konto@profit.mk | facebook.

com/kontoprofit
02 609 1551 | 070 22 11 65

Аванс и капар: нормативно

дефинирање, сметководствен
третман и импликации од аспект на
ЗДДВ
Содржина
Дефинирање на капарот и авансот ................................................................................................... 3
Сметководствен третман .................................................................................................................... 5
Од аспект на ДДВ................................................................................................................................. 6
Момент на настанување на даночен долг ................................................................................ 6
3.1.1. Документирање кај предвремените плаќања.................................................................. 7
3.1.2. Право на одбивка при давањето на аванс ........................................................................ 8
Примери ....................................................................................................................................... 8
3.2.1. Примен аванс за продажба на стан (прв промет) ............................................................ 8
3.2.2. Примен аванс и капар за извршување на услуги ........................................................... 16
3.2.3. Reverse charge (член 32-а) и авансни плаќања ............................................................... 19

2
 Авансот и капарот се вообичаено користени опции кои даваат
сигурност на страните во еден деловен однос и го намалуваат ризикот од
неисполнување на одредени договорни обврски кај инволвираните страни.

Но, многу е важно да се направи јасна дистинкција меѓу тремините и

нивната суштина, не само од нормативно – правен аспект туку и од аспект на
Законот за ДДВ, бидејќи едниот се врзува со момент на настанување на
даночен долг а другиот не произведува такво дејство.

Во продолжение ќе се осврнеме на оваа тема.

Дефинирање на капарот и авансот

Капарот е конкретно дефиниран во Законот за облигационите односи (ЗОО),
во член 71, 72 и 73, како еден вид на гаранција за склучување на договорот.

Така, согласно член 71 од ЗОО, ако во моментот на склучувањето на

договорот едната страна и дала на другата извесен паричен износ или извесно
количество на други заменливи предмети како знак дека договорот е склучен
(капар), договорот се смета склучен кога капарот е даден, ако не е договорено
нешто друго.

Понатаму, согласно член 72 од ЗОО, во случај на исполнување на

договорот капарот мора да се врати или да се засмета во исполнувањето на
обврската. Внимавајте, втората опција (засметување на капарот во исполнувањето
на обврската), од аспект на ЗДДВ ефективно го трансформира капарот во аванс,
така што кога се склучуваат вакви договори, доколку се цели на тоа суштината на
договорот да соодветствува со правната форма и истата да е усогласена и од
аспект на ЗОО и од аспект на ЗДДВ, треба да се користи првата опција (враќање на
капарот по завршување на договорот).

Ако не е договорено нешто друго, страната која дала капар не може да

се откаже од договорот оставајќи и го капарот на другата страна, ниту тоа
може да го стори другата страна со враќање на удвоен капар.

3
 Доколку дојде до неизвршување на договорот:

➢ Ако за неизвршувањето на договорот е одговорна страната која дала капар,

другата страна може, по свој избор, да бара извршување на договорот, ако
тоа уште е возможно и да бара надомест на штетата, а капарот да го засмета
во надоместот или да го врати или да се задоволи со примениот капар.
➢ Ако за неизвршувањето на договорот е одговорна страната која го примила
капарот, другата страна може, по свој избор, да бара извршување на
договорот ако тоа уште е возможно или да бара надомест на штетата и
враќање на капарот, или да бара враќање на удвоен капар.

Во секој случај кога другата страна бара извршување на договорот, таа има
право и на надомест на штетата што ја трпи поради задоцнувањето.

Во случај на делумно исполнување на обврската, доверителот не може да го

задржи капарот, туку може да бара исполнување на остатокот од обврската и
надомест на штетата поради задоцнувањето, или да бара надомест на штетата
поради нецелосното исполнување, но во двата случаи капарот се засметува во
надоместот.

Од друга страна, наједноставно би било авансот да се дефинира како

предвремено плаќање.

Предвременоста на плаќањето всушност е еден начин на финасирање на

активностите на едната договорна страна која пред исполнување на некои
договорни обврски преку авансот обезбедува намалување на ризикот дека другата
договорна страна по завршувањето на обврските кои се предмет на договорт нема
целосно да го избегне плаќањето.

Најчесто се применува во околности каде договорите имаат поголема

вредност, како на пример при градежни работи, подготовка и производство на
опрема или слични поголеми потфати, чие извршување трае долго и ангажира
многу ресурси врзува голем износ на финансиски средства.

4
 Авансот најчесто се исплаќа еднократно во договорно утврден рок, но
пред деловниот партнер што е примател на авансот да го почне да ги
извршува договорните обврски. Секако, двете страни може да се договорат и
на поинакви услови, на пример неколку авансни плаќања пред работите кои
се предмет на договорот да бидат целосно завршени и едно конечно (крајно)
плаќање по завршување на договорените обврски.

Сметководствен третман
Точка 19 од МСС 18, во поглавјето на стандардот во кое се зборува за
приходите од продажба на производи, јасно го дефинира признавањето на
предвреме примените плаќања како обврска за ентитетот кој истите ги примил.
Стандардот оваа дефиниција ја врзува со принципот на спротивставување на
приходите со расходи.

Имено, согласно стандардот, приходите и расходите кои се однесуваат на

иста трансакција или друг настан се признаваат истовремено. Oвој процес
вообичаено се нарекува спротивставување на приходите со расходите.
Расходите, вклучувајќи ги и гаранциите и другите трошоци кои ќе бидат направени
по испораката на производите вообичаено можат да се измерат веродостојно кога
останатите услови за признавање на приходот ќе бидат исполнети. Меѓутоа, не
може да се признае приход кога расходите не можат веродостојно да се
измерат. Во вакви околности надоместокот кој веќе бил примен за
продажбата на производите се признава како обврска.

Ефективно, при приемот на авансот нема предавање на производи, па

следствено не може да се мерат ни расходи па не се исполнети ни условите
за принзавање на приход.

Кога станува збор за услугите, согласно точката 26 од стандардот, кога

резултатот на трансакцијата која вклучува давање на услуги не може веродостојно
да се процени, приходот треба да се признае само до висината на признаените
расходи кои се надоместливи. Прогресивните плаќања и авансите примени од
корисниците често не ги одразуваат извршените услуги и направените

5
расходи за услугите. За практични цели, кога услугите се извршуваат преку
неопределлив број на дејствија во рамките на определен временски период,
приходот се признава на праволиниска основа во рамките на определениот
период, освен доколку постои доказ дека некоја друга метода подобро го
претставува степенот на довршеност. Кога даденото конкретно дејствие е многу
позначајно од сите други дејствија, признавањето на приходот се одложува
до извршувањето на значајното дејствие.

Согласно нашиот сметковен план, сметката која се користи при

примање на аванси е 222 – Обврски за примени аванси, депозити и кауции во
земјата, додека при давањето на авансот секако се користи сметка 122 –
Побарувања за дадени аванси, депозити и кауции во земјата.

Од аспект на ДДВ
Согласно член 2 од ЗДДВ, предмет на оданочување со данокот на додадена
вредност е прометот на добра и услуги кој се врши со надоместок во земјата од
страна на даночниот обврзник во рамките на неговата стопанска дејност и увозот
на добра.

Промет на добра во смисла на ЗДДВ, во основа претставува преносот на

правото на располагање со движен или недвижен материјален имот, додека промет
на услуги претставува секоја дејност која не е промет на добра. Член 3 и 6 од ЗДДВ
подетално дефинираат што претставува промет на добра и промет на услуги.

Момент на настанување на даночен долг

Согласно членот 31 од ЗДДВ, даночниот долг настанува вo моментот кога

е извршен прометот на доброто. Кога доброто се превезува или испраќа, се смета
моментот на започнување на превозот или на испраќањето.

Кога прометот вклучува монтирање или инсталирање, за момент на

настанување на даночниот долг се смета моментот кога соодветните работи се

6
завршени а во случај на давање на услуги вo моментот кога услугата е целосно
извршена.

Став (2) од истиот член потоа дополнува дека кога плаќањето е

извршено пред извршувањето на прометот, време на настанување на
даночниот долг е моментот кога е добиено плаќањето, во висина на данокот
за добиениот износ.

3.1.1. Документирање кај предвремените плаќања

Даночниот обврзник е должен на барање да издаде фактура за прометот

извршен спрема други даночни обврзници. Фактурата може да се издаде во
хартиена или електронска форма.

За фактура се смета секој документ кој го издава даночниот обврзник или

друго лице по негов налог за извршениот промет. Како фактура се смета и
пресметката, со која даночниот обврзник пресметува одреден оданочив промет
извршен спрема него од страна на друг даночен обврзник.

Кога е добиен надоместок само за делумно извршен промет, пред да биде

комплетиран прометот, даночниот обврзник издава одвоени фактури за секој
делумно извршен промет.

Согласно членот 53, став (4) од ЗДДВ, даночниот обврзник исто така
издава фактура за секое плаќање кое го добива однапред (аванс), пред да
биде извршен прометот.

Согласно став (8), член 53 од ЗДДВ, фактурата се издава на денот на кој

бил извршен прометот, a најдоцна во рок од пет работни дена, додека во
случај кога се добива надоместок пред да биде извршен прометот, фактурата
се издава во истиот ден кога авансното плаќање е добиено, а најдоцна во
рокот од став 8 на член 53.

Во однос на изгледат на самата фактура, таа мора да ги содржи

стандардните елементи согласно членот 53, став (10) од ЗДДВ.

7
 3.1.2. Право на одбивка при давањето на аванс

Правото на одбивка на претходниот ДДВ не е воопшто спорно доколку

се исполнети условите пропишани со членовите 33, 34, 34-а, 35, 36 и 37 од
ЗДДВ, доколку целиот процес е соодветно документиран согласно членовите
53, 53-а, 53-б, 53-в, 54, 55 и 56 и доколку се работи за аванс даден во контекст
на промет кој е за целите на дејноста на примателот.

Примери

3.2.1. Примен аванс за продажба на стан (прв промет)

Градежната фирма „Билдинг ДООЕЛ“ примила аванс од страна на

физичко лице по потпишан преддоговор за продажба на станбен простор.

Вкупната цена за станот со површина од 65 м2 ќе изнесува 4.000.000

денари, додека износот на примениот аванс е договорен во висина од
1.500.000 денари.

Потсетуваме дека согласно член 23, став (1) од ЗДДВ, ослободен но без
право на одбивка е прометот на станбени згради и станови, во оној дел, во кој
истите се користат за станбени цели, со исклучок на првиот промет, кој ќе се
изврши во период до пет години по изградбата.

Очигледно во нашиот пример се работи за прв промет па

ослободувањето не може да се примени.

Понатаму, доколку го разгледаме членот 30 од ЗДДВ, ќе заклучиме дека

во моментов, првиот промет на станбени згради и станови во оној дел во кој
истите се користат за станбени цели и кој ќе се изврши во рок до пет години
по изградбата се оданочува по повластена стапка од 5%.

Како градежната фирма ќе ги документира и евидентира трансакциите во

овој пример?

8
 Прво, по потпишување на преддоговорот и примањето на авансот
„Билдинг ДОО“ е должна да издаде авансна фактура.

Кога станот ќе биде довршен ќе се потпише конечен договор и ќе се

изврши доплата до вкупниот износ градежната фирма е должна да издаде и
конечна фактура на која јасно ќе се гледа вкупниот износ кој се однесува на
извршениот промет, претходно платениот износ (авансно примените
плаќања), износот кој останува за доплата, како и износот на ДДВ кој отпаѓа
на овие трансакции.

Предмет на евиденција посебно ќе претставуваат изводот од

трансакциската сметка по кој се констатира приемот на авансот, авансната
фактура и конечната фактура.

По примениот аванс (по извод од трансакциска сметка) евидентираме на

следниот начин:

Должи (+) Побарува (-)

1000/ 1.500.000 2220/ 1.500.000

Веднаш по приемот на авансот „Билдинг ДОО“ издава авансна фактура.

9
 БИЛДИНГ ДОО
Ул. „...“ бр. ..., Скопје, тел: 07Х ХХХ ХХХ
Жиро с-ка: ХХХ, ХХХ Банка
ЕДБ: МК4030...

До: Петко Петковски, ул...

Авансна фактура 1/20

Дата на ф-ра: 07.10...

Платено на: 07.10...

Р. Бр Опис на промет Е.М. Цена по Кол. Вкупно ДДВ 5%

Е.М.
1. Примен аванс по / 1.428.571 1 1.428.571 71.429
преддоговор... за стан...

По завршување на работите ќе издадеме конечна фактура на цел износ намален за авансот.

Основа 1.428.571 ден

ДДВ (5%) 71.429 ден
Вкупен износ 1.500.000 ден

После доспевање пресметуваме камата според законски прописи.

Во случај на спор надлежен е судот во Скопје.

Скопје, 07.10...
Овластено лице Примил Управител

_____________ ____________ ___________

10
 По издадената авансна фактура може да се пристапи кон евиденција на
даночниот долг:

Должи (+) Побарува (-)

2220/ - 71.429

2300/ 71.429

Обврската за ДДВ се искажува стандардно во поле 4 од ДДВ-04

пријавата, додека основата за прометот во случајот ја имаме евидентирано
на сметка 2220 од каде ќе црпиме податок за пополнување на поле 3 од ДДВ
пријавата за соодветниот даночен период.

По завршувањето на градбата се издава и конечна фактура.

11
 БИЛДИНГ ДОО
Ул. „...“ бр. ..., Скопје, тел: 07Х ХХХ ХХХ
Жиро с-ка: ХХХ, ХХХ Банка
ЕДБ: МК4030...

До: Петко Петковски, ул...

Фактура 109/20

Дата на ф-ра: 15.12...

Доспева на: 15.12...

Р. Бр Опис на промет Е.М. Цена по Кол. Вкупно ДДВ 5%

Е.М.
1. Стан на адреса... по / 3.809.524 1 3.809.524 190.476
договор...
2. Петходно примен аванс на / - 1.428.571 1 -1.428.571 -71.429
ден...

Вкупна вредност на фактуриран промет: 4.000.000 ден

Примен аванс: 1.500.000 ден
Вкупен износ за доплата по оваа фактура: 2.500.000 ден

Основа 2.380.953 ден

ДДВ (5%) 119.047 ден
Вкупен износ 2.500.000 ден

После доспевање пресметуваме камата според законски прописи.

Во случај на спор надлежен е судот во Скопје.

Скопје, 15.12...
Овластено лице Примил Управител

_____________ ____________ ___________

12
 По издадената конечна фактура може да се пристапи кон евиденција на
истата и раскнижување на авансот:

Должи (+) Побарува (-)

1200/ 4.000.000 7410/ 3.809.524

2300/ 190.476

2300/ - 71.429

2220/ 71.429

2220/ 1.500.000 1200/ 1.500.000

70Х/ ХХХ 6ХХ/ ХХХ

Претпоследниот ред се однесува на раскнижување на примениот аванс

и истиот може да се докнижи во самиот налог каде се евидентира изводот,
конечната фактура или во посебен налог за ажурирање на евиденцијата.

Последниот ред во книжењето се однесува на принципот на

спротивставување на приходите со расходи за кон веќе говоревме. Ние во
примерот не дадовме податок за набавната вредност / цената на чинење на
градбата за продадениот стан, но секако во пракса мора да се располага со
овој податок и истиот да се евидентира.

На крај секако се евидентира банковиот извод по кој е извршена доплата на

остатокот од вредноста на станот:

13
 Должи (+) Побарува (-)

1000/ 2.500.000 1200/ 2.500.000

Во продлжение даваме и преглед на состојбата во евиденцијата на

аналитичките сметки на „Билдинг ДОО“

Аналитичка картичка – сметка 2220

Должи (+) Побарува (-) Забелешка

1.500.000 Примен аванс (банков извод)

- 71.429 Сторнирање на ДДВ од примен аванс (авансна ф-ра)

71.429 Враќање на пресметан ДДВ (конечна ф-ра)

1.500.000 Раскнижување на аванс (банков извод)

1.500.000 1.500.000 САЛДО 0

14
 Аналитичка картичка – сметка 2300

Должи (+) Побарува (-) Забелешка

71.429 Пресметка на ДДВ долг по примен аванс (авансна ф-

ра)

190.476 Искажување на вкупно ДДВ (конечна ф-ра)

- 71.429 Сторно на пресметан ДДВ (конечна ф-ра)

190.476 САЛДО 190.476

Соодветната евиенција на авансот е особено важна кога авансот се

прима во различен даночен период во однос на моментот во кој се издава
конечната фактура (примениот аванс и испораката на доброто или
извршувањето на услугата се во различни даночни периоди).

Аналитичка картичка – сметка 1200

Должи (+) Побарува (-) Забелешка

4.000.000 Евиденција по издадена конечна ф-ра

2.500.000 Примена доплата (банков извод)

1.500.000 Раскнижување на аванс (банков извод)

4.000.000 4.000.000 САЛДО 0

15
 3.2.2. Примен аванс и капар за извршување на услуги

Од аспект на ЗДДВ е многу важно да ја направиме разликата меѓу капарот и

авансот. Во овој случај важи правилото „суштина над форма“.

Така, без разлика кој термин ќе го употребиме (капар, кауција, аванс итн.),
важно е да ја оцениме суштината позади трансакцијата.

Доколку станува збор за плаќање на дел од вкупно договорениот

надомест однапред (класичен аванс), тогаш момент на настанување на
даночниот долг е моментот во кој е примено плаќањето. Дури и во договорот
меѓу двете страни формално да се употребува терминот капар, доколку
истиот се плаќа однапред а не се враќа после завршувањето на договорот, во
суштина повторно станува збор за аванс.

Во даночно-правна смисла капарот е вид на гаранција, која откако

договорот ќе се исполни треба да биде вратен.

Договорено е „Мега Транс“ да изврши услуги поврзани со транспорт на

добра во земјата за „Делта Инг“.

Договорен е вкупен надомест за услугата од 400.000 денари + 18% ДДВ

= 472.000. Исто така, договорен е капар од 30.000 денари како гаранција за
склучување на договорот и осигурување на превозната услуга, но исто така и
аванс од 200.000 денари.

Договорот е склучен во моментот на примање на капарот (30.000

денари), на 20.1.2020.

Авансот (200.000) е даден на 15.4.2020. Договорот е целосно исполнет на

4.5.2020. Целата сума е платена на 5.5.2020 (по примена конечна ф-ра на која е
одделен претходно примениот аванс) а капарот е вратен на 7.5.2020.

Евиденцијата кај „Мега Транс“ е прикажана во продолжение:

16
 Должи (+) Побарува (-) Забелешка

1000/ 30.000 2225/ 30.000 Банков извод од 20.1, примен капар

како гаранција

1000/ 200.000 2220/ 200.000 Банков извод од 15.4, примен аванс

2220/ - 30.508
Евиденција по издадена авансна
фактура
2300/ 30.508

1200/ 472.000 7410/ 400.000

2300/ 72.000
Издадена конечна фактура
2300/ - 30.508

2220/ 30.508

1000/ 272.000 1200/ 272.000 Банков извод од 5.5, примена

доплата и раскнижување на
2220/ 200.000 1200/ 200.000 авансот

2250/ 30.000 1000/ 30.000 Вратен капар

17
 Кај „Делта Инг“ евиденцијата на настаните ќе се одвива на следниот начин:

Должи (+) Побарува (-) Забелешка

1225/ 30.000 1000/ 30.000 Банков извод од 20.1, даден капар

како гаранција

1220/ 200.000 1000/ 200.000 Банков извод од 15.4, даден аванс

1220/ - 30.508
Евиденција по примена авансна
фактура
1300/ 30.508

4100/ 400.000 2200/ 472.000

1300/ 72.000
Примена конечна фактура
1300/ - 30.508

1220/ 30.508

2200/ 272.000 1000/ 272.000 Банков извод од 5.5, извршена

доплата и раскнижување на
2200/ 200.000 1220/ 200.000 авансот

1000/ 30.000 1250/ 30.000 Вратен капар

18
 3.2.3. Reverse charge (член 32-а) и авансни плаќања

Интересна и секогаш актуелна е евиденцијата на настаните поврзани со

промет согласно членот 32-а од ЗДДВ, па затоа во продолжение ќе дадеме и
пример кој се однесува на авансите и овој вид на промет.

Градежната фирма „Билдинг ДОО“ врши земјани работи кои потпаѓаат

под режимот на членот 32-а за инвеститор „Гама-Инвест ДООЕЛ“.

Договорено е инвеститорот да плати аванс од 1.000.000 денари на 15.2

пред почетокот на градежните работи, додека вкупниот износ на договорот е
6.000.000 денари.

По завршување на договорените работи градежната фирма издава

конечна ф-ра на 15.8, додека истата е платена два дена подоцна.

По примениот аванс градежната фирма е обврзана да издаде авансна

фактура, а конечната фактура се издава по завршување на услугите.

Двете фактури се дадени во продолжение:

19
 БИЛДИНГ ДОО
Ул. „...“ бр. ..., Скопје, тел: 07Х ХХХ ХХХ
Жиро с-ка: ХХХ, ХХХ Банка
ЕДБ: МК4030...

До: Гама-Инвест ДООЕЛ, ул...,

ЕДБ: МК...

Авансна фактура 1/20

Дата на ф-ра: 15.2...

Платено на: 15.2...

Р. Бр Опис на промет Е.М. Цена по Кол. Вкупно ДДВ 18%

Е.М.
1. Примен аванс за земјани Усл 1.000.000 1 1.000.000 /
работи: ископување,
насипување, нивелирање и
градација на градежното
земјиште, по договор...

Основа 1.000.000 ден

ДДВ (18%)
Вкупен износ 1.000.000 ден
*** Пренесување на ДДВ обврска по член 32-а во износ од 180.000 денари.

После доспевање пресметуваме камата според законски прописи.

Во случај на спор надлежен е судот во Скопје.

Скопје, 15.2...
Овластено лице Примил Управител

_____________ ____________ ___________

20
 БИЛДИНГ ДОО
Ул. „...“ бр. ..., Скопје, тел: 07Х ХХХ ХХХ
Жиро с-ка: ХХХ, ХХХ Банка
ЕДБ: МК4030...

До: Гама-Инвест ДООЕЛ, ул...,

ЕДБ: МК...

Фактура 71/20

Дата на ф-ра: 15.8...

Доспева на: 15.8...

Р. Бр Опис на промет Е.М. Цена по Кол. Вкупно ДДВ 18%

Е.М.
1. Земјани работи: ископување, Усл 6.000.000 1 6.000.000 /
насипување, нивелирање и
градација на градежното
2. земјиште
Петходно примен аванс на / -1.000.000 1 -1.000.000 /
ден...

Вкупна вредност на фактуриран промет: 6.000.000 ден

Примен аванс: 1.000.000 ден
Вкупен износ за доплата по оваа фактура: 5.000.000 ден

Основа 5.000.000 ден

ДДВ (18%)
Вкупен износ 5.000.000 ден
*** Пренесување на ДДВ обврска по член 32-а во износ од 900.000 денари.

После доспевање пресметуваме камата според законски прописи.

Во случај на спор надлежен е судот во Скопје.

Скопје, 15.8...
Овластено лице Примил Управител

_____________ ____________ ___________

21
 Евиденцијата на овие настани кај „Билдинг ДОО“ е дадена во продолжение:

Должи (+) Побарува (-) Забелешка

1000/ 1.000.000 2220/ 100.000 Банков извод од 15.2, примен аванс

1980/ 1.000.000 2932/ 1.000.000 Издадена авансна фактура.

„Билдинг ДОО“ не смее да признае
приход бидејќи сеуште не е
извршена услугата и не се
направени трошоци за нејзино
извршување. Во примерот
издвојуваме посебна аналитичка
сметка (ПВР, сметка 2932) за да
можеме да го издвоиме овој промет
за евиденциски цели заради
евиденција во поле 8 од ДДВ-04

1200/ 6.000.000 741032/ 5.000.000 Издадена конечна ф-ра по

завршување на договорните услуги,
раскнижување на применит аванс и
741000/ 1.000.000
на авансната фактура. Приходите
се раздвоени на две аналитички
2220/ 1.000.000 1200/ 1.000.000 сметки зарадаи евиденциски цели
(делот од прометот кој беше
авансно наплатен е веќе прикажан
2932/ 1.000.000 1980/ 1.000.000 во претходни ДДВ-04 пријави, па
останува во поле 8 да се прикаже
само остатокот кој е евидентиран
преку сметка 741032

1000/ 5.000.000 1200/ 5.000.000 Банков извод од 17.8, примена

доплата

22
 Евиденцијата на овие настани кај „Гама Инвест ДООЕЛ“ е дадена во
продолжение:

Должи (+) Побарува (-) Забелешка

1220/ 1.000.000 1000/ 100.000 Банков извод од 15.2, даден аванс

1980/ 1.000.000 2930/ 1.000.000 Примена авансна фира. За цели на

евиденција на основата и данокот за поле
13, 14, 22 и 23 од ДДВ-04 ги земаме од
130032/ 180.000 230032/ 180.000 сметки 1980, 130032 и 230032

1980/ 5.000.000 2200/ 6.000.000

Примена конечна ф-ра по
завршување на договорните услуги,
2930/ 1.000.000 раскнижување на даден аванс и на
авансната фактура. Основата за
ДДВ за евиденциски цели ја
2200/ 1.000.000 1220/ 1.000.000
преземаме од сметка 1980 додека
ДДВ-то од 130032 и 230032. Вкупно
130032/ 900.000 230032/ 900.000 примениот промет на крај од сметка
1980 го алоцираме кон сметка 0160
(средства во подготовка)
0160/ 6.000.000 1980/ 6.000.000

2200/ 5.000.000 1000/ 5.000.000 Банков извод од 17.8, извршена

доплата

23
Подготвил:

М-р Благоја Грозданов

Скопје, декември 2020

24