Maivan Biazai – 02

[A tanglei biazai pawl hi maivan biaruahnak phu – Laiforum, Rungcin,

Metkhuabo, ThlangleisangTT, Hawikom – le pumpak cakuat chungin lakmi
an si.]

Nang caah Kei...

sanghulian(cinzah)

Ni le Thla an liam sin

Nang zuungaih zual chin
Kan duhnak zual chin
Kan dawtnak zual chin
Kan uar nak zual chin

Ziah hen...???

Ton lo in kan rak um ko lo

Khukthi rual hawi sinah
Nang zuun ka zawt nak
Phuangngam lo in
A fak ee..tuar har khun in

Kei lawng leng ding

A rem ko na ti maw
Zungzal leng ti ding
An tah chan tu
An hngak hlang tu

Zungzal na caah (Dingdi) si zungzal ning mu...

1
[N.B: Nai hrawng khua biaruah nak ah nan caan a teet deuh
ruangah si men lai, ruahnak ka hun chuah mi nan ka let thiam rih
lo i Biazai te rel sawh awk ah ka vun tial ta ko hih]

+++

Lung Rawn Khua

Florence Lian
Norway

Mi fim thiam sang

A hring sor tu
Kan lairam hi
Ho vaan hai lo
Lung rawn khua te.

Zing nu zoh khenh nak thawng in

Deih nak tlung seh
Kan lai ram hi
Par phun tling bang
Par ve cang seh
Lung rawn khua te.

Dawt nak fek thin lung ngei

Vakok vaa bang
Kan lai ram hi
Daw ve u sih
Dawt nak ngan bik he
Lung rawn khua te.

+++

2
Aize…Chuanno Par En! (CYO)
Salai Van Dawt Lian

Rel ci.. leenchawng thaino rual

Iang hlei Ralkham thiam kan par
Kan mawi lainun zaa rem le
Vairang nunsang dawh tlem he
Sunghno mitthli fim hnawt tu
Chan hnih chuanno par en cang.

Sih si.. zaatial ram zaa in

Nau bang awi lai kan lungrawn
Sui hut thingtial hluan semnak
Vankam sen in fingrei ai seh
Cin tial sui ser leengval tha
Sui Chan chuanno par en ding in.

Cuang hlei.. tha cin ram lian sang

Lian hlei ca sang cung suica
Teirial sih law lungrual te’n
Kaileng va zai hlaremh bang
Sakhnem run toi dawh te ah
Fapar chuanno par en cang sih.

Nun tha.. hlawi cem kan Lai nun

Vakok nun cawi CYO rual ti’n
Zohchun hlawi si phunkip sinah
Ngunhri tenhmi sui hlawn tial
Suicer Laiphung zohchuk hna ai kun
Kan dir tti lai thisen liam tiang..

3
CYO chuanno par en pei kan si..

Ram le Miphun ca’h Dingthlu Lairel tu ding zaangan

lengval tha ti’n phailen hlawi si law..

Maimaw puan cawi congnak tial dawh he…

Sullam

Rel ci = Rel ning law/ rel cang ning law.

Mawi = Aa dawhmi nunzamawi.
Chuanno = Achuak thiam ngaimi/ a cuu zaa kaa mi
mino.
Suica = Certificate, Pakhatkhat thiamnak/
fimnak cawnmi lim tikah cohlanmi catlap.
Fapar = Techin khawh hnu I achuakmi nu/pa
nih ahrin mi pawl. Techin fapar.
Dingthlu = Biaceih bawi. Nawl ngei bik.
Maimaw = 1. Nunphung he akal ttimi thilthuam.
2. Sunglawi cem in sermi hrukaih thil(a sawhsawh ah
hman lomi).

+++

Lai Khuate fa kai hngalhnak ah

(Lungtlaitlan)

Fingrei acah, khua a dei cun

Tuhmui namtong, faah hreitlung
Taat ceer an hau, thaithawh ei hlan
Lolam thawh nih, mi a hnawh thuat
Thathunh cham ding, tamtuk tawn kaw.

4
Lopil ah maw, lo cuul lei ah
Zing daamti lak, chunhfeu lak ah
Khup can hni hlim, fa nu puak pah
Kuakpi khu hluai, pak pah hluahmah
Uico lam hnok, mi a lak lawh.

Zan lei ni neem, chialmaal in cun

Lolam tlun cu, ti cu si kaw
Lampi kholh ttawl, duh pah ruah ah
Hawi hmai tliik leen, tha lam a ba
A rak nawi tuk, lam kam bungkur.

Thingtluan put pah, buhriit pah cun

Lo lam a hlaat, tihaal par ah
Inn ah ei awk, tlaamtling um hlah
Vantthat ai tong, innpa changden
Tthangiah ril he, zaanriah rinh colh.

Ruahpi asur, nikhua a it

Cungai vantthat, lai nizarh bak
Tappi kulh in, kawm kan reu hna
Ka pu a ngu, tap chakchaang ah
Ai nok leen ko, tamh lo te in.

Zarhpi zing cu, sam meh ni ve

Phanah hri beu, suut nekttai he
Bible cauk, zak ceh pah in
Thawhlawm kawmpeh, cher pah supmap
Riangvai ngai in, biak inn chung ah
Arte ke ttem, a rak aak leen.

5
Kaural bawm khat, Vokte khat in
Khualtlawng pakhat, khua thlanglei ah
A lan thluahmah, i din lo in
Ralkap chuh lai, phan teh si lai
A ran ning cu, zei hmanh hual hlah.

Ar fang veng tu, pitar te zong

Vok pi tthawl pah, la rial pah in
U lai ut ut, cut cut a ti
Inn pa nau ttah, cawleng thawng he
Ar taktadak, uico auh thawng
Lai khuate fa kai hngalh nak ah.

+++

Nunnak Dot-hnih
kevin thang

Fimnak cu cauk chung ah a um.

Cauk a eitu
Phihlik,
Tuanbia ah a fimbik ko a lo.
Maimomh chuncaw men si.

Inn tha a tiammi

Maimomh,
Rawl a khong lengmang.
Kingro ngai in khua a sa.

Nunnak dot hnih,

Mei hmih hnu ah zei dah a tha hlei.

+++

6
Cu Thawngtha cu
By Lungtlaitlan

A hlan lio pi, Zudah ram ah

Lei cung pumpi, caih phai awk in
Thawngtha pakhat, a rak i phuang
Cu Thawngtha cu, a luang lengmang
Ram, peng, khua in, chungkhar kip tiang
Bihzuun a tong, zungzal caah.

Cu Thawngtha cu, hi tin an chim

Khrih nih misual, khamh awk ca ah
Thihnak a in, Nithum hnu ah
A tho than i, cu zumh te cu
Misual leimi, dihlak ca’h
Nunnak rosung, bik a rak si

Cu Thawngtha cu, chan khat leng ti

Mahtu Mak Luke, Zawhan hna nih
Nunnak Cauk, rosung bik ah
An tial an tlem, Baibal ti in
An phai tawn mi, Pipu tuanbia
Nunnak thingkung, kan hlam ti lo.

Cu Thawngtha cu, miphun kip le,

Pengkip Ramkip, Holh phun kip nih
An bih an zoh, an kherh an hlai
An leh an thal, an cawn an veen
Ca in an tlem, Hla in an sak,
Phung in an chim, dong hin lo in.

7
Cu Thawngtha cu, nang le kei nih
Cauk Cakuang, tlem awk men ah
Cawnnak dikri, laarnak men ah
Khuahar caan i, hnemh nak men ah
Biak inn chung lawng, theih ding men ah
Can ter lo in,
Biatak thlarau , a kan phurh tu
Duhdim nunnak, a kan chap tu
Hrinthan nak nun. a feh tertu
Nunnak Thawngtha, asining tein
Cohlan khawh rak i zuam usih.

[Ni hin hi ka dam lo caah hawi bang Biakinn (Thawhthan

caanhmannak) ah ai pum kho ding ka si lo, hawi nih zei
Thawngtha dah an chim hnga ti ruat bu in mah hi thawhthan
biazai hi a rel huam mi caah ka rak tial ve, a rel mi nan cung ah
kai lawm, Pathian nih thluachuah in pe ko hna seh.]

+++

Kan I Lawm Hih, Nihin Ni Cu

PPP [Thunder Bay]

Ro Thang fahniang, Cungnung Mang Bik

Sui Ceu hrin hniang, pardawh Lily
heih heih heih heih, Yahooooooo

Ni hlei nga ni, thla li naak thla

Thong hnih kum ruk, hi kum hi cu
kan hna ngam ni, Kan philh lai lo

8
Thit um naak ni, a ro pui hih
hawi kom tthen rual, an i nuam lai
Kei mah bel te , kaa tel kho lo ( a poi ning cu)

Hi thawng theih ni, kan i lawm cio (Ram kip um mi)

Kawi Bik hrim nih, T.V( Tlangvaal) a hlonh
Tapung si lo, Patung si ai( Pu a si cang).

Kan u Pa Hlun, nung rih seh law

Ka ti ah hin, ka lung a hno
Nau hniang pardawh, tthit um ni ah

Ka saduh thah, hei chim ning law

hrin hniang nau dawh, hmuh kan i ngaih
Thiang mi tthit um, Thla kua hnu ah ( Pel lo te in)

U Hlun pa nih, a hmasa bik

A tu pa/ nu min, I sak ding ah
Tuan deuh ah mu, tuan deuh ah mu.

+++

U Hlun Kaan Ngai, Nihin Ni Cu

PPP [Thunder Bay]
April 15, 2006

Na nau hniang nih, pasal a neih

Kei ka nung naan, kaa tel kho lo
Na pum a thi, na min a nung
Vaan raang cung in, rak cuan hna law
Kei tu nih cun, biazai ka ttial.

9
Na far dawt pawl, an dam rih hih
Kan I lung hmuih, an pasal pawl
Na ke neh kha , an zulh peng ko
Ni hin ni cu, kaan hlam ruangmaang
Na hmaanthlaak tu, ka rak zoh hih

Hnar no ruh nih, a ka ttam tuk

Ka mit hnih in, ti an luang hih
Ka biang kaa hnawh, saan a tlai lo
An luang thluahmah, an luang thluahmah
Luang ko hna seh, luang ko hna seh

Kei ka farhniang, tthit um ni cu,

Voi hnih bak te, ka tel pi khawh
Na far hniang dawh, tthit um ni ah
Min chawng tu nang, na bau ai cang
Ka ti ah hin, kaa sum kho lo.

Mittha U Hlun, nang mah dinhnaak

Phaak kawh ah cun, Kaan chimh te lai
Na kan ttian taak, thil cang mi pawl
Khu le phak in, bia kaan ruah lai.

A mah bel te, naa dinhnaak hmun

Ka phaak lo sual, a si ah cun
Ka mang tal ah, rak lang tawn law
Kaa lung hmuih naak, a tam tuk mi
Kaan chimh khawh hnga, Na nau pa nih.

+++

10
Thaphnihnak Innka Chung Bia
Kevin Thang

Chimpit-vansan in
Ruahchannak ninem a ziam
Aanka nemte zong.

+++
Sentecai (Nge Chit Oo)
Kevin Thang

Dawtnak cu khuahnut a thiam lo

Khuahnumi cu ...,
Aa tlai ti lomi zapei pahnih
Aa veng ti lomi mitsir khuah hnih
Aa tongthiam lomi pumsa pahnih, tu an si.

Kan tonmi buarkai caan, lungkil ah

Chikkhat te cu tlang thlizil bang, thinlung ah
Ruahnak a hriah, thinlung a daam
Hraam riangmang in lungthin a duk!!!

Aa tlai peng ding ruahmi zapei pahnih,

Thlanrim hna he lam len caan kha.
Aa veng pengmi mitsir khuahhih,
Thlum riangmang in mang manh caan kha.
Aa tongthiam ding in haakmi pumsa pahnih,
Thluachuak ding in saduhthah caan kha ...

Hmasabik Duhdawtmi,
Hmanungbik tu rung si law...
Si ning law...
Khua kan hnu hnga lo.

11
+++

Duhnak Mihrut
Kevin Thang

Voi tam tuk kaa zuam cang

Na kiang in zaam ding leiba
Na ka duh lo theih ko bu i,
Caan nih a hnuh chihmi thintor thawng
Na aanka biathlum te
Na rim hmui te
Na nih thawng te
Na sining vialte funtom tikah
Duhdawtnak ah, ka thin a tawi,
Hruhnak sii hrai khat ka hau, chun-zan-manguktu.

+++

Zaan Hngak
Kevin Thang

Samthih tia thlatangpa

Cu cung ah,
Fidi
Van thian zaan ah,
Firuk rual
Hawile he an i thlai hna mu.

Hmai pumpi he thlatangpa

Cu tang ah,
Lamlen
Van thian zaan ah,

12
Van cuantu rual
Hawile he an tlongleng mu.

Minmei tian zaan thlatangpa

Cu toi ah,
Nunnak ngei pawl
Van a thian zaan ah,
Mit vialte tonnak, dinhhmun, an ser bang
Duhdawtnak cu piang ko in ka hmuh.
Kei vial...

+++

Sivangh tertu Thlapa Thlakhat

Kevin Thang

Thlalang-awng in a rung lutmi:

Zilthli,
Mitthli hmutu men na si hnga mu.

Christmas haw te a nam ziahmah cang,

Lai khuate i khua kan sak caan te kha ...
Bisakut bang ka silh ai maw?

Ruahchannak dongh cang hnu

Khuaruahnak thlalang-awng na hun ahcun
Mitthli,
Zilthli,
Biathli ...
Kingro ngai in ka thimmi innkhan ah
Lungkuainak le lilennak dah ti lo
Kha hlaan ningte khan ka chiah peng ko.

13
Thlalang-awng in a rung lutmi:
Zilthli,
Mitthli hmutu men na si cang mu.

+++

Sivangh Zaan (Sonnet 722)

Kevin Thang

Zaanthuk chungah,
Mitchinh loin mang ka man.
Kaancung herleng nih le
Pumchung uammi thlan daihter thiam hlah!
Thluak aa telmi lam in kan pial hlaan lo,
Duhdawtnak lam kan pamh men hnga ...
Maw fidi rual hna,
Nan sin ka phanhte tik zong ah
Ka al peng ko hnga mu
Cu ve bang, A al peng ve ko lai.
Tlaihchannak khau ka hrual hnu
Alnak a tlaihchanmi nangmah, keimah
Thaal khuadei a bawhmi ninu chungah
Kan al lawlaw ko lo?

+++

Lungmawng khua in kingro biazai

Kevin Thang

Kumkhua le samparnak
Ngaihnak
Caan;
An liam hnu cun,

14
Chawva le ngeihchiah
I dawhnak
Zeizong vialte san an tlai ti maw?
Dawtnak dah ti lo.

A caarmi thingkung toi

Zanlei lang-ak hna he
Dawtnak cabuai ah
Ngaihnak biazai chawl bang an ttil
Duhdawtnak thinlung innchung ah,
keneh a taantami; duhdawtmi
Buarkai caan hnawh nakding caah
Hmunphiah ka caw ri lo.

+++

Philh Ni Um Lo Nuthlum Dawtnak

Si Khia [Honolulu]
May 7, 2005

Leicung hmun nuam an ti, Hawaii tikulh,

Lileng in rili kam ungkung tang,
Pepsi tithlum ka din, chawkalet khai bu in,
Kan hlam tawn ee, Nuthlum aw.

Chuncha an hung zam tawn, Honolulu,

An cuang tha ko, Pathian kutzung dawh te,
Lungleng tuar in ka cuan, Sunghno Umnak ka ngai,
Apawi ka ti, lung zur in.

Pitza an ti, Itali rawl hna le,

Sushi Sandwich Hamburger an tling,
Semnak run inn tang i, aan buti sanghra thawr hna,

15
An tluk lo ee, ram nuam rawl nih.

Ka hung tlung cang, sunghno ka nu sin ah,

Cungzing Pathian rianttuan ding in,
Zaanghlei cawi in tuantti usih, unau hna,
Hmainor in kan ram ca’h.

Ka ngai ee, fing le tlang, chuahsemnak kan khua te kha,

Zingciciai in par dawh phun an tling ve ko,
Kan siang hrim lo, Liam tak lai cu maw ... NUTHLUM aw,
PHILH NI UM LO RAM NUAM IN.

+++

Hringtu Ka Nu
C. Van Lian Tu

An chim tawn kha hlan tuanphung

Nu chimh ngai lo zubui lam thlang tla
Zei thil nih iang chun kho hnga maw
Cerh ti bang put ka nu aanka bia

Zing in chun, zan khua dei tiang

Arpi nih a fale dawt runrual
A thladem toi ah hum hna maw
Ka himnak ka nu thlanhri hrual

Kha hlan an chim Chur tuanbia

Ho nih thlauh kho hna, Kawlrawn den kha
A nu ruah cun lungkhirh tuan maw
Hringtu nu zunthlum, nang kei ca

Pupa an thluk tuanphung bia

16
Nu lo fa le ti kang nga khi bang
Ti lo cun nga nung kho hnga maw
Kei ca nunnak ka nu hnuk hang

Khuapau chuak fiakfai va bang

Nitin ka hram, hi ram liral in
Hi nak sung deuh um ti hnga maw
Ka hlam zungzal, ‘ka nu’ tiin.

(Chur ti hi a cheu nihcun Tenglam an ti).

+++

Bantum sin Cakuat

(luatte in phanmi, zaihrang)
Kevin Thang

Pelep
Khuai
Anmah duhning cio in an rak i fuu,
Na thloh kho hna maw kha?
Duhdawtnak hi a sullam zei tluk thuk in dah na teh?
Ka'n duh tuk!
Faak tuk in ka'n duh!
Cu ruangah a faak!

Valdang taang i beek na duh si cun

Ka'n duh kho lo na ti si cun
Na zihmui rim a hnimtu;
Ka thinlung hi ... that ta hmasa.

Pablo Picasso bang zung phuntling tonh in

Duhdawtnak hlathlai ka thiam lo

17
Ka'n duh tuk!
Faak tuk in ka'n duh!
Cu ruangah a faak!

Ruahchannak he biazai phantu ka si lo

Mipil tiang thinfualmi zong ka si fawn lo
Duhthimnak a ngeimi nangmah kong ah
Lungthli in a buaimi, vansangpa men ka si.

+++

Innka kharnak Sonnet

Kevin Thang

A kik ngaimi ruahchannak

Mei bang a alhmi thinlung
Adam nih duhdawtnak hi a hmuh hmasabik an ti maw?
Ring-awn daihnak hmun
Zunceh pennak zaan lai,
Ziah, Thlataang cu kan bihzun lengmang hnga?
Thlakding mitthli an khal
Zaang ka zuun fom cu ta
Zuthol ah lungkuainak phuan fawi khun kaw,
Val dang ttang i bek zong fawi ai ing
Thianhnak hmun ah na hmanthlak an phanh tikah
Fianhnak bo ah biafiang kan nawl lai maw?
Duhdawtnak bia ngen cawk asi lo
Duhdawtmi bal ziam riangmang tawn hna mu.

+++

18
Hma
C. Van Lian tu

Bawhte.
A nu.
Nufa hna.
Chungkhar.

+++

HNIANG BIK LAI LIAN

By Salai Netshine

Cingram vate run rual nih,

Him in ram lungkua tangah,
I hngilh lo Laimi hna zan,
Ngaih zuunhla he tahhram caan.

Par phuntling le Lai nun dawh

An dolh, an hloh rongdang nih,
Tah thim cawntlak pipu nun,
Eng kho than seh laipar phun.

Tuan in au cang Victoria,

Um, thlah sawh hlah Lai nunzia,
A tuanmi cu i bawm u,
Nan lungrual seh tang ti u.

Caan ngang nolh hlah Laihritlai,

A sung nunphung, fek biazai,
Na pupa ro, ram veng tuah,
Give, tiah au cang lairam ca'h.

19
Lairam Lairam Lairam ah, Rammi hramthawng khuari bang,
A sung lawi cerlian ram ah, A sung ramzai tial hnin sang,
I zuam chin van lian thang seh, Miphun tuan cang ramngei bang.

Cung chin mang bawi van ni lian,

A tak ramkhelh sianghnuai rian,
An awr cuanh peng bual cung ah,
Hniang bik Lai lian lairam ah.

+++

Arfi Nawng Ah Na Thutiam Kha

Pu Zir Kung Shahu (Bawmram)

Rel cawk lo arfi nawng ah

Na thutiam te kha
Ka mit hen zansiar ka hawl
Ni zaan khawm
Tu zaan khawm
A kil kawi van dawngh tiang mit ting ri
Chim le hmar chuah-tlaak
A zei tak aw
Na thu tiam te a thup ko aw
Arfi rual e
Hawng ka ti hram hlah baak uh
A`n dawh nu thu a ka tiamh mi
A`n thiam nute thu a ka maak mi
Sign le za arfi rual siar sen lo u e
Nan hmu lo maw a thutiam te
Kha zei ah !
Zan siar nan ceu rual nawng ah
A thutiam te kei ka hawl

20
+++

Lai hlum hlum khat

Dawt Tha Hlei Par

Cung cih tang khat,

um nuam that
Hoi phun hngar lo,
ral tih lo
Kut za phar tonh,
tha zang khomh
Tlinh lo lung tlau,
phusa lum hlau
Mi bu hlum nuamh,
Lai nun thuamh.

Chuak sual mi tel,

chuap chap lung hngal
Tuai hmal theu maw,
nang tawn aw
Lai phun rual tun,
fim cawh hngal phun
Zei tiang thek thio,
pheu timh hmanh law
Lai tung fek mu,
hawi dawt phu.

Ho dah lai nun,

dirh kho hmun
Lai nu Lai pa,
naa ti ma kha
Um nak hmun run,
Lai hlum khat nun

21
Pathian Pa khat,
Lai mi phun khat
Khua khat Inn khat,
lung aa khat.

+++

C N F TLUANG ZA THANG
Dawt Tha Hlei Par( an ni ni )

A pa cu ee,
Lai duh pa, ro co fa, phun veng hnga,
Kam lo in, cawi san ning , hngar hlah tiin,
Ram ca mu, hriam tlai tu, lung puam pu.

A nu cu ee,
Mei hlum tu, sem mawng um, thin hnem mu,
Lai nu pei , lung thawng ngei, mui dawh tei,
Kuan tlaih thim, zaang hlei hnim, khua hngak khim.

Nang cu ee,
Tuang lung phah, Vam awng tah, Cih var hnah,
Puan lum aih, paw khim meih, tlinh lo zaih,
thi pum iang, phun ngei fiang, Tluang Za Thang.

[Bia ne: zaih = phun zai ;meih= meh (hang) thi = Lai thi pum]

+++

22
"Chin Biazai"
Salai Netshine

Lai ti ahcun, Minung i Lai,

Mi ti ahcun, Nunngei minung,
Laimi ti cun Laihritlai mibuu kan si.

Zo ti ahcun, Sangdeuh hmunhma,

Mi ti ahcun, Nunngei minung,
Zomi ti cun Sanghmun um mibuu kan si.

Mi ti ahcun, Nunngei minung,

Zo ti ahcun, Sangdeuh hmunhma,
Mizo ti cun Sanghmun um mibuu kan si.

Laimi Zomi, Mizo ti cu,

Kaan lei hoihbia, Minung tinak,
Cu minung buu, Vulei hmaiah,
Chin miphun tiah roca tluang kan thang si hih!

[Fianternak: A tanglei hi a cunglei biazai fianternak catial a

si.]

Biazai Sullam:

Lai timi cu minung hrin kan si lio i nu he kan pum aa tthen a hnu
bik kan chahmi hri tannak hmaneh a si. Mi timi cu Minung hi
chim duhmi cu a si. Cucaah Laimi kan ti tikah Laihri a tlaimi
miphun pakhat minung buu kha chim duhmi a si. Cu ruahnak he
kan pupa hna nih Lairam um mi minung vialte le an mah he

23
Laihri aa tlai mi poh kha Laimi an rak ti hna.

Zo timi cu a sandeuhnak hmun khi chim duhmi a si. Mi timi cu

Minung hi chim duhmi cu a si. Cucaah Zomi kan ti tikah a
sangdeuhnak hmun i a um mi miphun pakhat minung buu kha
chim duhmi a si. Hi ruahnak hi kan pupa tthenkhat cu Kawlrawn
nak in a sandeuhnak hmun ah a um mi an minung hoi kha chim
duh mi a si. Cucaah a sangdeuhnak hmunhma kha Zoram an ti i
cu hmun i a um mi an minung hoi kha Zomi an rak ti hna.

Mi timi cu Minung hi chim duhmi cu a si. Zo timi cu a sandeuhnak

hmun khi chim duhmi a si. Cucaah Mizo timi cu a sangdeuhnak
hmun i a um mi miphun pakhat minung buu kha chim duhmi a si.
Hi ruahnak hi kan pupa tthenkhat cu Kawlrawn India Vai rawn
hna nakin a sandeuhnak hmun ah a um mi an minung hoi kha
chim duh mi a si. Cucaah a sangdeuhnak hmunhma kha Zoram an
ti i cu hmun i a um mi an minung hoi kha Zomi an rak ti hna.

Laimi, Zomi, Mizo.. timi hna aa khahnak cu minung timi sullam

an ngei dih. Cu minung hna cu Laihritlai lawngte kan si tinak a
langhter mi le Tlangsang deuh um ttimi miphun pakhat kan si tinak
hna khi an si ko. Kan pupa hna nih anmah le hmuhnak hoih cio in
auh mi an rak si i aa khatmi kan si dih cu a fiang ngaingai. Chan
nih a kalpi lengmang i, cu miphun i a min cu Vulei cungah Chin
tiah roca a ttial cang i Pathian nih thluachuah pe in thangchin cang
ko seh.]

+++

[Nawlnak: A cunglei biazai pawl tiantlar tikah hmuhton

hmasami paoh hmai ah chiah an si. Hi chung i biazai pawl hi a
tial/phantu ta lawngte an si. Hi khawmhsuatmi chungah na biazai
telhpiak na duh/duh lo ahcun chim law, chiah/chuahpiak a si ko

24
lai. Cakuatnak: biazaipalai@hotmail.com Lunglawmhnak tampi
he … C. Van Lian Tu, May 2009]

25