reina nin maga Angeles Ipamibi Mo Kami . . .
O Reina nin gabos na Santos Ipamibi Mo Kami . . .
O Reinang Ipinangidam na Dai nin Digta ni Kasalan Ipamibi Mo Kami . . .
O Reina nin Santissimo Rosario Ipamibi Mo Kami . . .
O Reina nin Katoninongan Ipamibi Mo Kami . . .
Kordero kan Dios na nagpapara kan mga kasalan kan kinaban
*Hinanyoga kami Kagurangnan
Kordero kan Dios na nagpapara kan mga kasalan kan kinaban
*Patawara kami Kagurangnan
Kordero kan Dios na nagpapara kan mga kasalan kan kinaban
*Patawara kami Kagurangnan

SALVE REGINA . . .

BLESSING . . .

AWIT SA INA NG SANTO ROSARYO . . .