MAHABANG BIONOTE

Si Engr. Adelberto L. Bernardo ay kilala bilang isang lisensyadong

inhinyero na ipinanganak sa Pandi, Bulacan noong ika-22 ng Setyembre,
1964 at may edad na 54 sa kasalukuyan, panganay sa limang
magkakapatid nina Alfredo Bernardo at Eliza Bernardo. Siya ay
nagtapos sa mataas na paaralan ng Holy Angels Academy taong 1981.
Pagkatapos ay kumuha ng kursong Bachelor of Science in Civil
Engineering sa Unibersidad ng Holy Angel at nagtapos noong Oktubre 18, 1986. At nakamtan
naman niya ang kanyang masteral degree sa America at nagkaroon ng pagkakataon upang
makapagtrabaho ng ilang taon doon. Habang nag-aaral ng kolehiyo ay tumira siya sa kanyang
tiya sa Angeles, Pampanga.

Naging maganda naman ang kanyang trabaho ngumit makalipas ang ilang taon ay umuwi
na sya sa Pilipinas at napagdesisyunan na tulungan na lamang ang kanyang magulang. Bago pa
man magkaroon ng sariling pamilya ay nakagawa na sya ng mga proyekto sa lungsod ng Manila.
Kasama niya sa pagbuo ng mga proyektong ito si Ar. Florante Trinidad.

Makalipas ang ilang taon siya ay nagpatakbo ng sariling negosyo na trading taong 2003
hanggang sa kasalukuyan kasabay ng paghinto sa pagtanggap ng mga proyekto. Ngunit dahil
propesyon niya ang pagdisenyo at pagbuo ng mga estraktura, tinanggap niya ang isang proyekto
na pabahay sa Tacloban City at tumanggap din ng ibang trabaho katulad na lamang ng pagiging
isang dealer ng gas.

Taong 2008 ay naimbitahan siya upang maging isang tagapagsalita sa San Roque
Elementary School upang magbigay mensahe sa mga magtatapos na estudyante. Marami na rin
ang naiambag niya sa lipunan. Ilang halimbawa ay ang mga sikat na gusali, iba’t ibang
pampublikong gusali katulad ng mga paaralan. Taong 2018 ay ipinagpatuloy na ulit niya ang
pagtanggap ng mga proyekto.