 ie saboh bruek kreung

Bak udeung jeut keu laot raya

 Leumo bloh paya guda cot iku

Gob meucinta pue gata karu

 Bak sineuek capli padit na keueung

Bak si droe ureung paditna teuga

 Soe nyang kap capli nyan nyang keueung

Soe nyang meu mee nyan nyang madeung

 Meunyoe gasien meukuwien lam tapeh

Menyoe kaya mulia bak wareh

 Peucukoe ie peureugam angen

Peumeuen kawe tan mata

 Payah mantoeng talimeuh leuhop

Bace tanyoe drop kuah gob rasa

 Bak bue bek tajok bungong

Bak inong pegah rahsia

 Menyoe get pade hana padit tulo pajoh

Menyoe mangat hate hana padit aoh tuboh

 Peuleumah sayang lon bi sinaleh

Peuleumah gaseh lon bi sigunca

 Ta'zim keu guree teumee ijazah

Ta'zim keu nangbah teumee hareuta
Ta'zim keu Nabi teumee syafaat
Ta'zim keu Hadzarat teumee syeuruga

 Yoh di timu sapu pakat

Trok u barat laen keunira
 Bek tadong bak reuleueng reuloh
Oh ban teugantoh lam krueng rhot gata

 Bak ie raya bek tatheun ampeh

Bak ie tireh bek tatheun bubee
Bek tameungen ngen sipaleh
Hareuta abeh getanyoe malee

 Tajok umong jipeujeut keu padang

Tajok rumoh jipeujeut keu rangkang
Tajok inong jipeujeut keu jalang
Tajok kulam jipeujeut keu kubang

 Kameng gle nyang pajoh jagong

Kameng gampong keunong geulawa

 Teupat keu pangkai akai keu laba

Sulet keu pangkai kanjai keu laba

 Ureung meujeulih hantom kanjai

Ureung tawakai hantom binasa

 Teupat peurahoe meunyoe get keumudoe

Seujahtra nanggroe meu ade raja

 Keu meuh ngen perak hana meu harap

Su mangat yang kamoe mita

 Kreuh, ceukang, bantahan. Cilaka

Leumoh, leumbot, meunurot. Meubahgia

 Menyoetan peng lam jaroe

Seupot lam nanggroe peungeuh lam rimba

 Badan teumbon jinoe ka pijuet

Lon maguen lam pruet lawet ngon gata
 Mangat mangat ureung meumadu
Sigitu na na leupah haba

 Meunyo tajak bak rumoh rakon droe

Bungong jaroe beuna peue taba

 Meunyo get tapeulaku

Boh labu jeut keu asoe kaya
Meunyoe han get tapeulaku
Aneuk teungku jeuet keu beulaga

 Keupeu raja tan keurajeun

Keupeu bayeun meutan cintra
Keupeu peuraho meutan pawang
Keupeu kapai meutan panglima

 Beugot rakan peulara bayeun

Meukureung umpeuen jipoe lam rimba

 Udep dilakee bu
Mate dilakee kubu

 Lakoe ngen binoe

Lage aweuk ngon beulangong

 Pakri ban u meunan minyeuk

Paki ban ku meunan aneuk

 Pukat lheueh peuraho beukah

Seurapa nangbah hana bahgia

 Meunyoe hana canggung lam blang

Daruet canggang jeuet keu raja

 Keupeue guna meuligoe

Meunyo didalam hana cut putroe
 Keupeue guna ringget lam peutoe
Meunyoe tan tameubloe soe thee pihana

 Meunyoe kadijak creueh

Pane deuh guna langai

 Oh lheuh tapoh baroe tageusuek

Trep that sijuek hate ka luka

 Tameukawen ngen ureung meusoe

Bek meupaloe dudoe gata

 Tangui ban laku tuboh

Tapajoh ban laku atra

 Geutakot keu angkatan

Geuseugan keu pakaian

 Rancak bijak meunyoe na meueh

Beuhoe ceubeh ngen bala teuntra

 Ujub sum'ah riya teukabo

Sinan nyang le ureung binasa

 Sayang keu aneuk beu got tapapah

Sayang keu nangbah beu got ta jaga

 meunyoe ta benci syit le pu daleh

Menyoe ta gaseh salah pih beutoi

 Banja ube ji plueng

Bulueng ube ji teuka

 Bek tajuruet buloh beukah

Teusie jaroe teubit darah
 Bek tamuwayang ngon buya cabak
Gutanyou rusak hana pat bela

 Bek tapeurunoe bue meu ayon

Bek keumawe lam beulangong

 Sang sui beuneung wo bak ilang

Meutabu aneuk jiwoe bak nang

 Sideupa irang. Ube blang irot

 Si thon khueng si uroe ujeun

Kayee lam uteun ji lake do'a

 Panah han jiboh kawi

Pisang han jiboh sisi
Rimueng han jiboh kureng
Gajah han jiboh gadeng