Pamaba

Sinurat ni: Maria Angela R. Alvea

Idrinowing ni: John Leonard Cuizon
”Rona, buhat na dyan,” sugo ni Nanay.
”Sige na, Ne, asikaso kan higdaan ta
mapasyar kita ki lola mo sa may uma,” sabi
ni
Tatay.
Nagkurumong si Rona.
”Habo ko pong mag-iba. Natatakot po
akong magsakay sa satong pamaba.”

2
”Alagad, Rona, kaipuhan mong mag-
iba. Gusto ka daa mahiling ni lola mo,”
agda ni Nanay.
”Madya na ta magpamahaw na. Aban-
aban, tabangan mo akong pakarayon an
mga darahon ta.”
Napiritan na magbuhat si Rona.
”Nanay, hain po an satong mga
darahon?” ”Yaon sa lamisa.”

3
Tinabangan ni Rona si Nanay sa paglaag
kan mga darahon sa saindang lumang
basket na gibo sa nito.
Sarong sadit na kalderong maluto,
duwang asul na basong plastik,
tulong bilog na puting plato,
apat na darakulang tilapya,
saka limang mapupulang
kamatis.
”Agom, nakahanda na an satong
pamaba. Rona, madya na,” agda ni
Tatay.

4
Nagkukurutob-kutob an daghan ni Rona
pagsakay. Naisip ni Rona, pano kun
mahulog sya? Pano kun sa pagguyod kan
pamaba biglang matuwal ini dangan
makairarom sinda sa lunadan?
”Nanay, natatakot po ako.”
”Dai ka matakot. Bilangon mo na sana an
saimong mahihiling na mga bagay,” taram ni
Nanay sabay kapot sa saiyang kamot.

5
Marambong sagkod pano nin burak na may
nagraralayoglayog na alibangbang na may
manlainlain na kulor an saindang naagihan.
”Bilangon mo daw, Rona, kun pirang
alibangbang an saimong nahihiling?
”S-s-saro, d-d-duwa, t-t -tulo, a-a-apat, lima,
anom! May anom na alibangbang po
duman sa tinanom!” simbag ni Rona.

6
Biglang nag-untol an pamaba. Garung
biglang nahulog an puso ni Rona.
”Nanay,” takot na sambit nya.
”O, hilingon mo, Rona, may nagsasabsab na
mga baka, bilangon mo daw kun pira
sinda?” ”S-s-saro, d-d-duwa, t-t-tulo, apat,
lima, anom, pito! Pitong baka po gabos!”
Nagtatakig pa sya.

7
”Yaon na po kita
sa natad ni lola?” nakahangos nin hararom si
Rona.
”Dai pa, Ne.” sabi ni Tatay. ”An harong ni lola
mo, yaon pa sa may inutan.”
Liwat na nagguyod an pamaba. Biglang
nagbalik an hadit ni Rona.

8
”Rona, hilinga an mga pato. Bilangon mo
daw kun pira sinda,” sabi ni Nanay.
Binilang ni Rona an mga pato na taraytayan
saka paikid ikid na nagbalyo.
”S-saro, d-duwa, tulo, apat, lima, anum, pito,
walo! Nanay, walong pato po gabos!”

9
Nagpadagos sa pag-guyod an
pamaba . Nagdungog si Rona sa dalan
na saindang pig-agihan. Igwa nin mga
atol sa daga na luwayluway na
nagkakaramang.
”Pira an mga atol, Rona?”
”S-saro, duwa, tulo, apat, lima, anom, pito,
walo, siyam! Nanay, siyam po gabos,” an
sabi ni Rona.

10
Natanglay si Rona pagdungog kakabilang
kan mga atol kaya nagtingag sya. Sa langit,
may mga gamgam na nagraralayog.
Binilang nya an mga ini.
”Saro, duwa, tulo, apat, lima, anom, pito,
walo, siyam, sampulo! Sampulo na
gamgam an nasa taas na nagraralayog!”

11
”Hooo!” an makusog na sabi ni Tatay sa
damulag. Nagpundo an pamaba.
”Madya na. Magbaba na kita,” an sabi ni
Tatay ki Rona. ”Baka naghahanda na nin
tinolang manok an saimong Lola.”

12
This book was developed as part of ABC+: Advancing Basic Education in
the Philippines project. ABC+ is a partnership of USAID
and the Department of Education (DepEd), implemented by RTI
International together with The Asia Foundation, SIL LEAD, and
Florida State University.
The workshops and professional development, along with the editing
and design of this book were conducted with the support of Parasurat
Bikolnon.
The book was reviewed by the Department of Education - Region V for
quality assurance.
If you copy and distribute this work inits entirety, without making
changes to content or illustrations, please label the
work as follows: ”Reproduced on the basis of an original work
developed under the USAID ABC+: Advancing Basic Education
in the Philippines project and licensed under the Creative
Commons Attribution- NonCommercial 4. 0 International License.”
If you create a translation or adaptation of this work, please use
the following label on your work: ”Adapted from an original work
developed under the USAID ABC+: Advancing
Basic Education in the Philippines project and licensed under the
Creative Commons
Attribution-NonCommercial 4. 0 International Licenses.”

13
 Brought to you by

Let’s Read is an initiative of The Asia Foundation’s Books for Asia program
that fosters young readers in Asia and the Pacific. booksforasia.org
To read more books like this and get further information about this book,
visit letsreadasia.org

Original Story
Pamaba, Author: Maria Angela R. Alvea. Illustrator: John Leonard Cuizon.
Published by The Asia Foundation - Let’s Read, © The Asia Foundation - Let’s
Read. Released under CC BY-NC 4.0.

This work is a modified version of the original story. © The Asia

Foundation, 2020. Some rights reserved. Released under CC BY-NC 4.0.

For full terms of use and attribution,

http://creativecommons.org/licenses/by-nc/4.0/