Maivan Biazai – 01

[A tanglei biazai pawl hi maivan biaruahnak phu – Laiforum, Rungcin, Metkhuabo,

ThlangleisangTT, Hawikom – le pumpak cakuat chungin lakmi an si.]

Hmuhning
Buangro

Lawmhnak caan dang

Ruahning ai dang
Hmuhning ai dang
Mi zoh ah chia kuk
Mah zoh ah ttha vang

+++

Dawtnak
Salai BiakPeng [Lairam]

Nihin liamlai zaan

Na dawtnak nih
Thinlung fahnak
A chuahpi.

+++
Zuun Ruah Aw!
Zoramsang

Khi tlang cung i khuadawm hung kai

Khua hung rih cun nang ngaih van hai
Lileng zual khun ka mitthli a luang
Aw! Zuun ruah sur cang …

***

1
 Ruahdai Co ding
Bthang

Ka tuar rih ding

Hi thlatang khuasih hi
Zuun ngaih hmanh
A daihter deuh khawh loah
Zipzil nih a lawmh phut maw?

Ka tuar rih ding

Hi tthalro khualinh hi
Dawtnak hmanh
A lumter deuh khawh loah
Fiakfai nih a hlawi phut maw?

Cuticun,
Mitthli zaran cu
Khuadi tangah
Ruahdai nih dahkaw
A fim tthan te ko lai cu.

+++

Samusa Eitu Pawl

Kevin Thang

Thlaithar ka chiahmi dawtnak bia cu

Capo in sai hin sawh hlah!
Varit ka duh zongah cepa cotu
Mangkhong ka veng lio hih!

2
Dawtnak hi lamhlaat ah a hme deuh suaumau
Ngaihnak thong in luat ka duh cang
Dawtnak inn cu muisam a ngei ko lai mu
Caan nih a liam lengmang.

Na sin ka ra than cang

Dawtnak nih vawlei a bitter an ti.
Tiva kiang ah nau-eek na rak su cang.
Ka co varit thlahmul corh in a zuang ai.

+++

Duhthimnak Nawl
Kevin Thang

Na lungthin muru ah
Sahrang pahnih an tlong.
Pakhat cu huatnak he a khat.
Pakhat cu dawtnak he a khat.
Tam deuh rawl na pekmi nih
Na vawlei cu a bitkauh le
A thlum-al cu a fianh te hnga.

Mi kong a ceih tukmi hna le

A dai tukmi hna sin ah
Na lungput cuai va thlai hlah!

Na lungthin muru ah
Sahrang pahnih an tlong.
Sa vokhat na ngei
Hodah na pek deuh lai?

+++

3
 Nunnak Dot-hnih
Kevin Thang

Fimnak cu cauk chung ah a um.

Cauk a eitu
Phihlik,
Tuanbia ah a fimbik ko a lo.
Maimomh chuncaw men si.

Inn tha a tiammi

Maimomh,
Rawl a khong lengmang.
Kingro ngai in khua a sa.

Nunnak dot hnih,

Mei hmih hnu ah zei dah a tha hlei.

+++

Cinkenmi
Kevin Thang

Dumhau vengtu
Tumnak a bao lengmang.
Thilnu eitu pawl sin ah,
Hawngkawng sa na ei bal maw?
Khadidor tawh in an in lawmh hnga.
Sachungril ser a thiammi zokzok in an kawh.

Minung pakhat
Thangchiat mualpho a tong.
A ningzak.
Zarh khat-hnih chung an phai.

4
 An dai.
A poi lo an ti.

Tumnak bao zong a dai.

Phasup-phasap zong a dai.

Nain,
Caan a rauh hnupi zong ah
Bia le lam phaan an ngen than chel ah
An lungchung in Tumnak bang an bao lulhmalh.

+++

"Lai Nun A Lai"

CP Lian C

* Hringnu sorpa in kan sem ram

Ram thuk nawl ruang Laihaw a king
Duh tin cuai in len tawnnak ram
Laihlum tlum ruang nun ram a king

** Global thli Lairawn cul ruang

Miphun tlaihtleng dinnak a hnawl
Fimcawn thiamnak nundaan tiang sang
Miphun nunnak nunphung bel maal

& Khrih bia thawngin Lai nun rak ceu

Khrih bia ruangah tu cu kan buai
Bu ttanh a chuak Khrih ttanh a tlau
I fonh loin fonh cia kan kuai

5
** Lai zatlang nun cerh ah tlu cang
Thlachiatruah tlau entainak chuak
Zaanghleicawi nun tuanbia an cang
Biadik a thi ziknawh zia puak

*** Tuavun pipu phungthiang cungtthu

Dawp bang dolh rua aanpei zia nih
Lai nun limhang Lai ah a tlu
Zaam tak loin sersiam zuam 'sih.

+++

uumm
Salai Biak Peng [Lairam]

Ih hngilh tintling merem thiam lo

Uumm bang in lungthin a kek kuai..
Lung duh vairang ca cawng ta manhh loin
Ngun sawm za kawl ruah ah tluangdang le ramdang kan
pal

Cul than rih lai maw chanthar mino nih

Chan zeizat dah ruun-inn rep ngei lo in kan veih rih lai
Hrinhniang fadawt hung kir than canglaw
Hlawi than rih lai zaibia nem in

sempi unau le rual hawi nih

Roling khun in phai hna lungrep ngei lo
A zual chin lai chiahhrin valpa lungfah
Hramhramin fial hna maw
Khundim ding in hmundang le ram dang ah

6
Lairam nih a hmun,duhdawt nak nih lai rel kho hrim ti lo
an chim cuailopar dang an tlan
Sungkhun caan tha an liam....
Zohcim lo in naziam tuan ee chuncha te aw....

Cawisang usih pupa rosung bia thlum hna

Nang le kei nih kil in kawi in zungzal veng peng usih
lungthin a hliphlau ter laimi phunpi ni nih
Par zungzal seh,vawlei dongh tiang

Hongpar cang law semnak lung rawn khua ah

Nang zawn ruah ah cawng in tuan kan rel
Afak hringhren nu va tang then...
Ka ruat ngam lo uumm bang in kek kuai sual lai

Phuntling an par ai dawh "chokhlei"

Duhdawtnak ngei a hmun"vakok" lungthin

Lunglawm in kan leng than lai semmawng rual he

ngeihnak vairang ca kuat nem tal in
Hong kan chawn uh,lungfah damnak ah
Ti bang liam chanchung philh ni nan um hrim lo …

+++

Zanawl Pennak
Salai Za Mawi

Ka chuahkehnak Chinram,
Ram tha le nuam bik cu-
Hrantaang rual duh tlon ram,
Rammui ah cang ai mu...

7
 Hi bang harnak ram ah
Har ing rih hmanh 'sihlaw,
An chim- Nuamh, har hnu ah;
Tei tu rial ko 'sih aw.

Na thachia hlah Daw Suh,

Chin Pasal kan tuan lai;
Zanawl Pennak' kan duh
Zingnu thawng kan hmuh lai.

Cuti'n kan ramte ah

Duh in kan leng cang lai,
Ho ngai lo kan can ah;
Kanaan kan hluan cang lai!

+++

Run A King
Tlaitlaan

Kui virmar ning

Zan chialmal seh
Zapeng cabuai
Miphun veengtu
Dingthlu lairel
Kong rak ceih u
Human right in
Ho vaang si maw
Pualleeng te chung
Run an kinh le
Ar bang vaih hi...

8
 Khuavaang
Tlaitlaan

Ur e er e
I khawng relhrulh
Cenghngia bo thang
Or Sahlap rual
Rumro loin
A chut le hal
Loklei mitkem
Khuavaang thitlawn
A dai bal lo
Peekto zahuat.

Thuro Pennak
Tlaitlaan

Thuro ur-uuk
Uuk-uuk na hraam
Zei nih an hreen
Len awi loin
Zuang virmar law
Aw dawh chuah in
Remdaihnak hla
Zauk pennak
Sak cu lo maw...

+++

9
[Nawlnak: A cunglei biazai pawl tiantlar tikah hmuhton
hmasami paoh hmai ah chiah an si. Hi chung i biazai pawl hi a
tial/phantu ta lawngte an si. Hi khawmhsuatmi chungah na biazai
telhpiak na duh/duh lo ahcun chim law, chiah/chuahpiak a si ko
lai. Cakuatnak: biazaipalai@hotmail.com Lunglawmhnak tampi
he … C. Van Lian Tu, May 2009]

10