Maivan Biazai - 03

[A tanglei biazai pawl hi maivan biaruahnak phu – Laiforum, Rungcin,

Metkhuabo, ThlangleisangTT, Hawikom – le pumpak cakuat chungin lakmi an si.]

Maw Lairam
Van Bawi Ceu

hlanchan lio i,Pupa hnanih

zei hngal loin,lungpang thingpang
an in biakpi,sihmanh selaw
Carson siangbawi,Nupa hnanih
muihnak chungin,ceunak tangah
an in chuah i,khua nahmu cang
Maw Lairam

Kan Pu kan Pa,chanlio ahcun

kachin karen ,kan unau nih
Lairam tham cu,zeihmanh chuak lo
kawl cozah zuat,ralkap lawng pei
achuak ko cu,nihsawh thlanglamh
bianek fak in,anrak inphai
Maw Lairam

sihmanh selaw,atu ahcun

Baible lei le,vawlei fim nak
cawnnak zong ah,asang Degree
P,hd zong,nachung chuakfa
namiphun nih,anhmuh vecang
natthi rualsin ,namen ti lo
Maw Lairam

1
hlanlio ahcun,namiphun nih
iharh cemmi,tthennak hna hi
kantong ballo,sifah har ruang
chungkhar dawthe,kan itthen i
mi ramdang ah,namiphun nih
lu iphum hi,apoi hringhran
Maw Lairam

hlanchan ahcun,duh zalong in

mahte uknak,narak ngei i
thlachiat ruat lo, mitthawng pawlnih
an inchuh i,namiphun nih
tuarkho lo in,hmundang ramdang
kanchuah mihi,kanmawhchiathlah
Maw Lairam

caan khattkhat ah,na ngeih ciami

mahte uknak,nalaak tthanlai
hmundang ramdang,aidor ta mi
namiphun cu,pakhat taanglo
kankir lai i,asang khun ah
kan incawi lai,namiphun nih
Maw Lairam

lungkil mitthlam,nacuang zungzaal

nahrin nafa,namiphun cu
ramngei lobang,kanvaak kanvaai
mi ramdang ah,saltaang bang in
zeitik khin hme,namui nahmai
hring dildel in,kan in hmuh lai
Maw Lairam

2
amah belte,nachuah semnak
atu tiang hanh,kanhngalh lo hi
kanmah mawhmaw,Pu Pa mawhhme
U,N hmanh nih,hngalh mi lairam
nachuah semnak,hngalh fian ding in
kan i zuam lai,namiphun nih
Maw Lairam

+++

VOKSA THAU IN, VOK SA AN KIO

PPP [Thunder Bay]
April 15, 2009 [Laiforum: <ralzaam@yahoo.com>]

An hun chim peng, I ton naak ah

Ruah naak mi hleng, an rak phuh khah
Ni hlei hnih (12) ni, thla hnih (2) thla ah
Kan hun ciamh ni, a rak si khah

Kam lo chun cha, an rak um ve

Lai pa sal ttha, tthi le laang he
Ni kul (20) naak ni, thla hnih (2) thla ah
Min sen an thuut, kan Lai ram ah

An kan leem len, I fonh ding ah

Kan rak I luun, an bia hleng ah
Kan rak I fuun, ke raang sin ah
An mit a sen, kan nih sin ah

Chiah Hlun kan ngei, kan lai phung ah

An hun ttheh dih, a chang chang in
Kan chiah Hlun nih, zo ti ai hlah
Kan caa a hlei, an caa a him

3
 A tam tuk cang, hi buan chuk cho
Chok hlei chun cha, hun lang cang uh
Va kok va pual, hun awn cang uh
Kan ram chum tual, no cek a lo

Chokhlei nang nih, nan phuan bang in

An kan kio hih, kan mah thau in
Kan chuncha cu, nan mah nan si
Lung chung muru, kan phuan a si.

+++

CNF/A Biazai
Ram Nawl Cung Pa
High River, Canada
[May 9, 2009; Metkhuabo: winmaung_2004@yahoo.ca]

Runrep ngei lo khuaza cul`n khuasik meithang tang ah riahbuk kawl hna,
Dawtmi thaisung semmawng rualnih hlamtawn hna maw zantlai ah,
Ramtangsaa bang phinglau ngai in lamchuk lamcho na thlenti he fingtlang cung in dide ngai hna,

Khuptthirualnih semcawi dih hna apawi lo Miphun ca`h ka ttuan ko lai nunnak dih tiang,
Nisunglawi ah kei cu kabau kaphai hna mu kachungkharnih anmitthli he,
Khuakamtlang in zarhpi darkhing kantheih can`h mitthli he thlazacam in Miphun ca`h

Fei le Nam in Ralpi teitu hlanlio Pi/pu mithlamcuan in ralttha ngai`n hmaifong uhsih,
Pathianpekmi kanlairam te adawhkhun ko adawhkhun ko na kilven lo hodah kil lai,
Ram kilveng tu pasalttha le nusalttha Nanthlentinih ramkip culdih cang e lungdong lo in
Hmai ah nawrchin uh,

Miphun ca`h ti`n nunnak liam mi Nusalttha le Pasalttha nan tthisennih ramkip a cul,
Raltei tik`h anrel te lai na tuanbia cu na kaltak mi narualhawi nih an pehzulh ko na ttuanhmaban,
Hmai`h fonguh hmai`h fonguh liamcia hawi dawt mitthlamcuan in,

+++

4
CHIN RAM CAAH NUNNAK TIANG
Plato Van Rung Mang
[March 31, 2009; Laiforum: "Plato Van Rung Mang"
pvanrungmang@yahoo.co.in]

Sem ee kokek, pipu khat in, laihri he

Lian ee unau, run-inn khat ah, chungkhar in
Karh ee kan phun, khua za cul in, lei kil tiang
Kamh ee kan ram, hruang bang fek in, miphun in
Phai ee kan min, miphun Chin in, van hram tiang.

Herh ee cawn ding, miphun tungtu, fimthiamnak

Herh ee ttanh ding, miphun cawitu, dinfelnak
Herh ee doh ding, miphun chiattu, kan ral lian
Herh ee dir ding, Chin ram caah, tleng khat ah
Herh ee pek ding, Chin ram caah, nunnak tiang.

+++

Nausem Bang Awih A Hau Anti.

By Lungtlaitlan
[Dec 3, 2008; Laiforum: Salai Bawi Uk Thang
cbthang@yahoo. com]

A lang tthan cang Bethlehem Arfi

Firuk Deirel le Voktelaangzawn
Van khuadawm hna nih an kianh
Vandum fingrei thar acat e zingciciai.

Vanmi nih vanhlaremh dawh isak in

Zuumtu hna Bethlehem par an kan tonh
Glory! vaansangpi ah khin thangthat siseh
Leicung ah remnak leeng seh anti..Haleluiah!

5
Nehbung kan khirh tthan mifim hna keneh
Bethlehem Arfi zulh kan ithawh cang
Bethlehem par tlaan in miphun vialte
Sui lungvar le zihmui he khuachintluang kip ah.

Van runsang kai nak ah donhhlei

Kalvary Vailam adonh hnu ah
Sharon partlaan ding in akan sawm
Bethlehem ah itong ding in.

Ihlau uh lungleeng i zuunthleem mi hna

Itthang uh sualmuilak ai dap mi hna
Iphoih uh vailam i hlonhmi thuam cu
Vaan in lamkaltu Bethlehem ah
Nausem bang awih a hau an ti…

+++

Na Liam Hnu Cun

By Salai Eagle
[October 25, 2008; Laiforum: "Salai Peter B L Sang"
pterbiak@gmail.com]

A Van aw...
Naa bei tawnmi laizal dawh le
Na sak tawnmi laihla dawh hna
Zoh ah lungzur, na liam hnu cun
Ngeih ah lungzur, na kal hnu cun.

Na tlawnlennak Hledan lam le

Na khupthil rual hawi le tiin
Zalam lennak Inlya lam hrawng
Na keneh dawh an tang rih ee..

6
Na phan tawnmi biazai dawh le
Na laam tawnmi Chankarlak lam
Philh hin khawhlo tuanbia an cang
Ngaih ah lungzur, na liam hnu cun

Miphun dawtnak thinglung dawh le

Na chimtawn mi democracy.
Na reltawn mi Khitpyaing news le
Na uarngai mi FAcup hna.
Hmuh ah lungzur, na liam hnu cun..

[Chin Sianghleirun Sianghngakchia arak simi Salai Van Dawt

Thang (B.Sc - Geology), Western University of Yangon, zun
ngaihnak le philhlonak caah ...]

+++

Biazai Talin
Van Hmun

Cerlian nilin, furpi tilian

Vomkhuai ngalhriang tonlai theihlo
Din tikhur hman, hmulo tonglo
Dawtmi lengnu colai silo
CHIN lamhruai law.

Na meiin cu hmehmanh sehlaw

Na meiceu nih tluangza tlawng cang
Min insak ning, hnem chin thang maw,
Tluangchin Laithang kan ti lai dah
Palh um hnga maw?

7
Tap ti hlah law sunghno ka nu
Kawmno hruai bang kan hluan ni kha
Sang khen thang he, tong ai cang e
Ttah mithli kha din tikhur ah
Cang ai cang ee

Kan meiin le kan luchin cu

Duh minpu nih philh lo lung tial
Duhnak lihchim maw kan tial lai,
Dawtnak rolung dah kan bunh lai
Tiam thli bia kha…

+++

Hlei Pakhat
(A bridge)
Peter Biak L Sang [KL]
[October 5, 2008; Laiforum: "Salai Peter B L Sang"
pterbiak@gmail.com]

An phai hmunnuam, hramh hringhno le,

Cawhnuk khuaizu luannak ram ah.
Muvanlai bang, zuan khawh lo cun
Furpi ruah sur, tiva lian le,
Thlichia vanchia, lam chia lak ah
Varal pehnak hlei rep pakhat
Caw naa satil, zazuat ar tiang
Palnak dawnhhlei sunglawi pakhat
Varal zong in, phai awk um lo
Tilenh luan cun, mawh chiat phurh hawi..
Hlei pakhat bang nun hi cu mu...

8
An chim kha hlan, tuan phung bang khin
Ramuk siang bawi, sal runrual he
Himilia mual, hmawng tu tang ah
Ramveih sakah khanhnuh kal ah
Zawngpi pakhat nau runrual he
Luhlih nun he zunhri ngerh in
An pal akeng hlei rep bang in
An zuang an khuang, an per an chawi
Lungthli tein, hram riang mang mu
Aize tiin, hnemh hmanh tawn lo
Hmanhseh lawmhnak mithli he maw
Anunnak sung hleibang dawn mu..

(Note: Mah hi biazai hi Malaysia UNHCR zung ah holh let

attuan mi pakhat nih atuarfahnak in ahung chuak mi biazai a
si).

+++

Maupar le Mangttaam
Hluanku pa (USA)
[September 24, 2008; Laiforum: "Salai Bawi Uk Thang"
cbthang@yahoo.com]

Mau an par, Zu an taam,

Rawl an saam, Mi an ttaam
Paam a tlun pi mangttaam nih.

Zu tham tham cu thah pet ding

Zu tham tham cu riit meen ding
Zu sa ei pawl an zumeh thaw kaw
An thaw nam he holh lawng tam
Zeihihme dimzu zeihi hme mauzu

9
Zei zu deuh hi hme a taam
Kawi le dua an inawicawt salam ai.

A taam caamcin dimzu le

Maupar Caicim zuu taam hi
Zu sa ei pawl nih azei deuh si
A hliah kho si ti hna hlah
An iseh thawng dide lawng
Cuh!..khah!. an ti salam men ko cang

Zu sa ei pawl ciing cang sih

Pipu chan in phai tawnmi
Lai pasal ttha taireek hi
Mau an par ruang hi asi.
Mau nih a paar hnawhchan hi
Zu taam terding si lo in
Lai Pasal ttha zualkawh tu asi.

Zu nih kan chawhkanh cangkaw

Elawkhah! he.haw.. ti i
Zudawn riah zukhur cawh le
Mangkhawng pheikalh cep hna he
Zural hliamdawi izalh hi
Nihchuak men si maupar ca.

Mau nih apar hnawhchan cu

Pasal nih biartung reek in
Ngakttah buangro santlailo
Chanhtu ding ah buan lai ah
Naichailo min ichal in
Kaamlo chuncha bang dir ding tu asi.

10
Bawimuum ti in kum sawmnga dan ah
Hruaitu uktu pasal ttha hna nih
Mipaam santlailo hmeinu hmeipa
Zeitluk zawnruah, siaherh, le cehken
Zohkhenh kilkawi an si hneksaknak
Khuacaan sin i thlahmi Vaan Mingia
Maupar Khual khuaruahhar tu pei arak si cu.

Asi ah..
Hi khual khuaruahhar (Maupar) hi
Tlun inn na dawn lai maw???

+++

Caw hnuk le Ma Ma
By Salai Murukaitial
[September 23, 2008; Laiforum: "Peter Biak"
pterbiak@gmail.com]

Ka dawt
Ca ka rel zawn ah,
Tial ding ka timh zawn ah,
Mi nute pakhat,
A, B, C tiah a au,
Let khat let hnih tiah a au,
Kho, cho, tiah laica a rel,
Mi dang zong nih an zoh,
Nan inn tual ah a si
Um har pheng cu a si nainn,
Lo thlawh le, baa rawh lawng
a thiam rih ko rua,
caw hnuh le mama kheih chawm..
a hau rih ko hih...

11
+++

(Thai hlung mang) (A thur ai cang)

Bawitlung mangling (Seattle, USA}
[September 21, 2008; Laiforum: "bawitlung manglin"
bawitlungmanglin@yahoo.com]

tthen nak hnu ah...ton nak a um ko

ttian lai zan ah...thli ten kan chimh
lung aw ttawm in...si kho hnga maw
na chim mi bia...thai hlung mang mu!!!

ri li raal ah...nang zun tuar in

bia kam hna le...ton tthan ding cu
ka ruah zawn ah...si kho ngha maw
na chim mi bia...thai hlung mang mu!!!

no nak nih aziam...pawng kam hna nih

nih sawh nak he...ceih phai ruang ah
lung zur nak he...ning zah nak ing
kan dawt nak cu...a thur ai cang

aa hlaat ngai mi...ii hlaat chin cang

khua can ah cun...zan mang tel ah
kan len far hual...Lai lam te kha
ruat duh hlah ning...ka thur ai cang

+++

12
[Friday, September 5, 2008; Laiforum: Salai Bawi Uk Thang
cbthang@yahoo. com; Biazai: thopaw, ka dua, saya]

Thopaw

Eek hlei duhmi um lem lo

Nai telhtum hnazang khenh in
Mi rawl-ei nak cuabuai ah nai fu
Hotel sangsang na kai ve
Nai phazo ram sang kip tiang
Mi mithmai na va zaat thulh
Mi hma kip na va tlanh rih
Tthawl le dawi khawh si fawn hlah
Bengh le nganh kut lam a faak
Na neh-hnu poh hnawm ti in
Rian lo rian na chuah pi tthup
Hlonhding, thleetding, le fihnung
Eek lak um duh tthiam ko ah
I thelhvaih a ttha hnem maw?
Maw Thopaw.

Kadua

Zeitheng si hlei timh ttung lo

Pasal hliam sa dawi nai thawh
Ri hai hai tloksabur in
Fimtawl hau cehken hau men
Hmuh ding covo phawt tik bel
Hawi theih lo zong na tuak dih
Mah tawk thazaang hlam vial ah
Kei zei thei lo na ti i
Phetcheem zia tthinh na thiam ning
Paw te khim hna te ngam cun

13
Mi ve lo bang holh za long
Thisen, thlan, le mitthli he
Meilam phiahpiak mi hmun ah
Na vaang nai kaar i na zau
Maw kadua.

Saya

Tthuddan sang cung deuh hraat cun

Thil pipa ttuan kho lai bang
Na ruaih hna chungkhat ciingla
Khuachung mi le Khrifabu
Sponsor a thapthap he
Dirkamh bomh chom in nai thawh
Tlang kua tlang hra na liam cun
Rumra cu na ngei sawk na’n
A Aw B C thiam lo pawl
Thiam mi meen ah na vai zii
Mit hram cat i an zoh tu
Nulepa hawi le kom nih
Philh kho hlah lung kil ne ah
Saduhthah a hrual hrual he
Neh bung khirh lai an hngaak ko
Maw Saya.

+++

Kapa
Hluankupa
[June 14, 2008; Laiforum: "Salai Bawi Uk Thang"
cbthang@yahoo.com]

14
Chuahsempi le, rualhawi sin ah
Duai lo lungmawng, Pa min chaal in
Khuaram dirkamh, khuazung cuul tawn
Lai pa Lai fa, chia hrin lo bang.

Pacan pasal, hriamhrei phaw he

Ram sahrang le, tuhmawng lak ah
Chungkhar sican, siang ah chuang in
Khuazung na hrawn, baat hngal lo in.

Dumhau kam ah, Bung kung na cin

Innpawng vel ah, Hreeng kung na cin
Satil arva, nufa rual hna
Lungngam in bawm, an rak hluum tawn.

Sakhneem run inn, tthintthang cung in

Sakthlaam pilmim, tlaitlaan cung in
Khuaram tungtai, sumh na tah tawn
Chan Lailing ah, pasal ciammam.

Pangpar tizu, tlaan va run rual

Faruahthawh i, a tthawl hna bang
Ram kil li ah, pa le fa hna
Pa le Nii tin, hlam caan cu ai.

Ulo thereng, Cilio va nih

Lolam tlun cu, tlai ni neem cun
Khuazung hlam cang , ti’n zai remh tawn
Kei bel birh thiam, lo Farhmui bang.

Ruun hluum inn hngaak, ning a tti cang

King riangmang in, kan run inn te
Kan ttumbut le, kan chumtual nih

15
Neh buar kai in, tthing riang mang hna.

Saduhthah khi, ham thiam ning law

Tikhing Thereng, Fiakfai hna he
Zaisawmrel in, Pa le dawtnak
Fingkip cuul in, kan phuang tti hnga.

+++

“Ka Ngai Lungrawn Khua”

(Plato Van Rung Mang)
[June 11, 2008; Laiforum: "Plato Van Rung Mang"
pvanrungmang@yahoo.co.in]

Khua caan an liam, kum khua a dih

Um lo philh ni, lungrawn khua te
Zunngaih ka tuar, tthal ti haal bang
Tintling cung in, zanmang tiang
Khua chin tluang in, ka ngai lungrawn khua.

Lungthli ka tum, lungrawn khua ca

Thlaza ka cam, Zingnu sin ah
Ttuanzaang a tlung, ruahchannak he
Ni thla ka rel, ton tthannak caan
Khua chin tluang in, ka ngai lungrawn khua.

+++

16
 Ka Zoh Hmanh Na Fiang Ko Lai
K Kung
[May 30, 2008; ThlangleisangTT: "K kung"
mhramkung@gmail.com]

Kan chimh bia tin ah dawtnak aa tel nakhnga,

Na dawtnak i fian hmaisa ka hau.

***

Ka mit ah maw zum um lo ka chim ah?

A awm lio par bantuk in duh a nung i,
a par lio pangpar bantuk in aa dawhmi pumrua le hmai,
Na mirhmui kha Kawlrawn thli lum kihter khotu an si.
Ka chanbau hngalhter khotu mirhmui zong an si.

Ka tial biazai ah lungkuainak chumdi aa zelh tawn hi

Kan zohnak ka mit i zaanguainak aa tel tawn hi
A nimi ka hmur i a dermi thinlung, ka thinlung hi
A ruang, Minu, a hmuh awk na hngal tawn hna hnga maw??

Zeiruang thalcaan nih lung a lenter?

Zeiruang khuasik nih lung a khuai?
Zeiruang furpi zaan ruahdor hna le puan lum nihkhin lung an thlim khawh tawn lo,
a ruang na hngal hnga maw?

Palep le khuai nih an tlanh tawnmi rose par khi zeiruang a lungpuam khun hnga?

Tlangsampar hmanh tlantu a ngeih khi a thei rua lo maw?

Minu, tlangsampar hmanh tlantu a ngei dakaw.
Tlantu pakhathnih ruang na lungpuam cun na palh men lai.
Na theih ding cu,
tlangsampar hmanh tlantu a ngei!
Minu, tlangsampar hmanh tlantu a par lio cun a ngei dakaw.

17
Isrealmi nih Jerusalem Temple an ven bang kan ven peng hi
Ka lung ba tuk cang lo maw, a lung ba tuk na ti ve lo maw?
A sullam thuhmi biazai tlang bang hngalh a harmi na mit-au (mitmu cawlcangh) nih
Lungtur a molhter sual lai, Minute aw, ka phang.

Everest tlangpar he maw ka tahchunh rih lai ka dawtnak cu,

Pasifik rili ne he dah?
Khi he tahchunh an tlak lo na hngal rua lo maw, ka dawtnak?

Chikhat a hrangmi thlitu sin a tian tawn chumdi ruang maw ka dawtnak na zumh lo,
tlawmpal a lum ruang ral tawnmi tikhal ruangah dah?

Chikhat thlitu sin chumdi an tian na hmuh zawn khin

tlawmte a lum ruang a ral tikhat na hmuh zawn khin
A sumlei luang zungzalmi tiva ti kong khi teh na ruat bal maw?
Ruah a sur zong, ni a linh zong a sumlei luang zungzalmi tiva ti,
A ko hnik zong, kuang tlum lo hnik in a lianh zong a sumlei luang zungzalmi tiva ti
he
Ka dawtnak a luan zungzal ding hi, Minu, na zum kho rua lo maw?

Lung aa tuai ruang maw, vawlei buai ruang maw ka hngal lo

Minu na ka lughrinh ruang lungkuai in nang zuun ka uaipi tawn hi..

Ka mit au maw zumh um lo, ka umtu

Ka hmur hi maw na zumh khawh lo, ka lungthin hme?

Kei lungthin cu zaan khi a si.

Khuasik zaan asiloah thal zaan,
Van a fim i thlapa arfi hmunkhat an lamti zaan khi.
A tamtukmi arfi khi zoh hmanh hna; na zoh deuh cun an tam deuh khi na hngalh
lai.
Na zoh chin cun an tam chin khi na fiang ko lai.
Cubangcun, ka zoh hmanh,
Ka thinlung silohmanh ah ka mit tal
Kan dawtnak hi, Minu, na fiang ko lai.

18
***

Ka dawtnak na cohlan khawh lo hmanhah,

Zangfah tein, lunghrinh ti hram hlah.

+++

KAN SAVO !!
Salai B. Lai Hrin
[May 16, 2008; Laiforum: sanglianmang@yahoo.com]

Hrin kan sika in

meheh kan si lo
tuurun nem kan si.
kan thannak ramhring
kan nunnak ramhring
kan ram ramhring
ttam cawk lo an taam
siseh tamawk har.

Mah kawl in kan kawl

mah ei in kan ei
ei khim hmuh awk har

Fing le tlang kan cuul

tiva ral kan pet
tuu rual kan ttian
ngaihnak bia kan phai.
Cenghngia rual an hrang
semnak hlum sempi
kan mit an cawtter
kan ruh an kan ttam"
KAN SAVO an fir…

19
+++

[Nawlnak: A cunglei biazai pawl tiantlar tikah hmuhton

hmasami paoh hmai ah chiah an si. Hi chung i biazai pawl hi a
tial/phantu ta lawngte an si. Hi khawmhsuatmi chungah na
biazai telhpiak na duh/duh lo ahcun chim law, chiah/chuahpiak
a si ko lai. Cakuatnak: biazaipalai@hotmail.com
Lunglawmhnak tampi he … C. Van Lian Tu, May 2009]

20